Morgunblaðið - 15.08.1995, Blaðsíða 9

MORGUNBLAÐIÐ
ÞRIÐJUDAGUR 15. ÁGÚST 1995 D 9
HM I FRJALSIÞROTTUM
í langstökki með 8,70 en heimsmethafinn varð að sætta sig við þriðja sætið
Godina
Tímaspursmál hvenær
Pedroso stendur
við loforð Powells!
IVAN Pedroso frá Kúbu, sem sannanlega hefur afrekað lengsta
langstökk sögunnar — en ekki fengið það viðurkennt sem heims-
met, og fær sjálfsagt ekki — sigraði mjög auðveldlega í langstökk-
skeppni HM i Gautaborg á laugardag. Þessi 22 ára Havanabúi
stökk 8,70 metra en næst maður 40 sentimetrum styttra. Keppn-
in var þvf ekki spennandi og sigur Pedrosos kom ekki á óvart
en það var hins vegar óvænt að heimsmethafinn og heimsmeist-
arinn frá því í Stuttgart, Bandaríkjarpaðurinn Mike Powell, varð
í þriðja sæti. Hann stökk 8,29 og hafði sætt sig við annað sæt-
ið, þegar James Beckford frá Jamaíka, stökk einum sentímetra
lengra í sjöttu og síðustu tilraun.
Aðstæður voru ekki góðar með-
an langstökkskeppnin fór
fram. Atrennubrautin er reyndar
frábær að sögn
Skapti keppenda, þeir ná
Hallgrímsson miklum hraða á
skrifarfrá henni, en vindurinn
gerði monnum erf-
itt fyrir. Undirritaður rak einmitt
augun í að þegar önnur umferð
var að byija var mótvindur upp á
1,3 metra á sekúndu, en andartaki
síðar, þegar Pedroso stökk í annað
sinn, var allt í einu kominn með-
vindur upp á 1,6 m/sek. Það nýtti
hann sér, stökk 8,70 metra og þar
með var keppnin búin. Sumir gerðu
sér vonir um að nú fyrst færu hlut-
irnir að verða spennandi — þetta
hleypti illu blóði í hina — en þvert
á móti var öll spenna á bak og
burt. Hinir voru töluvert frá því
að komast með tærnar þar sem
Kúbumaðurinn lenti með hælana í
sandgryfjunni.
„Það er betra að vera ungur.
Við tökum hlutina ekki eins alvar-
lega og þeir sem eldri eru,“ sagði
Pedroso eftir sigurinn og beindi
orðum sínum greinilega til Mikes
Powells, sem er orðinn 31 árs.
Hann svaraði að bragði með því
að segjast alls ekki óhress með
bronsið. „Það „mótiverar" fyrir þá
vinnu sem framundan ár,“ sagði
hann, þess fullviss að vera ekki
dauður úr öllum æðum.
Pedroso stökk 8,96 m í Sestriere
á Italíu í sumar, eins og frægt
varð, en metið verður varla viður-
kennt úr þessu, vegna „mannsins
í bláa jakkanum“ sem stóð fyrir
vindmælinum meðan Kúbumaður-
inn stökk í töluverðum vindi, þó
græjurnar sýndu að varla ætti að
bærast hár á höfði nokkurs manns.
Pedroso var spurður hvort allt íraf-
árið vegna Sestriere-stökksins hefði
sett aukna pressu á hann í Gauta-
borg, en hann kvað svo ekki vera.
„Nei, ég hugsaði alls ekkert um
það. Eg vildi bara sigra,“ sagði hann.
IVAN Padrosa nartar hér í gullpenlng slnn.
Reuter
Pedroso var vitaskuld himinlif-
andi með sigurinn en hinn tvítugi
Beckford sagðist þó heimsins ham-
ingjusamasti maður. Auk silfursins
í langstökkinu náði hann nefnilega
sjötta sæti í þrístökkinu. Sannar-
lega glæsilegt afrek.
Powell lofar meti...
Ivan Pedroso er sá besti í lang-
stökkinu um þessar mundir, um
það er enginn í vafa. Og Mike
Powell segist sannfærður um að
Kúbumaðurinn eigi eftir að bæta
heimsmetið fljótlega. Lofaði því
hreinlega er hann sagði: „Hann
hefur burði til að gera það hvenær
sem er á láglendi og það þarf ekki
einu sinni að ræða það að hann á
eftir að gera það í mikilli hæð yfir
sjávarmáli.“
Það má því segja að aðeins sé
tímaspursmál hvenær Kúbu-
maðurinn ungi standi við loforð
Powells. Gaman verður að sjá
hvað gerist í Zúrich á morgun.
Mótshaldarar þar borga vel fyrir
heimsmet
Gullvika hjá Johnson
Michael Johnson er ókrýndur
vhlaupakonungur Heims-
meistaramótsins í fijálsíþróttum.
Þessi Bandaríkjamaður hefur aldrei
staðið sig betur á hlaupabrautinni
en í síðustu viku. Hann varð sá fyrsti
til að sigra í 200 metra og 400
metra hlaupi á sömu leikum og hann
kórónaði frammistöðuna með þriðja
gullinu þegar hann tryggði banda-
rísku sveitinni sigur í 4x400 metra
boðhlaupi.
Bandaríska sveitin hljóp á 2,57,32
mínútum og er það sjötti besti tími
sem náðst hefur í greininni en heims-
met Bandaríkjamanna með Johnson
í liðinu, 2,54,29, frá HM í Stuttgart
1993 stendur enn. Marion Ramsey
og Derek Mills hlupu vel og Butch
Reynolds var með um sjö metra for-
ystu þegar hann rétti Johnson keflið
fyrir síðasta sprett. Það var helst
sveit Jamaíka sem ógnaði banda-
rísku sveitinni en sigurinn virtist
aldrei í hættu og Jamaíka fékk tím-
ann 2.59,88. Þjóðveijar voru með í
baráttunni um verðlaunasæti en Ní-
geríumenn hlupu á 3.03,18 og
tryggðu sér þriðja sætið.
Kanada stöövaði sigurgöngu
Bandaríkjanna
Donovon Bailey var stjarna Kanada
á Heimsmeistaramótinu í Gauta-
borg. Hann sigraði í 100 metra
hlaupi þar sem landi hans Bruny
Surin var í öðru sæti og á síðasta
degi tryggði hann kanadísku sveit-
inni sigur í 4x100 metra hlaupi. Til
þessa hafa Bandaríkjamenn verið
ósigrandi í 4x400 metra hlaupi karla
á HM en þeir komust ekki í úrslit
að þessu sinni og Kanadamenn fögn-
uðu fyrstu gullverðlaununum í boð-
hlaupi — sveitin fór á 38,31 sekúnd-
um.
Bailey, Surin, Robert Esmie og
Glenroy Gilbert hlupu fyrir Kanada.
Fyrstu tvær skiptingarnar gengu vel
fyrir sig en Bailey varð að hægja á
sér þegar hann tók við keflinu af
Surin. Hann lét það samt ekki slá
sig út af laginu og fór á fulla ferð
sem gerði vonir Ástralans Damiens
Marshs að engu en Ástralir hlupu á
38,50 og ítalir komu á óvart og
náðu þriðja sætinu en þeir fengu tím-
ann 39,07.
stefnir
að kúlu- og
kringlugulli
JOHN Godina frá Bandaríkj-
unum, sem varð heimsmeistari
í kúluvarpi, komst líka í úrslit
í kringlukastinu og varð tíundi
í þeirri grein. Að sögn þjálfara
hans er stefna Godinas sú að
vinna Ólympíugull í háðum
greinum — fyrstur síðan landi
hans Bud Hauser afrekaði það
1924. „Kringlukast er Qirótt
fyrir gamla menn, ekki unga,“
segir Art Venegas, þjálfari.
„Eftir því sem John eldist
verða möguleikarnir á tvenn-
unni meiri því það verður auð-
veldara fyrir hann að kasta
kringlunni."
Klúður hjá
bandarísku
sveitinni
SVEIT Bandaríkjanna hafði
sigrað í 4x100 m boðhlaupi í
öll fjögur skiptin sem HM
hafði farið fram, í Helsinki,
Róm, Tókió og Stuttgart, en
sveit þeirra komst ekki einu
sinni áfram úr riðlakeppninni
nú. Önnur skipting misheppn-
aðist, Jon Drummond tókst
ekki að koma keflinu til nýlið-
ans Theodores McCall ogþar
með var draumurinn úti.
Mauriee Greene hljóp fyrsta
sprett á laugardag og Michael
Marsh átti að hlaupa þann síð-
asta. McCall kom inn í liðið
eftir að Dennis Mitchell
meiddist í undanrásum 100 m
hlaupsins.
Hlupu
tvisvar á
37,40 sek.
HEIMSMETIÐ í 4x100 m boð-
hlaupi er 37,40 sek. og hefur
sveit Bandaríkjanna tvívegis
hlaupið á þeim tíma. Fyrst á
Ólympíuleikunum í Barcelona
— er Michael Marsh, Leroy
Burrell, Denis Mitchell og
Carl Lewis skipuðu sveitina
og svo ári seinni, á HM í
Stuttgart, í undanúrslitum. Þá
voru Jon Drummond, Andre
Cason, Mitchell og Burrell í
sveitinni. Burrell og Mitchell
hafa sem sagt verið með í
báðum methlaupunum; Bur-
rell hljóp annan sprett í Barc-
elona og þann síðasta í Stuttg-
art en Mitehell þriðja sprett í
bæði skipti.
MEISTARI
Á SÍNU SVIÐI
Ljósritunarvélar
og faxtæki
Styrktaraðili HM í frljálsum íþróttum.
Reuter
HLAUPTU hvað þú getur! getur Bruny Surin hrópað eftlr að
hann var búlnn að koma kefllnu tll Donovan Balley, sem hljóp
lokasprettlnn í 4x100 m hlaupinu fyrir Kanada.
ill Guttormsson - Fjölval hf.
Mörkin t • 128 Reykjavlk • Símar: 581 2788 oo 568 8650 • Bréfsími; 553 5821