Morgunblaðið - 05.08.1995, Blaðsíða 12

12 LAUGARDAGUR 5. ÁGÚST 1995
MORGUNBLAÐIÐ
AKUREYRI
Akureyringar að
verða 15 þúsund
UM 25 íbúa vantar á Akureyri til
að ná fimmtán þúsunda íbúa tak-
markinu og er gert ráð fyrir að
með þeirri fjölgun íbúa, sem verið
hefur að undanförnu, muni fimmtán
þúsundasti íbúi Akureyrar verða
skráður í næsta mánuði, þó jafnvel
ekki fyrr en í október, að því er
fram kemur í frétt í blaðinu Akur-
eyri sem Akureyrarbær gefur út.
Þar 'kemur fram að íbúafjöldi
hafi um síðustu mánaðamót verði
14.970 til 14.980 og að nákvæm-
lega væri nú fylgst með breytingum
á íbúafjölda af þessu tilefni. Vitan-
lega sé ekki ljóst hvort um nýbura
verði að ræða eða einhvem sem
flytur lögheimili sitt til bæjarins og
þá hafi dauðsföll og brottflutningur
fólks eðlilega áhrif á það hvenær
fimmtán þúsundasti íbúinn verði
skráður á Akureyri.
Alls hafa fæðst 230 börn á Akur-
eyri það sem af er þessu ári og eru
það, að sögn Ingibjargar Jónsdóttur
á fæðingardeild Fjórðungssjúkra-
hússins á Akureyri, heldur færri
börn en fæðst höfðu á deildinni á
sama tíma í fyrra. Hún sagði að
áætlað væri að um 40 börn fædd-
ust nú í ágústmánuði, en þar væri
ekki eingöngu um Akureyringa að
ræða því konur víða af landinu
fæddu börn á Fjórðungssjúkrahús-
inu á Akureyri.
Samkvæmt upplýsingum hjá
manntalinu á Akureyri er erfitt að
gefa upp nákvæma tölu um íbúa-
fjölda, hann sveiflast upp og niður.
Þar á bæ hafði þó verið gert ráð
fyrir fimmtánþúsundasta íbúanum
fyrri hluta júnímánaðar, þannig að
grannt er nú fylgst með öllum hrær-
ingum.
Morgunblaðið/Hilmar T. Harðarson
ÞEIR voru að spjalla saman, félagarnir á Ráðhústorgi en óvíst hvort umræðuefnið
hafi verið Akureyringur númer 15 þúsund sem búist er við alveg á næstunni.
Handverk í
Hrafnagili
Á ÞRIÐJA hundrað manns tek-
ur þátt í sölusýningunni Hand-
verk ’95 sem hefst á Hrafna-
gili í Eyjaíjarðarsveit á fimmtu-
dag í næstu viku, 10. ágúst en
um 70 sölubásar eru á sýning-
unni.
Þetta er í þriðja sinn sem
handverksfólk víða um land
stillir saman strengi sína og
sýnir verk sín á Hrafnagili. Um
5.000 manns sóttu sýninguna
sem haldin var í fyrra.
Jafnframt því sem fólk sýnir
og selur muni sína verður, að
sögn Elínar Antonsdóttur, at-
vinnufulltrúa hjá Byggðastofn-
un, sem umsjón hefur með sýn-
ingunni, boðið upp á fjögur
námskeið. Þar er um að ræða
námskeið í uppstillingu, um
markaðsmál, skattamál og
einnig verður rætt um umbúðir.
Sýningardagana, sem eru
frá 10. til 13. ágúst, verður
fólk einnig að sýna gamlar og
nýjar vinnuaðferðir af ýmsu
tagi og verður sá hluti utan-
dyra leyfi veður slíkt.
Sú nýbreytni hefur verið tek-
in upp i ár að selt verður inn
á sýninguna og er aðgangseyr-
ir 300 krónur. Þeir sem áhuga
hafa á að kaupa muni á sýning-
unni geta notað 200 krónur af
miðaverðinu sem mynt inni á
söiusvæðinu.
Gréta sýnir
á Hjalteyri
GRÉTA Berg opnar sýningu á
verkum sínum á Hótel Hjalt-
eyri í dag, laugardaginn 5.
ágúst kl. 13.00.
Sýningin hefur yfirskriftina
„Hin draumbláa júlínótt" en
myndir sínar fléttar Gréta úr
ljóðum Daviðs Stefánssonar
skálds frá Fagraskógi. Mynd-
irnar eru úr akríl og pastel.
Sýningin á Hótel Hjalteyri
stendur til 18. ágúst næstkom-
andi og er opin á opnunartíma
kaffihússins.
Messur
Akureyrarprestakall: Guðs-
þjónusta verður í Akureyrar-
kirkju á morgun, sunnudaginn
6. ágúst kl. 11.00. Tjarnar-
kvartettinn syngur. Sumartón-
leikar í kirkjunni sama daga
kl. 17.00.
Hjálpræðisherinn: Sam-
sæti fyrir Herfjölskylduna kl.
18.00 á morgun, sunnudag.
Kveðjusamkoma fyrir deildar-
stjórana Anne Gjurine og Daní-
el Óskarsson kl. 20.00 sama
dag. Allir velkomnir.
BRÚARENDINN liggur niðri í Fnjóská.
Brúin í Vagla-
skóg endurreist
BRÚIN yfir Fnjóská yfir í Vagla-
skóg verður reist við í haust, en
hún hrundi í miklum flóðum í ánni
í júní.
Guðmundur Svafarsson, um-
dæmisverkfræðingur Vegagerðar-
innar á Akureyri, sagði að hafist
yrði handa við verkið í september,
en um töluvert mikið verk væri að
ræða. Staurar verða reknir undir
brúna, byggðir stöplar og dekkinu
lyft upp á þá. „Við ætlum að skoða
þetta vel áður en við byijum á verk-
inu, átta okkur á því til fullnustu
áður en ráðist verður í það,“ sagði
Guðmundur. „Við erum að leita að
sérstökum verkfærum sem verður
að nota við þetta verkefni, það þarf
að lyfta þarna um 100 tonna þunga,
þannig að það er ekki alveg ljóst
hvenær við getum byijað.“
Guðmundur sagði að menn hefðu
enn ekki gert sér að full grein fyr-
ir um hversu mikið tjón væri að
ræða.
„Það hefur vissulega komið sér
illa að brúin hrundi. Það hefur allt-
af verið töluverður samgangur milli
Vaglaskógar og Illugastaða, fólk
hefur farið mikið á milli. Leiðin
þarna á milli er töluvert lengri nú,
það þarf að fara yfir Hálsmelana
til að komast í og úr skóginum,"
sagði Guðmundur.
Til sjós og lands
á Café Karolínu
TIL sjós og lands er yfirskrift
sýningar á ljósmyndum frétta-
ritara Morgunblaðsins sem
haldin er á Café Karolínu dag-
ana 5. til 19. ágúst. Sýningin
er liður í Listasumri á Akureyri.
Okkar menn, félag fréttarit-
ara Morgunblaðsins efndi til
samkeppni um bestu ljósmyndir
fréttaritara frá árunum 1993
og 1994 í samvinnu við Morgun-
blaðið. Veitt voru verðlaun í tíu
efnisflokkum og voru þær ljós-
myndir sem fengu verðlaun og
sérstaka viðurkenningu, alls 30
myndir settar upp á sýningu
sem haldin var í anddyri Morg-
unblaðshússins í Reykjavík um
miðjan maí og hafa myndirnar
síðan verið á hringferð um Iand-
ið.
Sýningin er opin á opnunar-
tíma Café Karolínu að Kaup-
vangsstræti 23.
Morgunblaðið/Margrét Þóra
TVEIR ungir kaffihússgestir skoða myndina af Geira
á ljósmyndasýningu fréttaritara í Café Karolínu.
Teiknistofan Form um uppsögn verksamnings
Trúnaður við Akureyr-
arhöfn ekki brotinn
BJARNI Reykjalín arkitekt og Árni
Árnason arkitekt hjá Teiknistofunni
Formi á Akureyri segja í greinar-
gerð sem þeir hafa sent frá sér í
tilefni af því að samningum um
skipulag hafnarsvæðisins á Oddeyr-
artanga sem teiknistofan hafði með
höndum var rift, að ekki sé rétt að
Teiknistofan Form sé byijuð á hönn-
unarvinnu á vöruskemmu fyrir
Flutningamiðstöð Norðurlands og
engir hönnunarsamningar hafi verið
gerðir.
Teiknistofan Form hefur unnið
að skipulagi fyrir Akureyrarhöfn og
var verkið á lokastigi, einungis á
eftir að skipta lóðinni sem er um
45 þúsund fermetrar að stærð á
milli tveggja umsækjenda, Eimskip-
afélagsins og Flutningamiðstöðvar
Norðurlands. Hafnarstjórn sam-
þykkti að segja upp verksamningi
við Form á fundi á mánudag og
bæjarráð staðfesti þá samþykkt á
fimmtudag. Ástæðan var sú að Form
hafði tekið að sér verkefni fyrir ann-
an umsækjenda um lóð á hafnar-
svæðinu.
Upplýsingum ekki leynt
Fram kemur í greinargerð arki-
tektanna tveggja að nú í vor hafi
verið leitað eftir því að þeir tækju
að sér hönnun á vörugeymslu fyrir
Flutningamiðstöð Norðurlands á
hafnarsvæðinu og hafi fulltrúa hafn-
arstjórnar verið gerð grein fyrir því
og hann hafi engar athugasemdir
gert. Það sé því ekki rétt að Teikni-
stofan Form hafi brotið trúnað við
Akureyrarhöfn, né að upplýsingum
hafi verið haldið leyndum.
Bjarni og Árni segja að þeir hafi
lagt áherslu á að leysa þann ágrein-
ing sem upp kom vegna málsins og
ýmsar hugmyndir viðraðar í því sam-
bandi. Formanni hafnarstjórnar hafi
einnig verið umhugað um að leysa
málið á farsælan hátt fyrir alla að-
ila, en sá fulltrúi í hafnarstjórn sem
lagði tillöguna um að samningi við
Form yrði rift hafi ekki verið tilbú-
inn til að draga uppsögn sína til
baka. Fram kemur einnig að þeir
hafi óskað eftir að koma á fund
hafnarstjómar til að skýra sín sjón-
armið en þeirri beiðni verið synjað.
Hlini
kóngsson
sýndur
FURÐULEIKHÚ SIÐ sýnir
barnaleikritið „Hlina kónsson"
í Dynheimum á morgun, sunnu-
daginn 6. ágúst, kl. 14 og 15.
Þetta er stutt sýning byggð
á þjóðsöguævintýrinu um Hlina
kóngsson. Furðuleikhúsið hef-
ur verið starfandi í rúmt ár og
sett á þeim tíma upp fjölmarg-
ar sýningar, bæði utandyra og
innan. Nú um verslunarmanna-
helgina verða þau á ferðinni á
Akureyri með „Furðufjölskyld-
una“, sem er götuleikhús fyrir
alla aldurshópa.
Leikarar eru Gunnar Gunn-
steinsson, Margrét. Kr. Páls-
dóttir, Olöf Sverrisdóttir og
Eggert Kaaber.
Miðasala í Dynheimum er
opnuð klukkustund fyrir sýn-
ingu og er miðaverð 450 krónur.