Morgunblaðið - 13.07.1995, Blaðsíða 30

30 FIMMTUDAGUR 13. JÚLÍ 1995
MORGUNBLAÐIÐ
LISTIR
V;J' y
Morgunblaðið/Ámi Sæberg
GODOT er guð. Godot er dauð-
inn. Godot er gullvæg þögnin.
Godot er hið torskilda sjálf sem
við sífellt leitum að. Þetta eru
orð franska rithöfundarins
Alain Robbe-Grillet um leikrit
Samuels Becketts, Beðið eftir
Godot, og þau eiga ágætlega
við gjörning hins fjölþjóðlega
Beðið eftir
Godot í Rauðhólum
Pandóra-leikhóps í Rauðhólum var byggður á leikriti Bec-
á þriðjudagskvöldið sem m.a. ketts. Þar var beðið. Og hvað
erum við svo sem að gera ann-
að en að bíða? Bíða eftir guði,
dauðanum, þögninni, sjálfum
okkur. Bíðum - og leitum
kannski.
Fjölmargir gestir voru við-
staddir gjörninginn þessa sól-
björtu kvöldstund í Rauðhól-
um.
Sumartónleikar í Skálholtskirkju um helgina
Fiðluverk, orgelverk
og trúarleg tónlist
SUMARTÓNLEIK-
AR í Skálholti
standa nú sem hæst
og um helgina kenn-
ir sem endranær
ýmissa grasa.
Dagskráin á Iaug-
ardag hefst kl. 14,
en þá mun Greta
Guðnadóttir fiðlu-
leikari flytja erindi
með tóndæmum um
íslensk fiðluverk.
Klukkustund síð-
ar mun norski orgel-
leikarinn Ann Toril
Lindstad leika orgel-
verk eftir J.S. Bach
og kl. 17 verður flutt trúarleg
tónlist eftir Atla Heimi Sveins-
son. Ber þar hæst frumflutning
verks fyrir tvo sembala og tvö
orgel.
Á sunnudag verður trúarlega
tónlistin eftir Atla Heimi endur-
flutt áður en gengið verður til
messu. í henni verður meðal ann-
ars fluttur sálmur eftir Atla
Heimi sem ekki er á efnisskrá
tónleikanna. Þá mun Ann Toril
Lindstad leika á orgel Skálholts-
kirkju ásamt Hilmari Emi Agn-
arssyni orgelleikara kirkjunnar.
Þegar er búið að leggja drög
að dagskrá Sumar-
tónleikanna á næsta
ári, en þá verða Jón-
as Tómasson og
Hildigunnur Rúnars-
dóttir staðartónskáld
í Skálholti.
Næstu
staðartónskáld
Jónas Tómasson
hefur samið tugi tón-
verka fyrir einsöng
o g einleik, einnig
kammerverk, kór-
verk og hljómsveitar-
verk og hafa nokkur
þeirra verið gefin út
á hljóm- og geislaplötum. Verkið
sem Jónas mun leggja til á næsta
ári er fyrir söngraddir og barokk-
hljóðfæri.
Hildigunnur ‘ Rúnarsdóttir er
að sögn Helgu Ingólfsdóttur, list-
ræns stjómanda Sumartónleik-
anna, ungt og upprennandi tón-
skáld. Hún er félagi í sönghópn-
um Hljómeyki en á næsta ári
verða liðin tíu ár frá því sönghóp-
urinn tók fyrst þátt í Sumartón-
leikum í Skálholti. Helga gerir
fastlega ráð fyrir að verk Hildi-
gunnar verði skrifað fyrir Hljóm-
eyki.
Greta Guðnadóttir
Uthlutun fræði-
mannsíbúðar
ÚTHLUTUNARNEFND fræði-
mannsíbúðar samkvæmt reglum
um Hús Jóns Sigurðssonar í Kaup-
mannahöfn hefur lokið störfum og
úthlutað íbúðinni frá 1. september
1995 til 31. ágúst 1996. í úthlutun-
amefndinni eiga sæti Ólafur G.
Einarsson, forseti Alþingis, Ólafur
Egilsson, sendiherra Islands í Kaup-
mannahöfn og formaður stjórnar
Húss Jóns Sigurðssonar, og dr.
Jakob Yngvason prófessor, til-
nefndur af rektor Háskóla íslands.
Sex fræðimenn fá afnot af íbúð-
inni sem hér segir:
Dr. Már Jónsson sagnfræðingur,
til að kanna gögn um Árna Magnús-
son prófessor og handritasafnara,
september til nóvember 1995.
Hrafnhildur Schram listfræðing-
ur, vegna rannsóknar á skandínav-
ískum áhrifum á fyrstu kynslóð ís-
lenskra myndlistarmanna, desem-
ber 1995.
Páll Bjarnason arkitekt, vegna
rannsóknar á þróun íslenskrar
byggingarlistar, janúar 1996.
Sigfús Haukur Andrésson sagn-
fræðingur, til að rannsaka frekar
verslunarsögu íslands 1808 - 1855
(fríhöndlunina), febrúar til apríl
1996.
Hjördís Hákonardóttir lögfræð-
ingur til samanburðarrannsókna á
ritstíl og orðafari danskra og ís-
lenskra lögræðinga, maí til júní
1996.
Jón G. Friðjónsson málfræðingur
til að afla heimilda í orðasöfnum
Ámastofnunar um íslensk orðatil-
tæki úr biblíumáli, júlí til ágúst
1996.
Fræðimannsíbúðin í Kaup-
mannahöfn, tengd nafni Jóns Sig-
urðssonar, er í St. Paulsgade 70.
Fræðimaður hefur enn fremur
vinnustofu í Jónshúsi.
Frumraun á lágfiðlu
TÓNLIST
Listasafn Sigurjóns
Ólafssonar
KAMMERTÓNLEIKAR
Margrét Hjaltested á lágfiðlu, Edu-
vard Laurel á píanó og Ingveldur
Ýr Jónsdóttir mezzósópran fluttu
verk eftir J.S. Bach, Britten,
Brahms og Hindemith. Listasafni
Siguijóns Olafssonar, þriðjudaginn
ll.júlí, 1995
UNGUR lágfiðluleikari, Mar-
grét Hjaltested, sem nýlega hefur
lokið námi í Bandaríkjunum, hélt
sína fyrstu tónleika hér heima ,
eða „debúteraði“ eins það er nefnt
og hóf tónleikana á gambasónöt-
unni í G- dúr (BWV 1027) eftir
J.S. Bach. Nokkuð hefur upprun-
inn á gambasónötunum þremur
(BWV 1027-29) vafist fyrir sagn-
fræðingum og þó líklegt sé talið,
að meistarinn hafi samið þær í
Cöthen og þá væntanlega fyrir
Leopold prins, hafa þeir sæst á
að verkin séu samin á tímabilinu
1720 - 39, sem þýðir að verkin
gætu verið samin eða umrituð í
Leipzig. Fjögurra þátta skipan
verkanna minnir á eldri tónlist,
þar sem saman fer hægur þáttur
og hraður og á í raun að leika þá
samfellda, sem þýðir að hægi þátt-
uririn er hugsaður sen eins konar
inngangur og endar oftast á ófull-
komnu niðurlagi..
Það getur verið erfitt að dæma
frumraun hljóðfærleikara en leik-
ur Margrétar í Bach var ekki góð-
ur og þó hún sé dugandi lágfiðlu-
leikari, vantar hana ýmislegt í
tónmótunina, sem að öllu jöfnu
er aðalsmerki lágfiðlunnar. Þetta
var nokkuð áberandi í öðru verki
tónleikanna, Lachrymae, op. 48,
eftir Britten, tóndekursverki,, þar
sem lögð er áhersla á tónfegurð
lágfiðlunnar, þó ýmislegt væri þar
flutt af þokka.
Tveir söngvar eftir Brahms
voru næst á efnisskránni og þar
kom til sögunnar Ingveldur Yr
Jónsdóttir, mezzosópran, sem
söng vel þessi fallegu lög, sér-
staklega Geistliches Wiegenlied.
Tónleikunum lauk með lágfiðlu-
sónötu eftir Hindemith én hann,
ásamt Primerose, var talinn einn
besti lágfiðluleikari í heimi. Són-
atan er nr 4 í safni sjö lágfiðlu-
verka frá árinu 1922 og sérlega
skemmtilega gerð, svolítið
„hamrandi“, samkvæmt þeirri
tísku, að vinna gegn rómantískri
fagurslípun þeirri sem hafði ráðið
mestu í nokkra áratugLum og
eftir aldamótin 1900. í þessu
verki gat að heyra bestan leik
Margrétar og var samspil hennar
og Laurels mjög vel mótað. og
samvirkt.
Eins og fyrr segir er Margrét
Hjaltested dugandi lágfiðluleikari
en á, eftir því sem markað verður
af frumraun hennar á þessum tón-
leikum, samt margt ólært enn,
sem henni vonandi tekst að vinna
með tíma og æfingu. Eduard
Laurel er öruggur píanóleikari og
skilaði sínu vel.
Jón Ásgeirsson.
„Ljósár"
áMokka
GRAFÍKLISTAKONAN Krist-
ín Pálmadóttir opnar sýningu
á ætingum og áferðarþrykkj-
um (carborundum)í Mokka nú
á laugardag. Þetta er hennar
fyrsta einkasýning, en hún
hefur áður tekið þátt í nokkr-
um samsýningum, nú seinast
í „Stefnumót listar og trúar“
sem haldin var í Hafnarborg
í júní síðastliðnum.
Dr. Gunnar Kristjánsson frá
Reynivöllum fjallar um mynd-
list Kristínar í sýningarskrá
og segir þar meðal annars:
-„Myndirnar kalla ekki til sín
með sterkum litum eða form-
um né heldur með áberandi
myndefni. En við nánari skoð-
un lýkst upp fyrir áhorfandan-
um að verkin búa yfir dýpt
þar sem mikil átök eiga sér
stað.“
Sýningin stendur til 30. júlí.
„Undarlegt
ferðalag“
í Úmbru
í GÆR opnaði Philippe Patay
ljósmyndasýningu í Gallerí
Úmbru og ber sýningin nafnið
„Undarlegt ferðalag".
Philippe er fransk-ung-
verskur að uppruna en tók sér
íslenskan rikigborgararétt og
heitir nú Filippus Pétursson. Á
áttunda áratugnum stundaði
Philippe nám í ljósmyndun hjá
Denis Brihat og vakti athygli
á alþjóðlegri ljósmyndasýn-
ingu í Arles í Suður-Frakk-
landi fyrir svart/hvítar ljós-
myndir.
Hann hefur aldrei sagt skil-
ið við ljósmyndun og myndir
hans hafa birst í erlendum
tímaritum. Hann gaf út ljós-
myndabók um ísland 1981 og
hyggst setja aðra saman á
næstunni, segir í kynningu.
Guðnií
Greip
SÝNINGU Guðna Harðarson-
ar í Gallerí Greip lýkur mið-
vikudaginn 19. júlí. Á sýning-
unni sem ber yfirskriftina
„Dægurflugur" eru níu akríl-
myndir um dægurtónlist eftir
vaxandi eða stórar stjörnur,
t.d. Sheryl Crow, Madonna,
Rolling Stones, John Lennon
o.fl.
Guðni er búsettur í Austur-
ríki og er sjálfmenntaður í
myndlist. Umhverfismál var
efni flestra verkanna sem sýnd
voru á fyrri sýningum, en sýn-
ingin í Gallerí Greip er sú
fyrsta þar sem ný myndaröð
um dægurtónlist er sýnd.
Sýningin er opin alla daga
nema mánudaga kl. 14-18.
Diddú o g
Jónas á
mánudag
TÓNLEIKUM Sigrúnar
Hjálmtýsdóttur sópran og Jón-
asar Ingimundarsonar píanó-
leikara sem vera áttu í Lista-
safni Islands í kvöld hefur ver-
ið frestað til mánudagskvölds-
ins 17. júlí. Jafnframt hefur
tónleikum listamannanna sem
fyrirhugaðir voru í Stykkis-
hólmskirkju annað kvöld verið
frestað um óákveðinn tíma.