Morgunblaðið - 15.08.1995, Blaðsíða 2

2 ÞRIÐJUD'ÁGUR 15. ÁGÚST 1995
MORGUNBLAÐIÐ
FRETTIR
Átta íbúðir
á 70 dögum
LOFTORKA hf. ráðgerir að byggja
átta íbúðir í Súðavík á um 70 dög-
um. Konráð Andrésson hjá Loftorku
segir að þetta sé ekki met í bygging-
arhraða því fyrirtækið hafi reist við-
byggingu við hótel í Borgarnesi í
vor, alls 32 herbergi, kjallara og þrjár
hæðir, á einum og hálfum mánuði.
Byijað verðúr að grafa grunna
íbúðarhúsanna í Súðavík í dag. Loft-
orka flytur forsteypta sökkla vestur
og meðan fyllt er í þá eru veggeining-
amar steyptar í Borgamesi. Heima-
menn reisa þök á húsin og ráðgert
er að þau verði tilbúin undir tréverk
26. október.Kostnaður við að gera
hverja íbúð tilbúna undir tréverk er
5,1 milljón kr. en íbúðirnar em á
annað hundrað fermetrar að stærð.
-♦.♦ ♦..
Atlantic Princess
IS annast
afurðasölu
ÍSLENSKAR sjávarafurðir hf. munu
annast sölu afurða fyrir togarann
Atlantic Princess, og í framhaldi af
því miðla greiðsium til þeirra sem
útgerð skipsins hefur átt viðskipti
við. Drög að samningi hvað þetta
varðar liggja nú fyrir og er ráðgert
að togarinn haldi til karfaveiða á
Reykjaneshrygg einhvern næstu
daga.
Atlantic Princess hefur ásamt tog-
aranum Atlantic Queen legið í Hafn-
arfjarðarhöfn í tvo mánuði og nema
skuldir vegna togaranna hér á landi
um 30 milljónum króna.
Borkostnaður hefur lækkað
ÞEIR SEM njóta jarðhitaveitu bera að meðaltali
helmingi lægri upphitunarkostnað en þeir sem
njóta upphitunar með niðurgreiddu rafmagni.
Niðurgreiðsla ríkisins vegna upphitunarkostnaðar
er um 400 milljónir kr. á ári. Olafur Flóvens jarð-
eðlisfræðingur hjá Orkustofnun segir að kostnað-
ur við jarðboranir hafí lækkað veralega í verði.
Olafur segir að hagkvæmt geti verið að bora
eftir heitu vatni á þeim svæðum sem ekki hafa
hitaveitur og þar sem fyrir eru dreifíkerfí í göt-
um fyrir vatn. „Við slíkar aðstæður er hver dropi
af heitu vatni fundið fé,“ sagði Ólafur.
Ólafur nefnir Hornafjörð, Seyðisfjörð og ísa-
fjörð um staði sem þannig háttar til. „Það er
að heijast átak í jarðhitaleit á vegum RARIK
og sveitarfélaganna á Snæfellsnesi. Þar sem
menn hafa aðgang að heitu vatni til upphitunar
er orkukostnaðurinn mun lægri en annars stað-
ar.“ Ólafur segir að það fylgi því alltaf áhætta
fyrir sveitarfélögin að bora eftir heitu vatni,
sérstaklega á köldum svæðum. „En við getum
líka skoðað þetta út frá því að á hverju ári eru
greiddar hátt í 400 milljónir kr. í niðurgreiðslur
fyrir þessi 15% þjóðarinnar sem ekki hafa jarð-
hita. Það er því til mikils að vinna að lækka þær.“
Fáeinir sekúndulítrar borga sig
Ríkissjóður styrkir ekki að neinu leyti jarðhita-
leit og er hún því fyrst og fremst í verkahring
sveitarfélaganna. Ólafur segir að upphitunar-
kostnaður frá dýrustu jarðhitaveitum landsins
sé á svipuðu róli og þar sem niðurgreitt rafmagn
er notað til upphitunar. „Ef upphitunarkostnað-
urinn fer ekki niður fyrir niðurgreidda rafmagn-
ið er enginn hvati fyrir sveitarfélögin að hefja
boranir. En að meðaltali er upphitunarkostnaður
þeirra sem hefur jarðhitaveitu helmingurinn af
upphitunarkostnaði með niðurgreiddu raf-
magni,“ sagði Ólafur.
Hann segir að kostnaður vegna borana hafí
lækkað verulega í verði á síðasta áratug og
hola þurfí ekki að skila nema tiltölulega litlu
magni af heitu vatni til þess að orka úr henni
verði ódýr. „Sé hægt að bora mjög nærri dreifi-
kerfinu eftir heitu vatni, svo ekki þurfí að leggja
langar lagnir, þarf hola ekki að skila nema fáein-
um sekúndulítrum af 60-70 gráðu heitu vatni
til þess að það borgi sig,“ sagði Ólafur.
Úrskurður Samkeppnisráðs
Olíufélagið hefur ekki
sjálfdæmi um túlkun
OLÍUFÉLAGINU hf. er það ekki í
sjálfsvald sett hvernig það túlkar
ákvörðun Samkeppnisráðs um það
hverjir megi sitja fyrir hönd félags-
ins í stjórn OIís. Félaginu er heldur
ekki í sjálfsvald sett hvort það fer
eftir ákvörðuninni.
Guðmundur Sigurðsson viðskipta-
fræðingur hjá Samkeppnisstofnun
segir að þótt skilja hafí mátt orð þau
sem eftir honum voru höfð í Morgun-
blaðinu síðastliðinn sunnudag á þann
veg að Samkeppnisstofnun myndi
ekki hafa afskipti af því hvort Olíufé-
lagið hf. færi eftir ákvörðun stofnun-
arinnar þá væri það auðvitað ekki
raunin. „Það sem ég átti við er það
að þessi skilyrði eru skýr og afdrátt-
arlaus. Ef Ölíufélagið segir að þeir
menn sem það hefur skipað í stjórn
Olís falli ekki undir þessi skilyrði
þá deilum við ekkert við Olíufélagið
um það að óathuguðu máli og ekki
á þessu stigi. Það kynni svo að verða
kannað síðar. Ef við kæmumst þá
að því að einhverjir stjórnarmenn í
Olís væru vanhæfir til setu þar
myndum við gera athugasemd við
það og að sjálfsögðu bæri Olíufélag-
inu að fara eftir því.“
Guðmundur segir að skilyrðin séu
sett til að komast hjá því að grípa
til harkalegri aðgerða vegna sam-
runans á olíumarkaðnum en ef þau
verði ekki uppfyllt þá geti menn
dregið sínar ályktanir um það til
hvers það myndi leiða.
Það vekur athygli að í ákvörðun-
arorðum Samkeppnisráðs er aðilum
ekki settur frestur til að uppfylla
skilyrðin. Aðspurður segist Guð-
mundur túlka þetta svo að aðilum
beri að vinda bráðan bug að því að
uppfylla skilyrðin en þó hljóti þeir
að hafa nokkurt svigrúm til þess
að gera breytingar á stjórn ef þörf
krefur. Aðalatriðið sé að ekki sé
brotið gegn markmiði skilyrðanna
sem er að tryggja að Olíufélagið
og Olís starfi áfram sem sjálfstæð
félög.
ioo vðmmiBOÐ
Á1QO KR. NVERT
A MTIWI IWM>n(>£liC>
í MORGUNBLAÐINU í dag
er Qögurra síðna auglýsinga-
blað frá Nóatúni þar sem
verslunin kynnir eitthundrað
vörutegundir sem kosta 100
krónur hver.
Ekki verið tekin
ákvörðun um kæru
KRISTJÁN Loftsson stjórnarfor-
maður Olíufélagsins hf. segir að
ekki hafi verið tekin ákvörðun um
það hvort ákvörðun Samkeppnis-
ráðs um skilyrði fyrir kaupum á
hlutabréfum í Olís og stofnun Olíu-
dreifingar verði kærð til áfrýjunar-
nefndar samkeppnismála. Kristinn
Björnsson forstjórí Skeljungs segir
félagið engan hug hafa á afskiptum
af málinu.
Heimilt er að kæra ákvörðun
Samkeppnisráðs til áfrýjunarnefnd-
ar samkeppnismála innan fjögurra
vikna frá því aðila máls var til-
kynnt um hana. Samkeppnisyfír-
völd líta svo á að frestur hlutaðeig-
andi olíufélaga til að kæra ákvörðun
ráðsins um skilyrði fyrir samruna
á olíumarkaðnum hafi byrjað að líða
á föstudaginn var þótt Olíufélaginu
og Hydro Texaco hafi verið kunn-
ugt um niðurstöðuna frá því um
miðjan júlí síðastliðinn. Rökstudd
niðurstaða Iá heldur ekki fyrir fyrr
en \ síðustu viku.
I áfrýjunarnefnd eiga nú sæti
sem aðalmenn Stefán Már Stefáns-
son prófessor, Jónatan Sveinsson
hrl. og Inga Jóna Þórðardóttir við-
skiptafræðingur. Áfrýjunarnefnd
hefur sex vikur frá málskoti til að
úrskurða um kæru.
Loks má skjóta úrskurði áfrýjun-
arnefndar til dómstóla með kröfu
um ógildingu.
■ Samkeppnisráð/26
Morgunblaðið/Steinunn Ósk Kolbeinsdóttir
Elsti síminn
erfrá 1914
Hvolsvelli. Morgunblaðið.
í BYGGÐASAFNINU í Skógum
undir Eyjafjöllum hefur nú verið
sett upp símasafn. Það er Sigþór
Sigurðsson í Litla-Hvammi í Mýr-
dal sem á heiðurinn að söfnun sím-
anna en hann hefur starfað hjá
Pósti og síma um árabil. Sigþór
hóf að safna símum fyrir um það
bil 35 árum og á eintak af svo til
öllum símum sem notaðir hafa
verið frá því að sími var fyrst lagð-
ur í héraðinu og fram að því að
sjálfvirkur sími tók við.
„Þessi söfnun mín hófst eigin-
lega með því að þegar farið var
að endurnýja ýmsa hluti varðandi
símann sá ég að þetta væru hiutir
sem aldrei yrðu notaðir aftur. Eg
varð því hræddur um að þetta
gæti farið forgörðum og fékk því
leyfi til að halda ýmsu eftir og
halda til haga. Þetta var svo á
endanum orðið að allmiklu safni
sem ég hafði heima hjá mér. Ég
var síðan farinn að hafa áhyggjur
af því hvað myndi verða um þetta
eftir minn dag og því þótti mér
vænt um að geta komið þessu fyr-
ir hérna í Byggðasafninu í Skóg-
um. Það má segja að manni þyki
gaman að láta frá sér hluti sem
manni þykir vænt um á þennan
góða stað. Símarnir og skiptiborðin
sem ég hef haldið til haga eru all-
ir héðan af svæðinu en ég hef ver-
ið símaverksljóri i Vestur-Skafta-
fellssýslu og út að Markarfljóti.
Elsti síminn er frá Hvammi en
hann áttu afi minn og amma og
er hann frá 1914 þegar síminn kom
hingað fyrst. Síðan má segja að
hér séu símar alveg frá þeim tíma
og allar götur þar til sjálfvirki sím-
inn kemur í sveitimar. Þá era hér
einnig skiptiborð úr Vík og frá
Klaustri og margir skemmtilegir
hlutir sem tengjast símanum."
Það er augljóst að Sigþór hefur
verið iðinn við söfnunina því hann
sagðist hafa farið með jafnmikið
af gripum heim og hann setti upp
í safninu.
Þykkvibær
Innbrot í
í banka
og póst-
afgreiðslii
INNBROTSÞJÓFAR unnu skemmd-
ir í útibúi Búnaðarbankans og af-
greiðslu Pósts og síma í Þykkvabæ
um helgina. Lögreglan á Hvolsvelli
telur að þeir hafi fyrst og fremst
verið á höttum eftir peningum.
Aðkoman var ófögur þegar póst-
meistari kom til vinnu snemma á
mánudagsmorgun. Innbrotsþjófarn-
ir höfðu tekið rúðu úr glugga og
skriðið inn í húsið en bankaútibúið
og póstafgreiðslan eru í sama húsi.
Þegar inn var komið höfðu þeir brot-
ið upp hurðir, snúið við öllum skáp-
um og skúffum, og reynt að opna
stóran peningaskáp í bankaútibúinu.
Þeim tókst hins vegar ekki að opna
skápinn og virðast þeir ekki hafa
fundið aðra fjármuni en skiptimynt
að sögn lögreglunnar á Hvolsvelli.
Þeir höfðu peningana á brott með
sér og frímerki.
Bankanum lokað
Steinunn Adolfsdóttir, umboðs-
maður Pósts og síma í Þykkvabæ,
sagði erfitt að meta hve mikið fjár-
hagslegt tjón þjófarnir hefðu unnið.
Aformað hafði verið að loka úti-
búi Búnaðarbankans 1. september
nk. Vegna skemmdanna sem unnar
vora um helgina hefur verið ákveðið
að flýta lokun bankans og verður
hann ekki opnaður aftur. Póstaf-
greiðslan hefur verið færð heim til
Steinunar Adolfsdóttur.
♦ ♦
Sprenging í
bát í Seyðis-
fjarðarhöfn
Scyðisfirði. Morgunblaðið
TVEIR menn slösuðust þegar gas-
sprenging varð í vélbátnum Helgu
Sigmars NS 12 í Seyðisfjarðarhöfn
aðfaranótt sunnudags.
Slysið varð þegar mennirnir voru
að hefla róður klukkan að ganga tvö
á sunnudagsmorgun. Annar maður-
inn fór niður í káetu til þess að
kveikja á kabyssu, og bendir allt til
þess að gasleki hafi orðið og orsakað
mikla sprengingu þegar kveikt var
á loga. Víð þetta urðu miklar
skemmdir á innviðum bátsins og
brenndust mennirnir báðir.
Svo virðist sem eldurinn háfi
slökknað sjálfur um leið og spreng-
ingin var afstaðin og komust menn-
irnir báðir fyrir eigin rammleik á
Sjúkrahús Seyðisfjarðar.
Að sögn aðstandanda mannsins
sem var niðri í káetu fékk hann
annars stigs brunasár á höndum og
var hann fyrst fluttur til Norðfjarðar
á sjúkrahús, en síðan á Landspítal-
ann til aðhlynningar. Sá sem var
uppi í stýrishúsi slapp hins vegar
betur frá óhappinu og liggur nú á
Sjúkrahúsi Seyðisfjarðar.