Morgunblaðið - 31.08.1995, Síða 1
KNATTSPYRNA
KNATTSPYRNA: VALSMENN FENGU ÞRJÚ DÝRMÆT STIG Á ÓLAFSFIRÐÍ / D3
1995
FIMMTUDAGUR 31. AGUST
BLAD
David Platt í
hnéuppskurð
DAVID Platt, fyrirliði enska landsiiðsins í
knattspyrnu og leikmaður
Arsenal, fer í uppskurð í
dag þar sem gert verður
við slitið brjósk í hægra
hnéi 'nans. Platt missir því
af vináttuleik Englands
og Kólumbíu á Wembley
í næstu viku og að minnsta
kosti tveimur deildarleikj-
um Arsenal.
„Hann [Platt] meiddist
á æfingu fyrir vináttuleik
gegn hiter Milan fyrir þremur vikum,“ sagði
Bruce Rioch framkvæmdastjóri Arsenal, „og
nú munum við missa hann I að minnsta kosti
tvær vikur þó að læknar segi að hann geti
byijað að æfa innan tíu daga.“
Platt fór í skoðun á sunnudaginn og þá upp-
götvaðist að brjóskið væri slitið en Rioch var
sagt af sérfræðingum að Platt gæti spilað. „Þó
að ég hafí verið fullvissaður um að það væri í
lagi að láta Platt spila án þess að meiðslin
ágerðust, er ljóst að hann þarf í uppskurð. Við
verðum að gæta leikmanna okkar,“ sagði Rioch.
Millwall er í
vondum málum
Morgunblaðið/Kristinn
MILLWALL, sem leikur í 1. deild á Englandi er
í slæmum málum vegna þess að stuðningsmað-
ur ór þeirra hópi henti skrúflykli inn á leikvöll-
inn þegar liðið lék við Reading á þriðjudaginn.
Skrúflykillinn, 22 sentimetrar, flaug rétt fram-
hjá höfði Simons Sheppards, markvarðar Read-
ing. „Ég vil ekki hugsa til þess hvað hefði gerst
ef hann hefði hitt í höfuðið á mér. Ég hélt að
stuðningsmenn væru hættir þessu en svo er
víst ekki,“ sagði Sheppard.
„ Við búumst við dómaraskýrslu innan 48
stunda og munum þá ákveða næsta skref í
þessu máli,“ sagði talsmaður enska knatt-
spyrnusambandsins. Millwall vann leikinn en
atvikið hefur eflaust mikla eftirmála, því þó
að ný lög segi að lið missi stigin sín við slíkar
uppákomur, eru einnig líkur á tíu milljón króna
sekt og að félagið verði skikkað til að leika
næstu tvo leiki fyrir luktum dyrum, þ.e.a.s. án
áhorfenda en það kemur við budduna.
Lögreglan segir að skrúflykillinn hafi verið
nýr og honum kastað úr hópi stuðningsmanna
Millwall fyrir aftan mark Readings. „Myndband
af leiknum sýnir aðeins hendi í hópnum kasta
skrúflyklinum og það er mjög erfitt að rekja
hver þetta var,“ sagði Glen Hensham, talsmað-
ur lögreglunnar.
Eyja-
menn
fagna
EYJAMENN
fögnuðu
hverju marki í
Kaplakrika
með tllþrifum,
þegar þeir
lögðu FH 3:1.
Hér fer Martln
Eyjólfsson fyr-
ir félögum sín-
um þegar þeir
fagna þrlðja
marki sínu,
sem Martln
skoraðl.
TUGÞRAUT
Jón Amar til Frakklands
JÓN Arnari Magnússyni tugþraut-
arkappa hefur verið boðið á Deca
Star stórmótið í tugþraut sem
haldið verður í Tallens í Frakk-
landi helgina 16. —17. september
næstkomandi. Mótið er með
öflugustu tugþrautarmótum í
heiminum og má segja að aðeins
Ólympíuleikarnir séu hærra skrif-
aðir en Dan O’Brian setti til dæm-
is heimsmetið ítugþraut á þess-
um móti 1992, þegar hann fékk
8.892 stig.
Jón Arnar keppti á sambærilegu
móti í Göetzes í Austurríki í vor
og hafnaði þar í 5. sæti en á mótið í
Tallens er sextán bestu tugþrautar-
mönnum heims boðið og er Jón Arnar
þar á lista í 10. sæti. Með Jóni fer
þjálfari hans, Gísli Sigurðsson. Að sögn
frjálsíþróttamanna þykir það mikill
heiður að vera boðinn á þetta mót og
markmið allra sem ætla á toppinn.
Jón Arnar og Gísli eru nú að íhuga
að prófa öðruvísi undirbúning en vana-
lega fyrir þrautina, ætla til dæmis
hvíla meira og sjá hvernig það kemur
út fyrir fyrir næsta ár. Sem kunnugt
er meiddist Jón Arnar á heimsmeistara-
mótinu í Gautaborg en meiðslin voru
ekki alvarleg, högg framan á legg sem
stöðvaði kappann af í tvo daga. Hann
hefur æft af kappi undanfarið og á
tugþrautarmóti á Laugarvatni um
helgina hljóp hann 100 metrana á 10,2
sekúndum, sem er undir íslandsmetinu
10,3 er tekið var á handklukku, en
meðvindur mældist of mikill hjá Jóni
Arnari.
„Það var búið að kynda undir hjá
mér í vor þegar mér var sagt að ef
ég næði átta þúsund stigum væri lík-
legt að mér yrði boðið á þetta mót -
og svo kom boðsbréf," sagði Jón Arn-
ar. „Ég ætla að fara og hafa gaman
af, þó að maður geri sitt besta, og vil
ekki gefa neinar yfirlýsingar. Það væri
gaman að bæta íslandsmetið og allt
annað fyrir ofan það er mikill plús.
Ég hef aldrei verið í betra formi svo
að þetta lítur bara vel út,“ sagði Jón
Arnar.