Morgunblaðið - 04.08.1995, Blaðsíða 8
8 B FÖSTUDAGUR 4. ÁGÚST 1995
MORGUNBLAÐIÐ
Veitingastaðir
spretta upp í Gaza
í JORDAN Times segir frá því að
á síðustu mánuðum hafi um tuttugu
veitingastaðir sprottið upp á Gaza-
svæðinu, flestir meðfram strönd-
inni. Sumir séu hreinustu sælkera-
staðir og ferðamenn til Gaza sem
fram að þessu hafi einkum verið
blaðamenn og ættingjar íbúa, komi
þangað í auknum mæli.
Vitnað er í nokkra íbúa og þeir
benda á að í þau 27 ár sem Israel-
ar hersátu Gaza hafi verið útgöngu-
bann frá því kl. 20 á kvöldin. Nú
hafí Gazabúar því loks tök á því
að sitja á kaffihúsunum í ró og
næði og fara út að borða -_svo fremi
þeir geti veitt sér það. Á þessum
matsölustöðum flestum er fiskur
aðalrétturinn og sérstaka athygli
hefur vakið staðurinn La Mirage
þar sem nú koma um 250 manns
á dag. „Vinsælasti aðalrétturinn
okkar er fiskur, matreiddur á ýms-
an hátt og með alls konar kryddjurt-
um og svo borinn fram með spag-
hetti,“ sagði Eleiwa eigandi La
Mirage.
Matsölustaðnum er skipt í
þrennt, einn er úti á veröndinni með
útsýni yfir sjóinn fýrir gift fólk,
annar sameiginlegt herbergi beggja
kynja og loks einn salur aðeins fyr-
ir karla. ■
Morgunbladið/Jóhanna Kristjónsdóttir
Frá Gaza.
Gríllveislur
Morgunblaðið. Neskaupstað.
MEÐAL nýjunga sem Hótel Egilsbúð
og Fjarðarferðir í Neskaupstað hafa
fitjað upp á í sumar eru grillveislur
í Hellisfirði. Hann er eyðifjörður og
gengur inn úr Norðfjarðarflóa.
Grillað er úti undir berum himni á
í HellisfirOi
svæði þar sem í bytjun aldarinnar
var starfrækt hvalstöð. GefSt ferða-
mönnum kostur á að skoða menjar
um hana sem eru víða á svæðinu.
Þessar ferðir í Hellisfjörð hafa notið
vinsælda meðal ferðalanga. ■
Morgunblaðið/Ágúst
ERLENDIR gestir í Hellisfirði. Eftir að hafa svipast um á svæðinu
er slegið upp grillveislu
UM HELGINA
Ferðafélag íslands
UM verslunarmannahelgina
4.-7. ágúst verður farið til
Landmannalauga-Breiðabaks-
Eldgjár, einnig Svínárness-
Kerlingagljúfra-Hveravalla. Þá
verður farið í Þórsmörk og á
Fimmvörðuháls í 3 til 4 daga.
í þessar ferðir verður lagt af
stað á föstudagskvöldið kl. 20.
Á laugardeginum verður farið
í Núpsstaðarskóg kl. 8. ■
FERÐALÖG
GAMLI bærinn í Reykjarfirði er byggður úr reka. Morgunbiaðið/ÞHY
Þar stendur tíminn kyrr og
gömul íslensk gestrisni lifir
LANDRIS hefur verið í Reykjarfirði. Eins og sjá má eru melar
orðnir grónir melgresi en ekki er langt síðan að sjór lá þar yfir.
SUNDLAUGIN í firðinum er ein sú elsta á landinu,
en sundlaugin er gerð 1938.
VESTFIRÐIR og Strandir hafa
löngum verið talin búa yfir kynngi-
krafti og dulúð. Sá sem kemur þar
í fyrsta skipti og sér fjöllin keppast
við að teygja sig til himins hlýtur
að viðurkenna þá gömlu trú að
galdramenn geti búið á þvílíkum
stað. Landslagið er fallegt og hrika-
legt í senn. Það er eitthvað sem
hvetur ferðamenn að ganga um
firðina, enda eru Vestfirðir ein best
varðveitta gönguparadís þeirra sem
unna löngum og krefjandi göngum
um óspillta náttúru.
Þeir sem ekki hafa tíma né þrek
til þess að ganga svo dögum skipt-
ir um eyðifirði friðlandsins á Horn-
ströndum geta fengið smjörþefinn
af náttúrufegurð Stranda með því
að fara útsýnisflug með flugfélag-
inu Erni frá ísafirði vítt og breytt
um Vestfirði, þar sem skoða má
náttúruundrin úr lofti.
Þó að Vestfirðir virðist vera
næstum óyfirstíganlegt landflæmi
á landakortinu og seinlegt sé að
fara landleiðina vegna þess að
þræða þarf inn og út hvern fjörð,
þá er fljótlegt að fljúga á milli staða
og eins að sigla yfir firðina.
Meðal þeirra stuttu ferðalaga
sem flugfélagið býður upp á fyrir
ferðamenn, sem ekki hafa mikinn
tíma til þess að skoða sig um á
Vestfjörðum, er ferð til Reykjar-
fjarðar hjá Geirólfsnúpi. Reykjar-
flörður er afskekktur á Ströndum,
rétt fyrir sunnan Hombjarg, og
þangað er aðeins hægt að komast
frá lofti, legi og á tveimur jafnfljót-
um. Á leiðinni er flogið yfir Hom-
bjarg, eina mestu náttúruperlu
Stranda, og þaðan yfir víkur og firði
til Reykjarfjarðar.
Þegar þangað er komið tekur
Ragnar Jakobsson á móti gestum
og leiðbeinir um svæðið. Ragnar
býr í Reykjarfirði á sumrin með
konu sinni, Sjöfn Guðmundsdóttur.
Reykjarfjörður er gömul hlunninda-
jörð, þar sem reki er mikill, fuglalíf
og fjölbreyttur gróður; hvönn, sól-
eyjar, blágresi og viðkvæmur fjöru-
gróður breiðir úr sér. Gráir sels-
hausar skjótast upp úr djúpinu og
góna stómm augum á gestina.
Eln elsta útlsundlaug landslns
Eins og nafnið gefur til kynna
er jarðhiti í Reyijarfirði og ér þar
ein elsta útisundlaug á landinu,
byggð árið 1938 og er 20x8 metrar
að stærð. Laugin vekur oftast mikla
ánægju þeirra sem leið eiga um
fjörðinn.
Næstum allt í Reykjarfirði er
byggt úr reka, enda hafa bændur
þar verið sjálfum sér nógir í gegnum
tíðina og gömul hefð er fyrir smíði
úr reka, sem Ragnar og bræður
hans hafa haldið við. Gamla íbúðar-
húsið var byggt árið 1930 úr reka-
viði, svo og gamla sögunarmyllan,
en hún hefur vikið fyrir nýrri myllu
þar sem rekaviður er sagaður.
Á gönguferðinni um svæðið segir
Ragnar sögu staðarins og sýnir
ýmsar menjar fyrri tíma. Einstaka
sinnum gerir ein og ein kría árás
og hjörtu ferðamanna taka kipp og
þeir seilast í næsta prik og veifa
yfír höfði sér, aðrir setja undir sig
hausinn og breiða yfirhafnir yfir
og gægjast undan jakkalafi.
Töluvert landris hefur orðið í fírð-
inum. Ragnar giskar á að við land-
ið hafi bæst nokkrir tugir metra
síðan hann man eftir sér frá unga
aldri, enda má sjá rekavið langt
uppi í landi og sandmelar eru ný-
grónir melgresi.
Tíminn stendur hér kyté og
ferðalangarnir gleyma sér í róleg-
heitunum í logninu. Drangajökull
birtist af og til þegar skýjabólstrar
rofna yfir hvítri snjóbreiðunni. Eftir
skoðunarferðina er gestum boðið í
sund í myndarlegri og aldraðri
sundlauginni og fólki hættir til að
gleyma sér í þægilegu og klórlausu
vatninu. Eftir busl og hamagang
fínnst mörgum orðið nóg komið og
brölta upp úr afslappaðir og heitir.
Sjöfn og Ragnar bjóða síðan kaffi
og heimalagað bakkelsi eins og
samkvæmt gamalli íslenskri gest-
risni og kaffið og klattamir renna
ljúflega niður í svanga maga. Því
útiveran og sundið örva matarlyst-
ina.
Ragnar og Sjöfn em nýbyrjuð
að leggja stund á ferðaþjónustu í
firðinum og hafa viðtökur verið
mjög góðar. Mikill áhugi virðist
vera á svæðinu á Hornströndum og
finnst mörgum lúnum göngugörp-
um mikill léttir að koma í fjörðinn
eftir nokkurra daga göngu um
Strandir og steypa sér í laugina. í
firðinum er nú hægt að gista á tjald-
stæði kjósi gestir að dvelja þar leng-
ur, auk þess að hægt er að leigja
4-5 manna kofa til lengri og
skemmri tíma.
Eftir ánægjulegan dag er rölt
aftur á heimagerðan flugvöllinn þar
sem flugvélin bíður og flogið til
móts við Drangajökul og snúið til
Isafjarðar. ■
ÞHY