Morgunblaðið - 31.08.1995, Blaðsíða 12

12 FIMMTUDAGUR 31. ÁGÚST 1995
AKUREYRI
MORGUNBLAÐIÐ
OKKAR BESTU HEÐMÆU KOMA FRÁ NEMENDUM OKKAR:
Nemendur í skrifstofustörfum
fyrir og eftir nám í VSN.
I A O/.
VI,
Nánari upplýsingar í símum
562 10 66 og 462 7899.
VllÐSKIPTASKÓLI
STJÓRNUNARFÉLAGSINS CX3 HÝHERJA
KQO/„
Fyrir
Eftir
Úr könnun sem gerð var meðal nemenda sem útskrifuðust 5. maí 1995.
Sex mánaða uppgjör Kaupfélags Eyfirðinga
Samþykkt stjórn-
ar Eyþings um
skólaþjónustu
Bæjarráð
Akureyrar
mótfallið
tillögunum
Á FUNDI bæjarráðs Akur-
eyrar sl. þriðjudag var tekin
til umfjöllunar samþykkt
stjórnar Eyþings um skóla-
þjónustu, skipulag og verkefni
í ljósi flutnings grunnskólans
frá ríki til sveitarfélaga. Til-
lögurnar höfðu verið kynntar
í ráðinu 17. ágúst en óskað
var umsagnar sveitarfélaga
innan Eyþings fyrir aðalfund
sambandsins sem hefst í dag.
Bæjarráð fékk umsagnir um
tillögurnar frá skólanefnd og
leikskólanefnd og niðurstöður
fundarins urðu þær að bæjar-
ráð getur ekki fallist á tillögur
Eyþings í óbreyttri mynd og
telur nauðsynlegt að málið
verði unnið enn frekar.
Samkvæmt upplýsingum
blaðsins eru ýmis ágreinings-
efni uppi í þessu sambandi,
ekki síst hvað varðar hlutverk
Fræðsluskrifstofu Norður-
landsumdæmis eystra svo og
hlutverk Eyþings í skólaþjón-
ustunni. Málið verður tekið til
umræðu og afgreiðslu á föstu-
daginn í tengslum við aðalfund
Eyþings og má búast við að
skoðanaskipti verði lífleg.
Kröfur
um bætur
hafnað
Á FUNDI bæjarráðs voru
lagðir fram tveir úrskurðir sem
matsnefnd eignarnámsbóta
hefur kveðið upp að beiðni
Akureyrarbæjar vegna
meintrar verðrýmunar á fast-
eignunum Bakkahlíð 7 og
Bakkahlíð 13 ef byggð verður
bensínstöð á horni Hlíðar-
brautar og Borgarbrautar.
í úrskurðarorðum er kröfum
um bætur til eigenda fasteign-
anna hafnað. Kostnaður Akur-
eyrarbæjar vegna matsgerð-
anna er 667.000 krónur.
Bátur í boði
BÆJARSTJÓRI greindi frá
því að Akureyrarbæ hefði
munnlega verið boðinn for-
kaupsréttur að m/b Nóa EA
477 ásamt veiðiheimildum og
fyrir fund bæjarráðs var lagð-
ur fram kaupsamningur þar
að lútandi með forkaupsrétt-
arákvæði. Seljandi er Hamar
hf. á Akureyri en kaupandi
Meitillinn hf. í Þorlákshöfn.
Bæjarráð leggur til að for-
kaupsrétti verði hafnað.
IQHIIGJ6I QtJ
0BO j2)00« «0000001
ÞÓTT venjan sé að Listasumri ljúki
29. ágúst eru nú tvennir tónleikar
eftir. í kvöld, fimmtudaginn 31.
ágúst, leikur djasskvartett í Deigl-
unni kl. 22. Kvartettinn skipa þeir
Karl Olgeirsson á píanó, Atli Örv-
arsson á Hammond og trompet, Jón
Rafnsson á kontrabassa og Karl
Petersen á trommur.
Laugardaginn 2. september kl.
20 verða tónleikar í Akureyrar-
kirkju. Flutt verður tónverkið
Kvöldmáltíð Maríu meyjar eftir
Claudio Monteverdi fyrir hljómsveit
og kór undir stjórn Gunnsteins Ól-
afssonar.
Tap af rekstrinum
20 milljónir
STORFYRIRTÆKIN á Akureyri
sýna nú hvert af öðru verulegt
rekstrartap á fyrri helrningi ársins.
Nýverið kom fram að Útgerðarfé-
lag Akureyringa hefði tapað ríflega
80 milljónum á þessu tímabili og
nú liggur sex mánaða uppgjör
Kaupfélags Eyfirðinga og dóttur-
fyrirtækja þess fyrir. Niðurstöðu-
tölumar sýna um 20 milljóna króna
tap af rekstrinum.
Brúttóvelta samstæðunnar fyrri
helming ársins var um 4.673 millj-
ónir króna og launagreiðslur námu
871 milljón. Þar sem þetta er í
fyrsta skipti sem Kaupfélag Eyfirð-
inga gerir sex mánaða uppgjör
liggur ekki fyrir samanburður frá
fyrra ári en að sögn Magnúsar
Gauta Gautasonar kaupfélags-
stjóra er ljóst að afkoman er tölu-
vert lakari en á síðasta ári. Kaupfé-
lag Eyfirðinga og dótturfyrirtæki
skiluðu 16 milljóna króna hagnaði
á öllu árinu 1994.
„Helstu skýringarnar liggja í því
að fiskvinnslan hefur verið mjög
döpur og afkoma mjólkursamlags-
ins er lakari nú en í fyrra, en þá
var hún reyndar mjög góð. Það
hefur háð fiskvinnslunni að skip
félagsins hafa ekki verið að landa
hjá okkur og því hefur vinnslan
þurft að reiða sig á markaði. Þar
hefur hráefnisverð verið mjög hátt
og gæðin vægast sagt misjöfn,"
sagði Magnús Gauti.
Rekstur móðurfyrirtækisins, þ.e.
Kaupfélags Eyfirðinga, hefur því
verið töluvert lakari en á síðasta
ári en afkoma dótturfyrirtækjanna
hefur batnað í heild. Magnús Gauti
sagði að þar munaði mestu um
bættan rekstur Útgerðarfélags
Dalvíkinga hf.
Kaupfélagið hefur lagt 112
milljónir króna í nýtt útgerðarfé-
lag í Snæfellsbæ og sagði Magnús
Gauti að þessi ráðstöfun myndi
styrkja sjávarútvegsþátt félagsins
og tryggja vinnslunni hráefni.
Hann kvaðst líka vonast til þess
að reksturinn á seinni helmingi
ársins yrði betri en vildi þó sem
minnstu spá um það. Ef til vill
gefur það einhveija mynd af þró-
uninni að rekstrartapið dreifist á
fjóra fyrstu mánuði ársins en
hagnaður varð af rekstrinum í maí
og júní.
Nóg af
krækibeijum
TVENNUM ef ekki þrennum sög-
um fer af berjasprettu norðan-
lands en ef meðaltal frásagna er
skoðað má segja að krækiberin
hafi þroskast vel en bláberin síð-
ur. Eyfirðingar streyma nú tii
berja og á Árskógsströndinni
mokuðu tengdafeðginin Páll og
Sigrún upp krækiberjunum með
berjatínu ásamt fleiri fjölskyldu-
meölimum. Þau sögðu bláberin
lítil og hlutfall grænjaxla hátt.
Búast má við að sprettan hafi
tekið nokkurn kipp núna í snörp-
um vætu- og hlýindakafla.
Morgunblaðið/Berglind H. Helgadóttir
Kennslurit
fyrir há-
skólanema
FÉLAGSSTOFNUN stúdenta við
Háskólann á Akureyri, Bóksala
stúdenta í Reykjavík og Bókval hafa
gert með sér samkomulag um að
Bókval annist sölu allra kennslubóka
til háskólanema á Akureyri.
I fréttatilkynningu segir að með
þessu sé tryggð betri þjónusta fyrir
nemendur Háskólans á Akureyri þar
sem Bókval er með langan af-
greiðslutíma eða frá kl. 9.00 (10.00)
til 22.00 alla daga, einnig um helgar.
Filmumenn vinna við Gas
Morgunblaðið/Berglind H. Helgadóttir
IÐNAÐARMENN hafa staðið
í ströngu í kjallara Glerár-
kirkju að undanförnu og var
stefnt að því að opna leikskól-
ann Krógaból í dag.
Krógaból
aftur í Gler-
árkirkju
LEIKSKÓLINN Krógaból á Ak-
ureyri var fluttur til bráðabirgða
í Glerárskóla eftir að húsnæði
leikskólans í Glerárkirkju stór-
skemmdist í eldsvoða. I gær var
síðasti starfsdagur Krógabóls í
Glerárskóla enda skólastarf að
hefjast og full þörf fyrir stofurn-
ar sem lagðar voru undir leik-
skólánn.
Ekki var fyllilega ljóst í gær
hvort hægt yrði að taka á móti
börnum í endurinnréttuðu hús-
næði Krógabóls í kjallara Glerár-
kirkju í dag því framkvæmdum
var ekki lokið. Vonast var til að
ekki þyrfti að loka leikskólanum
en fyrr í þessum mánuði hafði
leikskólanefnd Akureyrarbæjar
lýst yfir áhyggjum vegna þess
hve seint gekk að lagfæra húsa-
kynnin.
Unnið var í húsnæði Krógabóls
fram eftir kvöldi og stefnt að því
að opna leikskólann á gamla
staðnum í dag.
Tökum á nýrri
stuttmynd lokið
FJÓRÐA stuttmynd
Filmumanna á Akureyri
sem kemur fyrir sjónir
almennings verður
frumsýnd í febrúar eða
mars á næsta ári.
Myndin heitir Gas og
lauk tökum á henni í
gær með miklum
áhættuatriðum þar sem
menn flugu fram af
húsþaki og fleira í þeim
dúr. Framundan er nú
eftirvinnsla og verður
kvikmyndin 35-40 mín-
útur að lengd.
Sævar Guðmundsson
er sem fyrr leikstjóri og
aðalmaðurinn á bak við
Filmumenn en hópurinn
hefur áður framleitt
stuttmyndirnar Spurn-
ing um svar, Skotinn í
skónum og Negli þig
næst. Allar vöktu þær
athygli fyrir djörf
áhættuatriði og Gas
verður ekki hættulaus
heldur.
„Það eru færri
áhættuatriði í þessari
mynd en þau eru jafn
hættuleg samt sem
áður. Þótt hasarinn sé fyrir hendi
er Gas manneskjulegri en hinar
myndirnar. Þetta er hröð og spenn-
andi gamanmynd.
Hún fjallar um tvær persónur á
bensínstöð og margar skrautlegar
manneskjur sem þangað koma,“
sagði Sævar.
Litlu mátti muna að slys yrði við
tökur fyrr í vikunni. Þá var verið
að festa á filmu hraðakstur svokall-
aðra go-cart bíla hjá Shell-nesti við
Hörgárbraut. Einn bíllinn lenti í
árekstri við fólksbíl sem birtist
óvænt á tökustað en betur fór en
Morgunblaðið/Berglind H. Helgadóttir
ÁHÆTTUATRIÐI úr nýrri stuttmynd
Filmumanna. Okuþórar, dularfullir ná-
ungar og rænulítill maður. Óhapp varð
við tökur á þessu atriði þegar ökuþór
lenti í árekstri við fólksbíl en hann
slapp ómeiddur.
á horfðist og steig ökumaðurinn
ómeiddur úr bílnum.
Kostnaður við gerð myndarinnar
nemur 1,5-2 milljónum króna. Sæv-
ar sagði að allt starf í kringum
hana væri unnið í sjálfboðavinnu
en ef það væri ekki gert myndi
kostnaðurinn ijúka upp í 10-20
milljónir.
Fyrri myndirnar hafa gengið vel
en ekki vildi Sævar meina að þær
hefðu skilað hagnaði. Gas verður
sýnd á Akureyri og Reykjavík í
febrúar eða mars og síðan um land
allt.