Morgunblaðið - 19.08.1995, Blaðsíða 4

KNATTSPYRNA / ENGLAND
Erlendir leikmenn setja enn meiri svip á úrvalsdeildina
Miklar vonir bundnar
við Dennis Bergkamp
LEIKIR 1. umferðar ensku úrvalsdeildarinnar
í knattspyrnu verða um helgina og samkvæmt
enskum fjölmiðlum eru miklar væntingar til
tímabilsins. Mörg félög hafa lagt mikið undir
og greitt háar fjárhæðir fyrir leikmenn en
mestar vonir eru bundnar við Hollendinginn
Dennis Bergkamp sem Arsenal fékkfrá Inter
Milan á ítaliu fyrir um 750 millj. kr. Þess er
vænst að með snilli sinni og sókndirfsku
breyti hann ekki aðeins deildarknattspyrnunni
til hins betra heldur efli enska landsliðið til
dáða. Þá horfa menn fyrst til úrslitakeppni
Evrópumótsins í Englandi í júní á næsta ári.
Arsenal hefur verið í sviðsljósinu að undanfömu
og þykir liðið líklegt til stórræða með Berg-
kamp og ekki síður fyrirliða enska landsliðsins,
David Platt, sem félagið keypti frá Sampdoria á.
Ítalíu. Sagt er að breytingarnar á Highbury frá liðnu
tímabili verði hugsanlega þær áhrifamestu í enskri
knattspyrnu síðan Ardiles hinn argentíski gekk til
liðs við Tottenham 1978. Gary Lineker, fyrrum fyrir-
liði enska landsliðsins, sagði í grein í enska blaðinu
Observer að miðjumaðurinn Platt væri nær öruggur
með að gera 20 mörk í komandi deildarkeppni og
Bergkamp kæmist að því að hann fengi miklu meira
rými frammi en hann átti að venjast á Ítalíu. „Hann
uppgötvar, eins og Cantona hefur
þegar gert, að vamir enskra liða
ráða ekki við svona leikmann.“
England aftur í fremstu röð
Chrid Lightbown veltir fyrir sér
hugsanlegum áhrifum Bergkamps
á enska knattspymu í grein í The
Sunday Times. Hann segir að samn-
ingur Hollendingsins til íjögurra
ára staðfesti að bestu knattspymu-
mennirnir trúi á knattspyrnuna í
Englandi og takist honum vel upp
verði það til þess að fleiri af þeim
bestu fari til enskra liða. Þar með
verði ensk lið samansett eins og
best verður á kosið að sögn sérfræð-
inga — enskt hugarfar og hæfileik-
ar frá meginiandinu. Arsenal verði
stórveldi í Evrópu og opni einnig
leið fyrir önnur ensk lið, sem fara
eins að, til að stjóma ferðinni í
óhjákvæmilegri Evrópudeild. Að-
lagist Bergkamp, og aðrir sem
fylgja í kjölfarið, ensku knattspym-
unni verða mótheijar þeirra að taka
upp sömu aðferðir; með öðram orð-
um gæti England orðið stórveldi á
ný með tímanum ef ungu knatt-
spymumennimir reyni að gera eins
vel eða betur en erlendu stjömum-
ar.
Platt, sem var fjögur ár á Ítalíu,
tekur í svipaðan streng og er bjart-
sýnn á að fleiri erlendir, hæfíleika-
ríkir knattspyrnumenn hafi áhrif á
ensku knattspymuna og þar með
landsliðið sem ætti að gera Evrópu-
keppnina áhugaverða eftir von-
brigði Englendinga í Heimsmeist-
arakeppninni. Það er að vísu nokk-
uð kaldhæðnislegt en mörk Berg-
kamps fyrir Holland gegn Englandi
í riðlakeppni HM urðu til þess að
Englendingar sátu heima þegar
úrslitakeppnin fór fram í Bandaríkj-
unum.
HOLLEIMDINGURINN Dennls
Bergkamp.
DAVID PLATT.
RUUD GULLIT.
Bergkamp segist vera ánægður
með að vera kominn til Englands.
„Sem sóknarmaður kann ég mjög
vel við enska knattspymu. Ensk lið
vilja skora og sigra. Mér gekk illa
á Italíu því þar var ég frammi með
einum öðrum gegn fjórum eða fímm
vamarmönnum í hveijum leik. Hér
fær maður meira pláss því vamar-
mennirnir vilja sigra.“
Platt telur að sú breyting verði
að æ fleiri lið verði með þijá vamar-
menn en bakverði sem taki virkan
þátt í spilinu á miðjunni eða veijist
ef á þarf að halda, að meiri fjöl-
breytni sjáist í leikaðferðum. „Ég
held að mörg lið leggji áherslu á
miðjuspilið eins og gert er á megin-
landinu," sagði hann.
Liðsheildin spurning
Allir eru sammála um að Brace
Rioch teflir fram öflugu liði á Hig-
hbury og Lineker bendir á að lið
með Bergkamp, Platt, Wright og
Merson sé þess virði að horfa á en
hann hefur samt sínar efasemdir.
Fyrsta spurningin sé hvort leik-
mennirnir séu nógu góðir til að
byggja upp fyrir Bergkamp og í
öðra lagi finnst honum varnar-
mennirnir fjórir bera of mikið yfír-
bragð eldri leikmanna. „Þó reynsla
geti verið jákvæð er betra að vera
með blöndu af eldri höfuðum og
yngri fótum. Meiðsl virðast æ al-
gengari eftir því sem menn verða
eldri og þau gætu orðið veikleiki
Arsenal.“
Gullit í vöminni
Chelsea hefur átt frekar erfitt
uppdráttar undanfarin ár en er spáð
meiri velgengni í ár. Þar hefur
mest að segja að félagið keypti
Mark Hughes frá Manchester -Un-
ited og fékk Hollendinginn Ruud
Gullit frá Sampdoria.
„Chelsea verður ekki meistari en
með Mark Hughes og fyrrum fyrir-
liða hollenska landsliðsins verður
liðið mun betra en í fyrra,“ sagði
Lineker. „Ég bíð spenntur eftir að
sjá Ruud Gullit í miðvarðarstöð-
unni. Hann lék í þeirri stöðu þegar
ég sá hann fyrst á móti í Barcelona
1986. Hann var svo góður að
120.000 Katalóníumenn stóðu upp
og hylltu hann þrátt fyrir að honum
hafí ekki tekist að skora úr víti sem
réði úrslitum í vítakeppni."
Blackbum nær óbreytt
Almennt hefur verið mikið um
félagaskipti á undirbúningstíman-
um en athygli hefur vakið að Black-
burn sem á titil að veija teflir fram
nær óbreyttu liði frá fyrra tímabili.
Sennilegt þykir að meistararnir
verði áfram í baráttu efstu liða en
talið er að Evrópukejppnin geti sett
strik í reikninginn. I því sambandi
er bent á að ófarirnar gegn sænska
liðinu Trelleborg í UEFA-keppninni
fyrir tæpu ári sitji í mönnum og
þeir vilji því leggja áherslu á að
standa sig í meistarakeppninni að
þessu sinni.
Erfitt hjá
Man. Utd.
MANCHESTER United hefur
verið með mjög sterkt lið und-
anfarin ár en því tókst ekki að
veija titilinn í vor og eru sér-
fræðingar á því að það sé ekki
liklegra til að endurheimta
hann vorið 1996. Ástæðan er
sögð sú að félagið hafi selt lyk-
ilmenn og ekki fjárfest í eins
sterkum mönnum. Alex Fergu-
son fékk Cantona til að vera
áfram en Frakkinn verður í
banni fram í október og eftir
á að koma i ljós hvað hann
gerir þegar á reynir. Salan á
Andrei Kanchelskis til Everton
gekk til baka en Úkraínumað-
urinn hefur sagt að hann vilji
ekki leika lengur undir stjóm
Fergusons þjá United. Paul
Ince er farinn tíl Inter Milan á
ítaliu og Hughes tíl Chelsea svo
talið er að róðurinn á Old Traf-
ford verði erfiðari en að und-
anförnu.
Liverpool
spáð vel-
gengni
LIVERPOOL er spáð vel-
gengni í vetur en með þeim
fyrirvara að Stan Collymore
standist álagið. Liverpool
keypti hann frá Nottingham
Forest fyrir 8,5 miRj. punda
sem er metfé fyrir enskan leik-
mann. Mikið er talið velta á
hvernig honum takist að vinna
með Robbie Fowler í framlín-
unni og þá ekki síst í byijun
móts.
Newcastle
- alla leið
GARY Lineker segir að Leeds
geti reynst erfitt og Tony
Yeboah geti vel orðið marka-
kóngur en hann hallast að því
að Newcastle verði meistari
eins og reyndar æ fleiri. Stuðn-
ingsmenn Newcastle vilja bik-
ar og Kevin Keegan, sem hefur
verið við stjórnina í fjögur ár,
þarf ekki að hugsa um Evrópu-
keppni þetta tímabil. Newc-
astle varð síðast Englands-
meistari 1927 og Keegan hefur
styrkt liðið mikið fyrir kom-
andi átök og hvergi sparað.
Hann keypti enska landslið-
smiðherjann Les Ferdinand frá
QPR fyrir sex millj. punda,
Warren Barton frá Wimbledon
fyrir fjórar milljónir punda og
franska landsliðsmanninn
David Ginola frá PSG í Frakk-
landi fyrir 2,5 miRj. punda með
titilinn í huga. „Sú staðreynd
að Manchester United virðist
hafa skipt um stefnu sannfærir
mig enn frekar um það að
meistaratitillinn bíður handan
við hornið."
Sjónvarps-
útsend-
ingar
RÍKISÚTVARPIÐ, RÚV, mun
hefja beinar útsendingar frá
ensku knattspyrnunni laugar-
daginn 30. september. Beinar
útsendingar hjá enska sjón-
varpstöðin Sky Sport hefjast
um helgina og geta knatt-
spyrnuunnendur séð þær í fé-
lagsheimilum íþróttafrélaga,
ýmsum veitingarstöðum qg
Sport Hótel í Laugardal. A
morgun verður leikur Arsenal
- Middlesbrough sýndur og á
mánudagskvöld: Leeds -
Liverpool.