Morgunblaðið - 03.08.1995, Blaðsíða 45
>->/,a<KRYl>I>Al)
Nýbýlovegi 12, sími 554 4433.
MORGUNBLAÐIÐ ___________________________________________FIMMTUDAGUR 3. ÁGÚST 1995 45
BRÉFTIL BLAÐSIIMS
„Afrekaskrá“
Frama ekki
löng eða
ítarleg
Frá Guðmundi G. Péturssyni:
ÞAÐ vakti athygli mína og ánægju
að Bifreiðastjórafélagið Frami er
að vakna af Þyrnirósarsvefni. I
Mbl. 1. ágúst sl. kemur fram að
Frami hafi kært kynnisferðir til
samgönguráðuneytisins vegna
leiguaksturs Kynnisferða.
Það vakti ekki síður athygli
mína að þegar undirritaður hafði
samband við ráðuneytið þennan
sama dag kom í ljós að forsvars-
menn Frama höfðu ekki haft sam-
band við ráðuneytið í 6 mánuði.
Andvari gerði meira en að kæra
Kynnisferðir, því það vaða uppi
menn sem eiga 9-17 manna bif-
reiðar og gefa sig út á sama mark-
að og leigubifreiðastjórar vinna
á. Þar ber hæst svokallaða „Taxi
Transfer“-miða sem gefnir eru út
af ferðaskrifstofum og eru inn-
heimtir í gegnum stöðina. Þessir
aðilar merkja bifreiðar sínar með
„Taxi Transfer" og fá þar af leið-
andi nokkurn hluta af ferðamönn-
um. Það verður ekki liðið lengur
að þessir menn fái að vaða uppi
án allra leyfa.
Ég vil taka fram að Kynnisferð-
ir hafa ekki hópferðaleyfi og starfa
því án leyfis. Það leyfi sem þeir
skýla sér á bak við er gefið út á
Flugleiðir og var dagsett 25. apríl
1995 og stflað á Björn Theodórs-
son, framkvæmdastjóra flug-
rekstrarsviðs Flugleiða. Þetta hóp-
ferðaleyfi gildir eingöngu á beinar
ferðir milli Reykjavíkur og Kefla-
vikurflugvallar.
Andvari vill ekki blanda sér í
„afrekaskrá“ Frama en það má
ljóst vera að stofnun Andvara
kemur í kjölfarið á algeru mátt-
leysi forsvarsmanna Frama. Má í
því sambandi nefna niðurfellingu
vörugjalds á bifreiðum til leigubif-
reiðastjóra og afskiptaleysi Frama
af þeim sem stela vinnu frá leigu-
bifreiðastjórum.
I áðurnefndri Morgunblaðsgrein
kemur fram að féjagsmenn séu
550 á öllu landinu. Ég biðst undan
því að hlusta á rangfærslur af
þessu tagi. Hið rétta er að á öllu
Íandinu er leyfi fyrir 648 bifreiða-
stjóra, þar af 570 á höfuðborgar-
svæðinu. Ég vona að reiknings-
kunnátta Frama verði betri í fram-
tíðinni.
GUÐMUNDUR G. PÉTURSSON,
formaður Andvara, félags leigubif-
reiðastjóra.
Frá Gísla Helgasyni:
EINS OG flestum er kunnugt, hafa
nokkrir ungir drifkraftar komið á
fót tónlistarhátíð, sem halda skal
á Kirkjubæjarklaustri nú um versl-
unarmannahelgina. Aðalgesturinn
er Björk Guðmundsdóttir. Það er
nú svo að ég ber alveg sérstaklega
hlýjar tilfinningar til hennar Bjark-
ar, kynntist henni lítils háttar þeg-
ar hún var fjósadís í Glóru í Hraun-
gerðishreppi. Svo stóðum við hlið
við hlið eitt sinn í nepjunni við
gamla pósthúsið og seldum plötur.
Við seldum þokkalega og Björk
gaf mér og Herdísi, sem stóð einn-
ig að sölu, heitt kakó og c-vítamín-
duft, svo að við yrðum ekki kvef-
uð. Svo varð Björk fræg, en ég
hélt mínu hér á Fróni, hvað svo
Virðisaukaskattur
á veraldartónlist
sem verður.
Nú hafa heyrst raddir um að
sýslumaðurinn í Vík ætli að leggja
virðisaukaskatt á tónleikana. Sam-
kvæmt lögum eru víst jazztónleik-
ar og sígildir tónleikar undanþegn-
ir 'slíkum skatti. Ég stóð einu sinni
frammi fyrir slíku vandamáli, þeg-
ar Tónlistarfélagið Vísnavinir var
með Vísnakvöld á Hótel Borg í
Reykjavík. Þá átti að gera okkur
að greiða sölu- eða skemmtana-
skatt, man ekki hvort var. Það var
gert á þeim forsendum að ekki
væri um jazz eða sígilt að ræða.
Ég benti fulltrúa lögreglustjórans
í Reykjavík á að beita mætti svo-
kallaðri lögjöfnun á þetta, en lög-
jöfnun kallast það víst þegar lögum
er beitt um hliðstæð atriði sem
önnur lög ná ekki yfir. Fulltrúi
lögreglustjórans í Reykjavík var
sammála túlkun þessari, svo að við
hjá Vísnavinum greiddum engan
skemmtanaskatt. Þar með er kom-
ið ákveðið fordæmi um túlkun lag-
anna. Mig langar að koma þessu
á framfæri og jafnframt benda á
að það væri hámark íslensks smá-
borgaraháttar að leggja gijót í
götu þeirra, sem vilja standa að
slíkum tónlistarhátíðum eins og
þau Uxar virðast ætla að gera með
góðum árangri. Mér finnst þessi
tónlistarhátíð bera vott um mikið
frumkvæði og áræði og geti hik-
laust flokkast undir nýsköpun, sem
sífellt er verið að tala um að vanti
hér á landi. Það væri öllum opin-
berum embættismönnum til sóma
ef þeir gætu stuðlað að því að
væntanleg hátíð á Klaustri tækist
vel og áfallalaust.
GÍSLI HELGASON,
tónlistarmaður,
Reynimel 22, Reykjavík.
Ifill
^~^ t’'
ÞURRKRYDDAÐ
Borgam KS
Borgarnes
- gæða kjötvara.
AFURÐASALAN BORGARNESI HF.
SÍMI 437-1190 - FAX 437-1093
-kjami málsins!
Stretsbuxur
kr. 2.900
Mikið úrval af
allskonar buxum
Opið ó laugardögum