Morgunblaðið - 26.08.1995, Page 1

Morgunblaðið - 26.08.1995, Page 1
BLAÐ ALLRA LANDSMANNA 1995 Jigliwgnttfrtobtti ■ LAUGARDAGUR 26. ÁGÚST BLAÐ FRJALSIÞROTTIR KNATTSPYRNA Mutola bætti fimm áramet MARIA Mutola frá Mósambík hafði ríka ástæðu til að brosa út að eyrum eins og hún gerir á myndinni hér til hliðar, en í gærkvöldi setti hún heimsmet í 1.000 metra hlaupi á „gullnu" fijálsíþróttamóti í Brussel í Belgíu. Tími stúlkunnar var 2 mín- útur 29,33 sekúndur en gamla met- ið átti Christine Wachtel frá fyrrum A-Þýskalandi, en hún hljóp vega- lengdina á 2.30,67 í Berlín í ágúst- mánuði árið 1990. Veður var mjög hagstætt fyrir langhlaupara í Brussel í gær og fleiri náðu góðum árangri en Mutola. Kenýjamaðurinn MosesKiptanui, sem varð fyrstur til að hlaupa 3.000 metra hindrunarhlaup undir átta mínútum í Zúrich á dögunum, hljóp frábærlega í gær. tími hans var 7.59,52 mínútur en heimsmet hans er 7.59,18. „Síðasti hringurinn var ekki nógu góður hjá mér, ég fór ekki nógu hratt yfír hindranirnar og missti því af heimsmetinu," sagði hann eftir hlaupið og bætti svo við: „En ég er samt ánægður með árang- urinn og sigurinn.“ Linford Christy gerði sér lítið fyr- ir og varð á undan kanadíska heims- meistaranum Donovan Bailey í 100 metra hlaupi og var þetta í annað sinn á tíu dögum sem Christy hefur betur í viðureign sinni við Bailey. Christy hljóp á 10,08 en Bailey á 10,22 sekúndum. ÍA og KR duttu í lukkupottinn er dregið var í Evrópukeppninni Ætlum okkur áfram SKAGAMENN og KR-ingar voru nokkuð heppnir þegar dregið var í fyrstu umferð Evrópukeppninnar í knattspyrnu í gær. Islandsmeistarar ÍA mæta skoska liðinu Raith Rovers og KR-ingar enska liðinu Everton. Eg held menn séu þokkalega ánægðir með þetta því liðin í grúbbunni okk- ar voru svona og svona,“ sagði Sigurður Jónsson hjá ÍA í samtali við Morgunblað- ið í gær. Hann sagði að auðvitað hefðu Skagamenn getað verið heppnari og feng- ið eitthvert lið sem hefði gefið peninga, en til að komast áfram í keppninni hefði þetta verið ágætur kostur. „Ég veit að þetta verður erfitt fyrir okkur, en vel yfirstíganlegt. Það er gott að eiga fyrri leikinn á útivelli því þá get- um við leikið þéttan varnarleik og átt svo heimaleikinn til góða, en við verðum að spila eins og menn til að komast áfram, en það ætlum við okkur,“ sagði Sigurður. Skagamenn tóku sér tveggja vikna frí á síðasta ári þannig að þó þeir verði að í Evrópukeppninni eitthvað fram eftir hausti breytir það engu fyrir leikmenn að sögn Sigurðar. „Ég held að þetta hafi verið einn vænlegasti kosturinn, svona til að eiga raunhæfa möguleika á að komast áfram,“ sagði Sigurður. Hann sagðist ekki vita neitt um þetta félag en að Logi Ólafsson þjálfari myndi fá spólu með leik liðsins og hún yrði skoðuð gaumgæfilega. Everton ágætur kostur „Ég held menn séu bara þokkalega sáttir við að fá Everton. Þetta var bara fínn dráttur held ég. Everton er ágætur kostur," sagði Þormóður Egilsson fyrirliði KR í samtali við Morgunblaðið í gær. „Við gerum okkur ekki miklar vonir um að komast áfram en það væri gaman að ná góðum úrslitum, sérstaklega hérna heima. Félagið hefði getað verið heppnara hvað varðar peningahliðina held ég, en fyrir okkur leikmennina er gaman að fá að leika við þá menn sem maður þekkir úr beinum útsendingum í sjónvarpinu þannig að það verður gaman að fá saman- burðinn," sagði Þormóður. ■ Met hjá Eydísi í 100 m flugsundi EYDÍS Konráðsdóttir hélt áfram keppni á Evr- ópumeistaramótinu í sundi í Vínarborg. í gær keppti hún í 100 metra flugsundi og setti nýtt íslandsmet er hún synti á 1.03,87 en gamla metið átti Bryndís Ólafsdóttir, 1.03,99 og setti hún það á síðasta Evrópumeistaramóti sem fram fór í Sheffield árið 1993. íslandsmet Eydísar kom henni þó ekki langt því hún hafnaði í 23. sæti af 34 keppendum. Guðni færist nær stöðunni sinni GUÐNI Bergsson mun í dag leika með liði sínu, Bolton Wanderers, gegn meisturum Blackburn og verður Guðni í varnarhlutverkinu, en þó ekki sem aftasti maður eins og til stóð. Alan Stubbs meiddist lítillega í læri á dögunum og var talið að hann gæti ekki leikið með en í gær stóðst hann læknisskoðun og verður því með og Guðni verður því ekki aftasti maður í vörn. „Ég mun væntanlega leika fyrir framan hann þannig að það má segja að ég sé að nálgast mína stöðu, sem aftasti maður. Þetta verður erfiður leikur en við verðum að standa okkur eins og menn því það er orðið tímabært að við krækjum okkur í stig,“ sagði Guðni i samtali við Morgun- blaðið í gær, en Bolton tapaði fyrstu tveimur leikj- unum í deildinni. Guðni fékk raunar mjög góða dóma fyrir frammistöðuna í leiknum gegn New- castle á mánudaginn en þar gerði hann eina mark Bolton, sem tapaði 1:3. Kanchelskis til Everton ANDREIJ Kanchelskis, knattspyrnumaðurinn spjalli frá Úkraínu sem leikið hefur með Manc- hester United undanfarin ár, gekk í gær frá samn- ingi við Everton, mótherja KR-inga í Evrópu- keppninni. Kaup Everton á honum hafa staðið fyrir dyrum i nokkra daga en það tókst ekki að ganga frá þeim fyrr en í gær. „Þetta er mikill léttir fyrir mig því ég er knatt- spyrnumaður og ég vil bara fá að leika knatt- spyrnu, ekki vera í einhveijum deilum,“ sagði kappinn eftir að samningar voru í höfn. Kaupverð- ið var tæpar 500 milljónir og kappinn getur leik- ið með Everton gegn Southampton um helgina. Strákarnir slakir á EM í golfi ÞAÐ var slæmur dagur í gær hjá íslensku kylfing- unum á Evrópumóti áhugamanna i golfi sem fram fer á Spáni. Björgvin Sigurbergsson lék á sama skori og fyrsta daginn, kom inn á 77 höggum í gær eins og i fyrradag, en Birgir Leifur Hafþórs- son náði sér alls ekki á strik, lék á 81 höggi. „Þetta var alveg ömurlegt og ég kann enga skýringu á þessu, en það gekk ekkert upp hjá mér. Það var allt í mínus,“ sagði Birgir Leifur i samtali við Morgunblaðið í gær. Hann sagði að þeir félagar væru ekki of bjartsýnir á að komast áfram og fá að leika síðasta daginn, en þá verður hópnum skipt til helminga. Keppendur eru 140 talsins og helmingurinn heldur áfram eftir þrjá daga ogleika fjórða daginn líka, en hinir eru úr leik. „Ætli við verðum ekki að leika þriðja hring- inn á einum sjö undir pari til að vera með á sunnu- daginn," sagði Birgir Leifur. Örebro var með ólöglegt lið KNATTSPYRNUSAMBAND Evrópu komst að því í gær að „íslendingaliðið" í Svfþjóð, Örebro, hefði verið með ólöglega skipað lið er það lék síðari leikinn í UEF A-keppninni gegn Beggen frá Lúx- ' emborg. Þar gerðu liðin 1:1 jafntefli og gerði Hlynur Birgisson jöfnunarmark Örebro, en það kom sem sagt fyrir lítið og mark Hlyns fæst ekki skráð í sögubækurnar. KNATTSPYRNA: ALLT UM BIKARÚRSUTALEIK KR OG FRAM / D2, D3

x

Morgunblaðið

Direct Links

If you want to link to this newspaper/magazine, please use these links:

Link to this newspaper/magazine: Morgunblaðið
https://timarit.is/publication/58

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.