Morgunblaðið - 29.08.1995, Blaðsíða 4
4 B ÞRIÐJUDAGUR 29. ÁGÚST 1995
MORGUNBLAÐIÐ
MORGUNBLAÐIÐ
ÞRIÐJUDAGUR 29. ÁGÚST 1995 B 5
BIKARÚRSLIT
BIKARURSLIT
Agaður leikur
gerði útslagið
Ojafnten
spennandi
Birkir Kristinsson, markvörð-
ur Fram, var án efa besti
maður liðsins eins og svo oft
áður. Hann varði meðal annars
vítaspyrnu í upphafi síðari hálf-
leiks. „Ég var nokkurn veginn
með það á hreinu hvoru megin'
hann myndi skjóta. Ég er búinn
að sjá nokkra leiki þar sem hann
hefur tekið vítaspyrnur og ég var
alla vega búinn að ákveða í hvort
hornið ég færi, og það gekk sem
betur fer upp.
Við spiluðum illa í fyrri hálf-
leik og vorum í vandræðum allan
tímann, út um allan völl. Leikur
okkar lagaðist heldur í síðari
hálfleik, enda vorum við einum
fleiri, en náðum ekki að nýta
okkur það nægilega vel því þeir
héldu áfram að sækja og voru
að fá færi. Það var súrt að fá
þetta mark á sig svona undir lok
leiksins, en við því er ekkert að
gera. Sigur KR-inga var fyllilega
sanngjarn, þeir voru betri en við
og ég vil nota tækifærið og óska
þeim til hamingju með bikarinn.
Nú er ekkert annað fyrir okkur
að gera en einbeita okkur að
deildinni," sagði markvörðurinn.
Vantaði herslumuninn
„Þetta var mjög vandræðalegt
KR bikarmeistari annað árið í röð.
Guðjón Þórðarson hefur þjálfað
bikarmeistara síðustu þriggja ára
Morgunblaðið/Gunnlaugur Rögnvaldsson
1:0. Hilmar Björnsson kom KR-ingum yfir eftir að hann fékk frábæra
sendingu fram hægri kantinn frá Heimi Guðjónssyni. Hilmar gerði vel
að skora því hann var alls ekki í jafnvægi og í þröngu færi.
Morgunblaðið/Bjarni
1:1. Ríkharður Daðason jafnaði fyrir Fram í síðari
hálfleik af stuttu færi. Hann var fyrstur að átta
sig eftir að Kristján varði skot.
KR-INGAR urðu á sunnudaginn bikarmeistarar annað árið í röð,
er þeir sigruðu Fram 2:1 í úrslitaleik á Laugardalsvelli. Þetta var
nokkuð furðulegur leikur því Vesturbæingar voru miklu betri lengst
af en engu að síður var mikii spenna því úrslitin réðust ekki fyrr
en skömmu fyrir leikslok er Mihajlo Bibercic skoraði sigurmarkið.
Takist KR-ingum að halda öðru sæti í deildinni verður þetta sumar
það besta í sögu félagsins um áraraðir. Verði sú raunin mun það
lið sem verður í þriðja sæti deildarinnar hljóta sæti í Evrópukeppn-
inni.
Sigurmarkið
Morgunblaðið/RAX
BIBERCIC horfir á eftir boltanum fara framhjá Birki Kristins-
syni markverði Fram og bikarinn var í höfn. KR-ingar urðu
bikarmeistarar annað árið í röð og Bibercfc vann bikarinn
einnig í annað sinn, varð meistarf með ÍA 1993.
Við vorum með leikinn I okkar
höndum í fyrri hálfleik og átt-
um að vera búnir með hann í hálf-
leik. Staðan átti að vera svona 3:0
og vítið í upphafi síðari hálfleiks átti
að klára leikinn en svona er fótbolt-
inn,“ sagði Guðjón Þórðarson þjálfari
KR-inga eftir leikinn. „En það sem
er aðalatriðið er að við sýndum „kar-
akter" og styrk og héldum áfram
að reyna að spila fótbolta, því að það
er okkar mesti styrkur - að spila -
og við kláruðum leikinn á skemmti-
legan og dramatískan hátt. Ég lagði
höfuðáherslu á að halda boltanum,
spila og vera þolinmóðir, vissi að við
hefðum mikinn sóknarþunga og
hættulega menn í framlínunni og við
gátum gert það - héldum boltanum
og spiluðum vel. Það er erfitt að
vera einum færri og halda fullum
„dampi“ en það var agaður leikur
okkar sem gerði útslagið. Ég er
ánægður með mína menn, liðsheildin
stóð virkilega vel saman og menn
undirbjuggu sig sérlega vel fyrir
þennan leik.“
Aðspurður um hvort þessi sigur
muni koma sér vel fyrir toppleik
deildarinnar á fimmtudaginn þegar
Vesturbæingar fá Skagamenn í
heimsókn, sagði Guðjón: „Við hljót-
um bara að halda áfram, það er
æfing á mánudaginn og leikur á
fimmtudaginn, við höidum haus og
reynum að halda áfram að spila vel
og láta gott af okkur leiða. Gegn
Skagamönnum munum við bara
hjálpa okkur sjálfir, það er best þann-
ig.“
Áttum meiri orku eftir en þeir
„Þetta er frábært, alveg ótrúlega
ljúf tilfinning," sagði Þormóður Eg-
ilsson fyrirliði KR, sem var eins og
klettur í vöminni. „Um leið og leikur-
inn byijaði sá ég að við byijuðum
betur, áttum færi og ég hafði ekki
trú á öðru en að við myndum vinna
þetta. Síðan missum við Daða [Izud-
in Daða Dervic] útaf undir lok fyrri
hálfleiks og það var mjög slæmt mál
en við unnum okkur útúr því og átt-
um meiri orku eftir í lokin en þeir,
þó að við værum einum færri, og
náðum að klára þetta. Þeir komu
svipaðir til leiks eins og maður bjóst
við en við vorum ákveðnir að gera
okkar besta og það gekk eftir. Sigur
er ekki síst mikilvægur fyrir sjálf-
traustið og hjálpar vonandi til fyrir
þá leiki sem eru framundan og von-
andi kemur þetta sér vel fyrir leikinn
gegn Skaganum í næstu umferð."
Erfiðara en þurfti að vera
„Við spiluðum vel í fyrri hálfleik
en þetta var erfiðara en það þurfti
að vera. Framarar komu sterkir á
okkur í seinni hálfleik en við þoldum
það og náðum að klára í lokin svo
að ég held að þetta hafi verið sann-
gjarnt í heildina séð,“ sagði KR-ing-
urinn Steinar Adolfsson en hann
hefur verið meiddur og mikið frá
keppni í sumar svo að óvíst var hvort
hann næði að vera með á sunnudag-
inn. „Ég er meiddur en maður lætur
sig hafa það fyrir svona viðburð,
svona leik. Ég átti von á erfiðum
leik eins og kom í ljós, þetta er bara
einn leikur í bikarúrslitum og hvaða
lið sem er getur unnið bikarinn. Ég
er bara ánægður með að vera búinn
að því.“
Óðum í færum
„Þetta var erfiður leikur, sérstak-
lega eftir að við urðum einum færri
í fyrri hálfleik. Við vorum sterkari
aðilinn allan hálfleikinn og óðum í
færum og ég held að þetta hafi ver-
ið sanngjarnt,“ sagði Einar Þór Daní-
elsson, KR, sem oft náði að gera
usla í vörn Fram fyrir hlé. „Ég átti
von á þeim sterkum enda bikarleikur
svo að það var ekki um annað að
ræða en þetta yrði erfiður leikur. Það
kom kafli í seinni hálfleik þar sem
við gáfum eftir en rifum okkur upp
og skoruðum sigurmarkið. Ég held
að betra liðið hafi unnið í dag.“
KR-ingar voru betri
hjá okkur í fyrri hálfleiknum og
þá voru KR-ingarnir miklu betri,
en í síðari hálfleiknum lékum við
betur,“ sagði Magnús Jónsson
þjálfari Fram eftir leikinn. „Ég
er ánægður með leik minna
manna í síðari hálfleik, nema auð-
vitað markið, það var slæmt að
fá það á sig svona undir lok leiks-
ins. Við fengum færi en það vant-
aði herslumuninn að við skoruð-
um, þetta gat farið á hvorn veg-
inn sem var.
KR-ingarnir kláruðu sig miklu
betur maður gegn manni og það
var í rauninni aðal munurinn á
liðunum. í síðari hálfleik þegar
Steinar [Guðgeirsson] færði sig
framar og Þorbjörn Atli [Sveins-
son] kom inná breyttist leikur
okkar. Þorbjörn Atli kom með
kraft í leikinn og ég er viss um
að við hefðum fengið fleiri færi
ef við hefðum ráðið betur við þá
maður á móti manni,“ sagði
Magnús Jónsson.
Vorum
hræddir
Steinar Guðgeirsson, fyrirliði
Fram, var niðurlútur í leikslok
eins og aðrir Framarar. „Þetta
voru tóm vandræði í fyrri hálf-
leiknum, við vorum hræddir og
þorðum ekki að taka frumkvæðið
á sama tíma og KR-ingar mættu
mjög ákveðnir til leiks. En við
vorum betri í síðari hálfleiknum
eftir að við færðum okkur framar
og þá fengum við bullandi færi.
En KR er með gott lið og það
má ekki gleyma þeim í eina sek-
úndu, þá er voðinn vís. Við
gleymdum okkur smá stund undir
lokin og var refsað fyrir það, en
svona er knattspyrnan og það
þýðir ekkert að svekkja sig á að
hafa fengið þetta mark á sig und-
ir lok leiksins,“ sagði fyrirliðinn.
Bikarinn á loft!
ÞORMÓÐUR Egiisson sagðist I fyrra vonast til að KR þyrfti
ekkf að bíða aftur i 27 ára eftir bikar. Hann átti sinn þátt í
að svo varð ekki og fagnar hér með bikarínn.
FOLK
Leikurinn byijaði með miklum lát-
um því bæði lið keyrðu á fullu,
voru ekkert að hafa fyrir því að bíða
°S sjá hvernig málin
Skúti Unnar þróuðust. KR-ingar
Sveinsson vildu fá vítaspymu
skrifar strax á 5. mínútu
þegar Daði var felld-
ur innan vítateigsins, en Guðmundur
Stefán dómari gat ekki séð brotið
því nokkrir varnarmenn Fram
skyggðu á hann. Á næstu mínútu
átti Ríkharður Daðason ágætan
skalla rétt yfir mark KR, og þar
með var þætti Fram við mark KR-
inga lokið í fyrri hálfleik.
Vesturbæingar tóku nú öll völd á
vellinum, yfirspiluðu Framara hrein-
lega á miðjunni og Framarar voru
ávallt í vandræðum. Hvert færið rak
annað og það hefði enginn þurft að
vera hissa þó KR-ingar hefðu verið
fjórum til fímm mörkum yfir í leik-
hléi. En þeim tókst ekki að skora
þrátt fyrir urmul af færum og það
var fyrst og fremst Birkir landsliðs-
markvörður Kristinsson sem hélt
Fram á floti. Hann varði skalla frá
Bibercic á 20. mínútu meistaralega
og tíu mínútum síðar varði hann vel
frá Einar Þór Daníelssyni, en hann
gat ekki komið í veg fyrir að Hilmar
Björnsson kæmi KR yfir á 38. mín-
útu. Áfram hélt stórsókn KR. Birkir
varði vel frá Guðmundi Benedikts-
syni og síðan fast skot Bibercic af
stuttu færi.
Daði rekinn af velii
Mínútu fyrir leikhlé var Izudin
Daða Dervic vikið af leikvelli. Hann
fékk gult spjald fyrir að ýta Vali
Fannari á 43. mínútu eftir að dæmt
hafði verið á hann og aðeins mínútu
síðar kom hann harkalega aftan í
Atla Einarsson út við hliðarlínu og
fékk að líta sinn annað gula spjald
og í kjölfarið rautt. Menn ræddu um
það eftir leikinn að Daði hafi ekki
brotið af sér þegar honum var sýnt
síðara gula spjaldið, en úr sæti
blaðamanns viiíist þetta hárréttur
dómur hjá Guðmundi Stefáni.
Rétt eða ekki rétt, KR-ingar urðu
að leika síðari hálfleikinn einum
færri. Það var samt ekki að sjá fram-
an af síðari hálfleik því KR hélt
undirtökunum. Þegar leikið hafði
verið í tvær mínútur fengu KR-ingar
vítaspyrnu. Ágúst Ólafsson felldi
Hilmar Björnsson og Bibercic tók
spyrnuna. Hún var föst og í hægra
hornið en Birkir varði glæsilega,
náði að slá boltann í stöngina. Bolt-
inn fór fyrir markið og á markteign-
um náði Bibercic honum en steig á
knöttinn og Framarar náðu að
bjarga.
Þorbjörn Atli Sveinsson kom inná
í liði Fram á 52. mínútu og hleypti
miklu lífi í leik liðsins. Nettur strák-
ur sem var óragur við að halda bolt-
anum og reyndi að komast framhjá
mótheijum sínum. Þetta gerði hann
með glæsibrag og Framarar komust
inn í leikinn smátt og smátt enda
KR-ingar einum færri og marki yfir.
Atli Helgason átti skot að marki á
54. mínútu en Kristján, sem hafði
átt mjög rólegan dag, varði í horn.
Tíu mínútum síðar jafnaði Ríkharður
Daðason eftir hornspyrnu Framara
og nú var komið mikið fjör í leikinn.
Ríkharður fékk dauðafæri á 70.
mínútu en varnarmaður KR komst
fyrir skotið. Fleiri urðu færin ekki
hjá Fram og KR-ingar fengu eitt
færi til viðbótar, á 86. mínútu er
Bibercic setti boltann laglega í mark-
hornið eftir fyrirgjöf.
KR-ingar miklu betri
KR-ingar voru miklu betri í þess-
um leik, en um það er ekki spurt
því til að vinna þarf að gera fleiri
mörk en mótheijinn. Það gerðu
KR-ingar raunar, en hefðu átt að
vera búnir að gera út um leikinn
Klukkan tifar
Morgunblkaðið/Sverrir
ÞAÐ ríkti mikil spenna á bekk KR-inga eftir sigurmarkið. Hér fylgjast
þeir Jónas Kristinsson og Guðjón Þórðarson með klukkunni og sjúkra-
þjálfarinn Ragnar Hermannsson virðist heldur rólegri en Guðmundur
Benediktsson er mjög spenntur enda var fyrsti titillinn í sjónmáli.
strax í fyrri hálfleiknum. Þá réðu
þeir öllu enda voru Framarar hálf-
sofandi og voru alltaf skrefinu á
eftir. Sóknir KR upp kantana voru
fallegar og fyrirgjafirnar góðar en
það gekk erfiðlega að koma boltan-
um framhjá Birki. KR-ingar léku
mjög vel að þessu sinni. Hilmar átti
einn sinn besta leik með liðinu í
sumar, Einar Þór var stórhættuleg-
ur, sérstaklega í fyrri hálfleiknum,
Steinar og Sigurður Örn voru sterk-
ir í vörninni eins og Daði á meðan
hans naut við. Bibercic, lék einnig
vel, hann kom vel út úr vörn mótheij-
anna til að fá boltann og deila hon-
um út á kantana og þegar fyrirgjöf-
in kom var hann alltaf mættur á
svæðið, var í öllum boltum. Ekki
má gleyma Heimi Guðjónssyni sem
átti margar frábærar sendingar á
félaga sína og var sterkur á miðj-
unni.
Hjá Fram bar Birkir af. Valur
Fannar stöð sig ágætlega og Steinar
var sterkur og naut sín þó betur í
síðari hálfleik eftir að hann fékk
fijálsari hendur og færði sig framar
á völlinn. Aðra þarf vart að nefna
en þeir Atli Einarsson og Ríkharður
Daðason áttu nokkra spretti og Þor-
björn Atli setti mark sitt á síðari
hálfleikinn þegar hann kom inná.
Birkir ver glæsilega
Morgunblaðið/RAX
BIRKIR Kristinsson markvörður Fram átti stórleik á sunnudaginn og varði hreint frábærlega og ef
hans hefði ekki notið við í markinu hefðl KR gert út um leikinn strax í fyrri hálflelk. Hér ver hann
meistaralega vítaspyrnu Bibercic, sem fékk síðan boltann aftur en steig á hann.
■ KRISTJÁN Finnbogason mark-
vörður KR-inga varð bikarmeistari
þriðja árið í röð á sunnudaginn.
Hann var í marki KR í fyrra en
árið þar áður í marki Skagamanna.
■ KRISTJÁN Jónsson\éksinn 200.
leik fyrir Fram á sunnudaginn.
Ágúst Ólafsson lék sinn áttugasta
en Atli Helgason og Nökkvi
Sveinsson sinn 20. leik fyrir Fram.
■ IZUDIN Daði Dervic var að
leika sinn 90. leik fyrir KR og á sjálf-
sagt ljúfsárar minningar úr honum,
fékk að líta rauða spjaldið í fyrsta
sinn á ferlinum og varð bikarmeist-
ari.
■ HELGI Sigurðsson, sem ieik-
ur nú með Stuttgart í Þýskalandi,
fylgdist með leik Fram og KR á
sunnudaginn. Hann var með ann-
an fótinn í gifsi því tekin var úr
fæti hans jámplata, sem sett var
í vegna meiðsla. Gifsið fór á fyrir
þremur vikum og verður tvær til
viðbótar en Helgi sagðist líklega
ekki geta spilað fyrr en í október.
■ GRÉTARNorðfjörðfyrrumdóm-
ari var við vinnu sína sem lögreglu-
maður og fylgdist grannt með. Hann
sagði að þetta hefði verið besti bikar-
leikur sem hann hefði séð og
stemmnig áhorfenda aldrei verið
betri, ekki yfir neinu að kvarta og
þeir hefðu verið íslensku íþróttaá-
hugafólki til sóma. Ekki eru það
slæm ummæli frá manni sem dæmdi
1.276 leiki á 37 ára ferli sem dómari.
1a^\Heimir Guðjónsson
■ %#átti eina af sínum
frábæru sendingum fram hægri
kantinn þar sem Hilmar
Björnsson náði að skjóta sér
framhjá Þórhalli Víkingssyni og
leika inn í vítateiginn. Birkir
híkaði í úthlaupínu, hélt vamar-
manninn hafa boltann en Hilmar
virtist ekki í góðu jafnvægi, en
náði engu að siður skoti úr
þröngri stöðu og skoraði lag-
Iega. Þetta gerðist þegar 37
mínútur og 35 sekúndur voru
liðnar af leiknum.
1a «8 Steinar Guðgerisson
■ I tók homspymu
vinstra megin, sendi út fyrir
vítateiginn á Kristinn Hafliða-
son, sem náði góðu skoti í gegn-
um þvöguna í teignum. Kristján
Finnbogason varði en hélt ekki
knettinum og Ríkharður Daða-
son var fyrstur að átta sig og
skoraði af stuttu færi. Nú voru
liðnar 64 mínútur og 34 sekúnd-
ur af leiknum.
2a 4 Þegar 85 mínútur og
■ | 45 sekúndur voru
liðnar af leiknum tók Einar Þór
Daníelsson eina af sínum frægu
rispum upp vinstri kantinn og
gaf fyrir markið. Mihajlo Bi-
bereic var á móts við stöngina
nær, náði að snúa sér og leggja
knöttinn í homið íjær. Laglega
gert.
I