Morgunblaðið - 27.08.1995, Blaðsíða 4

4 C SUNNUDAGUR 27. ÁGÚST 1995
MORGUNBLAÐIÐ
Morgunblaðið/Sverrir
AUDI A6 er hátæknivæddur bíll með einstaklega góða aksturseiginleika.
Sterkur, traustur
og nákvæmur Audi A6
AUDI verksmiðjurnar þýsku hafa
endumýjað alla sína bílalínu og
jafnframt gefið henni nýtt nafn.
Nú kallast bílarnir A, minnsti bíll-
inn er A4, sem kynntur hefur
verið á þessum síðum og á næsta
ári er væntanlegur á markað A3
smábíllinn. A6 er millibíllinn en
A8 álbíllinn er þeirra stærstur.
Bílamir hafa fengið ákaflega lof-
samlegar umsagnir í erlendum
bílablöðum en A6, sem er nýlega
kominn til landsins á vegum
Heklu hf., umboðsaðila Audi,
verður til umfjöllunar hér að
þessu sinni.
Audi A6 er sterklegur útlits,
breiður og með fremur hvössum
línum. Yfirbyggingin er úr gal-
vaniseraðu stáli og bjóða verk-
smiðjurnar tíu ára ryðvarnar-
ábyrgð með A6 línunni. Bíllinn
býður strax af sér góðan þokka,
þýska nákvæmni í hönnun og
traustleika. Grillið er hátt og
framlugtimar stórar og merkið
fræga, hringirnir fjórir sem bind-
ast saman og yngri bílaáhuga-
menn ragla oft saman við merki
ólympíuhreyfingarinnar, setur
sterkan svip á framendann.
Gluggar eru stórir. Sterkur,
traustur, nákvæmur eru hugtök
sem koma upp í hugann fremur
en rennilegur og sportlegur en
þau eiga hins vegar best við Audi
S6.
Oft er það ráð til að fá hlut-
laus viðbrögð við útliti bíls að aka
honum niður Laugaveginn og
fylgjast með augngotum vegfar-
enda. Ef eitthvað er að marka
þetta ráð þá er Audi A6 athyglis-
verður bíll sjónrænt séð.
Rúmur að Innan
A6 er afar rúmgóður að innan,
höfuðrými með því hæsta sem
gerist í fólksbílum, og fóta- og
olnbogarými mjög gott. í bílnum
sem prófaður var eru sæti klædd
svörtu tauáklæði sem og hluti
hurðaspjalda. Svört teppi eru á
gólfi. Gott rými er milli framsæta
og auðvelt að koma þar fyrir far-
síma eða öðram búnaði. Sætin
era mátulega hörð og handstillan-
leg á þijá vegu.
Mæiaborðið er bogadregið með
einföldum og auðlesanlegum,
kringlóttum mælum. Lengst til
V6 vélin er „innpökkuð" og snyrtilegt er umhorfs í vélarrými.
Audi A6 í
hnotskurn
Staðalbúnaður: Samlæsing-
ar, rafdrifnar rúður og úti-
speglar, líknarbelgur, ABS-
hemlalæsivöm, fjórir
hnakkapúðar, vökvastýri, afl-
hemlar.
Vél: V-6, 2,6 Iftra, 150 hest-
öfl, bein eldsneytisinnspýting.
Eyðsla: 7,5 1 á 90 km hraða,
9,2 I á 120 km hraða, 13,6 1
f innanbæjarakstri.
Hámarkshraði: 207 km á
klst.
Hröðun úr kyrrstöðu: 8,2
sek. úr 0-80 km/klst, 11,5
sek. úr 0-100 km/klst.
Lengd/breidd: 4.796
mm/1.783 mm.
Hæð: 1.430 mm.
Farangursrými: 610 lítrar.
Verð: 3.380.000 kr.
Umboð: Hekla hf. ■
Morgunblaðið/Sverrir
MÆLABORÐ og stýri er úr frauðplastefni,
rúður eru stórar og útsýni gott.
TRAUSTLEGUR bíl' í efri millistærðarflokki. Sjálfskiptur
með 2,6 lítra vél kostar hann 3.380.000 kr.
vinstri er hitamælir, öllu minni
en snúningshraða- og hraðamæl-
arnir fyrir miðju. Stafrænn kíló-
metrateljari er neðst á hraðamæl-
isskífunni sem telur einnig hveija
eitt hundrað metra. Hægra megin
við hraðamælinn eru fjórar minni
skífur með bensínmæli, klukku,
olíuþrýstingsmæli og hleðslu-
mæli. Sjálft mælaborðið og stýri
er úr einhvers konar frauðplast-
efni. í miðjustokk era þijár loft-
rásir og fyrir neðan þær níu rof-
ar, þar af sjö sem gegna hlut-
verki. Þar er m.a. hægt að velja
um sex hitastillingar í ökumanns-
og farþegasæti. í báðum sól-
skyggnum eru upplýstir speglar
og ijögur lesljós eru í bílnum.
Hnakkapúðar era fjórir. Rúðurn-
ar eru rafdrifnar og öryggisatriði
er að verði rúðurnar fyrir fyrir-
stöðu þegar þær era dregnar upp
dragast þær sjálfvirkt niður á ný
um 12 sm. Til hliðar við útvarpið
er stillingarrofi fyrir útispegla en
neðst á miðjustokknum eru mið-
stöðvarrofarnir. Miðstöðin er
fjögurra þrepa og afar öflug.
Það er því allt til alls í farþega-
rýminu en einhvern veginn læðist
að manni sá granur að efnisnotk-
unin ætti að vera vandaðri í bíl
í þessum verðflokki. Það er að
vísu í góðu lagi með svarta tau-
áklæðið en gerviefnamassinn í
stýrinu og mælaborðinu er full-
gúmmíkenndur. Hins vegar er
hægt að fá bílinn með leður-
klæddum sætum og stýri og val-
hnotu í mælaborði og þá fyrir
meira verð.
Hvorki meira né minna en níu
vélar eru í boði í Audi A6, frá
fjögurra strokka upp í átta
strokka og með slagrými frá 1,9
lítrum upp í 4,2 lítra og hestafla-
ijölda frá 90 upp í 290. Þar af
eru í boði þijár dísilvélar, allar
með beinni innspýtingu, TDI vél-
ar. í boði eru tvær V-6 vélar, 2,6
lítra sem skilar 150 hestöflum við
5.500 snúninga á mínútu og há-
markssnúningsvægi er 225 Nm
við 3.500 snúninga á mínútu. 2,8
lítra vélin skilar 174 hestöflum
og hámarkssnúningsvægi er 250
Nm við 3.000 snúninga á mínútu.
Skynræn sjálfskipting
Bíllinn sem var reyndur er með
2,6 lítra vélinni og sjálfskiptur.
Sjálfskiptingin, sem er fjögurra
þrepa, er ein sú mýksta sem und-
irritaður hefur reynt. Hún er
ákaflega forstjóraleg og skiptir
sér upp við nálægt 2.500 snún-
inga og því lítið hægt að þenja
bílinn enda þótt undir malli V-6
vélin. Þetta eykur náttúrulega
spameytni bílsins og gerir akstur-
inn mun ábyrgari og virðulegri
jafnframt. Hins vegar stóð ég
mig að því að skipta bílnum niður
í 3 og jafnvel 2 í stað D til að
fá ögn hressilegra upptak, sem
þá var líka virkilega gott. Skýr-
ingin á þessu er afar einföld.
Sjálfskiptingin er skynræn. Svo-
kallaður DSP tölvubúnaður í
henni (Dynamic Shift Program)
skráir ökulag ökumannsins og
lærir inn á óskir hans, sem geta
verið allt frá sparakstri til spyrnu-
keyrslu. Bílnum, sem var reynd-
ur, hafði verið ekið nálægt 200
km, og fyrri notandi greinilega
verið léttstígur á bensíngjöfina.
Það vora því að takast kynni með
undirrituðum og DSP sjálfskipt-
ingunni meðan á reynsluakstrin-
um stóð. Þægilegt er að hafa á
skjá í mælaborði yfirsýn yfir sjálf-
skiptinguna.
Audi A6 er ákaflega þéttur
bíll og hljóðlátur. Stýrið er hárná-
kvæmt og bíllinn er gjörsamlega
límdur við veginn, jafnvel þótt
ekið sé á töluverðum hraða í
krappar beygjur. Hann svarar
öllum óskum ökumanns, liggur
fastur á vegi, jafnt á malbiki sem
möl. Hemlarnir eru mátulega
öflugir, en ekki svo að vanda
þurfi ástigið eins og í sumum
nýrri gerðum bíla. Sjálfstæð
fjöðrunin dempar allar ójöfnur á
vegi. Læsivarðir hemlarnir sjá til
þess að bíllinn rásar alls ekki
þótt hressilega sé hemlað á mal-
arvegi. ABS-kerfið í Audi er með
rafeindastýrðri hemlunardreif-
ingu, EBV, sem nær fram há-
markshemlun við mismunandi
aðstæður. Þegar bílnum er heml-
að í beygju dregur EBV úr heml-
unarátaki á afturhjólum en bún-
aðurinn nemur einnig hvort veg-
gripi er ábótavant, t.d. á blautum
eða hálum vegum eða á möl.
Búnaðurinn tekur tillit til slíkra
aðstæðna þegar hemlunarátakinu
er dreift til hjólanna.
Svona búinn og kostum gædd-
ur kostar Audi A6 2,6 3.380.000
kr. Bíll af þessu tagi er því vart
á færi venjulegs launamanns en
fyrir þennan pening fæst mikill
bíll með háþróuðum tæknibúnaði.
Audi verksmiðjurnar hafa með
A6 sýnt að þær eru í fararbroddi
í tækniþróun eins og endurnýjun
allrar Áudi línunnar ber reyndar
með sér. ■
Guðjórt Guðmundsson