Morgunblaðið - 17.08.1995, Blaðsíða 4

m®ir|5íinXiIa&tí>
Dominique
Wilkins sá
tekjuhæsti
utan NBA
FRJALSIÞROTTIR / STIGAMOT I ZURICH
Heimsmet í 5.000 metra hlaupi og 3.000 metra hindrunarhlaupi
DOMINIQUE Wilkins, sem
lék lengi með Atlanta í NBA
deildinni og nú síðast með
Boston, er orðinn launahæsti
körfuknattleiksmaður utan
Kiptanui fyrstur til að
bvjóta átta mín. múrinn
MOSES Kiptanui frá Kenýa
setti glæsilegt heimsmet á
stigamóti Alþjóða frjálsiþrótta-
sambandsins íZiirich í Sviss í
gærkvöldi þegar hann varð
fyrstur til að hlaupa 3.000
metra hindrunarhlaup undir
átta mínútum. Hann fór á
7.59,18 minútum og fagnaði
gífurlega en skömmu síðar
gerði Haile Gebresilassie frá
Eþíópíu sér lítið fyrir og bætti
heimsmet Kiptanuis í 5.000
metra hlaupi frá júní sem leið,
hljóp á 12.44,39 mínútum en
fyrra metið var 12.55,30. Með
þessu gáfu hlaupararnir tóninn
fyrir næstu öld en heimsmetið
færði þeim auk þess 50.000
dollara (um þrjár milljónir og
tvö hundruð og fimmtíu þús-
und kr.) og eitt kfló af gulli.
Kiptanui varð heimsmeistari í
þriðja sinn í 3.000 metra
hindrunarhlaupi á HM í Gautaborg
á dögunum og fyrir þremur árum
setti hann heimsmet, 8.02,08, á
vellinum í Ziirich. Þá gaf hann til
kynna að langþráður draumur
3.000 metra hindrunarhlaupa, að
hlaupa undir átta mínútum, væri
raunhæfur möguleiki og það tókst
við bestu hugsanlegu aðstæður í
gærkvöldi.
Kiptanui sagði fyrir keppnina í
Gautaborg að ekki væri nóg að eiga
heimsmetið. „Þó ég eigi heimsmetið
er það ekki nóg. Ég vil gera eitt-
hvað sem fólk man eftir þegar það
minnist íþrótta.“ Og hann gerði það
í gærkvöldi.
„Að vera fyrsti maðurinn til að
hlaupa undir átta mínútum er mikil-
vægara fyrir mig en vinna til gull-
verðlauna í Heimsmeistarakeppn-
inni,“ sagði Kiptanui eftir að múr-
inn var fallinn. „Ég vildi ekki að
nokkur annar leiddi hlaupið því ég
var mjög öruggur með sjálfan mig
og mér fellur ekki að vera á eftir
öðrum. Það er betra að vera fyrstur
yfir hindranirnar."
Annað heimset
Gebresilassies á árinu
Gebresilassie, sem er 22 ára,
bætti heimsmetið í 10.000 metra
hlaupi fyrr á tímabilinu og varð
heimsmeistari í þeirri grein í Gauta-
borg í liðinni viku en setti nú mark
sitt á 5.000 metrana, bætti metið
um nær 11 sekúndur. Slík bæting
hefur ekki átt sér stað í greininni
í 63 ár eða síðan Finninn Lauri
Lehtinen hljóp á 14.17,0 árið 1932
en landi hans, Paavo Nurmi átti
fyrra metið sem var 14.28,20.
„Eg er frekar hissa á tímanum,"
sagði Gebresilassie og þakkaði
landa sínum Bekila Worku fyrir að
hafa hafa haldið uppi hraðanum.
Þegar 1.000 metrar voru í mark
var Gebresilassie 14 sekúndum und-
ir fyrra heimsmeti miðað við sömu
vegalengd.
Einu sinni áður á sama degi
Heimsmetin í 3.000 metra hindr-
unarhlaupi og 5.000 metra hlaupi
hafa einu sinni áður fallið á sama
degi. Það var í Helsingi 14. septem-
ber 1972 þegar Finninn Lasse Viren
bætti metið í 5.000 metrunum og
Svíinn Anders Garderud í hindrun-
arhlaupinu.
Christie sigraði
heimsmeistarann
Bretinn Linford Christie meiddist
á lærvöðva og varð sjötti í 100
metra hlaupi á HM í Gautaborg en
stóðst læknisskoðun á síðustu
stundu, var með í gærkvöldi og sigr-
aði með glæsibrag á 10.03 sekúnd-
um. Kanadíski heimsmeistarinn
Donovan Bailey varð annar á 10.09
og Bandaríkjamaðurinn John
Drummond þriðji á 10,10 en sex
Reuter
KENÝAMAÐURINN Moses Kiptanu! fagnar hér að ofan heims-
meti sínu í 3.000 m hindrunarhlaupi í Ztirich í gærkvöldi, á
myndinni til hliðar fagnar Haiie Gebreseiassi frá Eþíópíu
meti sínu í 5000 m hlaupi.
menn úr úrslitahlaupinu í Gauta-
borg reyndu með sér i Zúrich.
„Eg er ekki sprettharðastur í
heimi en ég var fljótastur að þessu
sinni,“ sagði Christie sem er 35
ára. „Donovan er heimsmeistarinn,
á morgun kemur nýr dagur og ný
keppni. Ég hélt að ég gæti ekki
verið með en ég kom hingað, fékk
bestu meðferðina og hún virtist
duga.“
Olympíumeistarinn náði besta
startinu, hélt forystunni allan tím-
ann og var gífurlega öflugur síð-
ustu 50 metrana. Hann sigraði
einnig í hlaupinu á stigamótinu á
sama stað í fyrra og eins og þá
fögnuðu áhorfendur honum eins og
stuðningsmenn knattspymuliða eru
þekktir fyrir. „Linford Christie"
kölluðu þeir hvað eftir annað og eru
fijálsíþróttamenn óvanir slíkum
móttökum. „Sigurinn bætir ekki
upp tapið í Gautaborg,“ sagði
Christie sem fékk 60.000 dollara
fyrir það eitt að vera með. „Þetta
kemur viku of seint. Donovan fékk
titilinn sem ég vildi fá.“
Engin mistök hjá Torrence
Gwen Torrence frá Bandaríkjun-
um var dæmd úr leik í 200 metra
hlaupi á HM fyrir að fara út af
braut en hélt sig á réttum stað að
þessu sinni og sigraði á 21,98.
Merlene Ottey frá Jamaíka varð að
sætta sig við annað sætið enn einu
sinni, hljóp nú á 22.12. „Þetta var
engin sárabót fyrir Gautaborg,"
sagði Torrence. „Eg er ánægð með
að hafa sigrað Ottey en mikilvæg-
ara var að ég gerði engin mistök —
ég reyndi að halda mér á brautinni."
Johnson missti flugið
Allen Johnson fagnaði sigri i 110
metra grindahlaupi á HM en varð
að sætta sig við þriðja sætið í gær-
kvöldi. Landi hans, Mark Crear,
sem féll á bandaríska úrtökumótinu
fyrir HM, var sterkur síðustu 20
metrana og sigraði á 13,18 sekúnd-
um. Breski heimsmethafinn Colin
Jackson varð í öðru sæti á 13,21
en Johnson var einum hundraðasta
úr sekúndu á eftir.
Johnson sagði fyrir hlaupið að
hann yrði að sigra fyrrnefnda
keppinauta sína til að treysta stöðu
sína á toppnum. „Ég er mjög
ánægður með að sigra sterkari
menn en voru á HM,“ sagði Crear
en Jackson var ekki með í Gauta-
borg vegna meiðsla. „Tíminn skipt-
ir ekki máli heldur sigurinn og ég
vona að ég verði bestur þeirra allra
á næsta móti.“
25 heimsmeistarar frá Gauta-
borg kepptu í gærkvöldi og fengu
þeir samtals fimm millj. dollara (um
325 millj. kr.) í verðlaun. Sýnt var
beint frá keppninni í 35 löndum og
er talið að 800 milljónir hafi fylgst
með.
Bandaríkjanna. Hann gerði
tveggja ára samning við
griska liðið Panathinaikos frá
Aþenu, sem tryggir honum
450 milljónir. Wilkins átti tvö
ár eftir af samningi sínum við
Boston en klásúla í samningi
hans sagði að hann gæti
keypt sig útúr samningi eftir
keppnistimabilið. Wilkins er
þó ekki alveg laus því hann á
í deilum við félagið útaf 540
milljóna láni sem hann fékk
hjá félaginu.
■ HOLLENSKA blaðið Voetbal
Intemational sagði frá því í gær að
Manchester Utd. væri með Tijiani
Babangida, landsliðsmiðheija Ní-
geríu, sem leikur með hollenska
liðinu Roda. undir smásjánni. Ba-
bangida, sem er 21 árs, er metinn
á 204 millj. ísl. kr.
■ KEVIN Keegan, framkvæmda-
stjóri Newcastle, er ekki hættur að
kaupa leikmenn. Hann hefur keypt
Shaha Hislop, landsliðsmarkvörð
Trinidad á 1,7 millj. punda. Hislop
tekur stöðu Pavel Srnicek, sem er
í leikbanni fyrstu tvo deildarleiki
liðsins.
■ KEEGAN hefur keypt fjóra leik-
menn að undanförnu og borgað sam-
tals 14,2 millj. punda fyrir þá —
Hislop, David Ginola (2,5 millj.
pund), Warren Barton (4) og Les
Ferdinand (6).
■ FLESTIR sparksérfræðingar í
Englandi spá því að meistarabarátt-
an í vetur standi á milli Liverpool,
Newcastle, Arsenal, Manchester
Utd. og meistara Blackburn.
■ SVISSNESKI landsliðsmaðurinn
Stephane Chapuisat, sem leikur
með Dortmund, verður að fara á
ný undir hnífinn — verður skorinn
upp fyrir meiðslum í hægra hné.
Hann verður frá keppni í fimm mán-
uði og verður í fyrsta lagi tilbúinn
að leika í febrúar á næsta ári.
■ FRANSKI landsliðsmaðurinn
Basil Boli, sem hefur leikið með
Glasgow Rangers, er farinn til
Mónakó — skrifaði undir tveggja
ára samning.
■ DANSKA landsliðið lék Evrópu-
leik í Armeníu í gær. Danir fóru
með allan þann mat sem þeir áætl-
uðu að snæða í ferðinni, frá Dan-
mörku og sá matsveinninn Flemm-
ing Larsen á Hotel Marinan að
matreiða fyrir landsliðsmenn kjöt-
bollur, medisterpylsur og hakkabuff.
Danir tóku með sér fjórtán stóra
kælikassa fulla af matvörum.
■ MANCHESTER United hefur
hætt við fimm millj. punda sölu
Andrei Kanchelskis til Everton,
eftir að fyrrum félag kappans,
Shakter Donetsk, villdi fá 1,1 millj.
pund af söluupphæðinni.
■ TAFFAREL, landsliðsmark-
vörður Brasilíu, varð að fara á
sjúkrahús til að láta sauma tíu spor
í höfuð sitt, eftir að stuðningsmaður
liðs hans, Atletico Mineiro, hafði
kastað flösku í höfuð hans, þegar
æfing liðsins stöðvaðist og Taffarel
farið til að ræða við stuðningsmenn-
ina. Þrjátiu menn voru handteknir.