Morgunblaðið - 25.08.1995, Blaðsíða 3

MORGUNBLAÐIÐ
FÖSTUDAGUR 25. ÁGÚST 1995 3
FRÉTTIR
Morgunblaðið/Jón Karl Snorrason
Batnandi horfur á afkomu sveitarf élaganna
3-4 milljarða minni halli
HORFUR eru á batnandi afkomu
sveitarfélaganna á þessi ári og er
reiknað með að hallinn á rekstri
þeirra verði þrír til fjórir milljarðar
króna í stað sjö milljarða í fyrra,
að því er fram kemur í nýútkomnum
hagvísum Þjóðhagsstofnunar. Að
sögn Þórðar Friðjónssonar, for-
stjóra Þjóðhagsstofnunar, er meg-
inástæðan sú að sveitarfélögin hafa
dregið úr útgjöldum.
„Það stafar ekki síst af því að
sveitarfélögin hafa dregið saman
framkvæmdir og jafnframt framlög
til atvinnumála. Sums staðar hefur
að vísu útsvarsprósentan hækkað,
en meginskýringarnar felast í að-
haldi í framkvæmdum og sam-
drætti í framlögum til atvinnu-
mála,“ sagði Þórður.
Jafnframt er áætlað að afkoma
ríkissjóðs verði ívið betri í ár en í
fyrra, og því minnkar hallinn á
rekstri hins opinbera í heild nokkru
meira en um batann hjá sveitarfé-
lögunum. í fyrra jókst hins vegar
hallinn hjá sveitarfélögunum en
minnkaði hjá ríkissjóði, en þótt af-
koma hins opinbera í heild batni
milli ára er hallinn enn mikill, sér-
staklega í ljósi batans í efnahagslíf-
inu undanfarin tvö ár.
í hagvísum Þjóðhagsstofnunar
kemur fram að hreinni lánsfjárþörf
ríkissjóðs hefur nær eingöngu verið
mætt með erlendum lántökum það
sem af er þessu ári. Ríkissjóður
hafi þegar tekið 15,4 milljarða
króna lán erlendis á árinu (nettó),
en innlend lántaka hafi ekki nægt
fyrir afborgunum, og sé þetta mik-
il breyting frá næstu árum á undan.
Fokker á
Bfldudal
FOKKBR-flugvél hafði ekki sést í
langan tíma á Bíldudal þegar
Flugleiðir hf. fóru að venja komur
sínar þangað í sumar. Flugleiðir
hafa notað flugvöllinn í Fossafirði
í Arnarfirði á meðan flugvöllurinn
á Patreksfirði er lokaður, en verið
er að leggja á hann olíumöl. Ný-
búið er að leggja olíumöl á flug-
völlinn í Fossafirði.
Með ýmiss
konar þýfi
í bílnum
LÖGREGLAN stöðvaði bifreið í
Kollafirði í fyrrinótt, eftir ábendingu
lögreglunnar í Borgarnesi, sem hafði
borist kvörtun um annarlegt ástand
ökumanns og farþega. I bílnum
fannst ýmiss konar þýfi, sem síðar
kom í ljós að var úr íþróttamiðstöð-
inni í Borgarnesi, og að auki hansk-
ar, vasaljós, kúbein og skrúfjárn.
Þegar lögreglan stöðvaði bílinn
sagði ökumaður og farþegi hans að
þeir félagar væru að koma frá
Hvammstanga og hefðu ekki stöðvað
í Borgamesi. Það kom illa heim og
saman við kvartanir í Borgarnesi,
m.a. um ónæði af völdum mannanna
á Hótel Borgarnesi um kvöldið.
Lögreglan óskaði eftir að líta í
farangursgeymsluna og þar var ör-
bylgjuofn, sjónvarp, 16 kókflöskur,
svartur peningapoki með um 20 þús-
und krónum í peningum, útfylltar
ávísanir og greiðslukort sem hvorug-
ur mannanna reyndist eiga. í bílsæt-
um var myndavél, hátalarar, sex
armbandsúr og fleira.
Ósannfærandi útskýringar
Mennimir voru handteknir, þrátt
fyrir tilraunir til að sannfæra lögregl-
una um að farangurinn væri ósköp
eðlilegur þegar Island er sótt heim og
alltaf væri gott að hafa kúbein, skrúf-
jám, hanska og vasaljós í bílnum.
Eftir að félagarnir voru komnir á
lögreglustöð í Reykjavík kom í Ijós
að brotist hafði verið inn í íþróttamið-
stöðina í Borgarfirði. í peningapok-
anum, sem fannét í farangurs-
geymslu bílsins, var m.a. uppgjörs-
strimill frá íþróttamiðstöðinni.
-----------♦ » ♦-----
Ekið af
vettvangi
EKIÐ var á hross á Norðurárbrú í
Skagafirði, á þjóðvegi nr. 1, í fyrri-
nótt. Ökumaður ók af vettvangi þrátt
fyrir að bifreiðin hefði auðsjáanlega
orðið fyrir nokkru tjóni, m.a. hefur
vatnskassi hennar eyðilagst. Hrossið
drapst og var skilið eftir á brúnni.
Tilkynnt var um slysið á sjötta
tímanum í gærmorgun. Ökumaður-
inn hefur ekki fundist. Að sögn lög-
reglu eru mörg hross á þessum slóð-
um núna og sjást þau illa eftir að
skyggja tekur á kvöldin.
^teytt og baett
Komdu t veislu
sýning um helgina