Morgunblaðið - 26.08.1995, Blaðsíða 39
MORGUNBLAÐIÐ
LAUGARDAGUR 26. ÁGÚST 1995 39
1,5 til25
punda lax-
ar í Laxá
RÉTT UM þúsund laxar hafa
veiðst í Laxá í Aðaldal í sumar
og þó það sé fjögurra stafa tala
eru margir ósáttir við gang mála
í sumar. Aðrir segja á móti að
miðað við slæmar spár fiskifræð-
inga fyrir Norðausturland sé
þetta betri veiði heldur en margur
þorði að vona.
Miðað við venjulegt veiðisumar
hefur verið lítið af laxi í ánni í
sumar, sérstaklega þegar að er
gáð, að eins og á undangengnum
árum hefur mjög stór hluti aflans
verið veiddur fyrir neðan Æðar-
fossa og í Kistukvísl. Alls hafa
rúmlega tíu laxar um eða yfir 20
pund veiðst, sá stærsti skráður
25 pund í Nesveiðum. Einnig
veiddist 1,5 punda hrygna í Neðri
Háfholu í fyrradag.
Nóg af urriða
„Þetta hefur gengið afar vel og
ágúst hefur að mörgu leyti komið
betur út heldur en í fyrra. Eigin-
lega hefur ágúst ekki verið síðri
heldur en júlí og er það frekar
óvenjulegt," sagði Hólmfríður
Jónsdóttir á Amarvatni, veiðivörð-
ur við urriðasvæðið í Laxá í Mý-
vatnssveit.
Hún sagði um 1.440 físka komna
á land og meðalþyngd hefði verið
mjög góð. „Sá stærsti í þó nokkur
ár veiddist fyrir nokkrum dögum,
það var Haraldur Lúðvíksson sem
fékk fískinn sem var 11 pund, á
fluguna Black Ghost í Stekkjar-
haga í Steinbogaey. Nokkra áður
veiddist 7 punda fískur í Hrafns-
staðaey í landi Hamars. „Sá 11
punda var gríðarlega fallegur físk-
ur, 74 sentimetrar og hængur með
myndarlegan krók. Haraldur hefur
lengi veitt hérna og er öllum hnút-
um kunnugur. Þetta er 32. sumar-
FRÉTTIR
BÚIÐ er að koma fyrir nýju veiðihúsi við urriðasvæðið í Laxá í Mývatnssveit. Eitt og annað á þó
eftir að gera til að veiðimenn geti dvalið í húsinu, en veiðiréttareigendur áætla að frá og með
næsta sumri verði veiðimönnum boðin afnot af því.
ið hans í Laxá,“
bætti Hólmfríður
við.
Líflegt í
Laxárdal
Hólmfríður á
Arnarvatni sagði
veiði einnig hafa
verið góða á neðri
hluta urriðasvæð-
isins, í Laxárdal.
Þar eru tölur þó
jafnan lægri og
svæðið að mörgu
leyti talið vand-
veiddara. „Síðast
að ég vissi voru
komnir um 700
fiskar á land í Lax-
árdalnum og fisk-
ur óvenju vænn að
jafnaði. Sem dæmi
má nefna feðga
sem fóru heim með
tíu fiska fyrir
skömmu. Enginn
var undir 3 pund-
um. Þá var Gísli
Gíslason, bæjar-
stjóri á Akranesi,
hér fyrir nokkru
og í afla hans voru
ÞESSIR dönsku veiðimenn voru ánægðir með
vaktina á Alviðrusvæðinu í Soginu fyrir
nokkru, 12 punda lax, 7 punda sjóbirtingur
og 3 punda bleikja.
þrír 6 punda. En þessu fer að ljúka
hérna, það er aðeins veitt úr ág-
úst,“ bætti Hólmfríður við.
Háar tölur úr
Laxá á Asum
í gær voru komnir um 1.270
laxar á land úr Laxá á Ásum og
hefur veiðst prýðilega að undan-
förnu. Mikill lax er ofanvert í
ánni, sérstaklega í Langhyl, en
lax er stijálli neðar. Enn reytist
inn nýr fiskur, en ekki í miklu
magni. Fyrir nokkru var tekin
ákvörðun um að lengja veiðitím-
ann í Laxá og verður veitt fram
í miðjan september.
SkotíSogið
Veiði hefur verið mjög brokk-
geng í Soginu í sumar, það hafa
komið skot og skot, en dottið nið-
ur á milli. Síðustu vikuna hefur
veiði glæðst nokkuð, sérstaklega
í Bíldsfelli og Syðri Brú, en á báð-
um svæðum hafði veiði verið með
lélegasta móti. Svæðin tvö höfðu
í gær gefíð 22 laxa hvort. Á sama
tíma hafði Alviðra gefið 82 laxa
og Ásgarður 52 laxa. Góður tími
er eftir í Soginu, þannig að ekki
er loku fyrir það skotið að áin
rétti úr kútnum áður en yfir lýkur.
Minningar-
athöfn vegna
fósturláta
FÓSTURREITUR var vígður í
Fossvogskirkjugarði í sept-
embermánuði 1994. Var hann
svar við endurteknum óskum for-
eldra um útfaraþjónustu vegna
fósturláta og var stefnan mótuð
af starfsfólki Landspítalans og
starfsfólki Kirkjugarða Reykja-
víkurprófastsdæmis. í október-
mánuði var vígður minnisvarði
um líf sem staðsettur er nálægt
kirkjudyrum Fossvogskirkju.
Þangað hafa syrgjendur getað
komið með blóm og kertaljós og
átt frátekinn stað.
Þriðja skrefið í þeirri þjónustu
sem nú er veitt er árleg minn-
ingarathöfn og er hún opin þeim
syrgjendum sem misst hafa í fóst-
urláti. Athöfnin á þessu ári verður
haldin í Fossvogskapellu þann 29.
ágúst nk. kl. 17. Sjúkrahúsprest-
ur ríkisspítala annast athöfnina.
Eftir athöfnina verður boðið upp
á kynningu og útskýringar á þess-
ari þjónustu og gengið að minnis-
varða um líf og síðan að Fóstur-
reitnum fyrir þá sem það vilja.
---------» ♦ ♦----
Tónleikar á
Sólon Islandus
DANSKI þíanistinn Sigurd Bar-
rett heldur tónleika á veitingahús-
inu Sóloni íslandus sunnuaginn
27. ágúst kl. 22 og miðvikudaginn
30. ágúst kl. 21.
Sigurd hefur komið til íslands
áður og leikur hann tónlist úr
ýmsum áttum allt frá Michael
Jackson, jass, blús og klassíska
tónlist.
í fréttatilkynningu segir að
vörumerki Sigurd Barrets sé ein-
stakur hæfíleiki hans til að spila
á augnablikið og áhorfendur.
Töfra tónlistarinnar undirstrikar
píanistinn á sinn sérstaka hátt
með „Sigurd Barrett Special Lamp
Show“.
Á sunnudagskvöld hitar Valgeir
Skagfjörð upp fyrir Barrett.
Fj ölsky ldudagar
við Höfnina
ÝMISLEGT verður um að vera fyr-
ir fjölskyldur sem leggja leið sína
niður á Reykjavíkurhöfn laugardag
og sunnudag.
Á Hvalnum, útivistarsvæði Mið-
bakkans verður árabáturinn, eim-
reiðin og leiktækin til afnota og
sælífskerin og grunni sælífsbakkinn
til skoðunar á botndýrum, fiskum
og gróðri hafnarinnar. Nýlega hefur
verið komið fyrir kynningartöflu
með upplýsingum um veður og sjó-
veður á hafnarsvæðinu og hvað þar
er að gerast hveiju sinni.
Á sunnudag verður sérstök kynn-
ing á þörungum hafnarinnar frá
þeim smásæju upp í stóra matþör-
unga og vöxt þeirra í keijunum frá
því að gróin komu inn í þau síðla
vetrar. Leiktækjunum hefur verið
breytt þannig að notkun þeirra
minnir á hreyfíngar botndýranna í
keijunum. Fleiri nýjungar verða
kynntar ef veður leyfír.
Miðbakkatjaldið sem verður stað-
sett vestan við Hvalinn opnar á
sunnudag kl. 11. Ýmsir þekktir
aðilar standa þar að fiskmarkaði
og sölu og kynningu á öðru sjávar-
fangi. Þar verður selt lífrænt rækt-
að grænmeti og kaffiveitingar upp
á gamla mátann. Við súluna í tjald-
inu verða kynningar á ýmsu er
snertir sjóinn og sævarbúa. Tjaldið
verður opið til kl. 17 á sunnudag
og framvegis á laugardögum og
sunnudögum. Eins er búist við að
margir hafí hug á að notfæra sér
aðstöðuna virka daga og á kvöldin.
■ SJÓSTANGA VEIÐIFÉLAG
Reykjavíkur, Ellingsen og
skemmtiferðaskipið Árnes standa
fyrir þriggja tíma sjóstangaveiði-
ferð í dag, laugardaginn 26. ágúst
kl. 15-18. Farið verður frá Ægis-
garði. Ellingsen kynnir búnað fyrir
sjóstangaveiði og félagar úr Sjó-
stangaveiðifélagi Reykjavíkur að-
stoða fólk og leiðbeina. Með þess-
ari ferð er verið að koma til móts
við þá fjölmörgu sem hafa viljað
kynnast þessari íþrótt en ekki haft
tækifæri til þess fyrr, segir í frétta-
tilkynningu.
■ AKUREYRINGUR datt í
lukkupottinn nýlega. Einn af aðal-
vinningunum í skafmiðaleik Kjör-
íss og Legó kom i hlut Einars
Brynjarssonar, Hrísalundi 12,
Akureyri. Skafmiðinn í Kjörís-
öskjunni færði Einari ferð fyrir fjóra
til Danmerkur. Innifalin í ferðinni
er hótelgisting á Hótel Lególandi,
aðgangur að Lególandi, frítt í öll
leiktæki þar og fleira.
Ljósmyndasýning Morgunblaðsins
/ ii
A r Ifíl I IIAA ^ anddyri Morgunblaðshússins, Kringlunni 1, hefur
k P 11111 ||l|j verið komið upp yfirlitssýningu á ljósmyndum sem
n 1 ¥yiaLy lil Ragnar Axelsson tók í hálendisferð fyrir stuttu.
Sýningin stendur til fimmtudagsins 7. september og er opin á opnunar-
tíma blaðsins, kl. 8-18 alla virka daga og laugardaga kl. 8-12.
Allar myndirnar á
sýningunni eru til sölu.
fSEidVSpmMíifoiifo
MYNDASAFN