Morgunblaðið - 05.08.1995, Blaðsíða 47

MORGUNBLAÐIÐ
LAUGARDAGUR 5. ÁGÚST 1995 47
FRÉTTIR
AFMÆLI
HALLDÓR
ÞÓRÐARSON
Halldór Þórðarson með
fallegan feng.
FÍB með að-
stöðu um
verslunar-
mannahelgina
FÉLAG íslenskra bifreiðaeigenda
verður með hjálparþjónustu um
verslunarmannahelgina í svipuðu
formi og undanfarin ár. Á skrifstofu
félagsins verður vakt við síma 562
9999 frá föstudegi til mánudags frá
kl. 10-18 og utan þess tíma vísar
símsvari á bílasíma sem hægt er að
hringja í.
Félagið aðstoðar við að koma bil-
uðum ökutækjum til verkstæða og
annast útvegun varahluta eftir því
sem auðið er. Upplýsinga- og aðstoð-
arbílar verða á fjölförnustu leiðum.
Flest bifreiðaumboðin og vara-
hlutasalar hafa skipulagt bakvaktir
vegna varahlutaafgreiðsiu og víða
um land eru viðgerðarverkstæði opin
fyrir neyðarþjónustu og er FÍB í sam-
bandi við þessa aðila.
FÍB vill minna eigendur ökutækja
á að gæta þess að hafa ökutæki sín
vel búin til ferðalaga og gæta þess
að nauðsynleg verkfæri _séu tii stað-
ar. Jafnframt hvetur FÍB alla öku-
menn til aðgæslu í akstri á þessari
mestu umferðarhelgi landsmanna og
er sérstaklega minnt á hættu af
steinkasti á malarvegum eða þar sem
hlífðarlag hefur verið lagt yfir nýtt
bundið slitlag.
------» ♦ -♦----
Norrænt mót
presta heyrnar-
lausra
PRESTAR heyrnarlausra halda nor-
rænt mót í Reykjavík. Mótið hefst
mánudaginn 7. ágúst og stendur í
sex daga. Þetta er annað skipti sem
slíkt mót er haldið hér á landi en
prestar heyrnarlausra á Norðurlönd-
um hittast á tveggja ára fresti til
skiptis á Norðurlöndum.
Tilgangur mótsir.s er m.a. að
reyna að finna betri leiðir til þess
að boða Jesú Krist meðal heyrnar-
lausra og þjóna þeim og einnig að
ræða sameiginlega reynslu presta
heyrnarlausra.
Guðsþjónusta í tilefni af mótinu
verður fimmtudagskvöldið 10. ágúst
kl. 20 í Áskirkju.
------» » » ----
Útvarpsstöðin
X-ið 977 með
beina útsendingu
frá Klaustri
ÚTVARPSSTÖÐIN X-ið verður með
beina útsendingu frá tónleikunum á
Klaustri, Uxa 95, allan sólarhring-
inn. Bylgjulengd stöðvarinnar verður
103,0 MHz. Hlustendur geta fylgst
með þeim hljómsveitum sem fram
koma á tónleikunum, viðtölum við
listamennina og útihátíðargesti.
Fluttar verða fréttir frá svæðinu.
ÞESSIR glæsilegu trommu-
leikar voru við opnunina
Ráðhúsið
Alpa-
sýning
opnuð
SÝNINGIN „Óður til Alp-
anna“ var opnuð við hátíðlega
athöfn í Ráðhúsinu í fyrradag
en að henni standa íslensk
vinafélög í svissnesku og
frönsku alpahéruðunum.
Franska lúðrasveitin „Les
Enfants de Bayard“ lék við
opnunina en hún er skipuð
ungmennum frá tónlistar-
skóla bæjarins Pontcharra.
Sveitin heldur nú í tveggja
vikna tónleikaferðalag um ís-
land.
Á sýningunni er að finna
um fimmtíu ljósmyndir teknar
af þeim Jean d’Amico og Ge-
orges Laurent og er áherslan
á fegurð Alpanna, dýralíf og
gróður.
Meðal þeirra sem voru við-
staddir opnunina var Bernard
Bornet, forseti Valais-kantón-
unnar í Sviss, en þangað kom
Vigdís Finnbogadóttir í opin-
bera heimsókn í október árið
1990, Beat Kaufmann, sendi-
ráðsritari í sendiráði Sviss í
Ósló og Robert Cantoni,
sendiherra Frakklands á Is-
landi.
Morgunblaðið/Kristinn
LÚÐRASVEITIN „Les En-
fants de Bayard“ lék við opn-
unina.
Fyrirlestrar
íRáðhúsi
Reykjavíkur
PRÓFESSOR Jóhann Páll Árnason
heldur erindi í dag, laugardag, sem
hann nefnir Þjóð og nútíminn.
Jóhann Páll hefur verið prófessor
við La Trobe háskólann í Melbourne
í Ástraiíu, og er kunnur fyrirlesari
og höfundur fræðirita um félags-
fræði og stjórnmálaheimspeki.
Jóhann flytur erindi sitt kl. 10 í
hátíðarsal Ráðhússins í Reykjavík.
Norræni sumarháskóliiin er hald-
inn hér á landi í ár og hefur fjölmörg-
um þekktum fyrirlesurum verið boð-
ið hingað af því tilefni. Nokkrir
þeirra munu halda erindi í dag, milli
kl. 11-15. Þeirra á meðal rithöfund-
urinn Karen Armstrong sem talin
er vera einn helsti feministi innan
guðfræðinnar í dag, danski sagn-
fræðingurinn Uffe Óstergárd, Mar-
yse Laffitte, lektor í frönsku við
Kaupmannahafnarháskóla, Peter
AageBrandt, rithöfundur og mál-
fræðingur við Árósaháskóla, og
Thomas Hyland Eríksen, rithöfund-
ur og mannfræðingur við háskólann
i Ósló.
Að loknum erindunum verða pall-
borðsumræður um „hlutverk
menntamanna". Erindi og umræður
fara fram á ensku og lýkur kl. 17.
♦ ♦ ♦----
Verslunar-
mannahelgin í
Viðey
MARGIR hafa lagt leið sína út í
Viðey um verslunarmannahelgina
undanfarin ár og svo verður einnig
nú. Fjölskyldufólki er boðið upp á
ókeypis tjaldstæði í grennd við góða
snyrtingu. Leyfí fýrir þeim þarf að
fá hjá ráðsmanni eða staðarhaldara.
Fólk verður aðstoðað við koma far-
angri og tjöldum á bíl frá bryggju
upp á tjaldstæði.
Á laugardaginn kl. 14.15 verður
farið í gönguferð um norðurströnd
Viðeyjar. A sunnudag messar sr.
Jakob Á. Hjálmarsson kl. 14. Sérstök
bátsferð verður farin með kirkju-
gesti kl. 13.30. Eftir messu kl. 15.15
verður staðarskoðun heima við sem
byijar í kirkjunni en svo er gengið
um næsta nágrenni Viðeyjarstofu,
m.a. skoðaður fornleifauppgröftur-
inn. Á mánudag verður gönguferð
um Austureyna. Komið verður við á
ijósmyndasýningunni í skólahúsinu.
Hún er opin frá kl. 13.15-17.15 um
helgina. Hestaleiga er opin alla daga.
Viðeyjarstofa verður opin alla
daga. Bátsferðir verða frá Sunda-
höfn á klukkustundar fresti frá kl.
13. Á þriðjudag verður svo kvöld-
ganga. Þá verður gengið um Vestur-
eyna. Farið verður frá Sundahöfn
kl. 20.30.
-----»■ ♦ ■♦--
■ ORGELSTUND í Kristskirkju,
Landakoti, þriðjudaginn 8. ágúst.
Douglas A. Brotchie leikur á org-
el kirkjunnar frá kl. 12-12.30.
Aðgangur er ókeypis.
ÁTTUNDA dag ágústmán-
aðar næstkomandi verður
góðvinur okkar og veiðifé-
lagi um áratugaskeið sjö-
tugur.
Halldór Þórðarson vél-
stjóri,Vogatungu 35 í Kópa-
vogi, er maðurinn sá, er við
félagar viljum senda hug-
heilar árnaðaróskir á þess-
um tímamótum. Dóri, eins
og við nefnum hann okkar
í milli, sleit barnsskónum
við Sogið, mestu berg-
vatnsá landsins að talið er.
Hans æskuheimili var að
Syðri-Brú. Ungur að aldri
hóf hann að veiða í Soginu
og naut þá tilsagnar sér
eldri og reyndari manna svo sem
Jóns heitins Ögmundssonar, sem var
ótrúlega liðtækur veiðimaður hvort
heldur var við skot- eða stangaveiði.
í Soginu veiddu þeir, áður en að
það var virkjað, stærstu urriða sem
um getur á landinu. Slíkir fiskar
sjást ekki lengur á þessum slóðum,
hveiju sem um er að kenna.
Þarna var Dóri kóngur í ríki sínu,
og náði brátt afbragðstökum á því
að munda byssu eða stöng. Eftir
þjálfun og reynslu við Sogið varð
Halldór einn alfremsti fluguveiði-
maður landsins og mjög eftirsóttur
leiðsögumaður margra útlendinga
sem koma til landsins til veiða, enda
þekkir hann flestar laxveiðiár okkar
frábærlega vel.
Það er ekki að undra nú er við
viljum senda afmæliskveðjur til vinar
okkar að nefna stangveiðina fyrst á
nafn, því þar höfum við allir notið
kunnáttu hans og tilsagnar í svo
ríkum mæli að það verður aldrei
fullþakkað. Vinátta góðra veiðifé-
laga í amstri hversdagsleikans er svo
dýrmæt og hefur svo margt og mik-
ið sér til ágætis að ekkert kemst í
hálfkvisti við hana. Veiðiskap og
aðra tómstundaiðju nefna margir
dellu.
Orðatiltæki okkar er því „Dauður
er dellulaus maður“. Hefði þessi ár-
átta ekki verið til staðar hjá okkur,
væru vináttubönd okkar örugglega
óviss.
Þegar vinir eru vammlausir ætti
að ríkja samræmi í skoðunum þeirra
og tilhneigingum. Stundum kastast
þó í kekki milli félaganna, og þá er
það venjulega Dóri sem ber fram
sáttaorð, með sinni ágætu geðprýði
og stóískri rósemi.
Halldór hefur tekið virkan þátt í
starfi Stangaveiðifélags Reykjavík-
ur. Hann var í stjórn þess um langt
skeið, sat í mörgum árnefndum,
fræddi menn um vatnasvæði félags-
ins á fundum í „Opnu húsi“ og þann-
ig mætti lengi telja. Oddfellowhreyf-
ingin hefur notið starfskrafta hans
í áratugi. íþróttir hefur hann stund-
að svo sem skíðagöngu og sund, en
þó sérstaklega hnit eða badminton
og var meðal annars í fyrstu stjórn
Badmintondeildar K.R. Starfsvett-
vangur Dóra hefír verið við vélstjóra-
störf á farskipum og við Sogsvirkj-
un. Um tíma rak hann eigið fyrir-
tæki, Vélsmiðjuna Dynjanda.
Verslunarstörf stundaði hann hjá
G. Þorsteinsson og Jónsson, svo og
í 17 ár hjá bifreiðafyrirtæki Egils
Vilhjálmssonar. Síðastliðin 16 ár
hefur hann ^ unnið hjá Brauð og
Myllan h.f. hjá þeim bræðrum Jóni
Albert og Kolbeini Kristinssonum,
þar sem hann unir hag sínum afar
vel.
Gömul vísa segir:
Ellin herðir átök sín,
enda sérðu litinn.
Æviferðafótin mín,
fara að verða slitin.
Þetta á ekki við hann Dóra okk-
ar. Hár hans er að vísu örlítið grátt,
en keikur er hann og léttur í spori
á bökkum ánna í leit að ævintýrum
við strengi og hylji djúpa. Hann fer
að öllu með gát, er athugull og án
alls óðagots og fums og ber ómælda
virðingu fyrir umhverfínu og öllu
lífi í kring. Hann er náttúrubarn að
sönnu. JJngur að aldri gekk hann
að eiga Ingibjörgu Þórólfsdóttur,
hina ágætustu konu frá Fagradal í
Dalasýslu, sem bjó honum afar gott
og fallegt heimili, sem yndislegt er
að koma á. Hin mannvænlegu börn
þeirra eru fjögur: Þórólfur, Guð-
mundur, Ágústa og Auðbjörg.
Við viljum sérstaklega þakka Ingu
eiginkonu Dóra, hve oft hún hefur
leyft okkur að ræna honum úr faðmi
fjölskyldunnar í veiðiferðir, um leið
og við óskum þeim innilega til ham-
ingju á þessum tímamótum. Einnig
sendum við börnum þeirra, mökum,
barnabörnum og öðru venslafólki
ágætustu óskir. Halldór veiðimaður
verður að sjálfsögðu við eina af sín-
um uppáhaldsám á afmælisdaginn
og býður vinum og vandamönnum
upp á veisluföng og veiði að höfð-
ingjasið.
Vinur kær. Innilegustu hamingju-
óskir færum við þér með þessum
fátæklegu orðum á þínum merka
degi.
Vitur maður sagði: Án dyggðar
er engin vinátta.
Lifðu heill um ókomna framtíð
og njóttu í ríkum mæli útivistar við
vötnin ströng.
Þess óska af alhug veiðifélagarn-
ir,
Jóhann Guðmundsson,
Ólafur Ólafsson,
Friðleifur Stefánsson.
RAÐAUGIÝSINGAR

FUNDIR - MANNFA GNAÐUR HÚSNÆÐIÓSKAST ÝMISLEGT
Aðalfundur Softis hf. Boðað er til aðalfundar í hlutafélaginu Softis hf. þriðjudaginn 22. ágúst nk. kl. 17.00 á Grand Hótel, Sigtúni 38, Reykjavík. Dagskrá samkvæmt samþykktum félagsins. Lögð fram tillaga stjórnar um breytingu á sam- þykktum félagsins vegna hlutafjáraukningar. Ársreikningar félagsins munu liggja frammi frá og með 15. ágúst á skrifstofu félagsins á 7. hæð á Höfðabakka 9,112 Reykjavík. Stjórn Softis hf. r íbúðóskast I AT 2 fullorðnar konur (mæðgur) óska eftir Fasteignasala íbúðarhúsnæði til Suðurlandsbraut 12 |ejgu tj| jengrj tjma á sfMi: 3 30*1111 Stór-Reykjavíkur- FAX: 533-1115 svæðinu. 100% um- gengm. Upplýsingar í síma 551 2059. Margrét. Fatnaður í heildverslun Verslun (innflutningsaðili) í Reykjavík með óvenjulegan tískufatnað og fylgihluti á góðu verði, óskar eftir samvinnu við verslanir á landsbyggðinni með heildsölu í huga. Hægt er að fá sýnishornapakka sendan. Hafið samband við Ólaf eða Kristínu í s. 562-2322 eða á faxi 562-2151.