Morgunblaðið - 26.07.1995, Blaðsíða 3
MORGUNBLAÐIÐ
MIÐVIKUDAGUR 26. JÚLÍ 1995 3
FRÉTTIR
Fulltrúi Evrópusambandsins á úthafsveiðiráðstefnu Sameinuðu þjóðanna
Getiun ekki fallist á
forréttindi strandríkja
Sameinudu þjóðunum. Morgunbladið.
EVRÓPU SAMB ANDIÐ lagði í
gær fram tillögur til breytingar á
umdeildu ákvæði í drögum að út-
hafsveiðisáttmála Sameinuðu þjóð-
anna. Ákvæði þetta, 21. grein
samningsdraganna, er helsta
þrætueplið á úthafsveiðiráðstefnu
SÞ sem nú stendur yfir í New
York. Þar er mælt fyrir um eftirlit
með sáttmálanum.
í drögum formanns ráðstefn-
unnar, sem nú er verið að ræða,
er gert ráð fyrir að svæðissamtök
ákveði kvóta á hverju úthafs-
svæði. Hveiju aðildarríki að slíkum
samtökum á að vera heimilt að
fara um borð í skip, sem stunda
veiðar á svæðinu, til eftirlits. Ef
grunur leikur á að skip hafi veitt
ólöglega á að tilkynna það viðkom-
andi fánaríki. Hafi fánaríki ekki
brugðist við innan þriggja daga
hefur eftirlitsríkið, skv. drögum
formannsins, heimild til að færa
skip til hafnar.
Uthafsveiðiríki eins og Japan
og Evrópusambandið hafa lagt
ríka áherslu á að fyrirbyggja verði
með tryggilegum hætti misnotkun
á þessum heimildum annarra ríkja
en fánaríkis. Evrópusambandið
lagði fram tillögur í því 'skyni í
gær. Þar er gert ráð fyrir að við-
komandi svæðissamtök geti ákveð-
ið aðrar eftirlitsreglur en þær sem
gilda munu almennt.
Strandríkin eru smeyk við þess-
ar hugmyndir sökum hættu á að
þá gætu úthafsveiðiríki, sem væru
hugsanlega í meirihluta innan
svæðissamtaka, borið hlutaðeig-
andi strandríki ofurliði og ákveðið
að fella hinar almennu eftirlitsregl-
ur úr gildi.
Ennfremur segir í tillögum ESB
að ekki megi beita vopnavaldi við
eftirlit á grundvelli 21. gr. og að
greiða skuli viðkomandi útgerð
bætur vegna eftirlitsaðgerða að
ófyrirsynju.
J. Almeida Serra, formaður
sendinefndar ESB á úthafsveiði-
ráðstefnunni, sagði í samtali við
Morgunblaðið í gær að sambandið
vildi alls ekki útiloka þann mögu-
leika að strandríki gætu fært út-
hafsveiðiskip til hafnar. „Við lok-
um engum dyrum á meðan grund-
vallarreglur eru hafðar í heiðri.
Við getum samt ekki samþykkt
forréttindi til handa strandríkjum.
Allt verður að vera í jafnvægi, rétt-
indi og skyldur.“
Hundrað
Kópavogs-
búar skrá sig
UM EITT hundrað manns hafa til-
kynnt búsetu í Kópavogi á undan-
förnum dögum, að sögn Sigurðar
Geirdal bæjarstjóra. Bæjarráð álykt-
aði á dögunum að kanna þyrfti
hversu margir íbúar væru skráðir í
tilteknum hverfum og segir Sigurður
það greinilega hafa virkað sem hvata
á íbúa til að láta skrá sig.
„Sem betur fer virðist umfjöllun
um þetta hafa haft jákvæð áhrif,“
segir Sigurður. Segir hann jafnframt
að margir virðist standa í þeirri trú
að félagslega kerfið skrái þá sem
flytja í bæinn eða seljendur íbúða.
Sigurður segir að margir virðist
þeirrar trúar að þeir þurfi ekki að
skrá sig ef þeir flytja innan bæjar-
ins, sem sé misskilningur og einnig
búi margir í ólöglegum íbúðum.
Aðspurður um tekjutap vegna
þessa segir hann það ekki vitað ná-
kvæmlega. „Ég tel ekkert ólíklegt
að 1-2% íbúa séu ekki á skrá. Ef við
tökum 1% eru þetta 175 manns.
Meðaltekjur á hvert mannsbarn 1994
eru 83 þúsund krónur þannig að
þetta eru um 15 milljónir. Ef miðað
er við 2% eru þetta 30 milljónir á
ári eða 120 milljónir á hveiju kjör-
tímabili," segir Sigurður.
Loks segir hann það mistök hjá
fólki að hirða ekki um skráningu.
„Það lendir í vandræðum vegna leik-
skóla, skóla, heilsugæslu og póst-
þjónustunnar, svo eitthvað sé nefnt.
Ekki má heldur gleyma hvað það
getur verið varasamt fyrir fólk í ólög-
legum íbúðum í iðnaðarhverfum að
skrá sig ekki. Ef kviknar í vita hvorki
slökkvilið né lögregla að búið sé í
þessum húsum.“
-----♦ » ♦----
EES-reglur
um sjónpróf
til skoðunar
LANDLÆKNISEMBÆTTIÐ bíður
nú svars frá Sigþóri P. Sigurðarsyni
hjá Gleraugnagalleríinu vegna at-
hugasemda frá félagi augnlækna við
það að hann geri sjónpróf í verslun
sinni. Sigþór er menntaður í sjón-
tækjafræðum í Danmörku en sam-
kvæmt íslenskum lögum er honum
ekki heimilt að gera sjónpróf.
Matthías Halldórsson aðstoðar-
iandlæknir segir að embættið hafi
sent Sigþóri bréf og óskað eftir að
hann gerði grein fyrir sínum sjónar-
miðum. Teldi hann sig hafa veiga-
mikil rök í málinu sem embættinu
beri að hlusta á.
„Svarið verður skoðað í samhengi
við reglur EES. Það fer ekki á milli
mála að þetta stríðir gegn lögum hér
en spurningin er sú hvort þurfí að
breyta þeim til samræmis við það
sem gerist í Evrópu. Það er mikil-
vægt að sé vel unnið að þessu máli
og án flýtis enda er hann ekki að
gera neitt sem stofnar fólki í hættu
að okkar mati,“ segir Matthías.
Læknar gera m.a. þá athugasemd
að náðst hafi góður árangur í bar-
áttu gegn gláku hér þar sem sjón-
próf séu í höndum augnlækna.
amsetdr
ogeinfalciir
Sparar tima
Sparar efni
Spararjýrirhöfn
HUSASMIÐJAN
Súðarvogi 3-5,
Sími 568 7700 fax 568 6735
Helluhrauni 16,
Sími 565 0100 fax 565 0771
þu geinr okkur upp inaliii og við
skilum þér tilbóiiiim gluggaeiniiigmn