Morgunblaðið - 15.07.1995, Blaðsíða 12
12 LAUGARDAGUR 15. JÚLÍ 1995
MORGUNBLAÐIÐ
LANDIÐ
Málverka-
sýning
Arnars Her-
bertssonar
Siglufirði - Laugardaginn
15. júlí verður formlega opn-
uð sýning á málverkum eftir
Arnar Herbertssonar í sýn-
ingarsal í ráðhúsi Siglufjarð-
ar.
Arnar Herbertsson fæddist
á Siglufirði árið 1933, hann
stundaði nám við myndlista-
skólann í Reykjavík 1959-
1967 og grafíknám hjá Ein-
ari Hákonarsyni 1970.
Á þessari sýningu Arnars
eru Siglufjarðarmyndir og
myndaröðin „Tveir fiskar og
fimm brauð“. Mun sýningin
verða opin daglega frá
14-16.
Þess má geta að þetta er
fjórða sumarið í röð sem burt-
fluttir Siglfírðingar halda
sýningar í ráðhúsi bæjarins.
Eitt verka Arnars
Herbertssonar.
Talsvert kal
ítúnumí
Suðursveit
Suðursveit - Sláttur hófst
hér fyrir nokkrum dögum í
Suðursveit. Talsvert kal var
í túnum og óttuðust því menn
nokkuð um sinn hag. Túnin
eru að vísu misjöfn, en
ástandið er þó betra en á
horfðist. Heyskapur byggist
hér að mestu á sandaræktun,
og horfur eru á sæmilegum
heyfeng.
Þó er allmikið kalið á
Steinasandi og sum túnin þar
nær ónýt.
Þar er heyjað af sunnan-
sandsbæjunum svokölluðum,
þ.e. Breiðabólsstað, Hala og
Gerði.
J6n Gunnlaugsson
HÓPURINN frá Súðavík um borð í Kútter Haraldi í Byggðasafninu í Görðum.
Böm frá Súðavík í
heimsókn á Akranesi
Akranesi - Flest börn í Súðavík
sem eru á grunnskólaaldri
dvöldust á Akranesi dagana
4.-8. júlí sl. í boði íþróttabanda-
lags Akraness. Börnin sem voru
32 talsins tóku þátt í fjölbreyttu
íþróttastarfi Akumesinga og
heimsóttu fyrirtæki á staðnum.
Þessi boðsferð til Akraness
var ákveðin fljótlega eftir snjó-
flóðin í Súðavík í vetur og var
framlag íþróttahreyfingarinnar
á Akranesi til hinnar víðtæku
landssöfnunar sem þá stóð yfir
til hjálpar íbúum Súðavíkur.
Akurnesingar sendu langferða-
bifreið eftir hópnum og skilaði
honum síðan til baka á heima-
slóðir. Á Akranesi gistu bömin
í íþróttamiðstöðinni á Jaðars-
bökkum og fengu að kynnast
íþróttastarfi í bænum. M.a. vom
þau heiðursgestir á leik ÍA-
Fram og skemmtu sér vel, Þá
fengu þau að taka þáttý æfingu
þjá Islandsmeisturum ÍA. Böm-
in tóku einnig þátt í æf ingum
með jafnöldrum sínum í sundi,
knattspyrau, körfuknattleik og
fleiri íþróttagreinum. Þá fór
hluti hópsins í útreiðartúr og
haldin var mikil grillveisla í
skógræktinni. Jafnframt þessu
skoðuðu gestirnir m.a. Járn-
blendiverksmiðjuna og Sem-
entsverksmiðjuna auk þess sem
farin var kynnisferð um Akra-
nes.
Vilja fylgja þessu eftir
Mikil ánægja ríkti með þessa
ferð þjá börnunum og virtust
þau njóta þessara daga mjög
vel, þótt veður mætti hafa verið
betra. Jón Runólfsson, formað-
ur ÍA, segir að þeir séu mjög
ánægðir með þetta framtak sitt
og heimsóknin hafi tekist í alla
staði vel. Krakkarnir komu vel
fyrir og voru almennt áhuga-
samir um íþróttir og tóku virk-
an þátt í því sem í boði var.
Jón segir að vilji sér fyrir því
hjá íþróttabandalagi Akraness
að fylgja þessu framtaki eftir,
þó ekkert verði ákveðið í þeim
efnum. „í huga okkar er þá að
geta hjálpað þeim að byggja
upp íþróttastarf í Súðavík,“ seg-
ir Jón og bætir við að hann vijji
koma á framfæri þakklæti til
þeirra fjölmörgu aðila sem að-
stoðuðu þá til að gera dvöl bara-
anna eftirminnilega.
Morgunblaðið/Aldís
Gestir boðnir vel-
komnir með blómum
Hveragerði - íbúar við Lauf-
skóga í Hveragerði hafa tekið sig
til og fýllt hjólbörur sínar af
blómum og stillt þeim upp í inn-
keyrslumar við hús sín, í tilefni
af blómstrandi dögum sem hóf-
ust í Hvéragerði í gær. Blóm
setja annars mikinn svip á bæinn
þessa daga og má nefna að við
innkeyrsluna inn í bæjarfélagið
hefur verið komið fýrir stórum
blómasúlum til að bjóða gesti
velkomna.
Á blómstrandi dögum í Hvera-
gerði ættu allir að geta fundið
afþreyingu við sitt hæfi. Dagskrá
fyrir bömin er allan daginn og
má þar nefna reiðtúra, stang-
veiði, brúðuleikhús og margt
fleira. Fullorðna fólkið getur nýtt
sér ýmiskonar fræðslu sem boðið
er uppá bæði í sambandi við
hveralíffræði, heilsusamlegt lif-
erni og fleira.
Fjölskyldan getur síðan sam-
einast um það að njóta þess stór-
fenglega sjónarspils sem verður
þegar Drottningarborholan er
iátin gjósa klukkan tvö og fimm
á laugardag og sunnudag.
Morgunblaðið/Ágúst Blöndal
Flugumferðarstj óri á
minkaveiðum
Neskaupstað - Flugumferðar-
stjórar úti á landi hafa í ýmsu
öðm að snúast en að stjórna flug-
umferð. Alfreð Alfreðsson á
Norðfjarðarflugvelli varð nú á
dögunum var við einhveija
hreyfingu í mólendi skammt frá
flugstöðvarbyggingunni, greip
hann haglabyssu sem hann notar
við að fæla fugl af brautinni og
fór að athuga málið. Kom þá í
ljós að þaraa var minkalæða á
ferð með 4 hvolpa, tókst Alfreð
að bana öllum dýrunum.
Borðviður úr rekatrjám
Laxamýri - Árni Snæbjömsson
hlunnindaráðunautur og Pétur Guð-
mundsson frá Ófeigsfírði voru á
ferð um Norðurland á dögunum til
þess að kanna möguleika á nýtingu
rekaviðar, en Pétur rekur fyrirtæk-
ið Háareka hf. sem er færanleg
sögunarverksmiðj a.
Að þeirra sögn er rekaviður lítið
nýttur víða en úr honum má gera
góðan borðvið sem er ódýrari en
innfluttur tijáviður.
Að undanförnu hafa verið um-
ræður meðal þeirra sem nýta reka
við Skjálfanda um að festa kaup á
slíkri sögunarvél en vegna mikils
fjármagns sem til þarf og oft lítils
reka hefur málið dregist í allmörg
ár. Færanleg vél er því góður kost-
ur að mati bænda og mun Pétur
að öllum líkindum ferðast um svæð-
ið og saga fyrir þá sem þess óska.
Sú tijávinnsla sem Háireki hf.
býður upp á er það vönduð að um
góða söluvöru er að ræða fyrir reka-
bændur, einnig það að geta nýtt
viðinn til nýbygginga og viðhalds
eldri húsa. Þá sagar fyrirtækið girð-
ingarstaura en Pétur segir það úr-
elta aðferð að bændur kljúfi staura
með sleggju og meitlum.
ÁRNI Snæbjörasson hlunnindaráðunautur (t.h.)
og Pétur Guðmundsson frá Ófeigsfirði.