Morgunblaðið - 05.08.1995, Blaðsíða 9
MORGUNBLAÐIÐ
LAUGARDAGUR 5. ÁGÚST 1995 9
FRÉTTIR
Fjórar útgerðir leigja Boeing-þotu vegna áhafnaskipta á Flæmska hattinum
Hagkvæmasti
kosturinn
í stöðunni
HUGMYNDIN að því að leigja þotu
undir íslenska áhafnameðlimi, sem
gera út á flæmska hattinum, kvikn-
aði hjá Snorra Snorrasyni útgerðar-
manni á Dalvík.. Hann vildi finna
þægilegri ferðamáta fyrir mennina
.sem væru að koma úr allt að tveggja
mánaða úthaldi, en langa og krefj-
andi ferð með lítilli leiguflugvél.
Upphaflega ætlaði hann að kanna
hvort ekki væri hægt að notast við
Fokker-flugvélar Fiugleiða, en eftir
að hafa kannað málið komst hann
að þeirri niðurstöðu að hagkæmasti
kosturinn væri að leigja Boeing-þotu,
fyrir utan að þá fengju menn þjón-
ustu og mat eins og um almennt flug
væri að ræða.
Þegar svo var komið sögu tók
Allý Snorradóttir, framkvæmdastjóri
hjá Snorra Snorrasyni, við skipulagn-
ingu ferðarinnar. „Það hafði verið
talað um að fjögur skip yrðu í höfn
á þessum tíma, þannig að menn voru
spurðir hvort þetta væri raunhæfur
möguleiki og hvort þeir vildu taka
þátt í þessu,“ segir Allý.
„Þetta small saman á tíma. Ein
útgerðin ætlaði reyndar að landa
seinna, en flýtti því til að geta nýtt
sér ferðina." Þegar upp var staðið
tóku útgerðirnar Snorri Snorrason
með Dalborgina og Bliki hf. á Dal-
vík, Andvari í Vestmannaeyjum og
Otto Wathne á Seyðisfirði þátt í að
leigja þotuna.
26 áhafnameðlimir voru um borð
í þotunni. Auk þess fengu fleiri að
fljóta með, svo farþegarnir reyndust
alls 59 manns. Allý segir að ef það
geti gengið upp tímalega séð, sé
ekkert því til fyrirstöðu að endurtaka
leikinn: „Ég fékk meira að segja sím-
tal frá einum aðila og þá hafði fær-
eysk útgerð haft samband við hann
sem vildi mjög gjaman nýta sér ferð-
ina ef þetta yrði reynt aftur, þannig
að mér þykir það líklegur kostur ef
útgerðirnar landa á svipuðum tíma.“
„Okkur sem fórum í þessa ferð
fannst hún heppnast í alla staði mjög
vel,“ segir Allý að lokum.
Rólegt yfir veiðunum
„ÞAÐ ER frekar rólegt núna yfir
veiðunum," segir Sigurður Kristjáns-
son, skipstjóri á Blika, sem verið
hefur við veiðar í flæmska hattinum.
Hann var einn af þremur áhafnar-
meðlimum Blika sem voru leystir af
hólmi og komu með leiguvélinni
heim.
Sigurður segir að það hafi engu
að síður verið ágætis veiði í sumar.
Annars sé rækjan í skelskiptum á
þessum tíma og þá gangi hún ekki
í þá Japansvinnslu, sem mest sé stól-
að upp á, heldur í verðminni pakkn-
ingar og í endurvinnslu í landi.
„Það hefur verið minnkandi veiði
síðustu vikurnar og smærri rækja,“
segir hann. „Við höfum verið í tæpan
mánuð að veiðum og lönduðum núna
rúmum 80 tonnum á Nýfundnalandi.
Við vorum að fá um 4 tonn á sólar-
hring, en það er talsvert minna en
verið hefur í sumar. Ætli stærri skip-
in fái ekki um helmingi meira. Ég
held að á sama tíma í fyrra hafi
veiðin verið orðin mjög léleg á þess-
um slóðum, jafnvel lakari en núna.
Þá fóru skipin að tínast heim í byij-
un ágúst og um miðjan ágúst voru
þau flest komin heim.“
Sigurður segir að þau íslensku
skip sem gerð séu út í flæmska hatt-
inum og hafi ekki veiðileyfi í ís-
lenskri landhelgi, eins og Arnarnesið,
Otto Wathne, Dalborgin og Klara
Sveinsdóttir, verði þó líklega lengur
að veiðum í flæmska hattinum en
hin skipin.
Að sögn Sigurðar er stefnt að því
að Bliki komi aftur til Islands eftir
mánuð, en það fari þó eftir því hvern-
ig veiðin gangi. Hann segir að fjöld-
inn allur af skipum sé að veiðum í
flæmska hattinum, talsvert mörg frá
Noregi og íslandi, nokkur frá Fær-
eyjum og Grænlandi og mjög mörg
frá Rússlandi. Þá séu einhver skip
frá Kanada.
Sigurður segir að það hafi færst
mikið í vöxt að rækjuskip veiði með
tveimur trollum í einu, og það hafi
gefist sérlega vel í flæmska hattin-
um. Þá segir hann að það sé áber-
andi á hversu stórum skipum Norð-
menn, Færeyingar og Grænlendingar
séu miðað við Islendinga. Rússnesku
skipin, sem séu óhemju mörg á þess-
um slóðum, séu hins vegar orðin
úrelt, veiði mun minna en hin skipin
og ekkert af því fari á Japansmarkað.
Morgunblaðid/Maria
FEÐGARNIR Sigurður Pétursson og Pétur Sveinsson.
Ungnr sjómaður frá Vestmannaeyjum
Ætlar að verða atvinnu-
/
maður í knattspyrnu
SIGURÐUR Pétursson kemur frá
Vestmannaeyjum og er að verða
ellefu ára gamall. Hann var einn
af farþegum leiguvélarinnar til
Kanada og var að fara á sjó með
rækjuskipinu Andvara. Hann seg-
ist fyrst hafa farið á sjó þegar
hann var níu ára gamall og alltaf
hafa haft nóg að gera um borð.
Annars er Sigurður ekki alveg
verkefnalaus yfir sumartímann.
Hann er á kafi í íþróttum og var
að koma af knattspyrnumóti í
Svíþjóð, þar sem hann keppti með
Þór. Þá hefur hann líka spreytt
sig á golfi, en er hættur í því.
Sigurður er þegar búinn að
ákveða hvað hann tekur sér fyrir
hendur í framtíðinni: „Ég ætla að
verða atvinnumaður í knatt-
spyrnu.“ Hann er þá spurður hvað
hann ætli að gera ef það gengur
ekki upp. „Þá ætla ég að verða
sjómaður."
FARÞEGAR vélarinnar koma á flugvöllinn í St. Johns.
....''
Keflavík
Einu utan-
landsferðir sem
dagmömmur
hafa efni á
„ÉG ER dagmamma svo þetta eru
einu utanlandsferðirnar sem ég
hef efni á,“ segir Kristín Hall-
dórsdóttir. Hún er ein af
„Glasgow-systrum", sem nota
hvert tækifæri til að komast í
ódýrar verslun-
arferðir til út-
landa.
„Ég heyrði af
þessari ferð í
fréttum á
sunnudaginn
var,“ segir
Kristín. „Ég
hringdi þá út-
gerðina hjá
Snorra og
spurði hvort það væri laust sæti
fyrir mig og vinkonur mínar í
vélinni. Það reyndist engum
vandkvæðum bundið og okkur
var boðið með.“
Kristín hefur mörgum sinnum
áður farið í ódýrar versjunar-
ferðir á borð við þessa. í fyrra
fór hún til að mynda bæði til
Grænlands og Skotlands.
„Ég er að sýna mig og sjá aðra,
skemmta mér, versla og njóta til-
verunnar," segir hún um ástæð-
una fyrir þessum tíðu verslunar-
ferðum. „Að þessu sinni komumst
við í stórmarkað sem er opin 24
tíma á sólarhring. Þar keypti ég
ýmislegt til heimilisins, allt frá
soðnum kalkún niður í sleifar og
sokka. Þannig að þetta var eins
og drjúg innkaupaferð í Bónus,
nema bara helmingi ódýrara."
Að þessu loknu fóru þær vin-
konurnar í hátíðarskapi í miðbæ-
inn, fengu sér að borða og fóru
svo á kránna Grænar ermar, þar
sem flestallir lslendingarnir
voru. Að því loknu fóru þær aftur
á flugvöllinn og skemmtu sér
engu síður á leiðinni til baka.
„Það er engin spurning að ég
færi aftur ef mér stæði það til
boða, og þá ætti ég ekki í vand-
ræðum með að fylla vélina af vin-
konum mínum," segir Kristín.
„Þær sáröfunda mig allar af ferð-
inni.“
académie - snyrtisett
Frábært ferðatilboð
Hreinsimjólk - anclIitsvatn
Dag- og næturkrem
í fallegu snyrtiveski.
'Verðaðeins 2.450 kr.
Takmarkað magn
Reykjavík Baðhúsið, Ármúla 30. Snyrtist. Agncsar, Ármúla 15, Snyrtist. Díu,
Bcrgþóiugðtu 5. Snyrtist. Grafarv’ogs, Hverafold 5, Snyrtist. Greifynjan, Ilraunbæ 102.
Snyrtist. Hclcna Fagra. Laugavcgt 101, Snyrtist. Hvcríisgötu 50. Snyrtist. NN.
Borgarkringlunni. Snyrtist. Kirdísar. Fákafeni II. Kópavogur Snyrtist. Jóna. Haniraborg
10. Snyrtist. Rós. Engihjalla 8. Njarðvík Snyrtist. Huldu. SJávargötu 14.
Akranes Snyrtist. Lilju. Grenigrund 7.
Stykkishólmur Snyrtist. Katrinar. Skólastíg 11A. Rif Snyrtist. Önnu. Háariti 83.
ísa^örður Snyrtist. Sóley, Hafnarstræti 20. Sauðárkrókur Aðalstofan. Aðalgötu 20.
Akureyri Snyrttst. Eiva. Reykjasiðu 1. Vestmannaeyjar Snyrtist. Guðrúnar Ragnarsdóttur
Bröttugötu 5.'
Snyrtistofan Rós Kópavogi