Morgunblaðið - 01.09.1995, Blaðsíða 12

12 FÖSTUDAGUR 1. SEPTEMBER 1995
MORGUNBLAÐIÐ
Listasafnið á Akureyri
Þrjár einkasýn-
ingar opnaðar
LAUGARDAGINN 2. september
opna þrír listamenn sýningar í
Listasafninu á Akureyri. Sýn-
ingamar verða opnaðar kl. 14
og standa til 8. október. Að sögn
Haraldar Inga Haraldssonar for-
stöðumanns Listasafnsins eru
þetta ólíkar sýningar og hann
sagði að þær ættu án efa eftir
að vekja athygli, hver á sinn
hátt.
Aðalsteinn Svanur
í austursal
í austursal sýnir Aðalsteinn
Svanur Sigfússon olíumálverk
máluð á léreft. Aðalsteinn Svan-
ur stundaði nám í Myndlistaskó-
lanum á Akureyri og Myndlista-
og handíðaskóla íslands á árun-
um 1982-1986. Sýningin í Lista-
safninu á Akureyri er 10. einka-
sýning hans og auk þess á hann
fjölda samsýninga að baki.
í formála sýningarskrár er
málverkum Aðalsteins Svans
lýst á þennan hátt: „Þung fjaran
mætir djúpum himni, þau renna
saman í dumban bakgrunn og
úr samneyti þeirra sprettur vera,
að hluta til kona að hluta eng-
ill, endurspeglar eilíflega rof
milli ijörunnar og himinsins -
þó þau sýnist sameinast í miðri
mynd.“
Jónína Guðnadóttir
í miðsal
í miðsal sýnir Jónína Guðna-
dóttir myndverk unnin í leir,
járn, blý, torf, silki og gler. Jón-
ína stundaði nám við Myndlista-
og handíðaskóla Islands og síðan
við Konstfackskolan í Stokk-
hólmi og lauk þaðan námi 1967.
Hún hefur unnið að list sinni
síðan námi lauk og haldið fjölda
sýninga bæði hér heima og er-
lendis. Jónína hefur starfað að
félagsmálum myndlistarmanna
og var m.a. formaður Norræna
myndlistarbandalagsins, fyrst
íslendinga, 1990-93. Þá var hún
fýrsti deildarkennari í keramik-
deild MHÍ.
í hugleiðingu í sýningarskrá
segir Jónína m.a.: „Framan af
vann ég aðallega í leir en með
árunum hafa verk mín þróast á
þann veg að ég hef þurft að
grípa til annarra efna í æ ríkara
mæli.“
Sigtryggoir Bjami
í vestursal
í vestursal sýnir Sigtryggur
Bjami Baldvinsson. Sigtryggur
nam við Myndlista- og handíða-
skóla íslands og Ecole des Arts
Decoratifs í Strasbourg frá
1987-1994.
Á sýningunni eru verk frá síð-
ustu fjórum árum unnin með olíu
á striga. Í verkum þessum mæt-
ast óhlutbundin, sjónræn gildi,
sem að nokkru leyti eru fengin
að láni eða endumýtt frá liðnum
stefnum í málaralist 20. aldar,
og hlutbundnir þættir sem gefa
verkum mun breiðari skírskotun.
í verkunum leitast listamaðurinn
við að sýna fram á fjölþætt eðli
málverksins í andstöðu við púrit-
aníska greiningu og vísindalegt
upp- og niðurbrot málverksins,
sem hefur gengið svo nærri því
síðastliðin ár að það hefur marg-
sinnis verið talið af.
Morgunblaðið/Hilmar T. Harðarson
AÐALSTEINN Svanur Sigfússon og Sigtryggur
Bjarai Baldvinsson við verk sín. Auk þeirra
sýnir Jónína Guðnadóttir í Listasafninu.
AKUREYRI
Morgunblaðið/Hólmfríður Haraldsdóttir
AÐKALLANDI var orðið að lagfæra höfnina í Grímsey.
Hafnarmannvirki í Grímsey lagfærð
Grímsey. Morgunblaðið.
UNDANFARNA daga hefur
verið unnið við að bæta við og
lagfæra hafnarmannvirkin í
Grímsey. Grjótvarnargarðurinn
fyrir framan eldri höfnina var
orðinn illa farinn af sjógangi,
eldri bryggjan var í hættu
vegna þess hve mikið grjót hafði
losnað og farið burt.
Sagðist Þorlákur Sigurðsson
oddviti binda miklar vonir við
þetta verk. „Það má segja að
það hafi verið orðið aðkallandi
að laga eldri mannvirkin. Einn-
ig er verið að lagfæra innri
höfnina, þ.e. nýrri hafnarmann-
virkin, fyrst og fremst það sem
snýr að dokkinni til að verjast
því að flæði inn í hana í ill-
viðrum.“
Er reiknað með að verkinu
Ijúki upp úr helgi og á laugar-
daginn verður byijað að flytja
fyrstu tækin frá eynni en þau
voru flutt hingað með feijunni
Sæfara í þremur ferðum frá
Grenivík.
Það er Völur hf. í Reykjavík
sem annast verkið og verkstjóri
er Halldór Ingólfsson.
Lögreglan á Akureyri
Daníel Guðjónsson ráð
inn yfirlögregluþjónn
í GÆR var gengið frá því í dóms-
málaráðuneytinu hver yrði næsti
yfirlögregluþjónn á Akureyri og var
Daníel Guðjónsson varðstjóri í lög-
reglunni á Húsavík valinn úr hópi
tíu umsækjenda. Nýr yfirlögreglu-
þjónn á að taka við störfum í dag,
1. september.
Fráfarandi yfirlögregluþjónn er
Eriingur Pálmason sem hefur starf-
að í lögreglunni á Akureyri frá
1948. Hann hefur látið af störfum
fyrir aldurs sakir. Umsóknarfrestur
um stöðuna rann út um miðjan júlí
og hefur það dregist mjög í dóms-
málaráðuneytinu að velja úr hópi
umsækjenda. Flestir sem sóttu um
eru starfandi lögreglumenn á Akur-
eyri en einnig komu umsóknir frá
Dalvík, Ólafsfirði, Húsavík og
Reykjavík.
„Það fylgir því bæði tilhlökkun
og viss kvíði að takast á við nýtt
starf en auðvitað leggst vel í mig
að koma til Akureyrar. Fyrirvarinn
er reyndar mjög skammur, aðeins
einn sólarhringur, og va'rla hægt
að búast við því að ég verði kominn
inn í starfið strax á morgun [í
dag],“ sagði Daníel Guðjónsson í
samtali við Morgunblaðið í gær.
Daníel er fæddur í Strandasýslu
árið 1952. Að loknu námi í Hérðas-
skólanum í Reykholti tók hann
stúdentspróf frá Menntaskólanum
í Reykjavík og stundaði síðan nám
í viðskiptafræði við Háskóla Ís-
lands um tveggja ára skeið. Hann
hætti námi 1979, fluttist þá til
Húsavíkur og gekk í lögregluna.
Daníel hefur verið varðstjóri hjá
lögregiunni á Húsavík frá 1982 en
tekur nú við starfi yfirlögreglu-
þjóns á Akureyri.
Ást og friður á Ráðhústorgi
HELGA Björk Jónasardóttir mynd-
listarmaður setti verk sitt Ást og
frið upp á Ráðhústorgi í byrjun
ágústmánaðar. Það myndar hring
um torgið sem er þannig umkringt
ást og friði.
Helga útskrifaðist úr Myndlista-
skólanum á Akureyri síðastliðið vor
eftir 5 ára nám þar og í Myndlista-
og handíðaskóla íslands. Verkið er
síðbúinn hluti af umhverfislista-
verkum Listasumars ’95 á Akur-
eyri. Það mun standa uppi um óá-
kveðinn tíma.
Safnahúsið á Húsavík
Hringur
Jóhannes-
son sýnir
HRINGUR Jóhannesson opnar mál-
verkasýningu í Safnahúsinu á
Húsavík laugardaginn 2. september
kl. 14. Á sýningunni verða rúmlega
30 verk, olíumálverk og pastel-
myndir, allt glæný verk máluð á
þessu sumri.
Hringur er einn af okkar þekkt-
ustu myndlistarmönnum og á um
40 einkasýningar og 60 samsýning-
ar að baki. Verk hans eru í eigu
allra helstu listasafna landsins. Síð-
ast sýndi Hringur á Húsavík 1987.
Sýningin stendur til 10. septem-
ber og verður opin um helgar kl.
14-19 en virka daga kl. 15-19.
----♦ » »
Leiðrétting
VILLA slæddist inn í frétt um
Leikfélag Akureyrar í blaðinu sl.
miðvikudag þegar sagt var að LA
hefði gengið til samstarfs við þijú
áhugaleikfélög um barnasýningar.
Þetta er ekki rétt því Furðuieikhús-
ið og Möguleikhúsið eru atvinnu-
leikhópar og Þjóðleikhúsið að sjálf-
sögðu atvinnuleikhús. Leiðréttist
það hér með.
1 kr.2110,-
innifalin
ílLl
gúdtbækumar em komnar!

Glerárgötu 28 - Akureyri
Áskriftarsími 462 4966