Morgunblaðið - 30.08.1995, Blaðsíða 18

18 MIÐVIKUDAGUR 30. ÁGÚST 1995
LISTIR
MORGUNBLAÐIÐ
Viðskota-
illur
þjálfi
KVIKMYNPIR
Laugarásbíó
„MAJOR PAYNE“ ★ Vi
Leikstjóri: Nick Castle. Aðalhlut-
verk: Damon Wayans, Kary Par-
sons, William Hickey, Michael Ir-
onside. Universal. 1995.
GAMANLEIKARINN Damon
Wayans gerir sér mat úr liðþjálfakl-
isju bíómyndanna í gamanmyndinni
„Major Payne“ og öskrar og gargar
mestanpart myndarinnar á lltinn
hóp drengja í herþjálfun. Hann er
svona Rambó sem herinn hefur
ekkert að gera með lengur og því
er hann lentur I þessari stöðu með
sínar tvær gulltennur uppi í sér og
manndrápsskap sem nýtist nú að-
eins til að kvelja og pína flokk
smádrengja. Heiti myndarinnar,
„Major Payne“, er orðaleikur og
getur ýmist verið staða og heiti
Wayans í myndinni eða þýtt „meiri-
háttar verkur“ og þótt ýmislegt sé
í henni fyndið og Wayans geri
margt gott úr klisjunni á síðari
merkingin ágætlega við um mynd-
ina sjálfa.
Það er að mestu vegna áráttu
amerískra fjölskyldumynda að gerr
allt svo sykursætt og væmið sem
þær fjalla um, jafnvel viðskotailla
stríðsmaskínu eins og Payne.
Drengjaflokkurinn keppir i lokin við
aðra flokka um risavaxinn bikar og
það þarf ekki að spyija að leikslok-
um og sjálfur finnur Payne á sér
mannlegar hliðar með hjálp drengj-
anna, sem hann taldi sig ekki eiga
og best væri fyrir myndina að hann
ætti ekki.
Gamansemin byggist á því að
setja þetta ótrúlega eintak sem
majórinn er I eðlilegt umhverfi líkt
og Krókódíla-Dundee var tekinn úr
óbyggðum Ástralíu forðum og sett-
ur niður í New York. Andstæðurnar
geta af sér grín og glens og stund-
um heppnast grínið í „Major Payne“
aðallega af því Wayans er svo ger-
samlega innlifaður í hlutverk sitt
og tekst að gera persónu sína
skemmtilega með tilheyrandi lát-
bragði og svívirðingum og rödd sem
kemur einhvers staðar langt neðan
úr maganum.
En þetta er mynd sem rís aldrei
yfir meðalmennskuna og er gerð
auðvitað fyrst og fremst fýrir amer-
ískan fjölskyldumarkað.
Arnaldur Indriðason
ÞÓRHALLUR Birgisson og Snorri Sigfús Birgisson.
Tækni og
raddfegnrð
TONLIST
Ilafnarborg
EINSÖNGSTÓNLEIKAR
Sólrún Bragadóttir sópransöng-
kona og Jónas Ingimundarson
píanóleikari fluttu íslensk og erlend
söngverk. Mánudagurinn 28. ágúst,
1995.
ÞAÐ sem einkenndi fyrsta hluta
efnisskrár var samanburður á
nokkrum íslenskum söngverkum.
Fýrst var það Draumalandið eftir
Sigfús Einarsson og Bjarna Þor-
steinsson, þá Enn syngur vomóttin
eftir Sigfús Halldórsson og Karl 0.
Runólfsson, Söngur bláu nunnanna
eftir Pál ísólfsson og Karl 0. Run-
ólfsson og síðast Fjólan eftir Þórar-
in Jónsson og Helga S. Helgason.
Slíkur samanburður getur verið
fróðlegur en einnig dregið athyglina
frá söngnum sjálfum. Sólrún söng
öll lögin mjög vel en það sem ein-
kenndi að nokkru tónleikana, sér-
staklega í íslensku lögunum, var oft
óskýr framburður, vegna ofmótunar
sérhljóða og einnig, að samhljóðarn-
ir voru helst til mjúklega útfærðir.
í seinni hluta islensku efnisskrár-
innar var söngurinn í fyrirrúmi og
þar gat að heyra Sólroðin ský, ág-
ætt lag eftir Áma Bjömsson, Það
vex eitt blóm fyrir vestan eftir Guð-
rúnu Þorsteinsdóttur og kveðjuna
frægu eftir Þórarin Guðmundsson.
Farandsveinninn, eftir Karl 0. Run-
ólfssori, var sunginn á íslensku, sem
er í raun óþarft, því ljóð Jóhanns
Siguijónssonar er svo einfalt og
skýrt og lagið eins og „klæðskera-
saumað“ á danska textann. Kveld
eftir Bjama Böðvarsson er vel sam-
ið lag og sérstaklega þó undirspilið.
íslénska þættinum lauk með lagi
eftir Loft Guðmundsson, er nefnist
Ósk og ætlun. Lagahöfunda flestra
íslensku laganna vita flestir um en
trúlega fáir hveijir em höfundar
textanna, t.d. við lögin Kveld og
Ósk og ætlun. Öll íslensku lögin
voru vel sungin en Kveðjuna eftir
Þórarin Guðmundsson, Drauma-
landið eftir Sigfús og Söng bláu
nunnanna eftir Pál söng Sólrún þó
allra best.
Seinni hluti tónleikanna hófst á
þremur söngvum eftir Chausson,
Le Colibri, Sérénade Italienne og
Les temps de lilas og í þeim fór
Sólrún á kostum. Sama má segja
um Chanson de Printemps, eftir
Gounod og hreint glæsilegur var
söngur hennar í La Barcheta eftir
Reynoldo Hahn. Ach ich fúhl’s úr
Töfraflautu Mozarts var vel sunginn
og sama má segja um Endlich all-
ein úr Seldu brúðinni eftir Smetana.
Líklega á Puccini vel við rödd Sól-
rúnar, sem vel mátti heyra I aríu
SÓLRÚN Bragadóttir syngur
Morgunblaðið/Ámi Sæberg
Hafnarborg
Líu úr Turandot, en þó sérstaklega
í einu af aukalögunum Donde lieta,
úr La bohéme, sem var frábærlega
vel sungin.
Sólrún er glæsileg söngkona.
Tækni og raddfegurð naut sín hvað
best í frönsku lögunum og aukalag-
inu eftir Puccini, þó öll væru við-
fangsefnin vel sungin. Tilfinning og
túlkun var einum of hófstillt eða
öguð í framsetningu Sólrúnar, sem
mætti vel sleppa fram af sér beisl-
inu.
Jónas var góður og lék oft fallega
inn á söngröddina, sérstaklega I lagi
Karls 0. Runólfssonar, Söngur bláu
nunnanna og sömuleiðis í lögunum
eftir Chausson og lagi Hahns.
Jón Ásgeirsson
Mynd af
skáldkonu
afhjúpuð
NÝLEGA var afhjúpuð í Hafn-
arborg brjóstmynd af Ragn-
heiði Jónsdóttur skáldkonu.
Myndinni, sem er verk Gests
Þorgrímssonar, tengdasonar
Ragnheiðar, er ætlaður staður
í Bókasafni Hafnarfjarðar. Á
þessu ári eru liðin 100 ár frá
fæðingu Ragnheiðar, en hún
bjó um árabil í Hafnarfirði.
Það voru nöfnurnar Ragn-
heiður Gestsdóttir og Ragn-
heiður Guðjónsdóttir sem af-
hjúpuðu myndina.
Akureyri
Irsk
menn-
ingar-
hátíð
í haust
ÍRSK menningarhátíð verður
haldin á Akureyri í haust. Á
dagskrá hátíðarinnar verður
írsk myndlist, tónlist, leiklist
og írskar kvikmyndir. Haldin
verður kynning á hátíðinni í
menntamálaráðuneyti írlands
í Dublin 5. september með for-
sýningu á verkum íjögurra
myndlistarmanna sem munu
sýna á Akureyri en þeir eru
Elisabeth McGail, James Hun-
ley, Guggi og Jaclin Stanley
en að sögn Haraldar Inga
Haraldssonar skipuleggjanda
hátíðarinnar hafa þau öll getið
sér gott orð fyrir list sína á
Bretlandi.
Drakúla
Hátíðin hefst föstudaginn
13. október með opnun sýning-
ar á verkum myndlistarmann-
anna í Listasafninu á Akureyri
og frumsýningu Leikfélags
Akureyrar á leikriti gerðu eft-
ir skáldsögunni Drakúla eftir
Dublinarbúann Bram Stoker.
Leikstjóri sýningarinnar verð-
ur Írinn Michael Scott og landi
hans Paul McCauley mun gera
leikmynd og búninga. Mynd-
listarsýningin stendur í mánuð
en leiksýningin fram í desem-
ber.
Að sögn Haraldar Inga er
ætlunin að staðið verði fyrir
sambærilegri hátíð í Dublin
að ári með akureyrskum lista-
mönnum.

Morgunblaðið/Sverrir
Óháð listahátíð
Hug’leiðing*-
ar um tromp
BRÆÐURNIR Snorri Sigfús Birg-
isson píanóleikari og tónskáld og
Þórhallur Birgisson fiðluleikari
leika á tónleikum á Óháðri listahá-
tíð í kvöld kl. 20.30 í Iðnó. Á efnis-
skránni eru verk eftir Finn Torfa
Stefánsson, Leif Þórarinsson og
Snorra Sigfús Birgisson.
Tromp tarotspilanna
Snorri sagði í samtali við Morg-
unblaðið að fyrsta verkið, æfingar
fyrir píanó, sem er eftir hann sjálf-
an, væri lauslega innblásið af
trompum tarotspilanna^ sem eru 21
eins og æfingamar.,, Ég stúderaði
þessi tromp töluvert á þeim tíma
þegar æfingarnar voru samdar.
Þetta er ekki tilraun til að lýsa
þeim nákvæmlega, þetta eru hug-
leiðingar um tromp,“ sagði Snorri.
Annað og þriðja verkið á efnis-
skránni verða frumflutt í kvöld en
höfundarnir, Finnur Torfi Stefáns-
son og Leifur Þórarinsson, luku við
þau á vormánuðum þessa árs. „Það
er alltaf spennandi þegar verk eru
flutt í fyrsta skipti og það verður
hápunktur kvöldsins. Það er mjög
skemmtilegt og gefandi að spila
verk Finns sem samdi það að ósk
minni. Verk Leifs er samið til minn-
ingar um Jóhönnu Sveinsdóttur
skáld sem lést með sviplegum hætti
á árinu. Verkið er rómantískt. Bæði
verkin krefjast mikils af flytjandan-
um hvert á sinn hátt,“ sagði Snorri.
Lokaverkið á tónleikunum er eft-
ir Snorra og er tileinkað bróður
hans Þórhalli sem leikur verkið með
honum. Nafn þess er Novelette og
er í einum samsettum þætti.