Morgunblaðið - 30.08.1995, Blaðsíða 13
MORGUNBLAÐIÐ
MIÐVIKUDAGUR 30. ÁGÚST 1995 13
LANDIÐ
Q beneft
on
Fjórir vilja stöðu spari-
sjóðssljóra í Súðavík
ísafirði - Pjórar umsóknir bárust
um stöðu sparisjóðsstjóra Spari-
sjóðs Súðavíkur sem auglýst var
laus til umsóknar fyrir um tveimur
vikum. Umsóknarfrestur um stöð-
una rann út á föstudag og er gert
ráð fyrir að nýr sparisjóðsstjóri
verði ráðinn á morgun, fimmtudag.
Að sögn Óskars Elíassonar, for-
manns stjórnar Sparisjóðsins, ósk-
uðu allir umsækjendur nafnleynd-
ar. „Við munum funda um um-
sóknirnar í dag, miðvikudag, og
ég vona að hægt verði að ganga
frá ráðningunni á morgun,
fimmtudag." Að sögn Óskars mun
Sparisjóður Súðavíkur verða áfram
með útibú á ísafirði næsta vetur,
en það var sett á laggirnar síðast-
liðinn vetur í kjölfar snjóflóðanna
sem féllu á þorpið í janúar.
Baldur Daníelsson, sem hefur
gegnt starfi sparisjóðsstjóra Spari-
sjóðs Súðavíkur um tveggja ára
skeið, hefur verið ráðinn útibús-
stjóri íslandsbanka á Blönduósi og
mun hann taka við því starfí 1.
október nk. Er gert ráð fyrir að
hinn nýi sparisjóðsstjóri í Súðavík
taki við af Baldri á sama tíma.
SÍÐUSTU DAGAR
(TALSKUR GÆÐAFATNAÐUR Á EINSTÖKU VERÐI
Lífræn rækt-
un á heilsu-
stofnun
Hveragerði - Vottunarstofan
Tún veitti nýverið Heilsustofnun
Náttúrulækningafélags íslands í
Hveragerði staðfestingu á því
að þar fari fram lífræn ræktun.
Það að Náttúrulækningafélag
íslands stundi lífræna ræktun
er ekki nýtt af nálinni því allt
frá stofnun Heilsuhælisins i
Hveragerði árið 1955 hefur þar
verið ræktað grænmeti og aðrar
nytjajurtir án aukaefna. En nú
hefur það loks verið staðfest af
viðurkenndum aðila að öll rækt-
un við HNLFÍ sé lífræn. Að sögn
Hjartar Benediktssonar, garð-
yrkjusljóra HNLFÍ, felur lífræn
ræktun það í sér að enginn tilbú-
inn áburður er notaður við
ræktunina og engin eiturefni
koma nálægt plöntunum. „Eg
nota alls konar lífrænan áburð
á plönturnar svo sem þörunga-
og kjötbeinamjöl, samhaug og
hrossaskít. Þrátt fyrir að ekki
sé notaður neinn tilbúinn áburð-
ur vex grænmetið hér mjög vel
og uppskeran er svipuð og hún
væri þótt hér væri notaður tilbú-
inn áburður.“ Það grænmeti sem
ekki nýtist stofnuninni er selt í
verslanir og veitingahús og
verða allar afurðir frá HNLFÍ
héðan í frá merktar sem lífrænt
ræktaðar.
Vottunarstofunni Túni er ætl-
að að annast eftirlit og vottun
fyrir lífræpa framleiðslu. Tún
er í eigu sveitarfélaga á Suður-
landi og í Eyjafirði. Vottunar-
stofan Tún hefur fram að þessu
staðfest að lífræn ræktun fari
fram á tólf býlum og þjá einu
fyrirtæki hér á landi. Breska
fyrirtækið „Soil association“ að-
stoðar Tún við að koma upp
vottunarkerfi hér á landi og er
merki þess fyrirtækis notað á
þær vörur sem hljóta staðfest-
ingu Túns á því að vera lífrænt
ræktaðar.
Morgunblaðið/Anna Ingólfsdóttir
ÞÁTTTAKENDUR á foreldraþingi Heimilis og skóla
sem haldið var á Eiðum.
Samtökin Heimili og
skóli þinga á Eiðum
Egilsstöðum - Um helgina var
haldið foreldraþing á Eiðum á veg-
um samtakanna Heimili og skóli.
Þátttakendur voru um 40 talsins
bæði foreldrar og börn.
Fyrirlestra fluttu Þóroddur
Helgason, skólastjóri á Reyðarfirði,
og talaði hann um flutning grunn-
skólans yfir til sveitarfélaganna,
Guðmundur Ingi Sigbjömsson,
skólastjóri Heppuskóla á Höfn,
flutti fyrirlestur sem bar yfirskrift-
ina „Tungumálakennsla við hæfi
hvers nemanda". Þar sagði Guð-
mundur frá árangursríkum náms-
aðferðum í dönskukennslu sem
stjórnendur skólans þar hafa verið
að þróa undanfarin ár. Þar eru
gamlar kennsluaðferðir eins og t.d.
að allir fari í gegnum sama náms-
efni á sama tíma, lagðar á hilluna
og teknir upp nýir kennsluhættir
sem miða að því að hver nemandi
fái námsefni við sitt hæfi og fari í
gegnum það á þeim hraða sem
honum hentar. Elísabet Berta
Bjarnadóttir, félagsráðgjafi á
Barnaverndarstofu, ræddi um það
hvort uppeldi komi af sjálfu sér.
Þar kom hún inn á þroska barna á
grunnskólastigi, mikilvægi þess að
gefa börnunum tíma og svo ræddi
hún um fjölskyldur og þær miklu
breytingar sem átt hafa sér stað á
undanförnum árum og áratugum á
fjölskyldunni en fjölskylduform á
Islandi í dag eru um 40 talsins.
Foreldrum var skipt í þrjá um-
ræðuhópa og flallaði einn hópur um
sveitaskólann, heimavist og skóla-
akstur. Annar hópur ræddi um
skipulag og rekstur foreldrafélaga
og foreldraráða en í grunnskólalög-
um eru ný ákvæði um foreldraráð.
Þriðji hópurinn tók fýrir líðan barna
í skólum, einelti o.fl. Þar var sér-
staklega tekið fyrir hvernig tekið
er á móti nýjum nemendum inn í
skólana, hvort sem þeir eru að hefja
grunnskólanám eða koma aðfluttir
til að hefja nám í nýjum skóla. Að
endingu flutti Unnur Halldórsdóttir,
formaður samtakanna, erindi um
það hvemig ber að leysa ágreining
sem upp kemur milli heimila og
skóla, en samtökin eru nú að gefa
út bækling um þau mál sem sendur
verður út á næstunni.
Morgunblaðið/Sigurgeir
FULLTRÚAR ísmenntar og Tölvunar er nýja svæðismiðstöðin í Eyj-
um var opnuð. Frá vinstri; Jón Eyfjörð, Sigurður Hrafnkelsson, Þor-
0 valdur Arnarsson og Davíð Guðmundsson.
ísmennt opnar svæð-
ismiðstöð í Eyjum
Vestmannaeyjum - ÍSLENSKA
menntanetið, Ismennt, sem hefur
undanfarin fimm ár rekið Alnets-
þjónustu fyrir menntastofnanir, fyr-
irtæki og almenning, hefur opnað
svæðismiðstöð fyrir Suðurland, sem
er staðsett hjá Tölvun í Vestmanna-
eyjum. Svæðismiðstöðin í Eyjum er
fjórða miðstöðin sem Islenska
menntanetið opnár en áður hafa
verið opnaðar miðstöðvar á Akur-
eyri, í Reykjavík og á ísafirði.
ísmennt hefur á undanfömum
mánuðum undirbúið landsnet þar
sem markmiðið er að allir landsmenn
geti tengst Alnetinu á innanbæjarsí-
magjaldi en þar til svæðismiðstöðv-
amar komu til varð landsbyggðar-
fólk að greiða langlínugjald ef það
tengdist Alnetinu. Samstarf hefur
tekist um rekstur svæðismiðstöðvar-
innar í Eyjum milli ísmenntar og
Tölvunar, sem felur í sér að Tölvun
hýsir þann búnað sem til þarf og sér
um að þjónusta notendur á svæðinu
auk markaðs- og sölustarfs.
Fulltrúar Tölvunar og ísmenntar
héldu kynningu á Alnetinu og notk-
unarmöguleikum þess í húsnæði
Tölvunar við Strandveg er svæðis-
miðstöðin var opnuð. Sögðu þeir að
með tilkomu miðstöðvarinnar myndi
verða sparnaður hjá notendum nets-
ins á Suðurlandi sem næmi hundruð-
um þúsunda eða jafnvel milljónum
á ári. Nefndu þeir sem dæmi um
kostnaðarlækkunina að með tilkomu
miðstöðvarinnar í Eyjum hefði kost-
að 249 krónur fyrir Sunnlendinga
að tengjast netinu í klukkutíma en
nú yrði kostnaðurinn aðeins 50 krón-
ur á tímann.
Davíð Guðmundsson, fram-
kvæmdastjóri Tölvunar, sagði að það
sem einnig væri merkilegt við svæði-
smiðstöðina, sem staðsett er í Tölv-
un, væri að fyrirtæki í Vestmanna-
eyjum væri farið að þjónusta aðila
uppi á landi sem væri góð þróun því
hingað til hefði dæmið yfirleitt snúið
þannig að Eyjamenn hefðu þurft að
leita eftir nær allri þjónustu frá
landi. „Við erum með þessu loksins
farin að flytja út þjónustu í stað
þess að flytja hana inn til okkar,“
sagði Davíð.
HJÖRTUR Benediktsson garðyrkjustjóri tekur við staðfesting-
unni frá starfsmönnum Túns. Frá vinstri: Gunnar Á Gunnarsson
framkvæmdasljóri Túns, Hjörtur Benediktsson, Guðrún Hall-
grímsdóttir, varaformaður Túns, og Árni Gunnarsson, fram-
kvæmdastjóri heilsustofnunarinnar.
ísafjarðarsýslur
Nýtt hafn-
arsamlag í
burðarliðnum
ísafirði - SVEITARSTJÓRNIR
á norðanverðum Vestfiörðum
liafa að undanfömu haldið tvo
fundi um stofnun sameiginlegs
hafnarsamlags sem sjá mun um
rekstur og stjómun hafnanna
frá Þingeyri og norður til Súða-
víkur. Ekki hefur enn verið
ákveðið hvar höfuðstöðvar
hafnarsamlagsins verða en það
mun væntanlega verða afráðið
innan skamms tíma, enda
standa vonir manna til að af
stofnun samlagsins geti orðið á
næstu vikum.
„Við höfum haldið tvo við-
ræðufundir um stofnun hafn-
arsamlags hafnanna í ísafjarð-
arsýlsu og þær viðræður hafa
gengið vel að mínu mati. Það
hafa verið ákveðnar áframhald-
andi viðræður og stefna hefur
verið tekin á að ljúka verkinu
á sem skemmstum tíma, jafnvel
nokkrum vikum. Slíkt hafnar-
samlag hefur marga kosti í för
með sér. Með tilkomu jarðgang-
anna breytist allt hjá okkur og
því er stofnun samlagsins spor
í rétta átt. Eftir stofnunina
skiptir ekki máli hvar skip
leggja upp því allar tekjur fara
í “sama pottinn en fyrst og
fremst er þetta kostur til þess
að hafnimar geti lifað af í fram-
tíðinni,“ sagði Kristján Jóhann-
esson, sveitarstjóri á Flateyri, í
samtali við blaðið.