Morgunblaðið - 15.07.1995, Blaðsíða 2
2 LAUGARDAGUR 15. JÚLÍ 1995
MORGUNBLAÐIÐ
FRÉTTIR
Flugvirkjanemunum tryggð skólavist í Svíþjóð
Hugað að öðrum leiðum
til að mennta flugvirkja
RÍKISSTJÓRNIN ákvað á fundi
sínum í gærmorgun að tryggja
íslensku flugvirkjanemunum, sem
um það höfðu sótt, skólavist í
Vásterás næsta skólaár. Agrein-
ingurinn milli íslenskra og sæn-
skra stjómvalda um það hveijum
beri að kosta námið er hins vegar
enn óleystur og hefur yfirvöldum
menntamála í Svíþjóð verið til-
kynnt að hugað verði að öðrum
leiðum til þess að mennta íslenska
flugvirkja.
Svíar telja að íslenskum stjórn-
völdum beri að greiða kostnað-
vegna náms flugvirkjanemanna
en sá skilningur brýtur að mati
íslendinga í bága við norrænan
samning um framhaldsskólanám
sem kveður á um að heimaland
viðkomandi skóla beri hann.
KreQast Svíar 30 milljóna króna
greiðslu vegna náms Islendinga í
Vásterás frá 1991.
Bjöm Bjamason menntamála-
ráðherra mótmælti þessari túlkun
með símbréfi síðastliðinn þriðju-
dag og fór jafnframt fram á að
gerðar yrðu ráðstafanir ytra til
Svíar vilja 30
milljónir
þess að íslenskir nemendur sem
búnir væru undir nám þar næsta
ár fengju að ljúka því.
Stjórnvöldum skylt að
greiða götu nemanna
„Ég vona að hægt verði að búa
þannig um hnútana að íslensku
flugvirkjarnir geti hafið nám í
Svíþjóð í haust án þess að til komi
auknar byrðaf á íslenska skatt-
borgara. Þetta er deila um fjár-
muni og til þess að leysa þetta
nú kanri að koma til fjárútláta
af okkar hálfu vegna nýnemanna.
Þau yrðu þó með fyrirvara um
endurgreiðslu þegar deilan leysist
enda er ágreiningurinn enn
óleystur. Við teljum að okkur sé
skylt að greiða götu nemanna,
enda hafa þeir lagt stund á sitt
nám með þennan skóla í huga og
ekki ástæða til að skilja þá eftir
á flæðiskeri stadda. Hins vegar
viljum við ekki gefa eftir að því
er varðar rétt okkar samkvæmt
samningi Norðurlandanna um
framhaldsskólanám,“ segir Björn.
Fyrir nokkru hófust viðræður
við Flugleiðir að frumkvæði
menntamálaráðuneytisins um að
fyrirtækið sinnti verklegri þjálfun
flugvirkjanna. „Það var nefnt sem
möguleiki að setja upp námsbraut
í samvinnu við Iðnskólann þar
sem Flugleiðir sinntu verklega
þættinum,“ segir Einar Sigurðs-
son, upplýsingafulltrúi Flugleiða.
„Félagið er með 12.500 m2 við-
haldsstöð á Keflavíkurflugvelli
þar sem sinnt er viðhaldi á skrúfu-
þotum og minni vélum og er í
vaxandi mæli að taka að sér við-
hald fyrir aðra. Menn hér eru já-
kvæðir gagnvart þessum hug-
myndum og telja sjálfsagt að
skoða hvernig slíkt nám félli að
starfsemi tæknisviðs enda er að-
staða í skýlinu mjög góð. Ef það
er vilji fyrir því á að vera mjög
auðvelt að ná samningum um
þetta mál en þetta er í raun
ákvörðun yfirvalda menntamála,"
segir Einar.
Snæfellsbær
KEA í sam-
starf við
útvegs-
fyrirtæki
SAMNINGAVIÐRÆÐUR þriggja
sjávarútvegsfyrirtækja í Ólafsvík og
KEA um stofnun nýs, öflugs útgerð-
ar- og fiskvinnslufyrirtækis í Olafs-
vík eru á lokastigi að sögn Sveins
Þórs Elínbergssonar, bæjarfulltrúa í
Snæfellsbæ.
Sveinn Þór segir að samkvæmt
drögum sem samningsaðilar hafa
samþykkt yrði nýja fyrirtækið stofn-
að eftir samruna útgerðarfyrirtækj-
anna Snæfellings og Steinunnar og
rækjuvinnslunnar Norðurgarðs.
KEA kæmi síðan til samstarfs við
hið sameinaða fyrirtæki sem allstór
hluthafí. Snæfellsbær, sem á lang-
stærstan hlut í útgerðarfyrirtækinu
Snæfellingi, sem aftur gerir út togar-
ann Má SH, yrði stærsti hluthafinn
í nýju fyrirtæki.
Þátttöku fleiri
fjárfesta ieitað
Bæjarfulltrúinn sagði að á hlut-
hafafundum fyrirtækjanna þriggja
í Ólafsvík hafi verið samþykkt að
halda viðræðum áfram. Náist ásætt-
anleg niðurstaða á lokastigi við-
ræðnanna verði samningsdrög lögð
fyrir alla samningsaðilana að nýju
til samþykktar eða synjunar. Hann
sagði að í viðræðunum hafi verið
opnað fyrir þann möguleika að fleiri
fjárfestar kæmu að stofnun nýs út-
gerðarfélags.
Sveinn Þór kvaðst vera þess full-
viss að stofnun öflugs útgerðarfé-
lags muni styrkja atvinnulíf allveru-
lega í Snæfellsbæ. „Ég dreg enga
fjöður yfir það að þessir samningar
geti orðið mjög heilladijúgir fyrir
bæjarfélagið," sagði Sveinn Þór.
MorgunWaðið/Ámi Sæbcrg
FÆRIBÖND og færanleg hillukerfi einkenna hina nýju og fullkomnu frystigeymslu. Öll starfsemi
í henni verður tölvustýrð og tryggja á að kælivara komist hratt og örugglega í 25-28 gráðu frost.
Eimskip tekur brátt í notkun nýja frystigeymslu
Tryggir betri meðferð
og aukna hagkvæmni
INNAN skamms tekur Eimskip hf.
í notkun nýja, tölvustýrða frysti-
geymslu, Sundafrost, sem hönnuð
er og byggð samkvæmt ströngum
alþjóðlegum kröfum um nýjustu
kælitækni og fullkomna vörumeð-
ferð. Forráðamenn Eimskips full-
yrða að með tilkomu frystigeymsl-
unnar sé enn frekar tryggt að kæld-
ar vörur, s.s. sjávarafurðir, komist
í fyrsta flokks ástandi til viðskipta-
vina. Heildarflutningar á vegum
fyrirtækisins verði ennfremur hrað-
ari og hagkvæmari.
Alíslensk smíði
íslenskir verktakar sáu alfarið
um byggingu frystigeymslunnar. e
Forráðamenn ístaks hf. sem hafði
umsjón með verkinu fengu fulltrúum
Eimskips hf. lyklavöld að bygging-
unni í gær. Geymslan var reist á
fimm mánuðum og að sögn Bene-
dikts Olgeirssonar, forstöðumanns
flutningamiðstöðvar Eimskips í
Sundahöfn, verður hún tekin í notk-
un á næstu dögum. Við hönnun
Sundafrosts var þess gætt að lestun
og losun væri hagkvæm, upplýsinga-
streymi virkt og afgreiðsla hröð.
Benedikt segir að geymslan tæki
við hlutverki mun minni geymslu í
Sundahöfn. Hann taldi mestu muna
að tölvu- og tækjabúnaður væri
háþróaður og með því besta sem
notað væri í Evrópu, og jafnvel þó
víðar væri leitað. Færanleg hillu-
Irerfi færihönd OP- tölvuvætt UDU-
lýsingakerfi er meðal þess sem
heyrir til nýjunga í frystigeymsl-
unni. Benedikt segir að hillukerfið
nýti geymslurými til hins ýtrasta
en geymslan rúmi 3.100 hlaðin
vörubretti.
Tölvuvædd boðskipti
Haganleg aðkoma flutningabíla
og lyftara ásamt færiböndum
tryggja örugga flutninga þannig að
kældar vörur staldri ekki lengi við
-utan frystigeymslu. Boðskipti eru
loks gerð markviss með sérhönnuðu
tölvuvæddu upplýsingakerfi. Miðar
og listar heyra sögunni til en þess
í stað fá starfsmenn geymslunnar
upplýsingar á þráðlausum skjám í
lyfturum og víðar.
Ferðahelgi
framundan
ÚTLIT er fyrir mikla ferðahelgi
en umferð var töluverð í gær,
bæði í Borgarfirði og um Sel-
foss, að sögn lögreglu, enda er
spáð góðu veðri í dag og á
morgun, sérstaklega á landinu
suðvestanverðu og á hálendinu.
Samkvæmt teljara á Hellis-
heiði hafði 6.517 farartækjum
verið ekið þar um í gær til kl.
21, þar af um 100 á næstu tíu
mínútum á undan. Klukkan
21.30 höfðu 4.165 farartæki
farið í gær yfir teljara sem stað-
settur er undir Hafnarfjalli, þar
af 57 á næstu tíu mínútum á
undan.
Fundu fíkni-
efni við um-
ferðareftirlit
LÖGREGLAN í Kópavogi
handtók fyrir skömmu mann
með 27 grömm af amfetamíni
og 76 grömm af hassi í fórum
sínum.
Lögreglan var við umferðar-
eftirlit við hesthúsahverfið hjá
Vatnsenda þegar hún hafði
afskipti af manninum, sem
hefur margoft komið við sögu
fíkniefnamála.
Lögreglan gerði leit í bíl
mannsins og komu fíkniefnin
þá í ljós. Rannsókn málsins
er lokið.
Bílvelta i
Kerlingar-
skarði
TVÆR stúlkur um tvítugt
sluppu vel er bifreið er þær
voru í valt í Kerlingarskarði á
Snæfellsnesi um sjöleytið í
gærkvöldi.
Að sögn lögreglu var farið
með stúlkurnar á sjúkrahúsið
í Stykkishólmi en þær fengu
að fara heim að skoðun lok-
inni. Bifreiðin er illa farin.
Slasaður
maður sóttur
í Flatey
ÞYRLA Landhelgisgæslunnar
sótti slasaðan mann út í Flatey
í fyrrinótt.
Beiðni barst um þijúleytið
um að maðurinn yrði sóttur
en hann hafði skorist illa á
handlegg. Þyrlan lenti við
Borgarspítalann um fimmleyt-
ið þar sem gert var að meiðsl-
um mannsins.
Óvenjulegt
hreiðurstæði
TJALDSHJÓN urpu á fremur
óvenjulegum stað nú í vor er þau
gerðu sér hreiður á húsþaki í
Múlahverfinu í Reykjavík. Þakið
er þakið möl og minnir þvi á
búsvæði tjalds sem eru fjörur og
áreyrar. Ungarnir tveir dafna
vel og eru foreldrarnir iðnir við
að færa þeim æti, ánamaðka og
annað lostæti, og svo hefur
starfsfólk fyrirtækja í húsinu
laumað að þeim góðgæti af og til.
Morgunblaðið/Jóhann Óli Hilmarsson
I-ESRng
VEGNA sumarleyfa kemur
Lesbók Morgunblaðsins næst
út 12. ágúst.