Morgunblaðið - 04.08.1995, Blaðsíða 33
MORGUNBLAÐIÐ
FÖSTUDAGUR 4. ÁGÚST 1995 33
BRÉF TIL BLAÐSINS
í klóm Arnarins
Frá Gunnari Haukssyni:
VORIÐ 1991 fór ég í reiðhjólaversl-
unina Örninn og keypti tvö Montana-
hjól sem áttu að sendast út á land,
annað rautt en hitt grænt. Þegar
hjólin komu, voru þau hins vegar
bæði af sama lit og þurfti ég þá að
endursenda annað þeirra. Þegar það
kom í réttum lit vantaði hins vegar
á það alla fylgihluti og fékk ég einn
þeirra aldrei. Ég var að vonum
svekktur á þessum viðskiptum og
ekki bætti það úr skák að hjólin
I reyndust illa.
Það var því með hálfum huga sem
ég gekk inn í þessa sömu verslun
laugardaginn 15. júlí síðast liðinn,
til þess að skoða Trek-fjallahjól
handa dóttur minni, sem auglýst
höfðu verið á tilboði. Ég þóttist nú
samt vita að allir gætu gert mistök
og ákvað að láta þetta gleymt þar
I sem áhugi hennar á einmitt þessari
( gerð var mikill.
í búðinni fengum við góða þjón-
• ustu. Ungur maður sýndi okkur 18
tommu TREK-830 hjól í fallegum
fjólubláum lit, sem við skoðuðum
vel, en sáum að var of lítið. Við
vorum fullvissuð um að þetta hjól
væri til í næstu stærð fyrir ofan, sem
ætti að vera alveg nóg, því stærsta
hjólið væri bara fyrir hávaxið og
þungt fólk. Við festum einnig kaup
á hjálmi og öðrum fylgihlutum. Ég
spurði hvort það væri engum vand-
kvæðum bundið að fá hjálminn
sendan í póstkröfu með hjólinu og
var sagt að það væri ekkert mál.
Ég sagði afgreiðslumanninum af
fyrri reynslu minni og bað hann vin-
samlegast um að sjá til þess að nú
yrði rétt að málum staðið. Hann
fullvissaði mig um að hann myndi
sjálfur sjá til þess.
Síðan kemur hjólið í póstkröfu og
þá kemur í ljós að hjálminn vantar.
Við hringdum strax í búðina og var
sagt að hann yrði sendur af stað.
Dóttir mín hjólar síðan niður göt-
una, snýr við og segir að hjólið sé
of lítið og þá förum við að skoða
það og sjáum að okkur hefur verið
sent 18 tommu hjólið sem við skoð-
uðum í búðinni nokkrum dögum fyrr.
Við töluðum við starfsmann á skrif-
stofunni þeirra og bauð hann okkur
stærra hjól í svörtum lit. Dóttir mín
var ekki spennt fyrir þeim lit og
sagðist hann ætla að athuga málið
og hafa samband á morgun.
Boðið hjól gæða-
flokki neðar
Morguninn eftir hringir hann og
segist ekki heldur eiga hjólið í
svörtu, en spyr hvort við viljum
TREK 820, en það var á sama verði
og 830, þó að það sé gæðaflokki
neðar, því að 830 hjólin voru á til-
boði en ekki 820. Hann sagði að sér
þætti þetta leitt en afgreiðslumaður-
inn fullyrti að hann hefði sent okkur
rétt hjól. Okkur þótti nú súrt í broti
að vera boðið lélegra hjól á sama
verði og sögðumst vilja rifta kaupun-
um.
Hann segir það ekkert mál að
endurgreiða okkur hjólið, þegar
hann sé búinn að fá það til baka.
Við segjumst aftur á móti ekki senda
hjólið fyrr en við séum búin að fá
peningana og samþykkir hann það.
Síðar um daginn kemur upphringing
frá bankanum okkar um að inni á
reikningi í sparisjóði Vélstjóra liggi
greiðsla frá Érninum sem færð verði
yfir á minn reikning þegar hjólið
berist suður. Þeir gátu sem sagt
ekki hugsað sér að treysta okkur
en við áttum að treysta því að þeir
létu vita í bankanum þegar hjólið
kæmi. Eftir þessa reynslu vorum við
ekki sátt við það, hafandi ekki einu
sinni fengið almennilega afsökunar-
beiðni.
Beðist afsökunar
Morguninn eftir höfðum við sam-
band við sölumanninn, sem afgreiddi
okkur, sögðumst ekki sátt við þessa
viðskiptahætti, og spurðum hann
hvort hann myndi taka þessa per-
sónulegu ábyrgð sem hann lofaði.
Hann gat nú ekki mikið sagt, en
sagðist myndu ræða við verslunar-
stjórann og hafa svo samband.
Stuttu síðar hringir verslunar-
stjórinn, Sváfnir að nafni, biðst kurt-
eislega afsökunar á þessum mistök-
um og býður okkur grátt TREK 850
hjól, sem er aðeins dýrara hjól, á
sama verði. Við þurftum að beita
stelpuna fortölum og segja henni að
þetta væri miklu betra hjól, og þar
með gera lítið úr hinu, og svo heyrði
hún af stelpu sem hafði keypt 830
hjól fyrir tveimur mánuðum og var
búin að fara með það átta sinnum
í viðgerð. Hún var því orðin meira
en sátt við þetta tilboð, þegar þeir
í Erninum hringja og segjast hafa
„fundið“ hjól eins og við höfðum
viljað. Við sögðumst heldur vilja láta
fyrra tilboðið standa og var það sam-
þykkt og ákveðið að við kæmum
suður eftir helgi, sérferð til þess að
skila hjólinu og ná í hitt.
Tilboðið dregið
til baka
Þegar ég kem í verslunina á
mánudegi (eftir 210 km akstur) er
hins vegar búið að taka fram fyrir
hendurnar á hinum kurteisa Sváfni.
í verslunina er mættur „alvöru"
verslunarstjórinn, sem verið hafði í
sumarfríi, kveðst ekki tilbúinn til
þess að standa við þetta tilboð, því
að hann hafi jú verið í búðinni þenn-
an dag og séð að við skoðuðum þetta
hjól og ekkert annað. Það var eins
og hann héldi að ég legði stund á
svona svik til þess að græða þrjú
þúsund krónur í hjólaviðskiptum og
hann ætlaði nú ekki að láta fara
svona með sig. Það var því ekkert
annað að gera en að skila hjólinu,
fá peningana til baka og fara heim.
Þvílíkt klúður í einni verslun. Ég
sé ekki betur en að í báðum tilfellun-
um mínum geri þeir sömu mistökin.
í fyrra tilfellinu skoðaði ég rautt
hjól og bað um annað grænt, en
fékk bara það sem ég skoðaði í búð-
inni í tveimur eintökum. í síðara til-
fellinu skoða ég 18 tommu hjól, bað
um stærra, en fékk bara það sem
ég skoðaði í búðinni.
Mennirnir virtust enga hugmynd
hafa um hvað til var í búðinni og
hvað ekki, þeir viðurkenndu að hafa
gert mistökin í sambandi við hjálm-
inn, en samt hvarflaði það ekki að
þeim að þeir hefðu gert mistök í
sambandi við hjólið og voru tilbúnir
til þess að fara með viðskiptavininn
eins og ótíndan sakamann í þeirri
fullvissu.
Aðeins eitt gladdi okkur í þessu
máli. Það var þegar við fréttum að
Örninn hefði skipt um eigendur fyr-
ir nokkrum árum. Við héldum nefni-
lega að við værum að skipta við
gamla, góða og rótgróna fyrirtækið,
sem öll hjól í fjölskyldunni hafa ver-
ið keypt hjá áratugum saman; fyrir-
tæki, sem maður gat borið virðingu
fyrir.
GUNNAR HAUKSSON,
Lágholti 9, Stykkishólmi.
RAÐAUGÍ YSINGAR
Kennarar
Við í grunnskólanum í Grindavík leitum að
áhugasömum kennurum fyrir næsta skólaár.
Almenn bekkjarkennsla í 2. og 7. bekk æskileg.
Nánari upplýsingar veita skólastjóri í síma
426-8504 og aðstoðarskólastjóri í síma
426-8363.
Svæðisskrifstofa málefna fatlaðra á
Reykjanesi
Húsfélagið
Frostafold 133-147 óskar hér með eftir til-
boðum í viðgerð og endurmálun hússins.
Húsið er 3ja hæða fjölbýlishús. Stefnt er að
því að verkið verði unnið á þessu ári.
Tilboð skulu send til húsfélagsins, Frostafold
133-147, 112 Reykjavík.
Heimili óskast
14 ára rússneskur drengur sem talar góða
íslensku, er mjög rólegur og hæverskur, ósk-
ar eftir fjölskyldu til að búa hjá á virkum
dögum meðan hann stundar nám í MH.
Nánari upplýsingar í síma 437 1174.
Uppboð
Uppboð munu byrja á skrifstofu embættisins á Hafnarbraut 25,
Hólmavík, sem hér segir á eftirtöldum eignum:
1. Víkurtún 3, Hólmavík, þinglýst eign Sigurðar K. Friðrikssonar,
eftir kröfu Innheimtustofnunar sveitarfélaga, miðvikudaginn 9.
ágúst 1995 kl. 14.00.
2. Múli, Hólmavíkurhreppi, þinglýst eign Jarðasjóðs ríkisins, eftir
kröfu Stofnlánadeildar landbúnaðarins, miðvikudaginn 9. ágúst
1995 kl. 14.00.
Sýslumaðurínn á Hólmavík,
2. ágúst 1995.
-kjarnimálsins!
Viltu hafa áhrif?
Svæðisskrifstofa málefna fatlaðra á
• Reykjanesi óskar að ráða til starfa
forstöðumenn á tvö sambýli.
Um er að ræða ný sambýli sem munu taka
til starfa síðla þessa árs og verða heimili
fólks sem býr nú á endurhæfingardeild Land-
spítalans í Kópavogi.
Nýir forstöðumenn munu taka þátt í fram-
sæknu starfi í málefnum fatlaðra á vegum
Svæðisskrifstofunnar með öflugum fagleg-
um stuðningi í formi handleiðslu og nám-
skeiða. Þeir munu einnig taka þátt í víðtæku
faglegu samstarfi með öðrum stjórnendum
hjá Svæðisskrifstofunni.
Óskað er eftir þroskaþjálfum eða fólki með
aðra menntun á sviði uppeldis- og félagsvís-
inda. Mikilvægt er að umsækjendur hafi góða
samstarfshæfileika og reynslu af stjórnunar-
störfum. Umsóknarfresturertil 18. ágústnk.
Þroskaþjálfi óskast
Einnig er óskað eftir þroskaþjálfa til starfa við
sambýli fatlaðra við Klettahraun í Hafnarfirði.
Um er að ræða allt að 90% starf í vakta-
vinnu. Umsóknarfrestur er til 14. ágúst nk.
Nánari upplýsingar um ofangreind störf eru
veittar á Svæðisskrifstofu Reykjaness, í síma
564-1822. Umsóknareyðublöð liggja frammi
á skrifstofunni á Digranesvegi 5 í Kópavogi.
SlllCloug/ýs/hgor
fcimhjólp
Dagskrá Samhjálpar um
verslunarmannahelgina
verður sem hér segir:
Laugardagur 5. ágúst: Opið hús
kl. 14-17. Lítið inn og rabbið um
lífið, tilveruna og veðrið. Dorkas-
konur sjá um kaffi og meðlæti.
Kl. 15.30 tökum við lagið og
syngjum saman. Kenndir verða
nýir kórar. Takið með ykkur
gesti. Allir velkomnir meðan
húsrúm leyfir.
Sunnudagur 6. ógúst: Almenn
samkoma kl. 16. Mikill og fjöl-
breyttur söngur. Samhjálparkór-
inn. Nýju kórarnir sungnir. Vitn-
isburðir. Einsöng syngur Gunn-
björg Óladóttir. Barnagæsla.
Ræðumaður Óli Ágústsson.
Kaffi að lokinni samkomu.
Allir velkomnir í Þríbúðir,
Hverfisgötu 42, um
verslunarmannahelgina.
Samhjálp.
Þingvellir þjóðgarður
Dagskrá verslunarmanna-
helgar:
Laugardagur 5. ágúst
11.00 Leikjatjald fyrir káta
krakka opnaði í Fögru-
brekku. Ratleikur, sögu-
stundir, leikir og sköpun
alla helgina, frá morgni til
kvölds.
15.00 Tónleikar í Þingvalla-
kirkju. Ingveldur Ýr Jóns-
dóttir söngkona og Kjartan
Sigurðsson organisti flytja
íslensk einsöngslög, tón-
list e. Schubert o.fl.
20.00 Kvöldrölt. Ljúf gönguferð
um Spöngina, sem endar
með kyrrðarstund í Þing-
vallakirkju. Hefst við Pen-
ingagjá.
Sunnudagur 6. ágúst
11.00 Leikjatjald í Fögrubrekku
opnað upp á gátt fyrir káta
krakka og ævintýralegar
uppákomur.
14.00 Guðsþjónusta í Þingvalla-
kirkju. Prestur er Sr. Heim-
ir Steinsson
15.15 Konur og Alþingi til forna.
Inga Huld Hákonardóttir
sagnfræðingur gengur
með gestum um þinghelg-
ina. Hefst á Haki, þ.e. vest-
ari brún Almannagjár við
útsýnisskífu og tekur um 2
klst.
20.00 Kvöldrölt. Ljúf gönguferð
um Spöngina, sem endar
með kyrrðarstund í Þing-
vallakirkju. Hefst við Pen-
ingagjá.
Þátttaka í dagskrá þjóðgarðsins
er ókeypis og öllum opin.
Nánari upplýsingar fást í síma
482-2660.
FERÐAFÉLAG
§) ÍSLANDS
MÖRKINNI 6 - SlMI 568-2533
Ferðir um verslunar-
mannahelgina:
4.-6. og 7. ág. (3 og 4 dagar).
Þórsmörk og Fimmvörðuháls
(gengið frá Þórsmörk að Skóg-
um) Gist í Skagfjörðsskála/
Langadal eða í tjöldum. Göngu-
ferðir.
4.-7. ágúst: Landmannalaugar
- Breiðbakur - Eldgjá. Gist í
Laugum. Ekið á nýjar og
spennandi slóðir (Breiðbak)
norðvestan við Langasjó. Brott-
för föstudag kl. 20.00.
5.-7. ág. kl. 08.00: Núpsstaðar-
skógar. Tjaldað við skógana.
Tilkomumikið svæði vestan
Skeiðarárjökuls.
Dagsferðir til Þórsmerkur
kl. 08.00 sunnud. 6/8 og
mánud.7/8.
Aðrar dagsferðir: 6. ágúst kl.
13,00 Reykjanes - Kerling -
Stampar.
7. ágúst kl. 13.00 gengið á Esju
(Þverfellshorn).
Ath. Nokkur sæti laus í „Lauga-
vegsferðir" 9. og 10. ágúst.
Spennandi sumarleyfis-
ferðir:
11.-17. ágúst: Arnarfell hið
mikla - Þjórsárver (7 dagar).
Göngutjöld.
11.-16. ágúst (6 dagar). Eyði-
byggðir á skaganum milli Eyja-
fjarðar og Skjálfanda. Lagt af
stað frá Grenivík föstudag 11.
ágúst kl. 11 fyrir hádegi. Gist f
tjöldum flestar nætur. Bátur
flytur farangur fyrsta daginn (í
Látur). I Firði og í Flateyjardal
kemur bfll eða bátur í veg fyrir
hópinn. Þar má Ijúka ferð eða
hefja. Fararstjórar: Jórunn Viðar
Valgarðsdóttir og Valgarður
Egilsson.
Á skrifst. F.(. eru allar nánari
uppl. og kort með merktum dag-
leiðum.
Ferðafélag (slands.