Morgunblaðið - 13.07.1995, Blaðsíða 4

4 B FIMMTUDAGUR 13. JÚLÍ 1995
MORGUNBLAÐIÐ
VIÐSKIPTI
Saga Film á leið inn á auglýsingamarkaðinn í Þýskalandi
Bijótast út úr viðjum
heimamarkaðar
Saga Film er um þessar mundir að ganga
frá samningi við þýskt fyrírtæki um fram-
leiðslu á auglýsingum fyrir Þýskalandsmark-
að en samningurinn getur þýtt töluverða
aukningu í tekjum fyrirtækisins ef vel tekst
tiL Þorsteinn Víglundsson ræddi við Pétur
H. Bjamason af þessu tilefni.
MARKAÐURINN fyrir auglýsing-
ar hér heima verður sjálfsagt seint
talinn stór á alþjóðlegan mæli-
kvarða. Verkefni þau sem íslenskar
auglýsingastofur og kvikmynda-
fyrirtæki fást við eru þvi flest ef
ekki öll mjög lítil á alþjóðlegan
mælikvarða. Það breytir því hins
vegar ekki að hér eru framleiddar
vandaðar auglýsingar. Sú virðist
alla vega vera raunin hjá Saga
Film sem um þessar mundir er að
brjótast út úr viðjum heimamark-
aðarins og stefnir að framleiðslu
auglýsinga fyrir stórfyrirtæki á
Þýskalandsmarkaði.
Saga Film hefur áður tekið þátt
í framleiðslu á auglýsingum fyrir
erlendan markað en hingað til hef-
ur fyrirtækið yfirleitt verið undir-
verktaki við framleiðslu þessara
auglýsinga. Nú er fyrirtækið hins
vegar að feta sín fyrstu spor á
erlendum markaði sem aðalfram-
leiðandi auglýsinga.
Risavaxinn markaður
Að sögn Péturs H. Bjarnasonar
er hér um mjög stórt skref að
ræða fyrir fyrirtækið enda tölu-
verðir fjármunir í húfi ef vel tekst
til. „Þetta er allt annar markaður
sem við erum að tala um hér. Við
erum vanir að framleiða auglýsing-
ar sem kosta frá um 400 þús. krón-
ur og upp í 3-4 milljónir og er
mest um auglýsingar í ódýrari
kantinum. Á Þýskalandsmarkaði
er hins vegar verið að tala um 30
sekúndna auglýsingar sem geta
kostað allt frá 5 milljónum og upp
í einhverja tugi milljóna króna í
framleiðslu. Þetta þykja ekki háar
upphæðir úti en hér á landi þekk-
ist það ekki að slíkum upphæðum
sé varið í gerð innlendra sjónvarps-
auglýsinga.“
Pétur segir lágan framleiðslu-
kostnað hafa verið einn af þeim
þáttum sem vöktu athygli erlendra
aðila á Saga Film. „Það hafði
spurst út að við hefðum verið að
vinna á erlendum markaði og
hversu ódýrar en engu að síður
góðar auglýsingar við vorum að
framleiða. Því vorum við beðnir um
• að gera tilboð í auglýsingar fyrir
erlent fyrirtæki. I framhaldinu
gerðist það að aðilar í Þýskalandi
fengu áhuga á Saga Film sem
hugsanlegum aðila til að framleiða
sjónvarpsauglýsingar fyrir Þýska-
landsmarkað. Þeir óskuðu eftir við-
ræðum við okkur sem leiddu til
þess að nú liggur á borðinu upp-
kast að samningi við þá til eins árs
til að byija með og tekur hann
væntanlega gildi 1. ágúst á þessu
ári-“ Að sögn Péturs er þetta
reynslusamningur sem verður end-
urnýjaður 31. júlí 1996 ef vel tekst
til.
Að mestu unnið hér á landi
Pétur segir stefnuna vera að
framleiða þessar auglýsingar hér
heima að eins miklu leyti og unnt
sé. „Aðalmarkmiðið er að fram-
leiða auglýsingar fyrir Þýska-
landsmarkað hér heima. Það getur
hins vegar alltaf þróast þannig að
við verðum að framleiða einhvern
hluta þeirra annars staðar. En
markmiðið er að framleiða auglýs-
ingarnar hér og nýta íslenska
kvikmyndagerðarmenn og fólk
sem hefur þekkingu á þessu fagi
til þess að vinna við verkefnin hér
á landi.“ Pétur segir hins vegar
að búast megi við því að í fyrstu
þurfi fyrirtækið að fá til liðs við
sig erlenda leikstjóra en stefnt sé
að því að koma íslenskum leik-
stjórum á framfæri.
Hér á landi er engin framköll-
unaraðstaða fyrir 16mm og 35mm
filmur og olli það samstarfsaðilun-
um nokkrum áhyggjum að sögn
Péturs. „Við bentum þeim hins
vegar á það að menn væru að
fara frá Þýskalandi og Skandin-
avíu til London til að láta vinna
hluta af eftirvinnslu á verkinu.
Þetta er vegna þess að leikstjór-
amir vilja oft láta einhvern ákveð-
inn aðila vinna verkið og þá skipt-
ir verð flugmiða ekki öllu máli á
tugmilljóna króna fjárhagsáætlun.
Það eru gæði sem menn eru að
leita eftir.“
Traustur samstarfsaðili
Pétur segir að samstarfsaðili
Saga Film í Þýskalandi sé mjög
traust og virt fyrirtæki sem sé um
þessar mundir að fara út í fram-
Ieiðslu á sjónvarpsauglýsingum en
hingað til hafi fyrirtækið nær ein-
göngu stundað framleiðslu á dag-
skrárefni fyrir sjónvarp.
Að sögn Péturs hefur þetta
fyrirtæki góða þekkingu á auglýs-
ingamarkaðnum auk þess að hafa
góð tengsl í þýsku efnahagslífi.
Nú þegar hafi hann fengið í hend-
urnar lista yfir hugsanlega við-
skiptavini og sé þar að finna mörg
þekkt þýsk fyrirtæki. Hann segir
þó að ekki sé hægt að gefa upp
nafn þess enn sem komið er því
enn sé eftir að ganga frá nokkrum
lausum endum í Þýskalandi.
Pétur vill ekki vera með neinar
óraunhæfar vonir um hversu mikið
þessi samningur muni gefa fyrir-
tækinu í aðra hönd. „Við vitum
ekkert hversu stór verkefni hér
getur verið um að ræða. Sam-
starfsaðilar okkar tala um mjög
stór verkefni en við viljum hins
vegar ekki reikna með neinum
stórkostlegum hlutum í byijun.
Tvær til þijár auglýsingar á ári
væru alveg nóg fyrir okkur til að
byija með á meðan að málin eru
að þróast."
Langur aðdragandi
Að sögn Péturs hefur þetta
skref átt sér nokkuð langan að-
draganda. Saga Film hefur unnið
við auglýsingagerð í sautján ár og
hefur nú um nokkurt skeið unnið
við framleiðslu á auglýsingum fyr-
ir erlendan markað. Af stærri
verkefnum sem fyrirtækið hefur
unnið að sem meðframleiðendur á
undanförnum árum eru auglýsing-
ar fyrir Generai Motors, British
Petrolium (B.P.) og Thomson í
Frakklandi. Þá hefur fyrirtækið
verið í samstarfi við margar þekkt-
ar erlendar auglýsingastofur svo
sem Saatchi & Saatchi, DMB &B,
Lowe-Howard-Spink og fleiri. Pét-
ur segir að fyrirtækið hafi verið
að vinna að þessu skrefi undanfar-
in tvö ár og góður orðstír þess af
ofangreindum verkefnum sé ein
af ástæðum þess að þessar samn-
ingaviðræður fóru af stað. Nú
hafi fyrirtækið eitt ár til þess að
sanna að það eigi erindi inn á
þennan markað sem aðalframleið-
andi auglýsinga. „Þessi samningur
hefði getað tekið gildi fyrr en við
kusum að bíða aðeins því við vild-
um vera alveg tilbúnir til að tak-
ast á við þessi verkefni áður en
þau færu að skella á okkur.“
Góðar aðstæður hér á landi
Það kann að virðast furðulegt
að framleiðsla á erlendum auglýs-
ingum hér á íslandi sé á döfinni
en Pétur segir þó að við nánari
skoðun sé það engin tilviljun.
Aðstæður til auglýsingagerðar
hér á landi séu mjög góðar og
það komi erlendum aðilum sem
hingað koma nokkuð á óvart.
Dagbók
Námskeið
fyrir at-
vinnulausa
VITUND hf. hefur í samvinnu við
Atvinnuleysistryggingasjóð ákveð-
ið að efna til námskeiðs fyrir atvinnu-
laust fólk sem hefur sérmenntun,
sérhæfingu á einhveiju sviði eða
háskólamenntun. Námskeiðið hefst
20. júlí og stendur í sex daga. Mark-
mið þess er m.a. að kynna sérhæfðu
fólki í atvinnuleit hver réttur þess
sé á vinnumarkaði í Evrópu gegnum
EES-samninginn, sýna hvemig
hvernig best sé að sækja um starf í
hinum ýmsu löndum og hver munur-
inn sé á menningu atvinnulífsins í
viðkomandi löndum. Fyrirlesarar
koma frá Evrópusambandinu, Fé-
lagsmálaráðuneytinu og Upplýs-
ingaþjónustu Háskólans. Kostnað-
ur við námskeiðið verður greidduf
úr Atvinnuleysistryggingasjóði og
að auki gefur þátttaka rétt til stytt-
ingar tímabils án atvinnuleysisbóta.
Námskeiðið er haldið í fundarsal
Samiðnar kl. 8-12. Skráning fer
fram alla virka daga kl. 9-12 og
14-17. í síma 5620086.
RÁÐSTEFNUSKRIFSTOFA ISLANDS
Slmi 562 6070 — Fax 562 6073
FULLTRÚI þýsks samstarfsaðila Saga Film var hér á ferð ný-
lega. Á myndinni eru f.v. Hubertus Meyer Burckartt, Pétur H.
Bjarnason, Jón Þór Hannesson og Rúnar Hreinsson.
SAGA Film var framleiðandi á auglýsingu fyrir General Motors
um nýjan jeppa, Vauxhall Opel Frontera. Hún var
tekin upp við Skógarfoss.
„Stór hluti erlendra aðila á þess-
um markaði heldur að hér sé allt
þakið snjó og samfélagið mjög
vanþróað. Þeir verða því mjög
hissa þegar þeir koma hingað og
sjá aðstöðuna hér. Að sjá alla þá
þekkingu sem hér er til staðar
og að hér sé verið að framleiða
kvikmyndir og auglýsingar á fjár-
hagsáætlunum sem eru alveg út
úr kortinu miðað við þau gæði
sem við erum að skila. Þeir verða
Iíka mjög hrifnir þegar þeir kynn-
ast starfsumhverfinu hér. Úti eru
allar framkvæmdir mjög flóknar.
Það þarf að fá leyfi fyrir öllum
sköpuðum hlutum og slíkt er mjög
tímafrekt. Hér er þetta hins vegar
mun einfaldara. Þú kemur hingað
og ert nánast eins og heima hjá
þér. Fjarlægðir eru litlar og
vandamálin sjaldnast stórvægileg
þannig að hægt er að bjarga öllu
sem upp á kemur á einfaldan
hátt.“
Önnur verk í augsýn
Saga Film hefur ýmislegt annað
á döfinni um þessar mundir að
sögn Péturs. „Við erum ekki bara
að framleiða sjónvarpsauglýsing-
ar. Við munum verða meðfram-
leiðendur á einum þætti af
„Rescue 911“. Þetta er verkefni
sem verður tekið upp á Snæfell-
sjökli í byijun ágúst. Við erum
búnir að ráða mannskap að stórum
hluta í þetta verkefni og mun
Slysavarnarfélag íslands koma að
þessu með okkur.“ Þátturinn sem
hér um ræðir fjallar um slys sem
varð á Snæfellsjökli árið 1991 er
hjón á vélsleða féllu tugi metra
niður sprungu á jöklinum. Björg-
unin varð mjög viðamikil og m.a.
brotlenti ein þyrla Varnarliðsins á
jöklinum meðan á björgun stóð.
Slysið og björgun fólksins verður
endurgert að eins miklu leyti og
unnt er í þessum þætti.
Pétur segir þó að þrátt fyrir að
fyrirtækið hyggist nú snúa sér í
auknum mæli að gerð auglýsinga
fyrir erlendan markað, þá sé „ís-
lenski markaðurinn mikilvægastur
í rekstri fyrirtækisins en vinna við
erlendar auglýsingar tryggi fyrir-
tækinu ákveðna reynslu og þekk-
ingu sem nýtist síðan við gerð
innlendra auglýsinga."
Rekstrarvörur hf. með
*
OpusAllt heildarlausn
NÝLEGA tóku Rekstrarvörur hf. í
notkun ÓpusAllt upplýsingakerfi
frá íslenskri forritaþróun hf. Um
er að ræða heildarlausn sem sam-
anstendur af eftirfarandi ÓpusAllt
einingum: ÓpusAllt fjárhagsbók-
hald, viðskiptamannabókhald,
birgðabókhald, sölukerfi, sölupant-
anakerfi, framleiðslukerfi, lánar-
drottnakerfi, pantanakerfí, tollkerfí
og verðútreikningur, SMT tollur,
hönnunarkerfi og skýrslugerð.
Tölvukerfi Rekstrarvara sam-
anstendur af 15 nettengdum PC
vélum en áður var upplýsingakerf-
ið keyrt á IBM S/36 tölvu, segir
í frétt.
Rekstrarvörur er verslunar- og
framleiðslufyrirtæki sem býður
hreinlætisvörur, hjúkrunarvörur
og almennar rekstrarvörur fyrir
stofnanir og fyrirtæki, ásamt
tengdri þjónustu og ráðgjöf.
Lykilatriði í rekstri Rekstrar-
vara er öflugt innkaupa og birgða-
kerfi en fyrirtækið gerir m.a. mikl-
ar kröfur til veltuhraða. Einnig eru
miklar kröfur gerðar til þeirra
möguleika sem fyrir hendi eru við
gerð pantana til birgja.
Annað mikilvægt atriði er öflugt
sölukerfi sem heldur vel utan um
sölusögu einstakra viðskiptavina
ásamt öðrum tengdum upplýsing-
um. Þá var það algjört skilyrði að
sá hugbúnaður sem valinn yrði
byggði á viðurkenndum og reynd-
um gagnagrunni.