Morgunblaðið - 09.08.1995, Blaðsíða 8
8 B MIÐVIKUDAGUR 9. GÚST 1995
MORGUNBLAÐIÐ
HEIMSMEISTARAMÓTIÐÁ ÍSLÉNSKUM HESTUM
Sviss-
nesk ná-
kvæmni
íeinu
og öllu
SVISSLENDINGAR eru
umfram annað þekktir fyr-
ir góð úr og mátti því
reikna með að allar tíma-
setningar stæðust á mótinu.
Að sjálfsögðu gekk það eft-
ir og öll framkvæmd móts-
ins ein sú besta sem boðið
hefur verið upp á í heimi
íslandshestamennskunnar.
Mótssvæðið, sem þótti frek-
ar þröngt, tók ágætlega vel
við mótsgestunum sex þús-
und og áhorfendastúkan
við skeiðbrautina er hreint
afbragð. Gaf góða yfirsýn
yfir vellina og það sem
meira er; þar var skuggi
allan daginn. Varla var
veikan hlekk að finna í
framkvæmd mótsins en
hinsvegar var mikið kvart-
að undan háu verðlagi og
efast nú enginn af þeim sem
mótið sóttu um að Sviss er
dýrt land.
Morgunblaðið/V aldimar Kristinsson
SIGURÐUR V. Matthíasson og Huginn, stjörnur íslenska liöslns.
Sigurður og Huginn höfðu
tvö gull á hörkunni
ÞAÐ kom í hlut Sigurðar V. Matthíassonar og Hugins að við-
halda sigurgleði íslendinga á heimsmeistaramótinu íhestaíþrótt-
um sem haldið var í Fehraltorf í Sviss eftir að Sigurbjörn og
Höfði höfðu unnið fyrsta gullið á miðvikudag. Tryggði Sigurður
sér sigur í samanlögðu með því að bæta tíma sinn í 250 metra
skeiði um 1,3 sekúndur á laugardag og daginn eftir, á sunnu-
dag, sýndi hann mikið keppnisskap ífimmgangi og sigraði sem
verður að tefjast frekar óvæntur sigur miðað við aðstæður.
Eftir forkeppni fímmgangs á
fimmtudag var Karly Zings-
heim, Þýskalandi, efstur með 7 í
^■■■■1 einkunn en Sigurður
Valdimar og Huginn næstir
Kristinsson með 6,70. Ekki ríkti
skrifar mikil bjartsýni um
að tækist að vinna
þann þýska sem var með mjög góða
sýningu í forkeppninni. Margir voru
þeirrar skoðunar að ef Sigurður
ætti að eiga möguleika í fimmgangi
væri vænlegast að sleppa skeiðinu
og yrði því að velja á milli sigurs
i fimmgangi eða samanlögðu. Sig-
urður, sem er mikill keppnismaður,
fór í skeiðið og tryggði sér titilinn
í samanlögðu. Eftir hádegi á laug-
ardag fór hann svo í B-úrslit í slak-
taumatölti og varð þar í öðru sæti,
sem betur fer því annars hefði hann
orðið að mæta í A-úrslit á sunnu-
deginum og hefði þá verið dregið
af þreki Hugins.
Urslitin í fímmgangi voru hreint
út sagt æsispennandi. Þar sem Sig-
urbjörn féll út kom Hulda Gústafs-
dóttir með Stefni frá Tunguhálsi inn
í hans stað og losnaði þar með við
að fara í B-úrslit. Eftir töltið í úr-
slitunum voru Karly og Sigurður
jafnir með 7,33 en Hulda og Einar
Öder Magnússon sem keppti á
Mekki frá Þóreyjarnúpi voru næst
ogjöfn með 6,83. í brokkinu komst
Karly yfir, kominn með 7,43 en
Sigurður með 7,25, Hulda 7 og
Einar Öder 6,91. Þá var röðin kom-
in að fetinu og vitað var að Sigurð-
ur væri þar sterkari sem kom á
daginn, komst yfir með 6,94 en
Karly var kominn niður í 6,55 og
Hulda komin yfir hann með 6,78
og Einar ekki langt undan þannig
að þetta leit ekki vel út fyrir þann
þýska. En þá var röðin komin að
stökkinu og þar var hann sterkur
og rétti hlut sinn allnokkuð, var
með 6,60, Sigurður með 6,83,
Hulda 6,73 og Einar með 6,22. Og
þá var röðin komin að skeiðinu og
voru íslendingar farnir að gera sér
vonir um sigur en ekkert var þar
öruggt. Allt var í járnum eftir fyrsta
sprett, allir með góðan sprett en
eftir það klikkaði Feykir hjá Karly
í síðari sprettunum báðum og Ijóst
að íslendingar væru í þremur efstu
sætunum og meira en það, því
Karly hafnaði í fimmta sæti en
Heiðar Hafdal, sem keppti fyrir
Holland á Steingrími frá Glæsibæ,
hafnaði í fjórða sæti. Islendingar
voru þá komnir með þrjú gull og
þar með tapaðist aðeins eitt gull
ef miðað er við síðasta heimsmeist-
aramót. Það gull fór hins vegar til
frænda vorra Dana sem hlýtur að
teljast besti kosturinn úr því íslend-
ingar urðu að sjá af því.
HM 1997 verður í Noregi
NÆSTA heimsmeistaramót verður haldið í Seljord í Noregi 5. til
10. ágúst 1997. Seljord er í Þelamörk vestur af Osló. Þar var
haldið Norðurlandamót 1992 en Norðmenn héldu Evrópumeistara-
mót, sem í dag eru kölluð heimsmeistaramót, 1981. Oll aðstaða á
mótsstaðnum þykir hin besta, hesthús fyrir 127 hross, tveir hring-
vellir og skeiðbraut. Á mótinu í Fehraltorf var dreift kynning-
arbæklingum um mótið og héraðið en þar segir að mögulegt sé
að taka við allt að tíu þúsund manns á svæðið. Bjóða Norðmenn
alla velkomna á mótið.
Sigurbjörn vel ríðandi í
verðlaunaafhendingu
FYRIR lá að Sigurbjörn Bárðarson yrði fótgangandi í verðlaunaf-
hendingu þar sem hestur hans Höfði var haltur. Brást sá kunni
knapi Bernd Vith frá Þýskalandi vel við og bauð honum gæðing
sinn Rauð frá Gut Ellenbach en saman hafa þeir m.a. orðið heims-
meistarar í tölti og ávallt verið í fremstu röð. Kunni Sigurbjörn
vel að meta þennan rausiíarskap og tók smá númer á hestinum að
verðlaunaafhendingu lokinni og veltu margir vöngum yfir því á
hvaða hest hann væri eiginlega kominn.
Morgunblaðið/Valdimar Kristinsson
EFTIR sigurinn í fimmgangi streymdu að ungar stúlkur sem
fengu hinn nýja heimsmeistara til að gefa elglnhandaráritun
á baklð á bolum sínum.
Unaðs-
leg til-
finning
að vera
heims-
meistari
- segir hinn 19
ára gamli Sigurð-
urV. Matthíasson
„ÞAÐ var hreint út sagt un-
aðsleg tilfinning að vinna
fimmganginn og eins titilinn
samanlagður sigurvegari en
ég lagði mikið á mig og minn
hest til að það gengi upp.
Framan af var það sigur í
fimmgangi sem ég stefndi að
en eftir að allri forkeppni
lauk var ljóst að ég ætti einn-
ig raunhæfan möguleika í
samanlagðan sigurvegara
með því að ná undir 24,1 sek.
og því var ekki um annað að
ræða en að skella sér í skeið-
ið þótt ég tæki áhættu hvað
varðaði árangur í úrslitum
fimmgangs,“ sagði Sigurður
V. Matthíasson sem með frá-
bærri frammistöðu tryggði
sér heimsmeistaratitil í
fimmgangi og saraanlögðu.
Sigurður, sem er aðeins 19
ára og keppti nú í annað sinn
á heimsmeistaramóti, sagði
að vissulega hafi það tekið á
taugarnar i siðari umferðinni
þegar fyrri spretturinn hafði
mistekist og aðeins einn
sprettur eftir til að tryggja
sigur í samanlögðu. „Ég
spurði Sigurbjörn tvisvar
hvort Huginn stæði réttur
fyrir startið áður en ég gæfi
ræsinum merki um að ég
væri tilbúinn því ég var
ákveðinn í að láta hann ekki
staita á kýrstökki sem hann
gerði í næst síðasta spretti.
Lét ég hann þá bara damla
á rólegri ferð í stað þess að
láta hann eyða orku að
óþörfu þar sem spretturinn
var farinn forgörðum. í síð-
asta spretti hleypti ég á fulla
ferð fram að niðurtökumark-
inu og allt gekk eins og í
sögu og sigurinn var í höfn,“
heldur Sigurður áfram.
„Ég taldi mig eiga góða
möguleika í úrslitum í fimm-
gangi og fór inn á með því
hugarfari inn á völlinn. Þeg-
ar skeiðið var eftir var ég
nokkuð viss um að ég væri
örlítið hærri en Karly Zings-
heim, sá það á háttalagi lið-
stjóranna sem gaf nokkuð
örugga vísbendingu. Skeiðið
var mun betra í úrslitunum
þjá okkur en í forkeppninni
og fannst mér klárinn eflast
við hverja raun bjó greini-
lega vel að vetrarþjálfun-
inni,“ sagði Sigurður, heims-
meistarinn ungi.
Sigurður mun eftir mótíð
fara til starfa við þjálfun
hesta í Þýskalandi í tvær vik-
ur og þaðan til Austurríkis
til tveggja mánaðar dvalar i
sömu erindagjörðum. í vetur
hyggst hann vinna sjálfstætt
við tamningar og þjálfun og
stefnir að sjálfsögðu að því
að koma hrossum inn á fjórð-
ungsmótið sem haldið verður
á Gaddstaðaflötum.