Morgunblaðið - 08.07.1995, Blaðsíða 11
MORGUNBLAÐIÐ
LAUGARDAGUR 8. JÚLÍ 1995 11
AKUREYRI
Ljósmyndir
á þjóð-
minjadegi
SUNNUDAGURINN 9. júlí er þjóð-
minjadagur. Þá mun Minjasafnið á
Akureyri standa fyrir sérstakri
kynningu á ljósmyndadeildinni, sem
starfrækt er við safnið.
I ljósmyndadeild Minjasafnsins
eru varðveitt stór söfn akureyrskra
ljósmyndara. Þar má nefna söfn
Hallgríms Einarssonar, Jóns og
Vigfúsar, Guðrúnar Funck Ras-
mussen og Guðmundar Tijámanns-
sonar. Þá hefur deildin fengið til
varðveislu ljósmyndasafn KEA,
myndasafn Heima er best og íslend-
ings og gamlar myndir úr safni
Dags.
Minjasafnið er opið á sunnudag-
inn klukkan 11-17, en sérstök kynn-
ing á ljósmyndadeildinni verður
klukkan 13-16.
Á sunnudag klukkan 13 verður far-
in gönguferð um Innbæinn á vegum
Minjasafnsins. Lagt verður af stað
frá Laxdalshúsi, gengið um gömlu
kaupstaðarlóðina, inn eftir Fjörunni
og endað við Minjasafnið.
Messur
Akureyrarprestakall
Messað verður í Kapellu
Akureyrarkirkju sunnudaginn
9. júlí klukkan 11.00. Altaris-
ganga.
Messað á Hjúkrunardeild-
inni 'Seli sunnudag klukkan
14.00.
Glerárkirkja
Messað verður í Glerár-
kirkju sunnudaginn 9. júlí
klukkan 14.00. Séra Bolli
Gústavsson vígslubiskup
flytur blessunarorð og þjónar
fyrir altari ásamt sóknar-
presti. Kirkjukaffi í Safnaðar-
sal að athöfn lokinni. Þetta
er fyrsta messa í Glerárkirkju
eftir endurbætur í kjölfar elds-
voða sem varð í kirkjubygg-
ingunni fyrir nokkru.
Hvítasunnukirkjan
Samkoma í umsjá ungs
fólks laugardaginn 8. júlí
klukkan 20.30.
Brauðbrotning sunnudag-
inn 9. júlí klukkan 11.00.
Vakningarsamkoma
sunnudagskvöld klukkan
20.00. Ræðumaður Vörður
L. Traustason.
Bænasamkoma föstudag
14. júlí klukkan 20.30.
Morgunblaðið/Rúnar Þór
LEIÐANGUR Svíanna á Vaðlaheiði í gær.
A hestbaki um
fjöll og dali
UM HÁDEGISBIL í gær lagði hóp-
ur manna af stað frá Akureyri í sex
daga ferð á hestum. Ferðin er farin
á vegum Víking-hesta í Litla-Garði
við Akureyri.
Erla Björg Guðmundsdóttir hefur
síðustu fjögur sumur verið með
hestaleigu í Litla-Garði ásamt Önnu
Guðnýju systur sinni og með þeim
er einnig Þórhallur bróðir þeirra,
11 ára, sem lá heima veikur er
Morgunblaðið bar að garði. Erla
sagði að ferðina austur færu 11
Svíar, sem sumir hefðu áður farið
hliðstæðar ferðir syðra, en í hópnum
væru einnig viðvaningar. Með hópn-
um fara alls 6 menn og hestar í
förinni eru á áttunda tug. Farið er
um Fnjóskadal, Bárðardal, Mý-
vatnssveit og Aðaldal og tvær kon-
ur sjá hópnum fyrir mat á áningar-
stöðum.
Kvöldferðir á bökkum
Eyjafjarðarár
Erla sagði að hestaleigan í Litla
Garði gengi þokkalega en það færi
mjög eftir veðri. Hún sagði meðal
nýjunga í rekstrinum að bjóða
starfshópum að fara stuttar kvöld-
ferðir á bökkum Eyjafjarðarár þeg-
ar vel viðraði, þá væri farið rólega
um, stoppað og nartað í nesti og
þetta væru mjög notalegar ferðir.
ÍBQ flo«0000011
Flauta og slagverk
Klukkan 20.30 á sunnudagskvöld
verða tónleikar í Listasafninu á
Akureyri. Þar koma fram Arna
Kristín Einarsdóttir flautuleikari og
Geir Rafnsson slagverksleikari og
flytja efnisskrá með verkum eftir
Niel DePonte, Alice Gomez, Claude
Debussy, André Jolivet og fleiri.
Þau Árna Kristín og Geir hafa
stundað nám og komið fram víða,
bæði heima og erlendis, en þau eru
um þessar mundir bæði við nám í
Royal Northern College of Music í
Manchester á Englandi.
Kvöldlokka
Klukkan 21.00 á mánudagskvöld
syngur Már Magnússon íslensk
þjóðlög og sönglög í Deiglunni á
Akureyri. Dagskrána nefnir hann
íslenska kvöldlokku.
Sýningar um helgina
Meðal sýninga sem opnar eru á
Akureyri um helgina má nefna
Sumar 95 í Myndlistaskólanum,
Skúlptúr Birgis Andréssonar í
Deiglunni, Raunverulega íslenska
hamingju eftir sama höfund í
Glugganum í Göngugötunni og
Sumarsýningu Listasafnsins á
Akureyri þar sem sýnd eru verk
Jóns Gunnars Árnasonar og Jan
Knap.
Fimmtíu ára afmæli Ólafsfjarðar
*
Forseti Islands
heimsækir bæinn
EINN af stóru dögunum í afmælis-
hátíð Ólafsfjarðarbæjar er í dag.
Forseti íslands, Vigdís Finnboga-
dóttir, verður sérstakur heiðurs-
gestur afmælisins.
Flugvél forsetans mun lenda á
ÓlafsfjarðarflugVelli klukkan 13.00
og klukkan 13.15 taka bæjarbúar
á móti forseta við Tjarnarborg.
Þorsteinn Ásgeirsson, forseti bæj-
arstjórnar, flytur ávarp og Vigdís
Finnbogadóttir forseti ávarpar há-
tíðargesti.
Hús aldraðra vígt
Klukkan 14.00 verður Vigdís for-
seti viðstödd vígslu Húss aldraðra
í Ólafsfirði og situr kaffisamsæti
með öldruðum Ólafsfirðingum. Að
því loknu mun Vigdís skoða sýning-
ar afmælishátíðarinnar.
Klukkan 18.00 hefst hátíðar-
kvöldverður bæjarstjórnar með for-
seta íslands á Hótel Ólafsfirði og
um kvöldið verður Vigdís Finnboga-
dóttir heðursgestur á frumsýningu
Leikfélags Ólafsfjarðar á annálnum
Horfðu glaður um öxl eftir Guð-
mund Ólafsson.
Forseti íslands heldur til baka !
frá Ólafsjarðarflugvelli upp úr
klukkan 22 í kvöld.
Jón Þorsteinsson syng-
ur í Svalbarðskirkju
JÓN Þorsteinsson óperusöngvari
hefur síðustu árin búið á Tröð á
Svalbarðsströnd og stundað
kennslu á Dalvík og í Olafsfirði auk
þess að kenna heima. Hann mun
nú með hausti flytja suður yfir heið-
ar og starfa þar.
Sunnudagskvöldið 9. júlí klukk-
an 21 mun Jón syngja einsöng við
kvöldmessu í Svalbarðskirkju við
undirleik Hjartar Steinbergssonar
organista. Kór kirkjunnar syngur
einnig í messunni. Prestur er séra
Pétur Þórarirtsson.
„Au pair“
óskast til U.S.A. (Connecticut) til að gæta tveggja barna, á aldrinum
1 og 4ra ára, frá ágúst 1995 til ágúst 1996.
Æskilegur aldur 19-20 ára.
Upplýsingar gefurÁsdís Elva í síma 001 203 625 3140.
BIFREIÐASJ ÓÐUR
AKUREYRAR
Fjölgun gjaldskyldra stæða
Frá og með mánudeginum 10. júlí verða eftirtalin stæði á
almennu bifreiðastæði austan Skipagötu gerð gjaldskyld og
komið þar fyrir stöðumælum.
a) 8 stæði í suðurlínu á móts við Kaupvangsstræti 4.
b) 10 stæði í norðurlínu á móts við Skipagötu 12.
Gjaldskrá verður hin sama og við aðra stöðumæla eða 10 kr.
fyrir hverjar byrjaðar 15 mín. og hámarksstöðutími 1 klst.
Jafnframt verður á hvorum þessara staða merkt eitt stæði
fyrir fatlaða. , „ ... ___
Akureyn, 6. juli 1995.
Bæjarverkfræðingurinn á Akureyri.