Morgunblaðið - 08.07.1995, Blaðsíða 16

16 LAUGARDAGUR 8. JÚLÍ 1995
MORGUNBLAÐIÐ
ÚRVERINU
FRÉTTIR: EVRÓPA
Mokveiði á Eldeyjarrækjunni
Guðfinnur KE fékk 100
tonn á hálfum mánuði
VEL fer á með Jacques Chirac, forseta Frakklands og Helmut
Kohl, kanzlara Þýzkalands, en þeir ætla til móts við Jozef Oleksy,
forsætisráðherra Póllands í haust. Pólveijar binda miklar vonir við
stuðning Kohls og Chiracs við inngöngu Póllands í ESB og NATO.
Leiðtogar Póllands, Þýzka-
lands og Frakklands hittast
• LEIÐTOGAR þriggja af
stærstu löndum Evrópu, Helmut
Kohl, kanzlari Þýzkalands, Joz-
ef Oleksy, forsætisráðherra Pól-
lands og Jacques Chirac, forseti
Frakklands, hafa ákveðið að
hittast í haust. Fundurinn er
hluti af áætlun um samvinnu
ríkjanna þriggja, sem kennd er
við borgina Weimar í Þyringja-
landi. Undir merkjum „Weimar-
þríhyrningsins" svokallaða hitt-
ast utanríkisráðherrar ríkjanna
árlega. Pólverjar líta á sam-
vinnuáætlunina sem kærkomið
tæki til að virkja Frakka með í
stuðningi við tilraunir Póllands
til að ganga í NATO og ESB.
• SUSANNA Agnelli, utan-
ríkisráðherra Ítalíu, hefur lýst
yfir stuðningi lands síns við
umsókn Kýpur um aðild að Evr-
ópusambandinu (ESB). Agnelli
er nú stödd í Nikosíu og á sem
fulltrúi ESB í opinberum við-
ræðum við utanríkisráðherra
Kýpur, Alecos Michaelides. Kýp-
ur lagði inn aðildarumsókn
1990. í marz sl. komu utanríkis-
ráðherrar ESB sér saman um
að hefja skyldi aðildarviðræður
við Kýpur hálfu ári eftir að
milliríkjaráðstefnunni 1996 lýk-
ur.
• FRAMKVÆMDASTJÓRN
ESB hefur stefnt frönsku ríkis-
stjórninni fyrir Evrópudómstól-
inn vegna brots á reglum um
viðskipti með jarðarber. í stefn-
unni segir að franska ríkis-
stjórnin hafi unnið sér það til
saka að hafa ekki tryggt fijálsa
verzlun með spænsk jarðarber
í Frakklandi. Þar með er Frakk-
land fyrsta ESB-landið sem
kemur fyrir dómstólinn í Lúx-
emborg fyrir brot á reglum um
hinn innri markað Evrópu.
Hurd lætur
ESB-andstæð-
inga heyra það
London. Reuter.
DOUGLAS Hurd lét af embætti
utanríkisráðherra Bretlands sl.
fimmtudag. Við það tækifæri hélt
hann ræðu, þar sem hann gagn-
rýndi harkalega andstöðu flokks-
systkina sinna við ESB, sem hefði
varpað Ijótum skugga á sex ára
langa ráðherratíð sína.
Hurd vék sæti fyrir Malcolm Rif-
kind er Major forsætisráðherra
stokkaði upp ríkisstjórn sína eftir
sigurinn í leiðtogakjörinu. Hann
sagði fréttamönnum, að Bretland
hefði gefið eftir meira af fullveldi
sínu til NATO en nokkur gæti ætl-
azt til að það seldi í hendur ESB.
Allt frá því Hurd tók við emb-
ætti árið 1989 var stjórnarflokkur-
inn klofinn í afstöðunni til mála eins
og Maastricht-sáttmálans og til-
lagna um sameiginlega evrópska
mynt. Andstæðingar meiri samruna
innan ESB á hægri væng íhalds-
flokksins hafa haldið því fram að
tilveru Bretlands sem sjálfstæðs
þjóðríkis sé ógnað af miðstýringar-
hneigð embættismanna í Brussel og
bandamanna þeirra í aðildarríkjum
ÉSB.
Meira afsal á fullveldi til
NATO en ESB
En Hurd sagði aðild að NATO,
sem hann álítur vera grundvallar-
atriði brezkrar utanríkisstefnu, þýða
að Bretland sé skuldbundið til að
senda bandamanni hernaðaraðstoð.
„Aðild okkar að NATO þýðir
meira afsal á fullveldi en nokkru
sinni hefur verið haft í hyggju að
veita til ESB. Ef' á eitthvert aðild-
arland NATO er ráðizt að morgni,
er Bretland komið í stríð eftir hádeg-
ið,“ sagði Hurd.
Hurd sagði Bretland alla tíð hafa
staðið lítið eitt utan við Evrópu þar
sem sjóndeildarhringur þess væri
víðari. „En við höfum alltaf verið
bundnir meginlandinu föstum bönd-
um, því hagsmunir okkar krefjast
þess. Þessar sérstöku aðstæður
verðum við að virða,“ sagði hann.
„Bretland á að hafa metnað til að
vera eitthvað meira en eins konar
Sviss undan ströndum Evrópu. Við
getum ekki með góðu móti snúið
baki við því meginlandi, þar sem
þriðjungur allra viðskipta í heimin-
um fer fram,“ sagði Hurd, beinandi
orðum sínum til flokksfélaganna.
Hurd hafði strax daginn eftir að
John Major lýsti eftir mótframboði
í formannskjör þann 22. júní sl. að
hann væri tilbúinn til að hætta ráð-
herradómi næst þegar Major gerði
breytingar á ríkisstjórn sinni. Hurd
situr áfram á þingi en hyggst ekki
bjóða sig fram í næstu kosningum,
sem áætlaðar eru í maímánuði
1997.
MIKIL og góð rækjuveiði hefur
verið á Eldeyjarsvæðinu í sumar.
Þrettán skipum voru veitt veiði-
leyfi á svæðinu- á þessu ári og
kvóti var bundinn við 1.000 tonn.
Sigurður Friðriksson, skipstjóri
á Guðfmni KE 19, 30 tonna bát
frá Keflavík, segir að veiðin hafi
verið mjög góð það sem af er sumri
en þeir hafi byrjað á rækjunni eft-
ir sjómannadaginn. „Við erum
mest í dagróðrum og höfum verið
að fá upp í 6-8 tonn af mjög góðri
rækju yfir sólarhringinn. Við erum
búnir að fá um 100 tonn af rækju
á rúmum hálfum mánuði en næstu
bátar á eftir okkur eru búnir að fá
í kringum 40-50 tonn. Það er nátt-
úrulega stórkostleg veiði á svona
bát og veiðin verður varla svona
mikil á stóru togurunum nema í
aflahrotum."
Gott verð á rækju í dag
Að sögn Sigurðar var kvótinn á
Eldeyjarsvæðinu 1.500 tonn í fyrra
og á hann alveg eins von á að
kvótinn verði hækkaður upp í það
í ár fyrst að svona vel gangi og
jafnvel að bætt verði við 3-400
tonnum.
Hann segir að rækjan sé sett á
Fiskmarkað Suðurnesja og verð á
rækju væri gott í dag og losaði
um eitthundrað krónur á kílóið.
Þeir hafi verið að selja rækjuna í
gegnum markaðinn á föstu verði
þannig að hún sé eiginlega seld
fyrirfram og hún fari meðal
annars á Bíldudal, Blönduós,
Sauðárkrók og fleiri staða á
landinu.
Sigurður segir að þeir séu orðn-
ir vanir góðri rækjuveiði á El-
deyjarsvæðinu og hafi til dæmis
fengið 280 tonn af rækju þar í
fyrrasumar.
„Það má samt segja að einokun-
arárunum hafi lokið hjá okkur um
áramótin. Þessar rækjuveiðar hafa
fram að þessu verið kallaðar inn-
íjarðarveiðar og við höfum þess
vegna verið skikkaðir til að selja
aflann hérna á Suðumesjunum, þá
á niðursettu verði. En það breytt-
ist nú um áramótin enda eru fisk-
markaðimir orðnir stefnumarkandi
í þessum málum, því nú er leikur
einn að flytja hráefnið langar vega-
lengdir,“ sagði Sigurður.
Hafbeitin
Heimtur í
meðallagi
HAFBEITARLAXINN gengur nú
af fullum krafti inn í stöðvamar
og eru heimtur í meðallagi en Veiði-
málastofnun hafði spáð því í vetur
að 499 tonn endurheimtist í ár.
Hafbeitarstöð Silfurlax hf. í
Hraunsfirði á Snæfellsnesi byijaði
að taka á móti laxi um miðjan júní-
mánuð og er það viku til tveimur
vikum seinna en venjulega.
Júlíus Birgir Kristinsson, fram-
kvæmdastjóri Silfurlax hf., sagði
að nú í byijun vertíðarinnar væri
búið að slátra um tiu þúsund löxum
en væntanlega væri eitthvað meira
komið inn en það komi ekki ljós
hve mikið það sé fyrr en slátrað
verði næst. Laxinn er í meðalllagi
stór að sögn Júlíusar en undanfarin
ár hefur meðalþyngd hafbeitarlax
verið að hækka. Meðalþyngd eins
árs laxs úr hafbeit árið 1993 var
2,53 kg en 2,85 kg árið 1994.
Meðalþyngd á tveggja ára laxi
hækkaði úr 5,9 kg árið 1993 í 6,2
kg árið 1994.
Júlíus sagði að 2,8 milljónum
seiða hafi verið sleppt í fyrra og
þessar heimtur séu innan þeirra
marka sem vænta mátti en enn
væri af snemmt að segja til um
hversu mikið heimtuhlutföllin yrðu
á eins og tveggja ára laxi því þau
breytist mjög hratt. Hann sagði að
eins væri verð mjög mismunandi
og alltaf erfitt að tala um tölur
svona snemma vertíðar.
Áætlað er að hafbeitarvertíðinni
verði að mestu lokið í lok ágúst.
-------♦ ----------
Eldur um
borð í Bergi
Vigfúsi GK
ELDUR kom upp í Bergi Vigfúsi
GK á dögunum en skipið er í eigu
Njáls hf. í Garði
Að sögn Ingibergs Þorgeirssonar,
hjá Njáli hf., kom eldurinn upp í
rafmagnstöflu skipsins og brann
hún til kaldra kola. Ekki urðu aðrar
verulegar skemmdir af völdum elds-
ins. Ingibergur segir að ekki hafi
verið teknar ákvarðanir með fram-
haldið en væntanlega þurfí að skipta
um allt rafmagn í skipinu þar sem
hitt var gamalt og úr sér gengið
og var á jafnstraumi en ekki rið-
straúmi eins og nú tíðkast. Það
gæti þýtt kostnað upp á 7-10 millj-
ónir. Bergur Vigfús var smíðaður
árið 1965.
ossvoflsstdðin h
ͻl$ntnsalai9i i Fossw^gl
Opið 8-19 & um helgar 9-17. Sími 564-1777
Lauf og litprúðir runnar.
Rósir, skógarplöntur og
margt blómstrandi.
Rosa 'George Will'
kr. 610
Tilboð
þessa
helgi: *
Sitkagreni
í pottum á
350 kr.
(áður 550).
Fagursyrena
kr. 620

1

ossvoffsstöðin hf
Ráðgjöf, þjónusta, leiðsögn
Fossvogsstöðin,
Fossvogsbletti 1, f. neðan Borgarspítala.
- kjarni málsins!