Morgunblaðið - 06.07.1995, Blaðsíða 21
MORGUNBLAÐIÐ
FIMMTUDAGUR 6. JÚLÍ1995 21
LISTIR
Ný óratóría eftir Þorstein Hauksson frumflutt í Skálholtskirkju um helgina
Stríðið um
mannssálina
Morgunblaðið, Selfossi.
„TÓNLEIKARNIR
hafa gengið mjög vel
og síðasta helgi var
mjög gleðileg og góður
andi í öllum hópnum.
Næsta helgi er mjög
spennandi og þá sér-
staklega fyrir frum-
flutning á verki Þor-
steins Haukssonar og
þá mun að auki hljóma
í fyrsta sinn á Sumar-
tónleikunum hér í
Skálholti verk eftir
Henry Pureell en nú
er minnst 300 ára ár-
tíðar hans,“ sagði
Amgeir Heiðar
Hauksson fram-
kvæmdastjóri Sumar-
tónleikanna í Skálholti. Hann sagði
að tónleikunum hefði verið vel tek-
ið og að þeir hefðu greinilega skap-
að sér ákveðinn sess. Aðsókn hefði
verið góð og það væri greinilegt
að þeir sem kæmu væru ánægðir
enda um fagra tónlist að ræða á
fögrum stað með góðum hljóm-
burði. „Það er ástæða til að hvetja
fólk til að koma í Skálholt um
næstu helgi og fylgjast með lista-
fólkinu," sagði Arngeir Heiðar.
300 ára ártíð Henry Purcells
Onnur tónleikahelgi Sumartón-
leikanna í Skálholti hefst með er-
indi Bjarka Sveinbjörnssonar
klukkan 14 í Skálholtsskóla um
tónsköpun Þorsteins Haukssonar.
Klukkustund síðar hefst flutningur
Bachsveitarinnar í Skálholti á
kammerverki eftir Henry Purcell
(1659-1695). Við flutning verksins
verður leikið á upp-
runaleg hljóðfæri
barokktímans eða
eftirlíkingar þeirra.
Bachsveitina skipa:
Einar Jónsson tromp-
et, Hildigunnur Hall-
dórsdóttir fiðla, Lilja
Hjaltadóttir fiðla, Rut
Ingólfsdóttir fiðla,
Sara Buckley lágf-
iðla, Sigurður Hall-
dórsson selló, Páll
Hannesson bassi, og
Helga Ingólfsdóttir
semball. í Skálholts-
skóla verður vegg-
spjaldasýning um ævi
og samtíð Henry
Purcells og skáldsins
John Drydens.
Henry Purcell fæddist við lok
púritanatímabilsins þegar upp-
gangstímar voru í Englandi í lista-
legu og efnahagslegu tilliti. Faðir
hans og föðurbróðir voru tónlist-
armenn og tónskáld við hirðina og
átta ára fékk hann inngöngu sem
kórdrengur við hinn virta tónlistar-
flokk konungs. 15 ára komst hann
að sem riemandi John Blows organ-
ista Westminster Abbey sem eftir-
lét honum organistastöðuna tvítug-
um til að standa ekki í vegi fyrir
frama hans. Purcell var þremur
árum síðar útnefndur einn af org-
anistum konunglegu kapellunnar
og árið 1685 fékk hann stöðu sem
hirðtónskáld konungs. Purcell var
afkastamikið tónskáld og viður-
kenndur af samtímamönnum sín-
um sem stórkostlegasta tónskáld
sem Englendingar hefðu eignast.
Amgeir Heiðar
Hauksson
Morgunblaðið/Sig. Jóns.
HLJÓMEYKI á æfingu undir stjórn Árna Harðarsonar.
Síðdegis á laugardag, klukkan
17, verður frumflutt óratórían
Psycomachia eftir Þorstein Hauks-
son. Flytjendur eru Marta Halldórs-
dóttir sópran, Söngflokkurinn Hljó-
meyki og Strengjasveit undir stjórn
Árna Harðarsonar. Strengjasveit-
ina skipa Auður Hafsteinsdóttir
fiðla, Dóra Björgvinsdóttir fiðla,
Hildigunnur Halldórsdóttir fíðla,
Sigurlaug Eðvaldsdóttir fíðla, Guð-
mundur Kristmundsson lágfiðla,
Bryndís Halla Gylfadóttir selló og
Borgar Magnason bassi. I Söng-
flokknum Hljómeyki eru: Sópran:
Áslaug Ólafsdóttir, Diljá Sigur-
sveinsdóttir, Hallveig Rúnarsdóttir,
Heiðrún Hákonardóttir og Hildi-
gunnur Rúnarsdóttir. Alt: Guðfinna
Dóra Ólafsdóttir, Guðrún Edda
Gunnarsdóttir, Hildigunnur Hall-
dórsdóttir og Sigurður Halldórsson.
Tenór: Guðmundur Kristmundsson,
Hafsteinn Ingvarsson, Skarphéð-
inn Hjartarson og Þorbjörn Rúnars-
son. Bassi: Gunnar Guðnason, Hall-
dór Vilhelmsson, Ingólfur Helgason
og Rúnar Einarsson.
Þorsteinn Hauksson tónskáld
lauk einleikaraprófi í píanóleik frá
Tóniistarskólanum í Reykjavík
1974. Hann sótti framhaldsnám í
tónsmíðum við Háskólann í Illinois
í Bandaríkjunum og lauk þaðan
mastersprófi 1977. Hann hefur lagt
sig eftir að semja raftónlist með
tölvutækni og hefur verið boðið að
starfa við rannsóknir og tónsmíðar
við ýmis hljóðver víðs vegar um
heim meðal annars við IRCAM
tölvutónlistarhljóðverin í París og
Stanford háskólann í Kaliforníu.
Þorsteinn kennir nú tónsmíðar og
fræðilegar greinar og raftónlist við
Tónlistarskólann í Reykjavík.
Messa með tónverkum
Oratórían Psychomachia eða
„Stríðið um mannssálina,“ byggir
á samnefndu verki fyrir sópranrödd
og selló sem Þorsteinn samdi 1987
við ljóð Prudentiusar (348-410
e.Kr). Ljóðið, sem er sungið á lat-
ínu, lýsir hildarleik góðra og illra
afla sem eru persónugerð með guð-
um en þó einkum gyðjum sem heyja
grimmar og blóðugar orrustur en
inn á milli eru ljóðrænir kaflar þar
sem allegórískur (táknfræðilegur)
kveðskapur Prudentiusar nær há-
marki í andlegri upphafningu.
Á sunnudag verður verk Þor-
steins flutt aftur klukkan 15.
Klukkan 17 er svo messa í Skál-
holtskirkju þar sem sr. Guðmundur
Oli Olafsson predikar og organisti
verður Glúmur Gylfason. Við mess-
una verða fluttir þættir út tónverk-
um helgarinnar.
í tónleikaskránni er þess getið
að ekki sé venja að klappa í Skál-
holtskirkju en bent á að gestir láti
gjarnan í ljós hrifningu sína með
því að rísa úr sætum í lok tónleik-
anna. Tónleikarnir vara eina
klukkustund í senn og eru áheyr-
endur_ beðnir að sitja alla tónleik-
ana. Áætlunarferðir eru á tónleik-
ana frá Umferðarmiðstöðinni í
Reykjavík klukkan 11.30 og til
baka frá Skálholti klukkan 18.
Hátíðarrit Sumartónleikanna, Sem
niður margra vatna, er komið út
og er selt við kirkjudyr og í skólan-
um á krónur 500. Aðgangur að
Sumartónleikunum í Skálholts-
kirkju er ókeypis.
Perlur í náttúru
Islands á ensku
MÁL og menning hefur sent frá sér
enska þýðingu bókarinnar Perlur í
náttúru íslands eftir Guðmund Pál
Ólafsson, Iceland the Enchanted. í
bókinni er íslensku landslagi lýst á í
máli og myndum.
í kynningu segir: „Bókin skiptist
í tvo hluta, fyrri hlutinn er yfirlit um
jarðsöguna og kenningar um hvernig'
ísland reis úr sæ, hvemig landslag
verður til, mótast og eyðist.
í síðari hlutanum er lýst um 70
stöðum á landinu, frá fjöru til tjalla.
Um staðina er ekki einungis fjallað
frá sjónarhorni náttúrufræði, heldur
líka í tengslum við sögu þjóðarinnar.
Skýringarmyndir, kort og ljós-
myndir koma töfrum landsins til skila
í þessari bók sem er einstök gjöf til
vina og viðskiptamanna_ erlendis.
Guðmundur Páll Ólafsson er
menntaður í Bandaríkjunum og Sví-
þjóð í náttúrufræði, ljósmyndun,
myndlist og köfun. Hann hefur víða
farið og unnið mörg störf til sjós og
lands á íslandi og er óbilandi hug-
sjóna- og baráttumaður fyrir skyn-
samlegri nýtingu á auðlindum lands-
ins.“
Bókina þýddi Bernard Scudder.
Bókin er 419 bls. og prentuð i Odda
hf. Verð: 14.850 kr.
Kaffileikhúsið
Veronika fer í sumarfrí
SÝNINGUM á spennuleikritinu Her-
bergi Veroniku, sem frumsýnt var í
Kaffileikhúsinu 25.-maí síðastliðinnj
fer nú fækkandi fyrir sumarfrí. I
kynningu segir að sýningin hafi hlot-
ið góðar viðtökur gagnrýnenda og að
uppselt hafi verið á flestar sýningar
hingað til.
Leikritið gerist í herbergi Veroniku
í gömlu húsi í Massachusetts í Banda-
ríkjunum. Óhugnanlegir atburðir úr
fortíð og nútíð fléttast saman og eng-
inn veit hvað verður fýrr en tjaldið
fellur. Sýningin er ekki við hæfi
bama.
Leikendur eru fjórir; Gunnlaugur
Helgason og Ragnhildur Rúriksdóttir,
sem bæði útskifuðust nýlega frá leik-
listarskóla í Los Angeles og tveir af
reyndustu leikurum þjóðarinnar, Rú-
rik Haraldsson og Þóra Friðriksdóttir.
Þýðandi er Ingunn Ásdísardóttir og
leikstjóri Þórunn Sigurðardóttir.
Næstu sýningar á Herbergi Ver-
oniku verða fimmtudaginn 6. júlí og
sunnudaginn 9. júlí.
Blab allra landsmanna!
HtargtntfrlfiMfe
- kjarni málsins!
Sianens í ddhúsið!
E3 Eldavélar
- sígildar gæöavélar.
EJ Örbylgjuofnar
- mikiö úrval og gott verð.
Gufugleypar
- í öll alvöru eldhús.
E3 Innbyggðir ofnar
- þeir gerast ekki betri.
E3 Helluborð
- treystu Siemens.
Mikið úrval af eldavélum, bakstursofnum,
helluborðum, gufugleypum og örbylgjuofnum.
Gæða-eldunartæki til að piyða eldhúsið þitt.
Þúáttþaðskilið.
Umboðsmenn okkar á landsbyggðinni eru:
Akranes: Rafþjónusta Sigurdórs Borgames: Glitnir Borgarfjörður. Rafstofan Hvítárskála Hellissandur:
Blómsturvellir • Grundarfjörður: Guðni Hallgrimsson Stykkishólmun Skipavík • Búðardalur: Ásubúð • isafjörður
Póllinn Hvammstangi: Skjanni Sauðárkrókur: Rafsjá • Siglufjörður: Torgið • Akureyri: Ljósgjafinn Húsavík:
Öryggi Þórshöfn: Norðurraf • Neskaupstaður: Rafalda Reyðarfjörður: Rafvélaverkst. Árna E. Egilsstaðir:
Sveinn Guðmundsson • Breiðdalsvik: Stefán N. Stefánsson • Höfn i Homafiröi: Kristall ■ Vestmannaeyjar. Tréverk
z Hvolsvöllur: Kaupfélag Rangæinga • Selfoss: Árvirkinn • Grindavík: Rafborg Garður: Raftækjav. Sig. Ingvarss.
3 Keflavlk: Ljósboginn • Hafnarfjörður: Rafbúð Skúla, Álfaskeiði
SMITH &
NORLAND
Nóatúni 4 • Sími 511 3000