Morgunblaðið - 01.08.1995, Blaðsíða 8
8 ÞRIÐJUDAGUR 1. ÁGÚST 1995
MORGUNBLAÐIÐ
FRÉTTIR
■ Smábátaeigendur ævareiðir vegna reglugerðar sem PorstBÍnn Pálsson sjávarútvegsráðherra setti.
- Fulitrúar þeirra ganga á fund forsætisráðherra í dag til að freista þess að ná fram breytingum
Spurning hvenær sýður uppúr
- segir Arthur BogMon, formaöur Landssambands smábátaeigenda.
I&HUIÚD —
Þú sæir nú betur á mælinn án sólgleraugnanna. Davíð minn,
þetta er orðið all skuggalega heitt.........
Stór og feitur
silungur á hálendinu
RÚNAR Róbertsson með 6,5
punda bleikju úr Köldukvísl.
SILUNGSVEIÐI hefur víða verið
með miklum ágætum, en aflabrögð
hafa þó sveiflast með veðrinu eins
og gengur og gerist.
Sérstaklega hafa vakið athygli
veiðisvæði inni á öræfum landsins
og má nefna í því sambandi Köldu-
kvísl, Kvíslaveitur, Þórisvatn og
Veiðivötn. Einnig má nefna áður
óþekkta veiðistaði á borð við
Blöndulón og Langasjó þar sem
veiði hefur verið mjög góð.
Nýtt svæði lofar góðu
Veiði er nú hafin í Langasjó og
fyrstu þreifingar gefa góð fyrirheit.
Vatnið er gríðarstórt og er langt í
land að það sé fullkannað, en nokkr-
ir veiðimenn sem hafa rennt í vatn-
ið að undanfömu hafa yfirleitt feng-
ið góða veiði, allt að 10 fiska eftir
daginn. Allt er það vænn urriði,
yfirleitt 2-4 pund. Valur Oddsteins-
son segir að fyrst hafi verið sett
urriðaseiði í vatnið árið 1984 og
allar götur síðan hafi Veiðimála-
stofnun fylgst með gangi mála. Síð-
an voru sett seiði í vatnið 1991 og
1992 og síðan ákveðið að sjá hvern-
ig gengi að veiða á stöng í vatninu.
Valur sagði í samtali við Morgun-
blaðið að ekið væri að Langasjó af
fjallabaksleið skammt fyrir innan
Eldgjá og væri leiðin vel merkt. Sú
gisting sem næst er vatninu er að
Hólaskjóli og segir Valur vera
klukkustundarakstur þaðan til
vatnsins. „Þetta er frekar jeppaveg-
ur, en fjórhóladrifnu skutbílarnir
eiga að ráða við þetta ef gætilega
er farið,“ bætti Valur við.
Arnarvatnsheiðin
með góð a kafla
Veiðin hefur gengið skrykkjótt í
vötnum á Arnarvatnsheiði, enda eru
þau flest viðkvæm fyrir hvassviðri,
gruggast þá upp og verða illveiðan-
leg. Þá var seint fært á heiðina
vegna snjóa og holklaka. Eigi að
síður hafa margir fengið rífandi
veiði á Heiðinni og fiskur víða verið
vænn.
Vötnin á Amarvatnsheiði eru
misgóð og fiskur misvænn. í Amar-
vatni stóra hefur veiði yfirleitt ver-
ið góð eftir því sem Morgunblaðið
hefur fregnað og það er ekki eins
viðkvæmt fyrir roki. Bleikjan, sem
mest er af í vatninu, er yfirleitt um
og rétt yfir 1 pund, en slangur er
jafnan af vænni fiski og stærsti
silungur sem frést hefur af var tæp
5 pund.
Þá hafa menn fengið mjög góða
veiði í Arnarvatni litla, Ulfsvatni,
Strípalónum og Refsveinu og efri
hluta Austurár. í Strípalónum og
Austurá hefur fískur reynst mjög
vænn, oft um og rétt
yfir 2 pund, stærst 4-5
pund. Magnið er meira
í vötnunum sem um
ræðir og þyngdin örlítið
lægri fyrir vikið.
Kvíslaveitur og
Kaldakvísl
Að sögn Jórunnar
Eggertsdóttur hjá
Veiðifélagi Holta-
mannaafréttar hefur
veiði í Kvíslaveitum og
Köldukvísl verið mjög
góð það sem af er. I
Kvíslaveitum hafi veið-
in tekið mikinn kipp
eftir dauft sumar í
fyrra og veiðist þar nú
vel. Hafa allt að 8
punda fiskar veiðst, en
þorrinn er 2-5 pund,
allt urriði. Kaidakvísl
hefur að sögn Jórunnar
verið vatnslítil og tær í
sumar og veiðin verið
því betri en oft áður er
vatnið hefur verið
meira og skólað. Mest
er það bleikja sem veið-
ist í kvíslinni og hún
er yfirleitt rokvæn.
Hafa veiðst allt að 7 punda bleikjur
í sumar. Spónn og maðkur hafa
gefið best, einnig í Kvíslaveitum,
en flugan er einnig gjöful þar um
slóðir.
Hér og þar ...
Góð veiði hefur verið á köflum í
Þórisvatni, en oft í sumar hafa þó
veðurskilyrði verið óvinsamleg
veiðimönnum. En gagnstætt síðasta
sumri hefur veiðin farið batnandi
er á sumarið líður. Urriðinn er stór
og góður, yfirleitt 2-4 pund og
margir stærri með í aflanum.
Veiði hefur verið fremur róleg í
Veiðivötnum að undanförnu, þó
hafa alltaf verið skot og aldrei ör-
deyða. Fyrir skömmu veiddust 7
og 8 punda fiskar í Grænavatni.
Stærstir í sumar til þessa voru þó
9 og 10 punda fiskar.
Skagamönnum bætist drjúgur liðsauki
Bjarki Gunnlaugsson og Arnar Gunnlaugsson.
Hafa áhuga á
að spreyta sig
í Englandi
AÐ HEFUR varla farið
framhjá knattspyrnu-
áhugamönnum hér á landi
að bræðurnir Arnar og Bjarki
Gunnlaugssynir hafa gengið til
liðs við Skagamenn. Með þá tvo
innanborðs verður liðið varla
árennilegt það sem eftir lifir sum-
ars, en það hefur unnið alla sína
leiki á íslandsmótinu fram að
þessu.
Arnar og Bjarki voru í liði
Skagamanna sem varð íslands-
meistari fyrir þremur árum. Þá
varð Arnar markahæstur með 15
mörk. í framhaldi af því gerðust
þeir atvinnumenn hjá Feyenoord
í Hollandi, þar sem þeir voru í tvö
ár, en þeim gekk illa að festa sig
í sessi. Bjarki meiddist illa og gat
lítið sem ekkert leikið í heilt ár.
Þeir voru svo lánaðir frá Feyno-
ord til Nurnberg í Þýskalandi síð-
asta keppnistímabil. Þar byijuðu
þeir af krafti, en náðu sér svo
ekki á strik seinni hluta mótsins.
Þeir tóku því þá ákvörðun að
ganga til liðs við Skagamenn til
að sýna hvað í þeim byggi í leikj-
um liðsins í Evrópukeppni meist-
araliða á þessu ári.
Eruð þið ánægðir með að vera
komnir heim?
„Já, okkur líst mjög vel á þetta.
Það er góður andi í iiðinu, því
gengur vel og ég held að flestir
séu sáttir við að fá okkur aftur á
Skagann. Það er líka gaman að
vera kominn aftur heim til
mömmu og pabba,“ segir Arnar.
Eruð þið í góðri æfingu?
„Bjarki er í þokkalegri æfingu,
en ég er nýkominn úr uppskurði
og er ekki í nógu góðri æfíngu.
Ég er þó með góða grunnþjálfun
að baki og æfi tvisvar á dag, þann-
ig að ég ætti að ná mér á strik á
tveim vikum,“ segir Arnar. ’
Verður erfítt fyrir ykkur að kom-
ast aftur inn í leik liðsins?
„Nei, liðið hefur spilað sama fót-
bolta síðustu hundrað árin. Sama
grunnhugmyndin er alltaf á bak
við leikinn hér á Skaganum, að
taka við boltanum og skila honum
til næsta manns. Það verður
kannski að breyta aðeins áherslum
í liðinu, en ég heid að við ættum
að pássa vel inn í leik-
inn,“ segir Arnar.
Hvort er lið Skaga-
manna, sem þið lékuð
með fyrir þremur árum,
eða núverandi lið betra?
„Það leikur enginn vafi á að liðið
er mun betra núna. Þótt það leiki
ekki skemmtilegri knattspyrnu er
það líkamlega sterkara og leikur
liðsins hefur slípast," segir Arnar.
Eiga Skagamenn möguleika í
Evrópukeppninni?
„Á pappírnum hafa Skagamenn
geysisterkt lið. Ég held að þetta
sé sterkasta lið sem komið hefur
frá íslandi. Eftir sem áður er þetta
áhugamannalið og mun því líklega
ekki ná jafn langt og stór atvinnu-
mannalið í Evrópu. Það eru þó
miklir peningar í húfi og því gífur-
lega mikilvægt fyrir liðið að kom-
ast áfram, ef það á að vera áfram
►Arnar Gunnlaugsson og
Bjarki Gunnlaugsson eru fædd-
ir 6. mars 1973 á Akranesi.
Foreldrar þeirra eru Gunnlaug-
ur Sölvason og Halldóra Garð-
arsdóttir. Þeir ólust upp á
Akranesi og léku með Skaga-
mönnum til ársins 1992, þegar
þeir fóru i atvinnumennsku til
Feyenoords. Þaðan voru þeir
lánaðir til Nurnbergs árið 1994.
Þeir tilkynntu félagaskipti yfir
til Skagamanna 15. júlí síðast-
liðinn, en svo var endanlega
gengið frá því að þeir yrðu lán-
aðir til Skagamanna á föstudag-
inn var. Þeir eiga fjölmarga
leiki að baki með yngri landslið-
um íslands. Auk þess hefur
Arnar leikið 14 A-landsleiki og
Bjarki 9 A-landsleiki.
númer eitt á íslandi,“ segir Bjarki.
/ viðtali við íþróttablaðið segir
Ólafur Þórðarson að þið hefðuð
gott af því að spreyta ykkur hvor
hjá sínu liðinu.
Við erum þeirrar skoðunar að það
sé betra að hafa okkur í sama liði.
Við höfum alltaf staðið fyrir okkar
þegar við höfum leikið saman og
það hefur ekki komið betur út ef
annar hefur setið á bekknum. Ég
er ekki að segja að það gæti ekki
verið sniðugt að breyta til. Við
erum mjög líkir leikmenn og það
gæti orðið erfitt fyrir okkur að
komast að hjá sama liði. Ef það
verður uppi á teningnum förum
við náttúrlega hvor í sitt liðið,"
segir Bjarki.
Voru það mistök að fara til Fey-
enoord?
„Á sínum tíma var það hárrétt
ákvörðun. Við höfðum átt gott
tímabil á íslandi og fengum tilboð
frá góðu félagsliði fyrir tilstuðlan
Wims Jansens. Síðan lenti ég í
meiðslum og Jansen hætti fljót-
lega, þannig að allar forsendur
breyttust. Knattspyrna er oft
spurning um heppni og hvort þú
fallir í kramið hjá þjálfaranum eða
ekki. Eftir á að hyggja hefðum
við frekar átt að fara til Stuttg-
art, eins og okkur stóð til boða.
Þessi þijú ár hafa samt
verið ágætis tími og við
erum aðeins 22 ára, svo
við erum ekki farnir að
örvænta ennþá. Það er
nóg eftir,“ segir Bjarki.
Hvert langar ykkur helst í at-
vinnumennsku?
„Til Þýskalands eða Englands.
England er sérstaklega spennandi
kostur. Þangað fara flestir leik-
menn núna og peningar virðast
ekki vera neitt vandamál. Þar er
leikinn skémmtilegur bolti og
hraður, sem hentar okkur vel. Það
eru menn úti að athuga þessi mál
fyrir okkur og nokkur lið hafa
sýnt okkur áhuga. Það er því mjög
mikilvægt fyrir okkur að fá tæki-
færi til að sýna hvað í okkur býr,
því öll vildu þessi lið fá að sjá til
okkar áður en við fengjum samn-
ing,“ segir Bjarki.
Ekki farnir
að örvænta
enn