Morgunblaðið - 12.08.1995, Blaðsíða 21

MORGUNBLAÐIÐ
LAUGARDAGUR 12. ÁGÚST 1995 21
ERLENT
Hann hafði verið heilsuveill um
nokkurt skeið og þjáðist af syk-
ursýki, sem hann fékk í kjölfar
mikillar eiturlyfjaneyslu. Fjöldi
manns safnaðist einnig saman í
Los Angeles, New York, Washing-
ton og Seattle til að minnast hans
og á Alnetinu skiptast aðdáendur
á orðsendingum og skoðunum um
Garcia.
Reuter
Garcia minnst í
San Francisco
MIKIL sorg ríkir nú í San Franc-
isco og á Alnetinu (Internetinu)
vegna andláts gítarleikarans og
söngvarans Jerry Garcia, sem var
driffjöður hljómsveitarinnar
Grateful Dead. Aðdáendur Garcia
flykktust til Haight-Ashbury
hverfisins í San Francisco þar sem
blómabörnin áttu upptök sín á sjö-
unda áratugnum og hljómsveitin
Grateful Dead kom fyrst fram
fyrir 30 árum. Hér sjást syrgjend-
ur við blómsveiga og kransa, sem
lagðir voru á mótum gatnanna
Haight og Ashbury eftir að Garcia
lést á miðvikudag.
Læknar sögðu að Garcia hefði
fengið þjartaáfall á meðferðar-
hæli fyrir eiturlyfjasjúklinga.
Dagblaðið The New York Times
segir úthafsveiðisamkomulagið
aðeins fyrsta skrefið
Hvetja til hertra
laga um stjórn-
un fiskveiða
BANDARÍSKA dagblaðið The
New York Times birti á fimmtu-
dag leiðara um niðurstöðu úthafs-
veiðiráðstefnunnar í New York,
sem lauk í síðustu viku, og segir
að nú ríði á að þjóðir heims taki
sér tak innan eigin fiskveiðilög-
sögu og hætti að niðurgreiða of-
vaxna skipaflota. Skorað er á
Bandaríkjaþing að ganga á undan
með góðu fordæmi og herða lög
um stjórnun fiskveiða og verndun
fiskistofna.
Hin svokailaða Magnuson-lög-
gjöf var sett fyrir tuttugu árum
og hefur til dæmis verið vísað til
hennar ásamt hins svonefnda
Pelly-ákvæðis þegar kröfur hafa
verið gerðar um að Bandaríkja-
menn beiti hvalveiðiþjóðir við-
skiptaþvingunum. Bandaríkjaþing
hefur haft strangari útgáfu
þessarar löggjafar til meðferðar
frá því í vor og með leiðara The
New York Times hefur þrýsting-
urinn aukist.
I leiðaranum sagði að það væri
fagnaðarefni að samkomulag
hefði náðst, sem tæki til veiða á
reginhafi, enda hefði Matvæla- og
landbúnaðarstofnun Sameinuðu
þjóðanna komist að þeirri niður-
stöðu að flestum fiskstofnum
heims færi annað hvort hnignandi
eða þeir væru í bráðri hættu.
„Þetta er ekki fullkomið sam-
komulag,“ sagði í The New York
Times. „Til dæmis tekur hann
aðeins til 20 prósenta af fiskstofn-
um hafanna . . . Eins og um-
hverfisverndarsamtökin Greenpe-
ace hafa bent á verður það áfram
þannig að „of margir bátar eltast
við of fáa fiska“.“
Dagblaðið lýsir yfir ánægju með
það að hald sé í samkomulaginu
svo langt sem það nái, bæði hvað
varði framkvæmd og eftirlit. Aðilj-
ar að samkomulaginu séu skuld-
bundnir til að draga úr þeirri só-
un, sem fylgi því að varpa afla
fyrir borð, og eftirlitsmenn fái að
fara um borð í skip og færa þau
til hafnar, sem fari fram úr kvót-
um og noti ólögleg veiðarfæri.
Hins vegar sé þrennt eftir: í
fyrsta lagi þurfi um þrjátíu úthafs-
veiðiþjóðir að staðfesta hann og í
Japan, Rússlandi, Suður-Kóreu,
Spáni, Tævan og Póllandi, sem
veiði 90 prósent úthafsaflans,
megi búast við mikluin deilum.
„I öðru lagi þurfa einstök lönd
að styrkja eigin lög um stjórnun
fiskveiða innan 200 mflna fisk-
veiðilögsögu sinnar,“ sagði í blað-
inu. „Öldungadeild Bandaríkja-
þings gæti sýnt öðrum þjóðum for-
dæmi með umbótum á bandarísku
grundvallarlögunum, Magnuson-
löggjöfinni, þegar þau verða endur-
skoðuð síðar á þessu ári.“
í leiðaranum var einnig skorað
á ríkisstjórnir um heim allan að
endurskoða þá stefnu „að ganga
í veð fyrir ofvaxna og offjármagn-
aða fiskiskipaflota. Að mati SÞ
tapa sjómenn 20 milljörðum
Bandaríkjadollara á ári þótt árlega
nemi andvirði sölunnar 70 millj-
örðum. Muninn niðurgreiða ríkis-
stjórnir.“
Ekki er vitað um orsakir flugslyssins í E1 Salvador í fyrrinótt
Fimm norsk
ungmenni fórust
Ósló. Morgunblaóið.
FIMM Norðmenn fórust þegar
Boeing-þota þota Aviateca flugfé-
lagsins í Guateamala, á leið frá
Miami til Costa Rica, fórst aðfara-
nótt fimmtudagsins skammt frá
borginni San Salvador í E1 Salvad-
or, en þar stóð til að millilenda.
Hin látnu voru öll fulltrúar
norskra ungliðahreyfinga. Þau
hétu Geir Nybraaten, John Fin-
stad, Dordi Eika, Kristin Fadum
og Elbjorg Aadland og voru full-
trúar samtakanna Juvente, AUF,
KFUK/KFUM, Norges Ungdoms-
lag og Senterungdommens Lands-
forbund.
Þau voru hluti af tíu manna
hópi sem var að hefja tveggja
vikna námsferð um Mið-Ameríku,
er skipulögð hafði verið af norska
æskulýðssambandinu. Þau komu
öll frá Noregi til Miami í Banda-
ríkjunum á miðvikudagskvöld og
skildu þar leiðir.
Helmingur hópsins fór til E1
Salvador og hinn helmingurinn til
Nicaragua. Hafði verið ákveðið
fyrirfram hverjir færu hvert og réð
hending því hvernig skiptingin
varð að lokum. „Við vissum ekki
að vélin til Nicaragua átti að milli-
lenda í San Salvador. Það er hrein
tilviljun að við tókum ekki öll þá
vél,“ sagði Anne Veiteberg leiðang-
ursstjóri í samtali við Dagbladet.
Ferðin var skipulögð í samráði
við sænska æskulýðssambandið en
Svíarnir tóku vél er fór fyrr um
daginn. Hafa ungmennin er fóru
til E1 Salvador ákveðið að halda
heim til Noregs.
Norsk æskulýðssamtök eru
slegin óhug vegna slyssins. Tveir
af forystumönnum ungliðahreyf-
ingar Miðflokksins, Astrid Bach
og Inge Bartnes, voru á íslandi á
fundi ungliðahreyfinga norrænna
miðflokka er þær fréttu af slysinu.
Héldu þær heim til Noregs í gær
að sögn norskra fjölmiðla.
Nýleg þota
Vélin sem fórst var af gerðinni
Boeing 737-200. Ekki er vitað
nákvæmlega um orsakir slyssins
ennþá en mjög slæmt veður var
er það átti sér stað. Missti flug-
turninn í San Salvador samband
við vélina skömmu áður en hún
átti að lenda. Nákvæmar orsakir
slyssins munu ekki koma í ljós
fyrr en að lokinni rannsókn á flug-
rita vélarinnar. Staðfest hefur ver-
ið að allir farþegar og áhöfn, 65
manns, fórust í slysinu.
Talsmaður Boeing í Seattle
sagði vélina hafa verið afhenta
Malaysia Airways í nóvember
1987 en hún hefði síðan verið seld
til International Lease Finance
Corporation árið 1993 og leigði
Aviateca vélina af því fyrirtæki.
Reuter
LÖGREGLUMAÐUR stendur vörð við flak þotunnar sem fórst
við eldfjallið Chichontepec í E1 Salvador skömmu fyrir lendingu
í E1 Salvador aðfaranótt fimmtudagsins.
Utflutn-
ingur á
norskum
laxi eykst
ÚTFLUTNINGUR Norð-
manna á eldislaxi hefur aukist
verulega en verðlækkun hefur
orðið á mörkuðunum. Útflutn-
ingurinn á ferskum laxi jókst
um 22% á fyrri helmingi árs-
ins miðað við sama tíma í fyrra
og frystum laxi um 65%. Talið
er að þessi aukni útflutningur
sé ástæða verðlækkunarinnar.
Fangi endur-
lífgaður og
tekinn af lífi
BANDARÍSKI fanginn Ro-
bert Brecheen, sem var dæmd-
ur til dauða fyrir morð fyrir
tólf árum, var tekinn af lífi
með banvænni sprautu í Okla-
homa í gær. Skömmu áður
hafði fanginn fundist meðvit-
undarlaus í klefa sínum og
talið er að hann hafi tekið of
stóran skammt af lyfjum.
Fanginn var fluttur í skyndi á
sjúkahús og læknum tókst að
bjarga lífi hans. Hann var síð-
an fluttur aftur á sjúkrahúsið
og tekinn af lífi.
Ahættu-
leikari ferst
BANDARÍSKI áhættuleikar-
inn Randall Dickinson, sem
lék í Indiana Jones-myndun-
um, lést í gær þegar hann
féll til jarðar af stiga í mis-
heppnuðu glæfraatriði í
skemmtigarði í norðurhluta
Belgíu. Dickinson var að leika
í „Indiana-sýningunni" sem
sett hefur verið upp til að sýna
atriði úr myndinni.
Mótmæli gegn
Frökkum
MASAYOSHI Takemura,
fjármálaráðherra Japans,
kvaðst í gær stefna að því
taka þátt í fjöldagöngu á Ta-
hiti, sem þingmenn frá Nýja-
Sjálandi, Ástralíu og fleiri
löndum efna til í næsta mán-
uði til að mótmæla fyrirhuguð-
um kjamavopnatilraunum
Frakka. Hann kvaðst ekki fara
sem fulltrúi stjórnarinnar.
Sprenging
í kjarn-
orkuveri
GASSPREN GING varð í
kjarnorkuveri í Leibstadt í
Sviss í gær og tveir starfsmenn
fengu brunasár. Sprengingin
varð í vélasal en kjarnakljúfur-
inn hafði verið lokaður frá 4.
ágúst vegna árlegra viðgerða
og skemmdist ekki.
Átta farast í
þyrluslysi
TVÆR herþyrlur rákust sam-
an í Perú á fimmtudag og all-
ir í áhöfnum þeirra, átta
manns, biðu bana. Ekki er
vitað hvað olli árekstrinum,
sem varð nálægt borginni
Arequipa í suðurhluta lands-
ins.