Morgunblaðið - 08.07.1995, Blaðsíða 6
6 LAUGARDAGUR 8. JÚLÍ 1995
MORGUNBLAÐIÐ
FRÉTTIR
i
t
t
i
Barist á víkingahátíðinni í Hafnarfirði
Þijú þúsund
gestir hafa
heimsótt svæðið
Morgunblaðið/Gunnlaugur
JÓMSVÍKINGAR sýna bardagalist á Víkingahátíðinni. Atriði
þeirra hefur vakið mikla athygli viðstaddra, enda taka þeir
andstæðinga sína engum vettlingatökum.
MIKIL stemmning var á Vík-
ingahátíðinni í Hafnarfirði í
gær, enda var veður eins og
best verður á kosið.
Síðdegis í gær höfðu um 3
þúsund gestir heimsótt há-
tíðarsvæðið og að sögn Lilju
Hilmarsdóttur, starfsmanns
hátíðarinnar, hefur allt gengið
að óskum. „Um 500 erlendir
gestir eru á hátíðinni og þeir
eru yfirleitt mjög ánægðir með
viðtökumar og strax farnir að
spyqa hvemær næsta víkinga-
hátíð verður haldin. Það er
alveg ótrúlegt hvað útlending-
arnir em vel inni í íslendinga-
sögunum", sagði Lilja.
Dagskrá Víkingahátíðarinn-
ar í dag hefst kl. 9.00 í Víði-
staðaskóla, en þá flytja Mogens
Friis og Knud Albert Jepsen
fyrirlestur um tónlist á vík-
ingaöld. Lise G. Bertelsen mun
svo flytja fyrirlestur um list á
víkingaöld og síðari víkinga-
aldarstílinn í Skandinavíu og á
íslandi.
Víkingamarkaður verður
opinn frá kl. 10.00 til 18.00 á
Víðistaðatúni. Leikhópar koma
fram, keppt verður í bogfimi
og siglingu á víkingaskipum
og sýndir verða hestar og bar-
dagalist.
Gifting að
heiðnum sið
Kl. 14.30 verður keppt í
glímu í þremur þyngdarflokk-
um. Glímt verður á grasi, en
það hefur ekki verið tíðkað á
Islandi síðustu árin. Glímu-
Á VÍKINGAMARKAÐNUM
má finna margt forvitnilegra
hluta. Þessi víkingur býður
m.a. til sölu boga og örvar.
menn á annan tug em skráðir
til keppni og koma þeir frá'
íslandi og hinum Norðurlönd-
unum. Meðal keppenda verða
núverandi og fyrrverandi
glímukóngar íslands, Jóhann-
es Sveinbjörnsson og Orri
Björnsson, ásamt skjaldarhafa
Ármanns, Ingibergi Sigurðs-
syni.
Klukkan 17.30 verða hjón
gefin saman að heiðnum sið
og milli kl. 19.30 og 22.00 verð-
ur haldin giftingarveisla og
grillhátíð fyrir þátttakendur í
boði Hafnarfjarðarbæjar.
Halldór Ásgrímsson telur hlutverki
NATO í fyrrverandi Júgóslavíu ekki lokið
Jón Baldvin Hannibalsson um viðurkenn-
ingu íslands á sjálfstæði Króatíu og Slóveníu
Hugmynd um laus-
legt ríkjasamband
ekki fráleit
Pólitískur heiguls-
skapur og skammsýni
að bregðast ekki við
HALLDÓR Ásgrímsson utanríkis-
ráðherra telur ekki fráleitt að
stofnað verði lauslegt ríkjasam-
band í fyrrverandi Júgóslavíu líkt
og dr. Johan Galtung, prófessor í
friðarrannsóknum við Hawaii-
háskóla, lagði til í viðtali við Morg-
unblaðið á miðvikudag.
Hann viðurkennir að engin
lausn á stríðsástandinu virðist í
sjónmáli en fullyrðir að hlutverki
NATO og friðargæsiuliða Samein-
uðu þjóðanna sé ekki lokið í lönd-
um fyrrverandi Júgóslavíu.
NATO framkvæmir eingöngu
samþykktir SÞ
„Ég er ekki sammála Dr. Galtung
að Iíkja megi NATO við gamlan
mann sem ætti að draga sig út
úr Júgóslavíu með reisn,“ sagði
Halldór. „NATO hefur fyrst og
fremst verið að framkvæma sam-
þykktir SÞ. Vitanlega höfum við
orðið fyrir miklum vonbrigðum um
það hvernig mál hafa þróast á
Balkanskaganum en ég óttast að
ef NATO og friðargæslusveitir SÞ
hverfa á brott blossi upp enn meiri
átök.“
Aðspurður taldi ráðherra sig
ekki geta dæmt um það hvort
Vesturlönd hefðu gert rétt með
því að viðurkenna sjálfstæði Slóve-
níu, Króatíu og Bosníu-Herzego-
vínu með þeim hætti sem gert var
á sínum tíma. Hann kvaðst aftur
á móti dást að Slóvenum. Þeir
hefðu staðið sig vel, staðið á eigin
fótum og komist út úr átökunum
á Balkanskaga. Halldór sagði afar
erfitt að segja til um hvemig þró-
unin hefði orðið ef viðurkenningar
Vesturlanda hefði borið að með
öðrum hætti. „Sjálfsagt hefði það
getað haft margvísleg áhrif. Að
þau hefðu aðeins orðið jákvæð hef
ég miklar efasemdir um,“ sagði
hann.
„Það verður þó umfram allt að
viðurkenna að hið alþjóðlega sam-
félag getur ekki leyst öil vanda-
mál. Sá dagur kann að renna upp
að lítið verði hægt að gera annað
en að hverfa á braut. Ég nefni
Rúanda í þessu samhengi. Til
landsins var sent friðargæslulið
sem síðar gafst upp og hvarf á
brott. Alþjóðasamfélagið viður-
kenndi að það réði ekki við þau
vandamál sem þar ríktu,“ sagði
Halldór.
JÓN BALDVIN Hannibalsson, fyrr-
um utanríkisráðherra, kveðst enn
þeirrar skoðunar að ísland hafi gert
rétt í því að viðurkenna sjálfstæði
Króatíu og Slóveníu eftir að vopnuð
átök hófust í fyrrum Júgóslavíu.
Það hefði verið pólitískur heiguls-
skapur og skammsýni að bregðast
ekki við innrás júgóslavneska hersins
í Slóveniu.
Enginn þýskur þrýstingur
Hann vísar því á bug að íslending-
ar hafi einungis fylgt afstöðu Þjóð-
veija eins og norski prófessorinn Dr.
Johan Galtung lét liggja að í viðtali
við Morgunblaðið á miðvikudaginn
var. Þjóðveijar hafi hvorki beitt
þrýstingi né haft nokkur áhrif á
ákvörðun íslendinga. Þvert á móti
hafí ísland tekið ígrundaða ákvörðun
byggða á sömu rökum og þegar ís-
lendingar studdu Eystrasaltslöndin í
sjálfstæðisviðleitni þeirra.
„Á sínum tíma þegar ég sem utan-
ríkisráðherra hafði frumkvæði að því
að tala máli Eystrasaltsþjóðanna á
árunum 1988-90 sætti það yfírleitt
háðsyrðum frá kollegum mínum í
Skandinavíu. Þeim þótti fim mikil
að eyjaskeggjar hér norður í Ballar-
hafí vildu upp á dekk í slíkum alvöru-
málurn," sagði Jón Baldvin við Morg-
unblaðið.
Sambærilegur stuðningur
Jón Baldvin sagði stuðning ís-
lendinga hafa stuðst við rök og
hugsunin hafi verið þessi. „Eystra-
saltsþjóðirnar eru smáþjóðir sem
hætta er á að gieymist þegar atburð-
ir, s.s. hernám og innlimun Mið- og
Austur-Evrópu í Sovétríkin, eru
gerðir upp. Stórveldin gátu þá ekki
aðhafst. Þýskaland vegna samein-
ingarmála og Bandaríkin af ólíkum
ástæðum, m.a. til þess að halda
Rússum góðum útaf málum fyrir
botni Miðjarðarhafsins og í Persa-
flóastríðinu. Ég fuliyrði að það sem
við gerðum í Eystrasaltslöndunum
var yfirvegað, stóð yfir í langan tíma
og hafði áhrif.“
Jón Baldvin sagði sama máli hafa
gegnt um viðurkenningu á sjálf-
stæði Króatíu og Slóveníu. Þá hafi
það verið ríkjandi viðhorf Bandaríkj-
anna að halda Júgóslavíu saman.
„Júgóslavia var kommúnistariki sem
var haldið saman með yopnavaldi
stórserbneska alríkishersins og
leyniþjónustunnar. Sá málstaður
naut ekki minnar samúðar. Það var
engin leið að halda Júgóslavíu sam-
an. Það hefði verið æskilegt að
draga deiluaðila að samningaborð-
inu en þess var því miður enginn
kostur," sagði hann.
Þýfi fannst
í stolnum
bíl
TVEIR menn voru handteknir
í Reykjavík í gærmorgun eftir
að hafa yfírgefið stolinn bíl,
sem þeir voru á, og hlaupið
undan lögreglu.
Vaktmaður Iðnvoga til-
kynnti lögregiunni í Reykjavík
í gærmorgun að hann hefði
séð til ferða bíls sem tilkynnt-
ur hafði verið stolinn. Hann
veitti bílnum eftirför en er
mennirnir urðu hans varir á
Tunguvegi stöðvuðu þeir bílinn
og hlupu af vettvangi. Áður
hafði bílnum verið ekið utan í
öskutunnu og lítillega utan í
kyrrstæðan bíl.
Bíllinn fullur af þýfi
Þegar lögregla kom á vett-
vang kom í ljós að í bílnum
voru tvær tölvur, sjónvarps-
og útvarpstæki og hljómtækja-
samstæða. Mennirnir fundust
síðan skammt undan, annar í
felum undir tré í Fossvogi og
hinn í biðskýli SVR við Bú-
staðaveg þar sem hann þóttist
'vera að bíða eftir strætó ásamt
fleira fólki. Mennimir voru
handteknir og færðir í blóð-
sýnatöku og síðan í fanga-
geymslu.
Síðar í gærmorgun var til-
kynnt um að brotist hefði ver-
ið inn í Tækniskólann, Höfða-
bakka 97 og stolið þaðan ýms-
um tækjum. Lýsingin kom
heim og saman við það sem
fannst í bíl tvímenninganna
og telst það mál því upplýst.
Mennimir eru á fertugs- og
fímmtugsaldri.
Handtekinn
eftir innbrot
TVÍTUGUR maður var hand-
tekinn í Skipholti í fyrrinótt,
grunaður um að hafa brotið
þar rúðu.
Samkvæmt upplýsingum
lögreglu kom í ljós að bakdyr-
um hússins hafði verið sparkað
upp og stóðu þær opnar. Mað-
urinn neitaði að hafa komið
nærri rúðubroti en viðurkenndi
síðan hvort tveggja við yfir-
heyrslu. Honum hafði hins
vegar ekki unnist tími til að
athafna sig svo nokkru nam.
Var að lesa
undir stýri
LÖGREGLUNNI í Reykjavík
var snemma í gærmorgun til-
kynnt um ölvaðan ökumann á
Sogavegi sem hafði ekið utan
í grindverk.
Maðurinn, sem var staddur
fyrir utan heimili sitt, reyndi
ekki að koma sér af vett-
vangi, enda hafði drepist á
bifreiðinni við áreksturinn.
Hann sat undir stýri og las
bækling þegar lögreglumenn
komu að.
Maðurinn var færður í sýna-
töku.
Reiðhjól og’
bíU í árekstri
KONA var flutt á slysadeild í
gær eftir að hafa dottið af
reiðhjóli.
Konan lenti í árekstri við
bíl á Grensásvegi um hádegis-
leytið. Hún kvartaði undan
eymslum í baki og var flutt á
slysadeild. Reiðhjólið er ónýtt.