Morgunblaðið - 09.07.1995, Blaðsíða 20

20 SUNNUDAGUR 9. JÚLÍ1995
MORGUNBLAÐIÐ
KVIKMYNDIR/Sambíóin hafa tekið til sýninga myndina While You Were
Sleeping, Meðan þú svafst, eina vinsælustu mynd sumarsins í Bandaríkjunum.
í aðalhlutverkum eru Sandra Bullock, Bill Pullman og Peter Gallagher.
Ást og misskilningur
FJÖLSKYLDA unnustans tekur Lucy tveimur höndum.
AÐ vantar eitthvað í lífíð
hennar Lucy (Sandra
Bulloek). Hún á íbúð, kött og vini
sem kún kynntist í vinnunni sinni
í miðasölunni á jámbrautarstöð-
inni í Chicago en hún á enga fjöl-
skyldu og er alltaf að vinna á
stórhátíðum. Góðu fréttimar eru
þær að Lucy er orðin ástfangin
af ótrúlega myndarlegum manni
sem hún hittir á hveijum degi í
vinnunni. Slæmu fréttimar eru
að þau hafa aldrei hist. En það
breytist þegar hann er rændur á
lestarstöðinni og fellur á teinana
í veg fyrir aðvífandi lest. Lucy
bjargar lífí hans. Hún fer síðan á
spítalann að heimsækja hann og
þar er hún tekin í misgripum fyr-
ir unnustu hans. Draumaprinsinn
er meðvitundarlaus svo Lucy er
ekkert að bera af sér heiðurinn.
Þá kemur fjölskylda drauma-
prinsins til sögunnar og í ljós
kemur að hann heitir Peter Cal-
laghan (Peter Gallagher). Callag-
han-fjölskyldan er samheldin og
tekur Lucy tveimur höndum. Fað-
irinn Ox (Peter Boyle), amman
Elsie (Glynis Johns) og mamman
(Micole Mercurio) grípa þetta
tækifæri til að kynnast stúlkunni
sem þau halda að sé væntanleg
tengdadóttir og endumýja þannig
kynnin við líf lögfræðingsins, son-
ar þeirra, sem hefur fjarlægst ijöl-
skylduna undanfarin ár. Lucy er
strax boðið að taka þátt í jóla-
haldi íjölskyldunnar og hún lífgar
upp á líf „tengdafólksins".
Lucy er á báðum áttum hvort
hún eigi að færa sér þennan mis-
skilning í nyt en henni líður svo
vel í faðmi fjölskyldunnar að hún
lætur slag standa.
En bróðir Peters, Jack (Bill
Pullman), sér að ekki er allt sem
sýnist. Og eftir því sem Lucy heyr-
ir meira af manninum sem hún
hélt að væri fullkominn fara að
renna á hana tvær grímur um
hvort Herra fullkominn sé í raun
sá eini rétti.
Lucy á fullt í fangi með að
standast þá atlögu að gervi henn-
ar sem Jack gerir með stöðugum,
nærgöngulum spumingum en um
leið finnur hún að hún er að verða
yfír sig hrifín að bróður „kærast-
ans“ síns. Hlutimir hafa verið
nógu erfiðir og flóknir meðan
Peter hefur legið meðvitundarlaus
á sjúkrahúsi en hvað ætli gerist
þegar hann vaknar úr dáinu?
Meðan þú svafst er fyrsta
myndin þar sem Sandra Bullock
fer með aðalhlutverk, hún sem sló
í gegn í fyrrasumar sem strætóbíl-
stjórinn í myndinni Speed. Myndin
hefur verið meðal 10 mest sóttu
kvikmynda í Bandaríkjunum allt
frá því hún var frumsýnd fyrir
10 vikum, hefur tekið inn um
hálfan milljarð króna í aðgangs-
eyri og hefur sýnt og sannað að
það var rétt sem margir hugðu
þegar Sandra Bullock kom fram
á sjónarsviðið að þar færi efni í
kvikmyndastjörnu.
Myndin er byggð á frumsömdu
handriti félaganna Daniel G.
Sullivan og Frederic Lebow og er
fyrsta handrit þeirra sem fest er
á filmu. Leikstjóri myndarinnar
er Jon Turtletaub, sem síðast leik-
stýrði Cool Runnings, gaman-
myndinni um bobsleðaliðið frá
Jamaíku. Þar áður leikstýrði hann
myndinni 3 Ninjas. Rétt eins og
Meðan þú svafst voru fyrri mynd-
ir Turtietaubs báðar framleiddar
af Walt Disney kvikmyndaverinu.
Framleiðandi myndarinnar er
sjálfur Joe Roth, forstjóri Walt
Disney-kvikmyndasamsteypunnar.
Lykillinn að velgengni þessarar
myndar meðal bandarískra áhorf-
enda í sumar er þó fyrst og fremst
þökkuð leikurunum, einkum aðal-
leikurunum tveimur Sandra
Bullock og Bill Pullman, sem
bæði eru ungir leikarar á hraðri
uppleið og þykja hafa skapað eitt
eftirminnilegasta rómantíska par
hvíta tjaldsins hin síðari ár. Mynd-
in er afar mikilvæg fyrir feril
beggja, sýnir að Sandra Bullock
stóð undir væntingum, og veitti
Bill Pullman langþráð tækifæri
sem hann nýtti til hins ýtrasta til
þess að stíga út úr skugga auka-
hlutverkanna og leika þýðingar-
mikið hlutverk sem ráðið gat úr-
slitum um velgengni myndar.
Aðrir leikendur eru hvorki ný-
græðingar né aukvisar. Drauma-
prinsinn, Peter Gallaghan, hefur
undanfarin 15 ár vérið að festa
sig í sessi sem virtur leikari og
hefur m.a. undanfarin ár leikið í
myndum Robert Altmans, The
Player og Short Cuts og í mynd-
inni Mrs. Parker and the Vicious
Circle, sem enn á eftir að sýna
hérlendis.
í hlutverki Ox Gallaghan, föður
bræðranna sem koma tilfinninga-
lífí Lucy í uppnám, leikur Peter
Boyle, margreyndur leikari sem
ekki hefur farið mikið fyrir hin
síðari ár. Margir minnast hans
úr Taxi Driver og úr the Candid-
ate og einnig úr myndinni Joe,
þar sem hann fór með titilhlut-
verkið með glæsibrag. Allar þess-
ar myndir eru frá 8. áratugnum
en síðari ár hefur hann m.a. leik-
ið í Turk 182. Amman í fjölskyld-
unni er Glynis Johns sem er með-
al elstu kvikmyndastjama og lék
m.a. á sokkabandsárum sínum á
móti Douglas Fairbanks jr. og
Laurence Olivier. Sjálfsagt muna
flestir eftir henni úr Mary Popp-
ins. Síðari misseri hefur hún m.a.
leikið í Hostile Hostages og Rob
Roy.
Mömmu bræðranna, Micole
Mercurio, brá síðast fyrir í The
Client og fjórði stórleikarinn í
hópi aukaleikara er sjálfur Jack
Warden sem hefur verið kvik-
myndastjama í aukahlutverkum
allt frá fímmta áratugnum.
Smástimið
skín nú skært
SANDRA Bullock ásamt leikstjóranum
Joe Turtletaub.
SANDRA Bullock varð
fræg þegar hún lék á
móti Keanu Reeves og
Dennis Hopper í Speed í
fyrrasumar en þar áður
hafði henni um skeið
gengið allt í haginn á leik-
ferlinum, sem stefndi
hægum og öruggum skref-
um þangað sem hún hefur
nú náð; á tindinn. Misserin
áður hafði hún m.a. leikið
á móti Sylvester Stallone
og Wesley Snipes í Demol-
ition man og á móti Rob-
ert Duvall og Richard
Harris í Wrestling Emest
Hemingway.
Áður lék hún kærustuna
sem hvarf í The Vanishing
með Kiefer Sutherland og
Jeff Bridges og í myndun-
um Love Potion 9 og When
The Party’s Over. í mynd
Peters Bogdanovichs, The
Thing Called Love, lék
hún unga upprennandi
kántrý-söngkonu og flutti
þá eigið Iag.
Sandra er alin upp á
söngelsku heimili. Móðir
hennar er þýsk óperu-
söngkona og faðir hennar
bandarískur söngkennari.
Hún ólst upp í Þýskalandi
og fylgdi móður sinni milli
óperuhúsa. Mamma söng
vítt og breitt um Evrópu
í óperuhúsum og oftar en*
ekki voru Sandra og systir
hennar þá í statistahlut-
verkum eða í bamakórum
sem tóku þátt í uppfærsl-
unum.
Þegar Sandra, sem nú
er um þrítugt, var á tán-
ingsaldri fluttist fjölskyld-
an vestur um haf og til
Washington D.C. Sandra
settist í háskóla í Norður-
Karólínu og fór að læra
leiklist. Að námi loknu flutt-
ist hún til New York og
komast fljótt að með leik-
flokki off-Broadway. Ekki
leið á löngu áður en henni
fóru að berast tilboð um
að leika í sjónvarpsþáttum
og síðan í kvikmyndum.
Sandra Bullock býr nú
í Kaliforníu og heldur
heimili með systur sinni
eftir að upp úr sambandi
hennar og leikarans og
söngvarans Jasons Don-
ovan slitnaði. Hún hefur
undanfarið unnið við tök-
ur á myndinni Two If By
The Sea þar sem hún leik-
ur á móti Dennis Leary.
Kyrrstaðan rofin
MARGIR hafa talið að
ferill Bill Pullman
væri að komast í óþægi-
lega kyrrstöðu undan-
farin ár. Nú er séð fyrir
endann á því og leiðin
liggur upp á við. Með
leik sínum í Meðan þú
svafst hefur hann sannað
að hann er fær um að
leika rómantískt aðal-
hlutverk og næst er búist
við að hann slái í gegn í
aðalhlutverki í ævintýra-
mynd Steven Spielbergs
um Casper, vinalega
drauginn en sú mynd er
byggð á samnefndum
teiknimyndum.
Þeir sem sáu myndina
The Last Seduction, sem
færði Lindu Fiorentino
mikla athygli vestanhafs
í fyrra, minnast Bill Pull-
mans sem eiginmannsins
sem Linda, yfirgaf, sveik
og endaði á að myrða og
það voru einmitt hlut-
verk af því tagi sem
margir töldu hann vera
að festast í enda var það
líka hann sem Meg Ryan
sveik vegna Tom Hanks
í Sleepless in Seattle.
BILL Pullman.
Hann Iék í Wyatt Earp-
mynd Lawrence Kasd-
ans, en þar sáu hann fáir,
og þar áður var hann í
stóru aukahlutverki í
Malice og Sommersby.
Bill birtist fyrst á hvíta
tjaldinu árið 1986 í
myndinni Ruthless
People og síðan þá hefur
hann sýnt gott vald á fjöl-
breyttustu hlutverkum í
myndum á borð við
Spaceballs, A League of
Their Own, Singles og
The Favor.
Bill Pullman er fædd-
ur í New York fylki og
ætlaði upphaflega að
verða byggingatækni-
fræðingur. Hann sá sig
þó um hönd, skipti um
námsbraut í háskóla og
helgaði sig leiklistinni og
lauk framhaldsnámi í
leikhúsfræðum frá fylk-
isháskóla Massachusetts.
27 ára gamall fluttist
hanii til Montana og
gerðist þar háskólakenn-
ari og yfirmaður leik-
listadeildar fylkisháskól-
ans en staldraði aðeins
við í 2 ár áður en hann
fluttist til New York til
að gefa sig leiklistar-
gyðjunni á vald.
Þar lék hann í 4 ár
með smærri leikflokkum
áður en viðurkcnningin
lét loks hressilega á sér
kræla. Það var þegar
hann lék á móti Kathy
Bates í leikriti Sam Shep-
ard, The Curse of the
Starving Class. Það var
árið 1984 og árið eftir
fluttist Bill til vestur-
strandarinnar þar sem
hann var orðinn alvöru-
kvikmyndaleikari innan
árs.