Morgunblaðið - 24.08.1995, Blaðsíða 12
12 FIMMTUDAGUR 24. ÁGÚST 1995
AKUREYRI
MORGUNBLAÐIÐ
Rafveitan lækkar
gjaldskrána
ENDURSKOÐUÐ fjárhagsáætlun
Rafveitu Akureyrar 1995 hefur
verið afgreidd frá bæjarstjórn.
Samkvæmt henni hækka rekstrar-
tekjur um 31,4 milljónir króna og
rekstrargjöld um 8,5 milijónir.
Tekjur Rafveitunnar verða þá 100
milljónum kr. hærri en gjöldin og
ljóst að fjárhagsstaða veitunnar
er traust.
Bókun bæjarráðs um þennan
lið, sem afgreiddur var á fundi
bæjarstjórnar sl. þriðjudag, fylgir
sú tillaga Sigríðar Stefánsdóttur
að Rafveitan greiði 2% afgjald af
eigin fé veitunnar til bæjarsjóðs.
Einnig er meðfylgjandi tillaga
Sigurðar J. Sigurðssonar um
lækkun gjaldskrár veitunnar eða
fjárframlag til Framkvæmda-
sjóðs.
Jakob Bjömsson bæjarstjóri vildi
ekki fara út í það að skattleggja
Rafveituna með óbeinum hætti.
„Við viljum að bætt afkoma komi
fram í lækkaðri gjaldskrá. Það
verður athugað við endurskoðun á
fjárhagsáætlun næsta árs hver
lækkunin getur orðið,“ sagði Jakob.
Þórarinn E. Sveinsson fullyrti
að hægt yrði að lækka raforku-
verð til neytenda jafnt og þétt á
næstu árum án þess að það bitn-
aði á viðhaldsframkvæmdum.
Hann sagði Akureyringa búa við
eitt lægsta raforkuverð á landinu
og stefnan væri tekin á lang-
lægsta verðið.
Fundað um
húsnæðismál
STARFSHÓPUR sem menntamála-
ráðherra skipaði um byggingamál
Háskólans á Akureyri mun koma
saman til fundar á næstu dögum til
að fjalla um framtíðarskipulag á
Sólborgarsvæðinu. í hópnum sitja
Þorsteinn Gunnarsson, Jakob Björns-
son, Þórhallur Arason og Örlygur
Geirsson.
Þorsteinn Gunnarsson rektor sagði
að fjárveiting vegna uppbyggingar-
innar á Sólborgarsvæðinu á þessu
ári væri uppurin en hann vonaðist
fastlega eftir fjármagni til fram-
kvæmda á næsta ári.
Háskólinn er sem fyrr á fjórum
stöðum í bænum því kennt er í Þing-
vallastræti og Glerárgötu, sal Odd-
fellowhússins og í Fjórðungssjúkra-
húsinu þar sem verkleg kennsla í
hjúkrunarfræði fer fram. Stefnt er
að því að nær öll starfsemi Háskól-
ans verði flutt á Sólborgarsvæðið í
framtíðinni.
Morgunblaðið/Berglind H. Helgadóttir
og jafnvel betri en sami mánuður
í fyrra sem sló þá öll met.
„Það dregur alltaf úr ferða-
mannastraumnum eftir 20. ágúst
og um mánaðamótin er þetta
búið. Þetta fór mjög seint af stað
og það var lítil lausatraffík í
bænum fram undir 25. júlí. Þá
kom hins vegar vænn kippur með
batnandi veðri og þessi kafli var
raunar svo góður að menn
gleymdu strax hinum langa og
erfiða vetri,“ sagði Gunnar.
Hann sagði að í september
tæki við funda- og ráðstefnutími
hjá hótelinu og útlitið væri býsna
gott í þeim efnum en of snemmt
væri að segja til um bókanir fyr-
ir veturinn.
Straumur norður á
skömmum tíma
HITAMUNUR dags og nætur er
nú orðinn mikill eða 10-20 stig
víða á Norðurlandi. Hásumarið
er liðið og haustbragur kominn
á ferðaþjónustuna. A Akureyri
virðist ferðamannasumarið hafa
verið stutt en gott og sérstaklega
var mikil gróska í ferðaþjón-
ustunni frá því um 20. júlí til 20.
ágúst þegar veðurblíðan hélst
nánast stöðug og seiddi til sín
ferðalanga úr volkinu á Suðvest-
urlandi.
Útlit er fyrir að gistinætur á
tjaldsvæði Ákureyrar verði um
20 þúsund í sumar á móti ríflega
18 þúsund sumarið 1994. Að sögn
Omars Ivarssonar var júnímán-
uður betri en í fyrra en júlí hins
vegar slakari. Veður var kalt
fram eftir miðjum júlí en síðan
brast á blíða og eftir það hefur
aðsókn verið mjög góð og er
enn. Gistinætur í ágúst eru þegar
orðnar 7.100 á móti rúmlega
6.000 allan mánuðinn í fyrra.
„Mér finnst í rauninni ótrúlegt
hvað eru margir hérna ennþá.
Það eru í kringum hundrað
manns á tjaldsvæðinu en eftir
næstu helgi fer þetta að verða
búið. Við höfum opið til 10. sept-
ember en búumst ekki við mörg-
um Ijaldgestum eftir mánaða-
mót,“ sagði Ómar.
Gunnar Karlsson hótelstjóri á
Hótel KEA hafði svipaða sögu
að segja. Hann sagði að hinu
hefðbundna ferðamannatjmabili
væri greinilega að ljúka. Ágúst-
mánuður hefði verið mjög góður
Yfirlögregluþjóns beðið
Morgunblaðið/Berglind H. Helgadóttir
Girnilegt grænmeti
HILDUR Arna hefur verið að
rækta grænmeti í skólagörðun-
um á Akureyri í sumar og tekið
upp jafnt og þétt eftir því sem
tegundirnar þroskast. Útlit er
fyrir góða uppskeru og ljóst að
grænmetið er búbót fyrir mörg
heimili.
ENN hefur ekki verið gengið frá
ráðningu yfirlögregluþjóns á
Akureyri en stefnt var að því að
ráða í stöðuna í lok síðustu viku.
Nýr yfirlögregluþjónn á að taka
til starfa 1. september.
Þær upplýsingar fengust hjá
Sigurði Tómasi Magnússyni í
dómsmálaráðuneytinu í gær að
Þorsteinn Pálsson dómsmálaráð-
herra væri að fara yfír umsóknir
um stöðuna en ekki væri búið að
velja mann í embættið. Tíu sóttu
um stöðuna og rann umsóknar-
frestur út um miðjan júlí.
Hótel KEA mótmælir niðurstöðu Heilbrigðiseftirlitsins
Urskurði um hávaða áfrýjað
LÖGMAÐUR Hótel KEA hefur
áfrýjað til stjórnar Hollustuvernd-
ar ríkisins þeim úrskurði Heil-
brigðiseftirlits Eyjafjarðar að for-
svarsmönnum hótélsins beri að
gera ráðstafanir til að draga úr
hávaða vegna dansleikjahalds.
Eigendur Hótel Hörpu hafa lengi
kvartað yfir hávaða frá dansleikja-
haldi á KEA enda eru hótelin sam-
liggjandi og aðeins einfaldur vegg-
ur á milli þeirra. Heilbrigðiseftirlit
Eyjafjarðar fékk málið til skoðunar
og sendi frá sér þann úrskurð að
nauðsynlegum endurbótum til að
draga úr hávaðanum skuli lokið
eigi síðar en 1. nóvember.
Gunnar Karlsson hótelstjóri
sagði að ákveðið hefði verið að
áfrýja þessum úrskurði til stjórnar
Hollustuverndar því það hlyti að
vera álitamál hvort Hótel KEA
ætti eitt að standa að umbeðnum
endurbótum.
Bensínsala
hjá Hag-
kaup
Á FUNDI sínum sl. þriðjudag
staðfesti bæjarstjórn Akur-
eyrar samþykkt skipulags-
nefndar þess efnis að heimila
staðsetningu bensínafgreiðslu-
stöðvar á bílastæði Hagkaups
að Furuvöllum 17. Átta bæj-
arfulltrúar veittu samþykki sitt
en þrír sátu hjá.
í bókun skipulagsnefndar
eru ítrekaðir allir þeir fyrirvar-
ar sem áður hafi verið gerðir.
Leyfi til leik-
skóla synjað
LEIKSKÓLANEFND hefur
tekið fyrir umsókn leikskólans
Ársólar um starfsleyfi og segir
eftirfarandi í bókun nefndar-
innar 10. ágúst: „Enn hafa
áður kynntar kröfur um hús
og lóð á leikskólanum Ársól
ekki verið uppfylltar og af-
greiðsla á umsókn um starfs-
leyfi því ekki tímabær.
Þá kemur fram að leikskóla-
nefnd óskar eftir fundi með
fulltrúa ráðuneytisins um
ábyrgð og skyldu sveitarfélags-
ins og nefndarinnar í málum
sem þessum.
Ársól er nýr einkarekinn
leikskóli og hafði leikskóla-
nefnd áður hafnað umsókn um
stofnstyrk og vísaði m.a. til
fyrri samskipta Akureyrarbæj-
ar og rekstraraðila leikskólans.
Prjón o g
hönnun í
Punktinum
HANDVERK-reynsluverkefni,
Heimilisiðnaðarfélag íslands
og Punkturinn halda kynningu
og litskyggnusýningu á
prjónahönnun og peysufram-
leiðslu finnska textílhönnuðar-
ins Sirkka Könönen í Punktin-
um á Gleráreyrum á Akureyri
föstudaginn 25. ágúst.
Sýningin' verður opnuð kl.
20 á föstudaginn.
Sirkka Könönen er þekktur
textílhönnuður í heimalandi
sínu og víðar. Sýning hennar
í Punktinum verður opin alla
virka daga kl. 10-17 og laug-
ardaga kl. 14-18.
Listasumar
BB<7BQafl0IQei Elt3
BDB •ÐDOBbB
Kombó í Deiglunni
í KVÖLD, fimmtudaginn 24.
ágúst, skemmtir Kombó Ellen-
ar Kristjáns í Klúbbi Listasum-
ars og Karólínu í Deiglunni á
Akureyri. Tónleikarnir hefjast
kl. 22.00 og er aðgangur
ókeypis.
Kombóið byrjaði að starfa
saman fyrir um tveimur árum
og hefur gefið út einn geisla-
disk. Meðlimir sveitarinnar eru
allir landsþekktir tónlistar-
menn og hafa leikið með ýms-
um hljómsveitum en með
Kombóinu hafa þeir einkum
leikið á tónleikum og munu
koma frá á RúRek í haust.
Kombóið skipa Ellen Krist-
jánsdóttir söngkona, Eðvarð
Lárusson gítarieikari, Birgir
Baldurssyni trommuleikari og
Þórður Högnason bassaleikari.