Morgunblaðið - 31.08.1995, Blaðsíða 20

20 FIMMTUDAGUR 31. ÁGÚST 1995
LISTIR
MÖRGÚNBLAÐIÐ
Veruleiki hugans
*
Rokkóperan Iindindin verður frumsýnd í Is-
lensku óperunni annað kvöld. Breyskleiki
mannsins er þar í brennidepli eins og Orri
Páll Ormarsson komst að þegar hann ræddi
við aðstandendur sýningarinnar og rokkaði
inn í nóttina með leikhópnum Theater.
Morgunblaðið/Gunnlaugur Rögnvaldsson
INGIMAR Oddsson, höfundur Lindindin, fer fyrir sínum mönnum
í atriði sem snýst um oflæti aðalsögnhetjunnar ívars.
í LINDINDIN verður hugsunin að
veruleika. í speglinum er maðurinn
berskjaldaður og hverflyndið kallar
á uppgjör, gott og illt, ást og hat-
ur, draumur og veruleiki. Forðast
hann firringuna eða fellur í freistni?
Hvort stendur eðli hans nær, ást
og umburðarlyndi eða öfgar og yfir-
gangur?
Rokkóperan Lindindin er runnin
undan rifjum ungs listamanns Ingi-
mars Oddssonar sem semur tónlist
og texta auk þess að fara með aðal-
hlutverkið. Segir hann að draumur-
inn um að setja á svið rokkóperu
hafi fylgt sér frá blautu barnsbeini
en hugmyndin að Lindindin mun
hafa kviknað fyrir sjöárum síðan.
Það var hins vegar ekki fyrr en
á liðnum vetri að hjólin fóru að
snúast. „Ég var atvinnulaus úti í
Svíþjóð og leiddist þannig að ég fór
að semja og skrifa af fullum krafti,"
segir Ingimar. „Þegar upp var stað-
ið hafði ég samið fullt af lögum og
lokið við söguna."
Höfundinum var ekki til setunnar
boðið og í apríl síðastliðnum kom
hann heim með það fyrir augum
að setja verkið á svið. Fékk hann
bróður sinn, Guðmund Kr. Oddsson,
til liðs við sig og settu þeir leikhóp-
inn Theater á laggimar. „Ég varð
að fá einhvem sem hefur vit á pen-
ingum inn í þetta.“ Því næst hófust
bræðumir handa við að sækja um
styrki og hlaut erindi þeirra hljóm-
grunn hjá Reykjavíkurborg.
Fijór og opinn
Þegar ljóst var að grundvöllur
var fyrir sýningunni hófst leitin að
leikstjóra. „Við völdum Guðjón Sig-
valdason úr hópi leikstjóra þar sem
það orð fer af honum að hann sé
bæði frjór og opinn fyrir nýsköpun
en á því þurftum við virkilega að
halda," segir Ingimar.
Bryndís Einarsdóttir danshöf-
undur og Dóra Takefusa aðstoðar-
leikstjóri bættust síðan í hópinn
áður en efnt var til opinnar pmfu
fyrir unga leikara, dansara og
söngvara. „Við völdum stóran hóp
fólks á aldrinum 16-30 ára sem gat
gert alla þessa hluti,“ segir Guðjón
leikstjóri. „Við vomm mjög heppin
en þessi hópur nær vel saman og
hefur að mínu mati verið að gera
ákaflega góða hluti.“
Ingimar er á sama máli og bætir
við að hópurinn hafi mikla trú á
verkinu. „Það kemur okkur alltaf
meira á óvart hvað þetta er gaman.
Sjálfur er ég til dæmis ekki ennþá
orðinn leiður á lögunum en ég samdi
það fyrsta þegar ég var fjórtán
ára.“ Guðjón tekur í sama streng:
„Ég hafði alltaf trú á þessum lög-
um. Sum grípa mann strax en önn-
ur vinna á og það er mjög gaman
að segja frá því að leikhópurinn er
sísyngjandi þau út um allan bæ.“
27 leikarar taka þátt í sýningunni
en í helstu hlutverkum em, auk Ingi-
mars, Páll Rósinkranz og Heiðrún
Anna Bjömsdóttir. Helga Kristrún
Hjálmarsdóttir hannar sviðsmynd
og búninga, Vilhjálmur Hjálmarsson
ljós og tónlistarstjóri er Þröstur E.
Sameinuðu krafta sína
Ingimar er ekki fyrsti fjölskyldu-
meðlimurinn sem hefur veg og
vanda af uppsetningu söngleiks en
Kennslustaðir:
Reykjavík, Brautarholti 4.
Mosfellsbær, Varmárskóli.
Hveragerði, grunnskólinn.
Innritun í síma 552 0345
kl. 17-23 daglega til 9. sept.
Keflavík, Sandgerði, Garður
og Grindavík: Innritun daglega
í síma 42 67680 kl. 22—23.
og í síma 552 0345 kl. 17-23.
f/iennum alla samkvæmisdansa.
Þjálfum keppnisdansara og
Morgunblaðið/Gunnlaugur Rögnvaldsson
ROKKÓPERAN er bönnuð börnum yngri en fjórtán ára en
æðisgengin ástaratriði setja svip sinn á sýninguna.

bræður hans, Guðmundur og Hall-
grímur, hafa sett upp hvor sinn
söngleikinn í Fjölbrautaskólanum í
Ármúla. Báðir taka þeir þátt í upp-
færslunni á Lindindin en Guðmund-
ur er framkvæmdastjóri Theater og
Hallgrímur meðal leikenda. „Við
ákváðum að hafa þetta stærra núna
og sameinuðum því krafta okkar,“
segir Ingimar.
Rokkóperur og söngleikir hafa
verið fyrirferðamikil á fjölum leik-
húsanna í Reykjavík síðasta kastið.
Aðstandendur Lindindin óttast hins
vegar ekki samkeppni. „Við teljum
að það styrki okkur frekar en hitt
að fleira sé í gangi,“ segir Guðjón.
Athygli vekur að rokkóperan er
bönnuð börnum yngri en 14 ára en
æsileg ástaratriði setja svip sinn á
sýninguna. „Það eru þarna ákveðn-
ir hlutir sem við viljum ekki að
börn sjái og tókum því ákvörðun
um að hafa aldurstakmark. Það er
hins vegar alltaf umdeilanlegt hvað
er við hæfi bama og hvað ekki,“
segir Guðjón.
Langþráður draumur Ingimars
Oddssonar verður að vemleika ann-
að kvöld. Hann kveðst þó ekki hafa
haft tíma til að gera sér almenni-
lega grein fyrir því. „Það hefur
verið svo mikið að gera hjá mér að
ég hef ekki haft tíma til að hugsa
um það. Ef til vill á ég eftir að
verða í skýjunum eftir frumsýning-
una en ég ætla að minnsta kosti
að bíða með það þangað til.“
Hugsjónastarf
Að sögn Guðjóns veltur framtíð
leikhópsins Theater á gengi Lind-
indin. „Ég lít á þetta sem hugsjóna-
starf frekar en gróðafyrirtæki.
Borgin var tilbúin að styrkja þennan
hóp og ef fólk fær styrk til að gera
hluti þá reynir það að sjálfsögðu
að framkvæma þá.“
Félagarnir hafa á hinn bóginn
fullan hug á að halda starfinu áfram
og kveðst Ingimar þegar vera farinn
að leggja drög að nýrri rokkóperu
sem gæti orðið næsta verkefni
hópsins. „Það er næsti draumur."
• MALMÖ-búar ætla ekki að
sitja hjá aðgerðarlausir þegar
fjöldi listunnenda flykkist til
Kaupmannahafnar á næsta ári
í tilefni þess að borgin verður
þá menningarhöfuðborg Evr-
ópu. í síðustu viku samþykkti
borgarsljórnin að leggja fram
rúmar 5 milljónir kr. tU að
byggja einskonar tónlistarbrú
yfir Eyrarsundið, standa fyrir
tveimur kvikmyndahátíðum og
listviðburðum fyrir börn með
vUyrði um annað eins framlag
á næsta ári. Nýstárlegasta hug-
myndin er líklega tónverk sem
sænskt og danskt tónskáld
hyggjast semja en það á að
byggja á legu hafsbotnsins þar
sem fyrirhuguð brú yfir Eyrar-
sund mun standa.
• BÓK um samband rithöf-
undarins Erich Maria Remarque
og Ieikkonunnar Paulette Godd-
ard, sem út kom fyrir skömmu
hjá Pantheon-forlaginu banda-
ríska, fær ágæta dóma í Inter-
natioml Herald Tribune. í henni
er sögð velþekkt saga ólíkra
elskenda, gáfumennisins og
glæsikvendisins. Remarque,
þekktastur fyrir bók sína „Tíð-
indalaust á Vesturvígstöðvun-
um“, og Goddard, sem lék m.a.
í myndum Charlies Chaplins,
voru vissulega ólík um margt.
En ástarsamband þeirra, sem
Goddard Remarque
hófst á sjötta áratugnum,
byggðist þó á mörgum þáttum
sem líkir voru með Goddard og
Remarque, s.s. áhugi á listmun-
um og hinu ljúfa lífi. Höfundur
bókarinnar, Julia Gilbert, þykir
draga fram margar athyglis-
verðar staðreyndir í dagsljósið,
enda hafði hún m.a. aðgang að
dagbókum Remarque, bréfum
sem fóru honum og konu hans
í milli, viðtöl við Goddard og
ólokinni ævisögu hennar.
• UNESCO, menntunar-, vís-
inda- og menningarstofnun
Sameinuðu þjóðanna, hefur sett
járnsmiðjuna Völklinger Eisen-
hiitte í Saarlandi í Þýskalandi,
á lista yfir byggingar sem beri
að vernda vegna menningar-
legs verðmætis þeirra. Fyrir
eru á listanum fjöldi halla,
klaustra, kirkna og jafnvel
heilu borgarhlutarnir.
UNESCO leggur ekki til fjár-
magn til viðhalds á byggingum