Morgunblaðið - 12.08.1995, Blaðsíða 13
MORGUNBLAÐIÐ
LAUGARDAGUR 12. ÁGÚST 1995 13
LANDIÐ
ANNA Sigurðardóttir var með í reiðinni að Burstarfelli og reið hún í söðli.
Morgunblaðið/Pétur H. ísleifsson
Burtfarardagar að Burstarfelli
Vopnafirði - Um verslunar-
mannahelgina voru haldnir
burtfarardagar að Burstarfelli
í Vopnafirði en það er gamall
torfær sem búið var í fram að
árinu 1966.
Sýndar voru gamlar vinnuað-
ferðir svo sem smíðar á skeif-
um, sláttur með orfi og ljá,
lummubakstur á hlóðum og
vegghleðsla. Einnig kom lest
hesta frá Jökuldalsheiði en sú
leið er um 70 km og var farin
á tveimur dögum.
Með í lestinni var kona er
reið í söðli, Anna Sigurðardótt-
ir, Felli í Vopnavirði.
Nýtt fyrirtæki á Selfossi
Framleiðir gangstéttar-
hellur og skrautsteina
Selfossi - Hellusteypa Selfoss er
nýstofnað fyrirtæki sem framleiðir
gangstéttarhellur og skrautsteina
af ýmsum gerðum ásamt því að
taka að sér hellulagnir og lóða-
framkvæmdir, frá hönnun til lok-
afrágangs. Óhætt er að segja að
fyrirtækið hafi fengið fljúgandi
start því viðtökur hafa verið mjög
góðar að sögn Ólafs Þ. Ólafssonar
eiganda fyrirtækisins.
„Það er mikið að gera við að
steypa og leggja hellur og viðtök-
urnar hafa verið mjög góðar hjá
öllum bæði þeim sem við höfum
átt viðskipti við og síðan hafa fyr-
irtæki hér á Selfossi og Suður-
landi tekið okkur fagnandi", sagði
Ólafur en auk hans starfa þrír
menn hjá fyrirtækinu.
Aðalmarkaðssvæði Hellusteyp-
unnar er á Suðurlandi en sölustað-
ir framleiðslunnar eru á Hvolsvelli
og í Vík í Mýrdal. Ólafur segir að
sala til Reykjavíkur sé dijúg, bæði
til einstaklinga og verktaka.
Mikið spurt um
Venusarsteininn
Hellusteypa Selfoss var sett á
stofn í mars á þessu ári og við
stofnun hennar segist Ólafur hafa
notið aðstoðar Róberts Jónssonar
atvinnuráðgjafa Selfoss og Berg-
steins Einarssonar formanns At-
vinnuþróunarsjóðs Selfoss.
„Það er í ýmis horn að líta þeg-
ar svona fyrirtæki er sett á stofn
og það var mjög gott og hvetjandi
að eiga samstarf við þessa menn,“
sagði Ólafur.
Meðal steina sem Hellusteypa
Selfoss er með í framleiðslu er
svonefndur Venusarsteinn sem
ekki hefur verið á markaðnum
lengi. Mikið er spurt um þennan
stein sem gefur skemmtilegt
munstur þegar hann er lagður i
stéttar og heimskeyrslur. Ölafur
sagði að samkeppni væri hörð í
þessari grein og framundan væri
að auka fjölbreytnina í framleiðsl-
unni með því að huga að ýmsum
öðrum steinum og hellum. Aðalá-
herslan í vetur yrði að steypa milli-
veggjaplötur og að steypa hellur
á lager. *
„Ég er bjartsýnn á framhaldið
eftir þetta fyrsta sumar. Það var
greinilega þörf fyrir okkur á mark-
aðnum,“ sagði Ölafur Þ. Ólafsson
eigandi Hellusteypu Selfoss.
Morgunblaðið/Sig. Jóns.
STARFSMENN Hellusteypu Selfoss, Lyngþór Jósepsson og
Axel Óli Ægisson ásamt Ólafi Þ. Ólafssyni eiganda fyrirtækisins.
Hundadagagleði
Torgara
Húsavík - Átthagafélag Torgara
á'Húsavík, sem stofnað var 1992
og hélt upp á eftirminnilega hátíð,
ætlar nú að efna aftur til úti-
fagnaðar, sem nefnist Hunda-
dagagleði 1995, og halda á laugar-
daginn 19. ágúst á Rauðatorginu,
eins og svæði frumbyggjanna var
upphaflega kallað.
Svæðið afmarkast af Búðara
að norðan, Reykjaheiði að austan,
norðan Fossvalla að sunnan og af
dreginni línu, 9,5 metra, frá Garð-
arsbraut að vestan. Torgarar telj-
ast allir frumbyggjar á svæðinu
og börn þeirra og þeir nýbyggjar,
sem búið hafa minnst 5 ár á Torg-
inu geta öðlast þar fullkominn
borgararétt en þeir sem hafa dval-
ið þar skemur hafa takmarkaðan
rétt.
Hátíðardagskráin hefur ekki
verið birt í einstökum atriðum, en
þar má búast við fjölbreyttri dag-
skrá því í liópi Torgara eru þjóð-
þekkt ljóð- og leikritaskáld, fjöldi
tónlistarmanna og annarra lista-
manna, sem þó eru sumir brott-
fluttir og hafa víða vakið á sér
eftirtekt, en von er á því að þeir
komi til hátíðarinnar. Þótt Torgar-
ar teljist sérstakur „þjóðflokkur"
á Húsavík eiga þeir ekki í illdeilum
við aðra flokka í bænum, en þeir
ætla að heyja baráttu við Brekku-
snigla í slagbolta, sem var vinsæll
leikur á Torginu á árum áður, en
ekki hafa þeir boðið Brekkusnigl-
um til keppni í knattspyrnu enda
hafa þeir mörgum þjóðþekktum
knattspyrnumönnum á að skipa.
Á blaðamannafundi, sem fram-
kvæmdanefndin boðaði til, kom
fram að margar nefndir hafa verið
skipaðar til undirbúnings, þar á
meðal veðurnefnd, sem á að hafa
áhrif á að Veðurstofan sjái um
gott veður.
Hólahátíð
á sunnu-
dag
HIN árlega Hólahátíð fer fram
að Hólum í Hjaltadal sunnu-
daginn 13. ágúst kl. 14. Dag-
skrá Hólahátíðarinnar skiptist
að venju í guðsþjónustu og
hátíðarsamkomu.
Fyrirlesari hátíðarsamko-
munnar er að þessu sinni pró-
fessor Helga Kress og ijallar
hún um Guðnýju Jónsdóttur
frá Klömbrum, líf hennar og
ljóð. Guðný frá Klömbrum í
Þingeyjarsýslu fæddist árið
1804 og dó 1836. Ári eftir lát
hennar birtist kvæði eftir hana
í Fjölni og mun það vera fyrsta
veraldlega kvæðið eftir konu
til þess að birtast á prenti
hérlendis.
Dagskrá Hólahátíðar er eft-
irfarandi: Kl. 14 er guðsþjón-
usta í Hóladómkirkju þar sem
sr. Bragi I. Ingibergsson, sr.
Hjálmar Jónsson og sr. Guðni
Þór Ólafsson þjóna fyrir alt-
ari. Kirkjukór Siglufjarðar
syngur og Hlöðver Sigurðsson
syngur einsöng. Organisti er
Ántonia Hevesi og trompet-
leikur er í höndum Sigurðar
Hlöðverssonar. Að messu lok-
inni er hátíðargestum boðið
að þiggja kaffiveitingar í
Bændaskólanum.
Kl. 16.30 hefst svo hátíðar-
samkoma í Hóladómkirkju
með erindi Helgu Kress um
Guðnýju frá Klömbrum. Lesar-
ar með Helgu eru Gerður
Bolladóttir og Bolli Pétur
Bollason.
Söfnun fyr-
ir heimilis-
fólkið á
Þormóðs-
stöðum
STOFNAÐUR hefur verið
tékkareikningur nr. 1533 í
Sparisjóði Vestur-Húnavatns-
sýslu til styrktar Petreu Hall-
mannsdóttur og Agli Þórólfs-
syni, Þormóðsstöðum í Sölva-
dal, í kjölfar náttúruhamfar-
anna þar í sumar þegar aur-
skriður hrifu með sér mikið
af túnum og rafstöð bæjarins.
Ófremdarástand hefur verið
í þeirra búskap síðan en þau
höfðu jörðina og kvótann á
Jeigu. Nú hafa þau hug á að
stofna heimili á öðrum stað.
Í fréttatilkynningu segir:
„Hjálpum þeim við að eignast
heimili og atvinnu á ný.“
Framlögum er veitt móttaka í
öllum bönkum, sparisjóðum og
pósthúsum landsins.
Útimark-
aður á Borg
í Grímsnesi
ÚTIMARKAÐUR verður hald-
inn á Borg í Grímsnesi sunnu-
daginn 13. ágúst og hefst hann
kl. 14.
Meðal þess sem boðið verður
upp á er tombóla, hestaleiga
fyrir börnin, kaffisala, „street
ball“ körfubolti og útigrill. Það
er Kvenfélagið í Grímsnesi,
Ungmennafélagið Hvöt og Li-
onsklúbburinn Skjaldbreiður
sem standa að útimarkaðinum.
Allir velkomnir.