Morgunblaðið - 22.08.1995, Blaðsíða 52

MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(SlCENTRUM.lS / AKUREYRl: HAFNARSTRÆTI 85
ÞRIÐJUDAGUR 22. ÁGÚST 1995
VERÐ í LAUSASÖLU 125 KR. MEÐ VSK
Elliðaár
Nýgenginn
lax með
kýlaveiki
KÝLAVEIKI hefur greinst í ný-
gengnum laxi í Elliðaám. Jakob
Hafstein, veiðieftirlitsmaður við Ell-
iðaár, staðfesti að a.m.k. þrír ný-
gengnir laxar hefðu fundist í gær
sjúkir af kýlaveiki í ánum og hátt í
tíu um helgina. Þetta er talið ótví-
rætt merki um að veikin hafi grafið
um sig í laxastofninum í Elliðaánum
í talsverðan tíma.
Ekki er talið útilokað að kýlaveik-
ur lax hafi gengið upp í árnar í fyrra-
haust. Nú hafa um 30 kýlaveikir
laxar fundist í Elliðaánum.
Það að nýgenginn lax er haldinn
kýlaveiki bendir til að laxinn hafi
komið sjúkur úr hafinu, en hafi ekki
sýkst í ánni. Þetta vekur upp þá
spurningu hvort kýlaveikin hafi ver-
ið í ánni í langan tíma.
Gísli Jónsson fisksjúkdómalæknir
sagðist teija afar ólíklegt að kýla-
veiki hefði verið í Elliðaánpm í fyrra-
sumar, en hugsanlega hefði veikin
borist í árnar í fyrrahaust. Hann
sagði að kýlaveikin magnaðist upp í
hita, en leyndist betur í köldum sjón-
um. Smitaður fiskur gæti iifað í sjón-
um heilan vetur, en veikst og drepist
þegar hann kæmi upp í heitar árnar.
Kýlaveik seiði í Elliðaár
I júní drápust seiði í keijum við
Elliðaár úr kýlaveiki. Aður en tókst
að greina veikina var seiðunum
sleppt í árnar. Sigurður Helgason
fisksjúkdómalæknir segir engan
vafa leika á að seiðin hafi smitast
frá sýktum laxi úr ánum. Seiðin séu
ekki upphaflegur smitberi.
Talið er að seiðasleppingin geti
haft neikvæð áhrif á laxastofninn í
Elliðaánum. Búast má við að sýkt
seiði gangi upp í árnar næsta sumar.
■ Kýlaveikum seiðum sleppt/6
ERLENDU ferðamennirnir átta, sem verst voru á sig komnir, björgunarsveitarmenn og vélsleðamenn frá Jöklaferðum bíða komu þyrlu
Landhelgisgæslunnar í Kverkfjöllum um kl. 6.30 í gærmorgun. Þyrlan flutti þá til Akureyrar.
Erlendir ferðamenn lentu í hvassviðri og hrakningum í Kverkfjöllum
„Buldi á okkur saudur og ís“
TUTTUGU og sex erlendir ferða-
menn og íslenskur fararstjóri þeirra
lentu í hrakningum í Kverkfjöllum
á sunnudagskvöld, þegar hvessti svo
að ekki var stætt á jöklinum. „Það
buldi á okkur sandur og ís. Við sáum
ekkert og gátum ekki staðið lengur,
fukum bara til og frá. Við lögðumst
niður og reyndum að skríða," sagði
Orna Goldman frá ísrael, þegar hún
lýsti hrakningunum í gær.
Ferðamennirnir voru frá ísrael,
Þýskalandi, Frakklandi og Bretlandi
og með þeim var íslenskur farar-
stjóri frá Jöklaferðum, Benedikt
Kristinsson. Hópurinn fór norður
yfir Vatnajökul á sunnudag á snjó-
bíl og vélsleðum, en farartækin voru
yfirgefin þegar kom að Kverkíjöll-
um. Þá tók annar hópur farartækin
til baka, en fólkið hélt áfram fót-
gangandi og ætlaði í Sigurðarskála
í Kverkfjöllum.
Landhelgisgæslunni barst beiðni
um aðstoð frá Jöklaferðum kl. 20.39,
en ekki var hægt að senda þyrlu í
loftið vegna veðurs. Ellefu björgun-
arsveitir af svæðinu frá Húsavík að
Fáskrúðsfirði héldu til leitar inn á
jökul. Um kl. fjögur um nóttina kom-
ust leiðsögumaðurinn og átján
manna hópur af eigin rammleik í
rútu, sem flutti fólkið í Sigurð-
arskála.
Þyrla Landhelgisgæslunnar
komst ekki í loftið fyrr en um kl.
fimm um nóttiha og tafðist för henn-
ar um 40 mínútur þar sem krækja
þurfti fyrir veður á leiðinni norður.
Átta ferðalangar, sem verst voru
á sig komnir, voru fluttir með þyrl-
unni á Fjórðungssjúkrahúsið á Ak-
ureyri. Þrír þeirra fengu að fara
heim að lokinni skoðun, en fimm
voru lagðir inn vegna ofkælingar,
þar af ein kona á gjörgæsludeild.
Hún hafði verið meðvitundarlaus í
nokkra tíma um nóttina og líkams-
hiti hennar var orðinn mjög lágur
þegar hjálpin barst.
■ Skriðu eftir jöklinum/4
Franskur fyrrum eigandi skútu sigldi henni úr Reykjavíkurhöfn
Varðskip sent til
að sækja skútuna
LANDHELGISGÆSLUNNI var í
gærkvöldi falið að sækja og færa
til hafnar skútu sem hvarf úr
Reykjavíkurhöfn í fyrrinótt. Talið
er víst að franskur fyrrum eigandi
skútunnar hafi sigit henni frá
Reykjavík og hafi í hyggju að sigla
henni til Frakklands. Samkvæmt
heimildum Morgunblaðsins var varð-
skip sent eftir skútunni seint í gær-
kvöldi, en skútan sást síðast á sigi-
ingu 8,5 sjómíiur suðsuðvestur af
Eldey í gærkvöldi.
Skútan, sem heitir Sara, er 21 fet
að lengd og var hún vélarvana þeg-
ar henni var stolið, en mótorinn, sem
.J* var á bryggjunni, var einnig horfinn.
Gunnar Borg, einn eigenda Söru,
sagði í samtali við Morgunblaðið að
hann hefði frétt af því í gærmorgun
að skútan væri horfin, en síðar kom
í ljós að sést hafði til hennar á sigl-
ingu á ytri höfninni um kl. fjögur í
fyrrinótt.
Sagðist Gunnar hafa tilkynnt um
hvarfið til lögreglunnar, en kl. 20 í
gærkvöldi barst tilkynning frá tog-
aranum Ólafi Jónssyni um að sést
hefði til skútunnar 8,5 sjómílur suð-
suðvestur af Eidey, en skútan stefndi
þá í réttvísandi suður. Síðar um
kvöldið var málinu vísað til Rann-
sóknarlögreglu ríksins sem fól Land-
helgisgæslunni að sækja skútuna og
færa hana til hafnar.
Með franska
fánann við hún
Kristinn E. Jónsson, skipstjóri á
Ólafi Jónssyni, sagði að hann hefði
séð tvo menn um borð í skútunni,
en þeir voru búnir að draga franska
fánann að hún. Ræddu skipveijar á
Ólafi Jónssyni við annan mannanna
sem taiaði ensku og var honum sagt
að vitað væri um ferðir þeirra. Hefði
hann svarað því til að þeir væru
réttir eigendur skútunnar.
Gunnar Borg sagði að hann hefði
ásamt tveimur öðrum keypt skútuna
á uppboði fyrir þremur árum. Skútan
kom hingað til lands éftir að íslenskt
skip bjargaði henni og frönskum
þáverandi eiganda hennar úr sjávar-
hásjía þar sem hann var á siglingu
til íslands. Þegar hingað var komið
hafi maðurinn ætlað að sigla .skút-
unni áfram til Grænlands en skútan
þá verið kyrrsett af yfirvöldum.
Safnaði hún þá á sig skuldum og
var seld á opinberu uppboði.
Vanbúin til siglinga
Sagði Gunnar að hann hefði haft
fregnir af því að fyrrum eigandi
skútunnar hefði ítrekað reynt að ná
eignarhaldi á henni á nýjan leik og
í því sambandi m.a. leitað aðstoðar
sendiherra íslands í Frakklandi, en
Frakkinn hefði hins vegar aldrei
haft samband við núverandi eigend-
ur skútunnar.
Hann sagði miklar viðgerðir hafa
farið fram á skútunni undanfarið,
en hún hafi verið illa farin þegar
þeir félagar keyptu hana á uppboði.
Sagði hann skútuna vera með öllu
vanbúna til úthafssiglinga.
SARA sást síðast suðsuðvest-
ur af Eldey í gærkvöldi.
Kvóti næsta árs
Arnar og
Vigri fá
mest
FRYSTISKIPIN Arnar á
Skagaströnd og Vigri í Reykja-
vík fengu úthlutað mestum
kvóta allra skipa íslenska fisk-
veiðiflotans fyrir næsta fisk-
veiðiár.
Isfiskskipið Björgvin á Dal-
vík og rækjufrystiskipin Sunna
á Sigiufirði og Pétur Jónsson í
Reykjavík eru hins vegar þau
skip í hópi kvótahæstu skip-
anna sem bæta mestu við sig
frá síðustu úthlutun.
Frystiskipið Guðbjörg ÍS 46
er sem fyrr með mesta þorsk-
kvóta allra skipa, 1.206 lestir.
Fiskistofa hefur sent útgerð-
um þeirra fiskiskipa sem leyfi
hafa til veiða í atvinnuskyni,
veiðileyfi og tilkynningar um
aflaheimildir á næsta fiskveiði-
ári sem hefst um næstu mán-
aðamót. Gefin eru út 1.078
veiðileyfi, þar af eru 199 skip
sem ekki fá neitt aflamark.
Aflamarksskipum hefur fækk-
að um 232 frá síðustu úthlutun.
■ Arnar með/16