Morgunblaðið - 10.08.1995, Blaðsíða 13
MORGUNBLAÐIÐ
FIMMTUDAGUR 10. ÁGÚST 1995 13
Morgunblaðið/Pétur H. ísleifsson
ÞÁTTTAKENDUR í hagyrðingamótinu á Vopnafirði.
Vopnaskak með
íslenskuna að vopni
Vopnafirði - Mikið fjölmenni, eða
um 500 manns, mætti á hagyrðinga-
mót sem haldið var í íþróttahúsinu
á Vopnafirði og voru margir komnir
langt að, bæði austan af fjörðum
og norðan úr landi.
Þátttakendur voru átta, þeir Há-
kon Aðalsteinsson, Hjálmar Jóns-
son, Halldór Blöndal, Jói á Stapa,
Aðalsteinn Valberg, Elís Kjaran,
Stefán Vilhjálmsson og Erla _Guð-
jónsdóttir. Stjórnandi var Ómar
Ragnarsson og fóru allir keppendur
á kostum. Voru þátttakendur með
vísur í farteskinu og eins voru vísur
framreiddar á staðnum og margar
með ótrúlegum hraða.
Jónas Árnason var heiðursgestur
á samkomunni og stjórnaði hann
fjöldasöng við undirleik Eldbands-
ins. Jónas gerði einnig vísur um
þátttakendur. Dómnefnd var starf-
andi undir stjórn Þórarins Eldjárns
og valdi hún bestu vísuna og besta
botninn. Besta vísan var eftir Erlu
og besti botninn kom frá Halldóri
Blöndal. Samkoman stóð frá kl. 21
til kl. 1.
• •
Veðurblíða í Oræfum um
verslunarmannahelgina
Hnappavöllum - Mikil veðurblíða
var í Oræfum um verslunarmanna-
helgina eins og víða á Iandinu. Var
þar því mikill ferðamannastraumur
þó ekki væri nein útihátíð. Alls borg-
uðu 4600 manns fyrir gistingu í
þjóðgarðinum í Skaftafelli yfir helg-
ina en það er algjört aðsóknarmet.
Auk þess var mikill fjöldi á tjald-
stæðum annars staðar í sveitinni.
LAIMDIÐ
Lestarferð á hestum
Vaðbrekku, Jökuldal - Lestarferð
á hestum var farin frá torfbænum
á Sænautaseli út á Vopnafjörð á
dögunum. Lestarferðin var farin í
tengslum við Vopnaskak, en liður
í þeirri hátíð var Burstarfellsdagur
sem er búdagur á Burstarfelli en
lestarferðin áði þar.
Þrír trússhestar voru í ferðinni
en upp á hestana bjuggu Hallgrím-
ur Helgason frá Þorbrandsstöðum
og Stefán Pálsson frá Aðalbóli en
þeir eru báðir á sjötugsaldri og
kunna vel til þessara verka og voru
vanir að vinna þessi verk fyrr á
árum. Algengt var að búið væri
upp á hesta klyfjar fram að seinna
stríði en þá gekk í garð bílaöld og
flutningar á hestum lögðust af að
mestu.
Varningurinn sem farið var með
á hestunum út á Vopnaijörð nú var
hefðbundinn framleiðsla í sveitum
áður fyrr s.s. ull, tólg og pijónles.
Síðasta lestarferðin frá Sæ-
nautaseli út á Vopnafjörð var farin
fyrir rúmlega 60 árum eða upp úr
1930 en vegurinn yfir Fjöllin um
Rangalón opnaðist árið 1934, flutt-
ist þá verslun Sænautaselsbónda á
Reyðarfjörð og færðust flutningar
að mestu yfir á bíla um leið.
Stefán Pálsson frá Aðalbóli var
lestarstjóri í ferðinni nú út á Vopna-
fjörð og til aðstoðar í ferðinni hafði
hann Lilju Óladóttur og Dagmar
Ýr Stefánsdóttur báðar til heimilis
í Merki. Gekk ferðin úteftir vel
eftir svolitla byrjunarörðugleika
þar sem móttak í klyfbera á einum
hestinum slitnaði og snaraðist á
öðrum. Farið var fyrsta daginn út
að Mel sem er gangnakofi Vopn-
firðinga daginn eftir var síðan far-
ið út á Vopnafjörð og áð á Burstar-
felli eins og áður sagði.
Morgunblaðið/Sigurður Aðalsteinsson
BUIST til ferða frá torfbænum Sænautaseli.
LESTARSTJÓRI í ferðinni var Stefán Pálsson frá Aðalbóli.
OTRULEGT VERÐHRUN
60-80%
AFSLÁTTUR
Allir rósóttir kjólar áðurfrá 5.990.- nú 2.490.-
Öll pils áður frá 7.990.-nú 1.990.-
Allir jakkar áður frá 14.900.- nú 4.990.-
Allar buxur áður frá 7.990.- nú 1.990.-
Allirfínni bolir frá 6.990.- nú 1.990.-
Allar blússur áður frá 6.990.- nú 1.990.-
Allir skór áður frá 19.900.- nú 3.990.-
Allir kjólar áður frá 7.990.- nú 2.500,-
ATH. Nýir sumarbolir aðeins 990.-
w'P1
Laugavegi 44, Kringlunni