Morgunblaðið - 17.08.1995, Blaðsíða 2

2 B FIMMTUDAGUR 17. ÁGÚST 1995
MORGUNBLAÐIÐ
VIÐSKIPTI
Uppgangur hjá fyrirtæki íslenskrar forritaþróunar í Skotlandi
BBC í Glasgow
kaupir ÓpusAlIt
ATLANTIC Information Systems
Ltd. í Skotlandi, systurfyrirtæki
íslenskrar forritaþróunar hf., hefur
gert samning um sölu og þjónustu
á ÓpusAllt hugbúnaði við Breska
ríkisútvarpið, BBC. Um er að ræða
kerfi, sem sett verður upp hjá fyrir-
tækinu í Glasgow og ef vel gengur
er ætlunin að setja sams konar
kerfí upp á fjórum öðrum stöðum,
m.a. í Lundúnum.
Atlantic Information Systems
(AIS) var stofnað í september síð-
astliðnum og í byijun störfuðu að-
eins þrír menn hjá fyrirtækinu.
Rekstur þess hefur gengið vonum
framar og eru starfsmenn nú orðn-
ir fjórtán talsins að sögn Hálfdans
Karlssonar, framkvæmdastjóra Is-
lenskrar forritaþróunar. AIS hefur
náð samningum við nokkra stóra
notendur og fyrir skömmu gerði það
samning við Scottish Ambulance
Service, sem hefur einkarétt á
sjúkraflutningum í Skotlandi og frá
olíuborpöllum í breskri lögsögu í
Norðursjó. Hálfdan segir að fyrir-
tækið sé hið stærsta sinnar tegund-
ar í Bretlandi og t.d. stærra en
sambærilegt fyrirtæki í Lundúnum.
„Fyrirtækið er með 2.500 starfs-
menn, 1.100 bifreiðar og nokkrar
flugvélar, þyrlur og báta. Það rekur
21 birgðastöð og gerir að meðaltali
2.400 pantanir til birgja í hveijum
mánuði. Það segir sig því sjálft að
upplýsingamiðlun innan fyrirtækis-
ins þarf að vera í góðu lagi.“
Vaxtarverkir
Hálfdan segir að AIS einbeiti sér
að sölu og þjónustu netkerfa fyrir
5-50 notendur og hafí markaðssetn-
ingin gengið framar vonum. Fyrir
skömmu seldi það franska fjölþjóða-
fyrirtækinu Schlumberger, stærsta
framleiðanda í heimi á olíu- og
bensíndælum OpusAllt fyrir vöru-
stjómun og skjalaskipti milli tölva.
„Vandamálið hjá AIS hefur hingað
til ekki legið í sölunni heldur því
að byggja upp þjónustukerfí í sam-
ræmi við útþensluna. Þetta eru því
eins konar vaxtarverkir."
Fjölmörg íslensk fyrirtæki eru
nú að skipta algjörlega um upplýs-
ingakerfí sín eða vinna að undirbún-
ingi þess og fer Islensk forritaþróun
ekki varhluta af því. „Tölvukerfí í
fyrirtækjum eru víða orðin úrelt og
fullnægja ekki þeim kröfum sém
nútíma stjómendur gera um upplýs-
ingaflæði. Nú, þegar afkoma
margra fyrirtækja fer lítið eitt batn-
andi, sjáum við að endumýjun
tölvukerfa er víða efst á óskalistan-
um og erum við í viðræðum við
mörg fyrirtæki vegna þess,“ segir
Hálfdan. „Lyfjadreifíng sf., Rekstr-
arvörur og Prentstofa G. Ben.-Edda
hf. hafa til dæmis nýlega fest káup
á ÓpusAUt heildampplýsingakerfí.
Þá tióku VISA ísland og Búnaðar-
bankinn ÓpusAllt fjárhagsbókhald
í notkun fyrir skömmu en þetta
kerfí hefur nú þegar sannað sig hjá
íslandsbanka, sparisjóðunum og
Flugleiðum."
Skeljungur endur-
skoðar umboðsmál
til að selja vömna á þeim verðum
sem við ákveðum. Þess vegna lá í
augum uppi, að það þurfti að breyta
þessum samningum, og við ákváðum
því að segja þeim upp og endur-
skoða málið frá grunni, og færa
samningana til nútímalegra við-
horfs.“
Kristinn sagði, að rætt hefði verið
um að nýir samningar gerðu ráð
fyrir að umboðsmenn keyptu vörur
á heildsöluverði hjá Skeljungi, en
einstakir samningar yrðu að skera
úr um endanlegt samskiptaform fé-
lagsins og umboðsmanna þess. „Það
sem við emm að leggja áherslu á
með þessari endurskoðun er, að
smásöluaðilarnir beri sjálfír ábyrgð
á sinni verðlagningu," sagði hann.
SKELJUNGUR hf. er nú að endur-
skoða samskiptin við umboðsaðila
sína á landsbyggðinni. Félagið hefur
sagt upp samningum umboðsmann-
anna, og segir Kristinn Björnsson,
forstjóri Skeljungs, að ástæðan sé
sú, að samningarnir séu gamlir og
standist að hluta ekki ákvæði sam-
keppnislaga. „Við urðum að segja
þessum samningum upp með form-
legum hætti, en sögðum hlutaðkom-
andi aðilum jafnframt frá því, að í
langflestum tilfellum höfum við
áhuga á að semja við þá upp á nýtt,“
sagði Kristinn.
Kristinn segir samningana ekki
lengur hafa verið í takt við tímann.
„I samningunum erum við t.d. eigin-
lega að skuldbinda umboðsaðilana
FRÁ afhendingn verðlaunanna. F.v. Einar Matthíasson, Erna Sörensen, Jan Klovstad, fyrrum fram-
kvæmdastjóri Norræna hússins í Færeyjum, Preben Jack Pedersen, útgefandi ferðaritsins Stand By
og Lars Larsen frá Flugfélagi Færeyja.
Samkeppnisaðilar íslenskra iðnfyrirtækja
í rannsókn hjá framkvæmdastjórn ESB
Grunaðir um hringa-
myndun og verðsamráð
Skuldabréfaútboð
SP-fj ármögnunar
100 millj-
ónir seldar
EIGNALEIGUFYRIRTÆKIÐ SP-
Fjármögnun hf. hóf síðastliðinn
mánudag 500 milljóna króna
skuldabréfaútboð. SP-Fjármögnun,
sem var stofnuð fyrr á þessu ári,
hafði áður aflað um 100 milljóna
króna með sölu skuldabréfa á verð-
bréfamarkaði fyrir milligöngu
Kaupþings, en Landsbréf annast
sölu skuldabréfanna í 500 milljóna
útboðinu.
Að sögn Davíðs Bjömssonar,
deildarstjóra hjá Landsbréfum, hafa
mótttökurnar verið mjög góðar, en
frá því að sala skuldabréfanna hófst
síðastliðinn mánudag hafa 100
milljónir verið seldar. Davíð sagði
að stefnt væri að því að selja skulda-
bréfín jafnhliða fjármögnunarþörf
SP-Fjármögnunar.
„Við settum því 100 miljónir á
sölu til að byija með, en sá skammt-
ur seldist upp á þremur dögum,“
sagði Davíð og ennfremur að ætlun-
in væri að setja 100 milljónir mán-
aðarlega á markað til áramóta.
Skuldabréf SP-Fjármögnunar
eru 5 ára skuldabréf með tveimur
árlegum afborgunum og ávöxtunar-
kröfu upp á 6,23%. „Hér er um að
ræða nýjan greiðanda á markaði
sem er með trausta eigendur á bak
við sig. Þessar góðu viðtökur eru
svar markaðsins við því,“ sagði
Davíð.
-----»■ ♦--«--
Útboð ríkis-
verðbréfa
ALLS bárust 27 gild tilboð í þriggja
ára ríkisbréf að fjárhæð 573 millj-
ónir króna í útboði hjá Lánasýslu
ríkisins í gær. Þrettán tilboðum, að
Ú'árhæð 240 milljónir króna var
tekið og var meðalávöxtun þeirra
9,57% sem er nánast óbreytt fra
síðasta útboði.
17 gild tilboð bárust í þriggja
mánaða ríkisvíxla að fjárhæð 2.359
milljónir. Tíu tilboðum var tekið og
nam heildarfjárhæð þeirra 2.022
milljónum. Meðalávöxtun þriggja
mánaða ríkisvíxla var 6,94%.
FRAMKVÆMDASTJÓRN Evr-
ópusambandsins hefur hafíð rann-
sókn á meintri hringamyndun
nokkurra stórra iðnfyrirtækja í
Danmörku, Þýskalandi, Finnlandi
og Austurríki. Fyrirtækin fram-
leiða öll foreinangruð hitaveiturör
og hafa vel flest tekið þátt í útboð-
um hér á landi. Þau hafa stofnað
með sér samtök sem nefnast
„European District Heating Pipe
Manufacturers Association“ og
leikur grunur á því að þau hafí
haft samráð um verðlagningu
samkvæmt því sem fram kemur í
frétt í Financial Times.
Mikið hefur verið skrifað um
þessi mál í sænskum dagblöðum
á undanförnum vikum og beinist
athygli þeirra einkum að sænsku
fyrirtæki, Powerpipe sem á sínum
tíma hafnaði aðild að þessum sam-
tökum og segist í kjölfarið hafa
lent í miklum rimmum við þau
fyrirtæki sem eru jnnan samtak-
anna.
Bergsteinn Einarsson, fram-
kvæmdastjóri Sets hf. á Selfossi
sem framleiðir m.a. foreinangruð
hitaveiturör, segir fyrirtækið hafa
verið í harðri samkeppni við þessi
fyrirtæki um nokkurt skeið í opin-
berum útboðum hér á landi
„Okkur sýnist að verð þessara
fyrirtækja í opinberum útboðum
hér á landi hafí verið með því
lægsta sem þekkist í Evrópu. Toll-
ar á þessa framleiðslu voru af-
numdir árið 1989 og því höfum
við verið í óheftri samkeppni síð-
an. Við höfum hins vegar náð að
keppa við þessi verð með því að
hagræða eins mikið og okkur hef-
ur verið unnt þannig að við stönd-
um sterkari eftir, sérstaklega með
tilliti til útflutnings en þar höfum
við verið að þreifa okkur áfram á
undanförnum 2-3 árum.“
Bergsteinn segir þessa rann-
sókn framkvæmdastjómarinnar
ekki koma sér á óvart. „Við höfum
haldið þessu fram um nokkurt
skeið og nú hefur fengist staðfest-
ing á því sem við höfum verið að
segja.“ Hann segir fýrirtækið helst
verða vart við undirboðin á mörk-
uðum þar sem lítil fyrirtæki á
heimamarkaði eru til staðar og
ekki um virka samkeppni erlendis
að ræða af þess hálfu.
Nesútgáf-
an heiðruð
í Færeyjum
NESÚTGÁFAN hlaut nýverið
sérstaka viðurkenningu Ferða-
málaráðs Færeyja fyrir fram-
lag sitt til færeyskrar ferða-
þjónustu, m.a. með útgáfu á
bæklingnum Around Faroe Is-
lands, sem útgáfan hefur gefið
út undanfarin ár.
Einar Matthíasson rekur
Nesútgáfuna ásamt konu sinni
Ernu Sörensen og segir hann
þetta vera mikla viðurkenn-
ingu fyrir starfsemi Nesútgáf-
unnar, en hún hefur um árabil
gefið endurgjaldslaust út upp-
lýsingabæklinga ætlaða inn-
lendum sem og erlendum
ferðamönnum hér á landi.
.1
Mikil viðurkenning
„Ferðamálaráð Færeyja notar i
þennan bækling sem sitt helsta
kynningarefni og nú þegar ráð-
ið er að hefja starfsemi að nýju
eftir stutt hlé vildu þeir nota
tækifærið og veita þeim aðilum
sem unnið hafa gott starf fyrir
færeyska ferðaþjónustu ein-
hverja viðurkenningu fyrir
störf sín. Okkur þykir mjög
vænt um þessa viðurkenningu
enda erum við þar í mjög góð-
um hópi manna. Hins vegar
gerum við ekki ráð fyrir að
þessi viðurkenning muni skila
okkur verulega auknum við-
skiptum þar sem við höfum
verið á þessum markaði um
nokkurt skeið og aðilar í ferða-
þjónustu í Færeyjum þekkja vel
til okkar.“
Auk bækiingsins hefur
Nesútgáfan einnig gefið út kort
af Færeyjum og segir Magnús
að útgáfan standi straum af
öllum kostnaði við þessa útgáfu
en vinnan fari fram í nánu sam-
starfi við Ferðamálaráð Fær-
eyja. Meðal þess efnis sem Nes-
útgáfan gefur út eru bækling-
arnir Around Iceland og Á ferð
um ísland og hafði útgáfan
áður verið afhentur fjölmiðla-
bikar ferðamálaráðs nú í vor
fyrir störf sín í ferðaþjónustu.