Morgunblaðið - 22.08.1995, Blaðsíða 12
12 ÞRIÐJUDAGUR 22. ÁGÚST 1995
AKUREYRI
MORGUNBLAÐIÐ
Lítið um
þorsk
Formaður Varðar á þingi SUS á Akureyri
Konur eiga að
hvessa klæmar
UNGIR sjálfstæðismenn voru fjöl-
mennir á Akureyri um síðustu helgi
enda 33. þing SUS haldið í bænum.
Svanhildur Hólm Valsdóttir, for-
maður Varðar á Akureyri, gerði
stöðu kvenna í flokknum að umræðu-
efni í ræðu sem hún flutti við setn-
ingu þingsins. Hún vildi létta yfir-
bragð flokksins og koma fleiri konum
til áhrifa, en sagði þó að konur ættu
hvorki að fá embætti né vegtyllur á
silfurfati.
Svanhildur minntist á fund sjálf-
stæðiskvenna í síðustu viku um hugs-
anlegt framboð konu í framvarðar-
sveit flokksins. Þar kom upp sú hug-
mynd að bæta við þriðja embættinu
við hlið formanns og varaformanns.
„Hugmyndin að breikka framlín-
una er í sjálfu sér ágæt en ég verð
að viðurkenna að það fyrsta sem
mér datt í hug þegar ég heyrði af
henni var að þar'væri komin dæmi-
gerð dúsa fyrir konur til að lægja
óánægjuraddir þær sem risu eftir
alþingiskosningarnar í vor,“ sagði
Svanhildur.
Hún sagði það sína skoðun að það
gæti verið hættulegt fyrir konur að
gefa eftir því ef þær vildu verða tekn-
ar alvarlega í pólitík yrðu þær að
taka sig sjálfar alvarlega og stefna
að raunverulegum markmiðum og
völdum. Hún hvatti konur til að
hvessa klærnar og berjast til frama
innan flokksins á sama grundvelli
og karlar, enda ættu þær að komast
áfram vegna eigin verðleika því
stjórnmálaflokkar væru ekki neinar
líknarstofnanir.
Svanhildur gat þess að hún væri
fyrsta konan sem gegndi embætti
formanns Varðar en vonandi ekki sú
síðasta.
Það er iðulega létt yfir trillu-
körlunum í Sandgerðisbót á
Akureyri þótt aflabrögðin
gefi ekki alltaf tilefni til þess.
Kristján Sigurðsson á Dögg
EA 235 sagðist hafa verið
að slæða upp línu við Krossa-
nes þegar útsendarar blaðs-
ins leituðu frétta. „Æ, já,
þetta er tregt. Það er harla
lítið um þorsk í Eyjafirðinum
á þessum tíma,“ sagði Krist-
ján.
Tryggvi á Trausta EA 98
virtist öllu hýrari á svip enda
var hann að koma í land með
200 kg af vænum þorski sem
hann fékk út af Hjalteyri.
Sá guli er því enn á sveimi
þótt gæftir séu vissulega
misjafnar.
Verðið á nýjum
kartöflum lækkar
GLÆNÝJAR kartöflur komu í
verslanir á Akureyri í síðustu viku
og virðast neytendur kunna vel
að meta viðbrigðin þótt verðið
hafi verið í hærri kantinum. í gær
var verðið reyndar lækkað tölu-
vert.
Þær upplýsingar fengust hjá
Kartöflusöiunni Svalbarðseyri hf.
að þær kartöflur sem fyrirtækið
hefði verið að dreifa í verslanir
að undanförnu væru premier
kartöflur frá nokkrum bæjum í
Höfðahverfi. Þetta afbrigði er
fljótsprottið en gullauga er líka
væntanlegt, jafnvel síðar í vik-
unni.
Of snemmt er að segja til um
uppskeruna almennt því Veðurfar
og hitastig næstu vikurnar ræður
þar mestu. Rauðar kartöflur eru
misjafnlega á veg komnar og tölu-
vert í að þær bjóðist neytendum.
Verð í heildsölu lækkaði úr
130 krónum í 105 krónur
Heildsöluverð á nýjum kartöfl-
um var 130 krónur hvert kíló um
helgina en í gær var verðið lækk-
að niður í 105 krónur. Smásölu-
verðið er mismunandi en kílóverð-
ið var víða 150-200 kr. um helg-
ina. Kilóverðið á gömlum kartöfl-
um er hins vegar alit niður í 30
krónur.
Piltur á reiðhjóli slasaðist
TVEIR tíu ára gamiir piltar hjól-
uðu á bíl á gatnamótum Skarðs-
hlíðar og Höfðahlíðar á Akureyri
um klukkan 21 sl. sunnudags-
kvöid. Annar þeirra var fluttur
með sjúkrabifreið á slysadeild
Fjórðungssjúkrahússins með höf-
uðáverka. Hvorugur piltanna var
með hjálm.
Á sunnudaginn var einnig óskað
eftir sjúkrabifreið á Grenivík. Þar
hafði bíll lent utan vegar við þjóð-
veg 831 og oltið. Farþegi var flutt-
ur á slysadeild FSA vegna eymsla
í baki og hálsi.
Lögreglan á Akureyri stöðvaði
fimm ökumenn fyrir meinta ölvun
við akstur um helgina og tók einn-
ig nokkra fyrir of hraðan akstur.
Fjórir árekstrar voru tilkynntir til
lögreglu en annars var helgin frek-
ar róleg að sögn varðstjóra.
Morgunblaðið/Berglind H. Helgadóttir
Sýnishorn úr söluskrá
★ Faileg hársnyrtistofa, mikil vinna.
★ Glæsileg hárgreiðslust. í Hveragerði. Mikil vinna.
★ Hlutafélag með 45 m. tap í rekstri fasteigna.
★ Stækkanlegur sðluturn. Gott verð.
★ Kjötvinnsla. Veisluþjónusta.
★ Stór pizzastaður. Velta 4,5 m. pr. mán.
★ Fata- og vefnaðarvöruverslun.
★ Lftil blómabúð í miðborginni.
★ Glæsileg sólbaðsstofa í verslunarmiðstöð.
★ Þekkt sólbaðsstofa í Hafnarfirði.
★ Snyrtivöruverslun á Laugavegi.
★ Lítil matvöruverslun, 10-10 búð.
★ Trésmíðaverkstæði í framleiðslu.
★ Járnsmiðja fyrir vélstjóra eða tæknifræðing.
★ Lítið innrömmunarfyrirtæki.
★ Glæsileg prjónastofa úti á landi.
★ Bílaverkstæði á Norðurlandi. Húsnæði fylgir.
★ Vélaverkstæði í sjávarplássi.
★ Verslun og saumastofa í Reykjavík.
Upplýsingar aðeins á skrifstofunni.
SUÐURVE R I
SÍMAR581 2040 OG 581 4755, REYNIR ÞORGRÍMSSON.
Iðnaður ’95 á Hrafnagili
Um sex þúsund gestir
Morgunblaðið/Jóhannes Geir Sigurgeirsson
JÓHANNES Geir Sigur-
geirsson, framkvæmda-
stjóri sýningarinnar Iðnað-
ur ’95, sem lauk á Hrafna-
gili síðastliöinn sunnudag
áætþir að um sex þúsund
gestir hafi sótt sýninguna.
Hann sagði að erfitt væri
að nefna nákvæma tölu þar
sem ýmsir hópar svo sem
börn yngri en 14 ára hafi
ekki þurft að greiða að-
gangseyri en menn reikn-
uðu með að þessi tala væri
ekki fjarri lagi.
Um sjö þúsund manns
sóttu handverkssýninguna sem
haldin var á sama stað helgina
áður og þegar allt er talið má
því segja að 13-15 þúsund manns
hafi lagt leið sína á Hrafnagil á
tæpum hálfum mánuði. Þetta er
nálægt íbúafjölda Akureyrar-
kaupstaðar.
Laugardagurinn var besti
„Konnararnir“ Jóna Fanney
Svavarsdóttir og Jóhann
Már Jóhannsson.
dagurinn og að sögn Jóhannesar
betri en laugardagurinn á land-
búnaðarsýningunni í fyrra.
Hann sagði að það hefði verið
sérstök upplifun að vera staddur
á 1000 manna útitónleikum á
laugardagskvöldið þegar
„Konnarar" hófu upp raustsína
við mikinn fögnuð gesta.
Flugfélag
Norðurlands
Keflavík-
urflugið í
skoðun
SIGURÐUR Aðalsteinsson
framkvæmdastjóri Flugfélags
Norðurlands býst við að litlar
breytingar verði á áætluna-
flugi félagsins í vetur nema
hvað flugið milli Akureyrar
og Keflavíkur er í skoðun.
Keflavíkurflugið var við líði
síðastiiðinn vetur en ekki
veturinn þar á undan og segir
Sigurður óráðið hvort FN
haldi úti áætlun í vetur þar
sem reynslan hefur ekki verið
tiltakanlega góð.
Rekstur félagsins hefur að
sögn Sigurðar gengið ágæt-
lega í sumar. Fleiri farþegar
voru fluttir í júní en í sama
mánuði í fyrr en nokkur fækk-
un varð reyndar í ágúst. Þá
hefur leiguflugið gengið vel
og þar með talið leiguflug til
Grænlands. Fyrir nokkru hóf
Flugfélag Norðurlands leigu-
flug til Kulusuk á Grænlandi
einu sinni í viku. Þetta eru
dagsferðir með ferðamenn og
sagði Sigurður reynsluna af
því þoianlega.
Kynnisferð
um Eyjafjörð
MIÐSTÖÐ fólks í atvinnuleit
efnir til kynnisferðar um ná-
grannabyggðir Akureyrar á
morgun, miðvikudaginn 23.
ágúst. Farið verður um
byggðirnar við vestanverðan
Eyjafjörð og m.a. komið við
á Hjalteyri, Hauganesi og
Árskógssandi og mun leið-
sögumaður kynna atvinnulíf
og uppbyggingu á þeim stöð-
um. Lagt verður af stað frá
Akureyrarkirkju klukkan 15.
Léttar veitingar verða á
vegum Miðstöðvarinnar þann-
ig að þátttakendur þurfa ekki
að taka með sér nesti og verð-
ur ferðin þeim að kostnaðar-
lausu. Þátttökulistar liggja
frammi á Vinnumiðlunar-
skrifstofunni, Punktinum og
í Safnaðarheimili Akureyrar-
kirkju og væri æskilegt að
vita um þátttöku eigi síðar
en um hádegi á miðvikudag.
Náttúru-
verndarráð
mótfallið
malarnámi
Á FUNDI Náttúruverndar-
ráðs í síðustu viku kom fram
andstaða við fyrirhugað mal-
arnám í landi Möðruvalla í
Hörgárdal.
Náttúrverndarráð sendi frá
sér svohljóðandi umsögn um
málið: „Það er skoðun Nátt-
úruverndarráðs að leggjast
gegn því að opnuð verði ný
náma á svæðinu. Innan eins
kílómetra hrings frá fyrirhug-
uðum stað eru nokkrar opnar
námur og því er ekki talin
ástæða til að opna nýja námu
til að taka samskonar efni.“
Það var Prestssetrasjóður
sem.óskaði eftir umsögn ráðs-
ins en stjórn sjóðsins á eftir
að funda um niðurstöðuna.
Meirihluti sóknarnefndar og
formaður náttúrverndar-
nefndar á móti þessum fram-
kvæmdum og voru þær stöðv-
aðar á fyrsta degi.