Morgunblaðið - 01.09.1995, Blaðsíða 17
MORGUNBLAÐIÐ
FÖSTUDAGUR 1. SEPTEMBER 1995 17
FRÉTTIR: EVRÓPA
Kjarnorkutilraunir Frakka
Chirac býður ESB
kjamorkuvarnir
París. Reuter.
JACQUES Chirac Frakklandsfor-
seti, bauð í ræðu sem hann hélt í
gær að Frakkar útvíkkuðu kjarn-
orkuvarnarskjöld sinn yfir allt Evr-
ópusambandið.
Ræðuna hélt hann á sendiherra-
fundi í París eftir að ný skoðana-
könnun hafði verið birt sem sýndi
að nú væru um 63% Frakka and-
snúnir kjarnorkutilraununum í S-
Kyrrahafi, sem hefjast eiga á næstu
dögum. Chirac endurtók afneitun
þess að tilraunasprengingarnar á
Mururoa-rifi væru liður í þróun nýrr-
ar tegundar kjarnavopna og lagði
áherzlu á að þær yrðu þær síðustu
sem Frakkar framkvæmdu.
„Við uppbyggingu varna sinna.
gæti Evrópusambandið óskað þess
að fælingarvopn Frakklands ættu
sinn hlut í vörnum Evrópu," sagði
Chirac. „Þegar rétti tíminn til þess
rennur upp, munum við taka þetta
mál upp við bandamenn okkar.“
Þetta var í fyrsta sinn sem hug-
myndin um að útvíkka fælingarvam-
arsvæði Frakklands var orðuð opin-
berlega, en Alain Juppé forsætisráð-
herra hafði minnzt á hana í síðustu
viku. Gagnrýnendur segja hana vera
lítilfjörlega tilraun til að tvístra and-
stöðu við kjarnavopnatilraunirnar.
Sjö aðildarþjóðir ESB hafa hvatt
Chirac til að láta af tilraununum,
sem hafa hleypt af stað öflugri mót-
mælaöldu út um allan heim. Mörg
ríki segja tilraunirnar spilla fyrir
alþjóðlegu átaki til að hindra frekari
útbreiðslu kjarnavopna.
Juppé ávarpaði líka fund sendi-
herranna og sagði að evrópsk sam-
vinna „gæti ekki lengur leitt hjá sér
kjarnorkuhliðina á sameiginlegum
öryggismálum okkar.“ Hann sagði
að utanríkisráðherrann, Hervé de
Charette, og varnarmálaráðherrann,
Charles Millon, hefðu báðir fyrir-
mæli um að koma fram með tillögur
um þetta efni. Samstarf Frakka og
Þjóðverja væri lykilatriði í þessu
sambandi, sem tillögurnar yrðu
byggðar á.
Millon varnarmálaráðherra vildi
ekki nefna dagsetningu fyrstu til-
raunasprengingarinnar, en Frakkar
hafa sagt að þeir hyggist fram-
kvæma 7 eða 8 sprengingar á tíma-
bilinu frá 1. september til 31. maí
á næsta ári.
Kjarnorkusérfræðingar
ESB funda í París
Kjarnorkusérfræðingar ESB ætla
að eiga fund með ráðamönnum í
París í dag, föstudag. Framkvæmda-
stjórn ESB hefur þrýst á að sérfræð-
ingar hennar fái að vera viðstaddir
tilraunirnar í S-Kyrrahafi, en fram
að þessu hafa Frakkar eingöngu vilj-
að leyfa utanaðkomandi sérfræðing-
um að skoða tilraunasvæðið að til-
raununum loknum.
Að sögn heimildamanna innan
framkvæmdastjórnarinnar eru sér-
fræðingar ESB tilbúnir til að skoða
tilraunasvæðið strax í byijun næstu
viku. Fulltrúar ESB í sérfræðinga-
nefndinni hafa þegar verið útnefndir
og munu franskir sérfræðingar fara
með henni. Framkvæmdastjómin
vonast til að nefndin verði komin á
vettvang áður en tilraunirnar hefjast.
FRANSKIR sjóliðar koma aðvörunarboðum frá Philippe Euverte
flotaforingja til skila til chileansks bátseiganda, sem er í hópi hundr-
uða annarra fleyja við Mururoa-rif í þeim tilgangi að mótmæla
kjarnavopnatilraunum Frakka þar.
Bonmo vill flýta
kosningum á Italíu
Brusscl. Reuter.
EMMA Bonino, sem fer með sjávar-
útvegsmál í framkvæmdastjóm Evr-
ópusambandsins, segist vera hlynnt
því að þingkosningum á Ítalíu verði
flýtt þannig að ný stjóm hafi tekið
við áður en ítalir taka við forystunni
í ráðherraráði ESB um áramót.
„Ætlun mín er ekki að skipta mér
af málinu. Ég vil bara lýsa þeirri
skoðun minni að kosningarnar eigi
að fara fram annað hvort áður eða
þá eftir formennsku ítala,“ sagði
Bonino í viðtali. Æskilegra væri að
hennar mati að kosningarnar færa
fram fyrir formennskuna. „Ef við
hefðum kost á því hefðum við þörf
fyrir pólitíska ríkisstjórn."
Lamberto Dini, fyrrum seðla-
bankastjóri, er nú í forsæti embætt-
ismannastjórnar og hefur nýlega
lýst þeirri skoðun sinni að hann vilji
gegna embætti áfram. Framtíð
stjórnar hans ræðst líklega í sept-
ember eða október þegar ljóst er
hvernig tekst að ná fram fjárlögum
en til stendur að skera ríkisútgjöld
niður verulega.
Hann segir nauðsynlegt að
stjórnin sitji áfram meðan á for-
mennsku Ítalíu stendur ef vel eigi
að takast til. Mikilvægt sé að póli-
tískir bandamenn ítala treysti póli-
tískum stöðugleika í landinu. Það
eigi einnig við ef skrá eigi gengi
lírunnar á ný í Gengissamstarfi
Evrópu (ERM).
Helmut Kohl, kanslari Þýska-
lands, gaf greinilega í skyn á fundi
með Dini fyrr í vikunni að hann
væri hlynntur því að stjórnin sæti
áfram. Er það talið styrkja stöðu
Dinis verulega
ÍSFIRÐINGAR ATHUGIÐ!!
FORSÝNINGAR í ÍSAFJARÐARBÍÓ
FÖSTUD. OG LAUGARDAG KL. 9.
SUNNUDAG KL. 11.15.
FORSÝNINGAR UM HELGINA í HÁSKÓLABÍÓI OG REGNBOGANUM:
FÖSTUDAGUR KL. 9.
LAUGARDAGUR KL. 9.
SUNNUDAGUR KL. 9.
FORSALA AÐGÖN GUMIÐA FRÁ KL. 16 ALLA DAGANA
R pn © iS lifcSil
HÁSKÓLABÍÓ
FRUMSÝND 15. SEPT.