Morgunblaðið - 26.08.1995, Blaðsíða 10
10 LAUGARDAGUR 26. ÁGÚST 1995
MORGUNBLAÐIÐ
FRETTIR
Framkvæmdir Keflvíkinga við Helguvíkurhöfn
Þörf á samiiiiigi um
sameiginleg afnot
Trúnaðarráð verka-
lýðsfélaga hjá ÍSAL
Eindreginn
vilji um
stækkun
álversins
TRÚNAÐARRÁÐ verkalýðsfélaga í
Straumsvík hefur sent frá sér yfirlýs-
ingu þar sem lýst er eindregnum
vilja þess um að stækkun álversins
í Straumsvík nái fram að ganga sem
fyrst. Fulltrúar starfsmanna séu
sammála um mikilvægi þess að end-
anlegar ákvarðanir dragist ekki svo
framkvæmdir geti hafist hið allra
fyrsta. Því hvetji trúnaðarráðið stjórn
Álusuisse-Lonza til þess að taka
ákvörðun hið fyrsta um stækkun.
Fram kemur í yfirlýsingunni að
enn sé ágreiningur milli verkalýðsfé-
laganna og VSI/ÍSAL um atriði er
varði verktaka, en fulltrúar verka-
lýðsfélaganna séu tilbúnir til að halda
uppbyggilegum viðræðum áfram og
leggi þeir áherslu á mikilvægi bættra
samskipta í framtíðinni.
í yfirlýsingunni segir jafnframt
að fulltrúar verkalýðsfélaganna lýsi
vilja sínum til að ræða á yfirstand-
andi samningstímabili við VSI/ISAL
um einföidun samningsákvæða og
hugmyndir um nýbreytni í skipulagn-
ingu vinnu, enda hafí það ekki í för
með sér lakari kjör starfsmanna.
Þörfum mætt
„Trúnaðarráðið leggur þunga
áherslu á þá staðreynd að stéttarfé-
lögin hafi mætt þörfum fyrirtækisins
fyrir sveigjanleika. Vinnufyrirkomu-
lag hefur tekið miklum breytingum,
felldir hafa verið niður kaffítímar og
breytingar gerðar á verktakayfírlýs-
ingu. Nú síðast hafa félögin tekið
ákvörðun um sameiginlega atkvæða-
greiðslu á kjarasamningi. Því telja
félögin að gildandi samningsákvæði
mæti þörfum fyrirtæksins og eigi þar
af leiðandi ekki að koma í veg fyrir
stækkun álversins," segir í yfirlýs-
ingunni.
------*—♦—«-----
Stigið þungt á
bensíngjöf
LÖGREGLAN í Reykjavík hefur
stöðvað för hátt í 200 ökumanna
undanfarna þijá daga og áminnt þá
eða sektað fyrir að vera of þungstíg-
ir á bensíngjöfinni.
70 voru stöðvaðir fyrir of hraðan
akstur innan borgarmarkanna á mið-
vikudag, 58 á fimmtudag og síðdeg-
is í gær hafði lögreglan stöðvað um
40. Þeir sem hraðast óku voru á um
100 km hraða, en fyrir utan borgina
var ekið enn greiðar. Þannig var einn
gripinn á 136 km hraða á Reykjanes-
braut við Vogastapa.
Eftirlit lögreglunnar með umferð-
arhraða er aðeins undanfari þess sem
koma skal, því í næstu viku verður
sérstaklega fylgst með hraða í ná-
grenni skóla, en þeir eru að taka til
starfa á ný eftir sumarfrí.
BÆJARSTJÓRINN í Keflavík seg-
ir að alveg frá því Keflavíkurbær
lagði varnarliðinu til land undir
Helguvíkurhöfn fyrir tólf árum
hafí bærinn haft hug á því að nýta
aðra hluta svæðisins til atvinnu-
uppbyggingar. Vegna athuga-
semda varnarliðsins vegna fram-
kvæmda við höfnina hafi verið þörf
á því að ganga frá formlegu sam-
komulagi um sameiginleg afnot.
í frétt um samkomulag varnar-
liðsins, utanríkisráðuneytisins og
Reykjanesbæjar um afnot af hafn-
armannvirkjum Atlatshafsbanda-
lagsins í Helguvík í Morgunblaðinu
í gær kemur fram að varnarliðið
hafí alla tíð mótmælt framkvæmd-
um hafnarstjórnarinnar í Helguvík.
Ellert Eiríksson, bæjarstjóri
Reykjanesbæjar, segir að Keflavík-
urbær hafí lagt varnarliðinu og
Mannvirkjasjóði Atlantshafsbanda-
lagsins til land undir olíuhöfn í
Helguvík árið 1983. Aðeins sá hluti
lands við höfnina sem varnarliðið
notaði fyrir uppskipun olíu teldist
varnarsvæði, alls um 11 hektarar.
í samningi um afhendingu landsins
kæmi fram að Keflvíkingar hefðu
hug á að höfnin nýttist síðar, til
dæmis sem olíubirgðastöð íslensku
olíufélaganna eða á annan hátt í
þágu bæjarins.
Hann segir að á aðalskipulagi
fyrir Keflavík, Njarðvík og Kefla-
víkurflugvöll, sem gert var í fram-
haldi af þessu og staðfest af utan-
ríkisráðherra, hafí verið skipulagt
iðnaðarsvæði á landi Keflavíkur við
Helguvík. Segir bæjarstjóri að þeg-
ar framkvæmdir síðan hófust við
gerð hafnargarðs þarna á síðasta
ári virtist það koma núverandi yfir-
mönnum varnarliðsins spánskt fyr-
ir sjónir. Segist Ellert hafa látið
taka saman ítarlega greinargerð
um málið frá upphafí og afhent
varnarliðinu og í framhaldi af því
hafí verið farið í þá samningsgerð
sem nú er lokið. Segir Ellert að
þær framkvæmdir sem hafnar-
stjórnin hafi ráðist í geri höfnina
betri og hafi báðir aðilar því hag
af þeim.
Aðstaða til loðnuflokkunar
Á landi Reykjanesbæjar við
Helguvíkurhöfn er nú malbikunar-
stöð, gijótnám og aðstaða til loðnu-
flokkunar. Hlutafélagið Helguvík-
urmjöl hefur fengið þar lóð fyrir
loðnuverksmiðju. Ellert segir að
áhugi sé á því að fá íslensku olíufé-
lögin til að koma þar upp birgða-
stöð fyrir Keflavíkurflugvöll til þess
að losna við eldsneytisflutningana
af Reykjanesbrautinni. Á skipulagi
er gert ráð fyrir meðalstórum eða
stærri fyrirtækjum sem þurfa á
miklum sjóflutningum að halda.
Ekki er ætlunin að koma þar upp
almennri fiskihöfn, enda hafnimar
í Njarðvík og Keflavík þegar með
það hlutverk en þessar þijár hafnir
heyra allar undir sömu hafnar-
stjórnina.
Samkomulagið tryggði varnarl-
iðinu vissan forgang að höfninni
en Ellert á ekki von á vandræðum
þess vegna. Þegar verið er að skipa
upp olíu fyrir varnarliðið getur ekk-
ert annað skip athafnað sig í höfn-
inni í einn til einn og hálfan sólar-
hring. Ellert segir að vitað sé um
komu olíuskipanna með góðum fyr-
irvara og ættu fyrirtækin að geta
lagað sig að því. Á hættutímum
getur varnarliðið síðan útilokað
aðra notkun hafnarinnar.
Sýknaður
af nauðg-
unarkæru
Ekki talið að um
ofbeldi væri að ræða
HÉRAÐSDÓMUR Reykjavíkur
hefur sýknað 22 ára mann af
ákæru um nauðgun. Maðurinn
neitaði ávallt að hafa beitt stúlk-
una, sem kærði hann, ofbeldi.
Stúlkan bar einnig að hann hefði
ekki beitt hana ofbeldi og segir í
dóminum að ótvíræð merki um
ofbeldi hafi hvorki fundist á líkama
hennar, fatnaði né á vettvangi.
Beri þegar af þessari ástæðu að
sýkna sakborninginn af ákærunni,
en eins og hún sé úr garði gerð
komi aðrar sakir ekki til álita í
málinu.
Stúlkan kvaðst hafa hitt mann-
inn í miðbæ Reykjavíkur um kl. 3
aðfaranótt laugardagsins 18. febr-
úar, en bæði voru þar á ferð með
kunningjum sínum. Ekki þekktust
þau fyrir. Hún hefði boðið honum
í samkvæmi, en hann beðið hana
að koma með sér þar sem hann
þyrfti að kasta af sér vatni. Hefðu
þau gengið í burtu, en þegar hún
hefði orðið óróleg og sagst ætla í
samkvæmið hefði hann gripið í
handlegg hennar og dregið hana
með sér. Hún hefði verið mjög
hrædd við hann og jafnvel hvarflað
að henni að hann væri með hníf.
Stúlkan sagði að maðurinn hefði
farið með hana í hús, sem hann
sagði kunningja sinn búa í. Þar
hafi þau farið inn í herbergi á jarð-
hæð og maðurinn klætt hana úr,
þrátt fyrir mótmæli hennar. Hún
kvaðst ekki hafa þorað að streitast
á móti, ein með ókunnugum manni
í ókunnugu húsi. Hins vegar hafi
hún beðið hann oftar en einu sinni
að hætta og farið að gráta. Hann
hafi síðan haft við hana samfarir,
hætt því svo og horfið skyndilega
á braut.
Svikin og móðguð
Maðurinn neitaði ávallt sakar-
giftum, .viðurkenndi að hafa haft
samfarir við stúlkuna en með full-
um vilja hennar. Þau hafi gengið
upp í Þingholtin til að ná í áfengi,
sem hann hefði geymt þar fyrr um
kvöldið. Hann hafi stungið upp á
við stúlkuna að fara inn í hús, þar
sem hann sé kunnugur, þó hann
þekki engan í húsinu. Þegar inn í
herbergi í húsinu var komið hafi
þau hafið atlot og hún hafi tekið
þátt í þeim ótilkvödd. Þau hafi svo
haft samfarir, sem hún hafi tekið
fullan þátt í. Hann kvaðst hafa
fengið samviskubit eftir samfarirn-
ar af því að hann þekkti stúlkuna
ekki neitt og látið sig hverfa án
þess að kveðja hana. Kvaðst hann
sjá eftir því, enda teldi hann að
kæra stúlkunnar væri til komin af
því að hún teldi sig hafa verið
svikna og móðgaða.
Maðurinn var ákærður fyrir að
hafa þröngvað stúlkunni til sam-
ræðis með ofbeldi einu. Dómarinn,
Pétur Guðgeirsson, komst að þeirri
niðurstöðu, að eins og ákæran
væri úr garði gerð bæri að sýkna
manninn.
-----♦—» ♦----
Fjöldi inn-
brota í bíla
BROTIST var inn í átta bíla í Ár-
bæjarhverfi í fyrrinótt og ýmsum
búnaði stolið úr þeim. Sólarhring
áður var farið inn í fimm bíla í bíla-
geymslu við Hringbraut.
Bílarnir í Árbæ stóðu við Bleikju-
kvísl, Blöndukvísl og Hraunbæ. Úr
þeim hvarf viðlegubúnaður, áfengi,
útvarps- og segulbandstæki o.fl.
Ur fimm bílum í bílageymslu við
Hringbraut var stolið ýmsu laus-
legu, útvarpstækjum o.fl.
Brúarviðgerð í Öxarfirði
Ljósmynd/Mbl
VIÐGERÐ á brúnni yfir Jökulsá í Öxarfírði hefur stað-
ið yfir í sumar. Að sögn Svavars Jónssonar, rekst-
arstjóra Vegagerðarinnar á Húsavík, hafa einkum
verið lagfærðar steypuskemmdir á brúnni en einnig
verður hún sandblásin og máluð. Svavar sagði að brú-
arstöplarnir hefðu verið orðnir mjög illa farnir og eru
skemmdirnar raktar til jarðskjálfta sem varð í Öxar-
firði í janúar 1976.
Umhverfismat vegna stækkunar álvers í Straumsvík
Þrjár athugasemdir bárust
ÞRJÁR athugasemdir bárust til Skipulags
ríkisins við umhverfismat vegna stækkunar
álversins í Straumsvík áður en skilafrestur
rann út 21. ágúst sl. Athugasemdirnar voru
frá þingflokki Kvennalistans, Hjörleifi Gutt-
ormssyni alþingismanni og umhverfisnefnd
Bessastaðahrepps.
Þóroddur Þóroddsson hjá Skipulagi ríkis-
ins segir athugasemdirnar nú í skoðun innan
stofnunarinnar og sé úrskurðar að vænta
fyrir 11. september nk. Aðallega sé um að
ræða ábendingar um mengunarmál, sem
snúi í raun frekar að starfsleyfi álversins
sem HoIIustuvemd ríkisins gefur út. Hjörleif-
ur telji m.a. skorta vothreinsibúnað í meng-
unarvarnir og umhverfisnefndin komi með
ábendingar varðandi hávaða þegar verið er
að losa skip í höfninni í Straumsvík, auk
þess sem velt er upp spurningum um meng-
unaráhrif og mælingar þar að lútandi.
„Þarna er álver fyrir og stækkunin felur
ekki í sér verulegar breytingar, svo sem að
framkvæmdir fari út fyrir núverandi lóð,
þannig að við áttum í sjálfum sér ekki von
á neinum athugasemdum um annað en
mengunarvarnir," segir Þóroddur.
Athugasemdir við starfsleyfi
Starfsleyfi álversins er nú í kynningu og
hafa menn frest til að gera athugasemdir
við það til 15. september nk. „í skýrslunni
með umhverfismatinu fylgdu drög að starfs-
leyfinu eins og Hollustuvernd hefur kynnt
forsvarsmönnum álversins það, en við aug-
lýsum það einnig sérstaklega, enda er farið
í smáatriðum í málin þar. Umhverfismatið
byggði í raun á þeim hlutum sem settir eru
í starfsleyfið um mörk eða magn efna sem
menn reikna með að geta farið út, og tekur
á hvernig menn telja að það geti dreifst.
Umhverfismatið ætti því að sýna verstu
hugsanlegu aðstæður og geri menn kröfur
um lægri mörk efnanna en er í drögunum
í dag, ætti mengunin að vera minni,“ segir
Þóroddur.