Morgunblaðið - 12.07.1995, Qupperneq 1

BLAÐ ALLRA LANDSMANNA
1995
■ MIÐVIKUDAGUR 12. JÚLÍ
BLAÐ
Reynir áfram
með Haukana
REYNIR Kristjánsson, sem tók við þjálfun úrvals-
deildarliðs Hauka i körfuknattleik á síðasta keppnis-
tímabili, skrifaði í gærkvöldi undir samning um að
gegna starfinu áfram á komandi keppnistímabili.
Reynir tók við liðinu í byqun nóvember í fyrra
þegar Tékkinn Petar Jelic lét af störfum.
Allir þeir leikmenn sem voru með Haukum _sl.
vetur verða áfram í herbúðum félgsins og ívar Ás-
grímsson, fyrrum leikmaður liðsins, bætist við en
hann þjálfaði og lék með Akumesingum á síðasta
keppnistímabili. „Það er ekki búið að taka endanlega
ákvörðun hvort við verðum með útlending í liðinu í
vetur. Við ætluðum okkur ekki að gera það í fyrra,
en tókum þó einn um tíma [Mark Hadden] — enda
fengum við hann fyrir ekki neitt, en það gekk ekki
upp. Ef af því verður gerum við það að minnsta
kosti ekki nema að mjög vel athuguðu máli,“ sagði
Reynir í gærkvöldi.
KNATTSPYRNA
Þorvaldur til Birmingham?
MIKLAR líkur eru á að Þorvaldur Örlygsson, landsliðsmaður
í knattspyrnu, sem leikið hefur með Stoke City síðustu árin,
gangi til liðs við Birmingham City, sem vann sig upp í 1. deild
f Englandi ívor. Að sögn Þorvaldar vill Stoke fá 800.000 til
eina milljón punda fyrir hann, en svo gæti farið að þar til
gerð nefnd úrskurðaði um kaupverðið ef af yrði.
Birmingham er fornfrægt fé-
lag, en hefur ekki gengið vel
síðustu ár. Liðið vann sig hins
vegar upp úr 2. deild nú í vor og
síðan hefur Barry Fry, fram-
kvæmdastjóri liðsins, keypt
nokkra leikmenn.
„Eins og staðan er nú eru mikl-
ar líkur á að ég fari til Birming-
ham, en það er ekkert frágengið.
Ég hef ekki skrifað undir neitt,“
sagði Þorvaldur við Morgunblaðið
í gærkvöldi.
„Þetta er áhugavert — mjög
spennandi dæmi,“ sagði Þorvaldur
ennfremur. Hann kvaðst þegar
hafa rætt við forráðamenn
tveggja liða sem féllu úr úrvals-
deildinni í vor og tvö önnur 1.
deildarlið, en eftir að hafa rætt
við Birmingham væri samkeppnin
engin. Liðið væri greinilega lang
besti kosturinn af þeim sem til
greina kæmu. „Þetta er ríkasti
klúbburinn í 1. deild, það er langt
komið að byggja völlinn allan upp
[áhorfendastúkurnar] og metnað-
urinn er mikill. Birmingham er
með mesta áhorfendafjölda að
meðaltali á leikjum af öllum liðum
hér á Mið-Englandi, Aston Villa
og Nottingham Forest meðtalin.
Birmingham var með um 30.000
manns að meðaltali á leik í vetur,
þó svo liðið léki í 2. deild og það
er víst búið að selja nánast alla
ársmiðana fyrir næsta vetur,“
sagði Þorvaldur.
Hann fundaði með forráða-
mönnum Birmingham í fyrra-
kvöld, reyndar fram á nótt og á
tímabili leit allt út fyrir að hann
byijaði að æfa með liðinu í gær-
morgun en það gekk ekki eftir.
Hann átti hins vegar jafnvel von
á að gengið yrði frá málinu í dag.
Eyjólfur hjá
Sunderland
EYJÓLFUR Sverrisson, landsliðs-
maður í knattspyrnu, er nú
staddur í Englandi þar sem hann
æfir með 1. deildarliði Sunderland.
Hann verður hjá liðinu í vikutíma,
eða fram á fimmtudag, til að skoða
aðstæður og sýna sig og sanna og
eftir það mun koma í Ijós hvort hann
gerist leikmaður með enska liðinu.
Eyjólfur, sem er 25 ára, er samn-
ingsbundinn Stuttgart í Þýskalandi,
en eins og kunnugt er var hann lán-
aður til Besiktas sl. vetur og varð
tyrkneskur meistari með félaginu.
„Við buðum Eyjólfi að koma
hingað og æfa með okkur í viku til
að við gætum séð til hans,“ sagði
Peter Reid, framkvæmdastjóri hjá
Sunderland. „Við höfum ekki enn
rætt um kaupverðið við Stuttgart,
en við vitum að Eyjólfur er tilbúinn
að koma ef við höfum áhuga á að
kaupa hann,“ sagði framkvæmda-
stjórinn.
Eyjólfur sagði, er Morgunblaðið
náði í hann í gær, að enn væri ekk-
ert farið að ræða um það hvort hann
yrði hjá félaginu næstu leiktíð. „Ég
hef æft á fullu með liðinu í nokkra
dag, aðallega þrek og það er ágætt
til að halda sér í formi. Aðstæður
hjá liðinu eru ágætar en ég ætla að
skoða þessi mál vel og gefa mér
góðan tíma. Það eru einnig önnur
lið inni í myndinni hér á Bretlands-
eyjum,“ sagði Eyjólfur.
Hverja fá IA, FH og KR?
í DAG verður dregið í Evrópukeppninni í knattspymu. Raðað hefur verið
í nðla, þannig að ljóst er hvaða liðum þau íslensku geta mætt.
lA dregst gegn einhverru eftirtalinna liða í UEFA-keppninni: TPV
Tampere frá Finnlandi, Bangor City frá Wales, Shelbourne FC frá ír-
landi eða Avenir Beggen, Luxembourg.
FH spilar einnig i UEFA-keppninni og dregst á móti einhvetju eftirtal-
inna liða: MyPa-47 frá Finnlandi, Glenovan Norður írlandi, Inkaras-Grif-
as Litháen eða FC Flora Tallin Eistlandi.
Einnig var raðað í riðla í Evrópukeppni bikarhafa, þar sem KR-ingar
eru fulltrúar íslands. KR mætir einhveiju eftirtalinna félaga: Wrexham
(Wales), Derry (íriandi), Valletta (Möltu), Vaduz (Liechtenstein), Gre-
venmacher (Luxembourg), Ararad Erevan (Armeníu), Lantan (Eist-
landi), Oberlitz (Júgóslavíu), Linfield (Norður írlandi), Dynamo 93 Minsk
(Hvíta Rússlandi), Teuta (Albaníu), Zalgiris Vilnius (Litháen), Klakksvík
(Færeyjum), Sileks (Makedóníu) eða Baku (Azerbatsjan)
Morgunblaðið/Sverrir
Ólafur frábær en KR hafði það
KR-ingar komust í undanúrslit bikarkeppninnar í gærkvöldi eftir sigur á Þór á KR-velli. Markalaust var eftir
venjulegan leiktíma og ekki var heldur skorað í framlengingu. KR-ingar fengu ótal marktækifæri en Ólafur
Pétursson — sem hér handsamar knöttinn — varði oft frábærlega í Þórsmarkinu. Hér er það Mihajlo Bibercic
sem sækir að honum, en hann var einn þeirra sem skoraði fyrir KR í vítaspyrnukeppni. Þar fór Kristján Finn-
bogason, markvörður Vesturbæjarliðsins fremstur í flokki, varði tvær spyrnur Þórsara og KR sigraði 3:1.
■ Vörn Þórs / C3
KIMATTSPYRNA: FYRSTU MÖRK OG STIG HAUKA í 1. DEILD KVENNA / C2