Morgunblaðið - 01.09.1995, Blaðsíða 18
18 FÖSTUDAGUR 1. SEPTEMBER 1995
ERLENT
MORGUNBLAÐIÐ
Raunverulegar friðarviðræður í Bosníu taldar mögulegar
Milosevic sakaður um leyni-
samning við Bosníu-Serba
Belgrad. Reuter.
RICHARD Holbrooke, aðstoðarut-
anrikisráðherra Bandaríkjanna,
sagði í gær að raunverulegar við-
ræður um frið í Bosníu gætu haf-
ist innan tíðar, eftir að Slobodan
Milosevic, forseti Serbíu, virtist
hafa tekist að telja Bosníu-Serba
á að fela honum forgöngu um
samninga fyrir þeirra hönd.
Holbrooke hrósaði Milosevic, og
sagði að frumkvæði hans gæti
skipt sköpum. Holbrooke hélt í gær
til Zagreb til fundar við leiðtoga
Króata og Bosníumanna.
Milosevic tilkynnti á miðvikudag
að Bosníu-Serbar hefðu samþykkt
að veita honum neitunarvald yfir
skilmálum friðarsamkomulags sem
sex manna nefnd myndi nú reyna
að ná. Þrír yrðu fulltrúar „lýðveld- ■
is“ Bosníu-Serba.
Stjómarerindrekar fögnuðu til-
kynningunni og sögðu hana benda
til að Bosníu-Serbar væru reiðu-
búnir að fara að vilja Milosevics.
Þó vöruðu þeir við því að framund-
an væru erfiðar viðræður um smá-
atriði samkomulagsins.
Serbneskir stjórnmálamenn
sögðu hinsvegar, að ef til vill væri
ekki allt sem sýndist. Fregnir bár-
Reuter
RADOVAN Karadzic og Slobodan Milosevic ræðast við.
Myndin er frá 1993.
ust um annan, leynilegan þátt
samningsins milli Milosevics og
Bosníu-Serba, sem bendi til að um
sé að ræða málamiðlun fremur en
að forsetinn haf haft yfirhöndina.
Sagt er að Miloseivie hafi orðið
að lofa leiðtogum Bosníu-Serba að
vemda hagsmuni þeirra og tryggja
að tiltekin lágmarksskilyrði verði
uppfylit í samkomulaginu. Bosníu-
stjóm og Króatar muni aldrei fall-
ast á téð skilyrði
Milosevic mun hafa samþykkt
að falast eftir því að Sarajevó
verði skipt, landræma, sem Serbar
ráða í Norður-Bosníu, verði
breikkuð og önnur svæði stækkuð.
Þetta gæti leitt til þess að múslim-
ar yrðu útilokaðir frá svæðinu við
Gorazde.
Serbneskur fréttaskýrandi sagði
að Milosevic myndi reynast erfítt
að fá þessum kröfum Bosníu-Serba
framfylgt.
Dagar Karadzics sagðir taldir
Fréttaskýrandi Newsweek segir
í nýjasta tölublaði tímaritsins að
dagar Radovans Karadzics sem
leiðtoga Bosníu-Serba séu í raun
taldir. Ratko Mladic, yfirmaður
herafla þeirra, sé hinn eiginlegi
leiðtogi.
Karazdic hefur enn titilinn for-
seti og ræður yfir fjölmiðlunum.
En Mladic ráði því sem máli skipti,
það er, 80 þúsund vopnuðum
mönnum sem hafi svarið honum
hollustueið. Auk þess njóti hann
stuðnings Milosevics.
Það sé til marks um hversu veik
staða Karadzics sé orðin að þegar
sáttasemjarar Bandaríkjanna voru
á ferð um Balkanskagann virtu
þeir Karazdic að vettugi, sem og
aðra stjórnmálaleiðtoga í Pale,
höfuðstöðvum Serba í Bosníu.
Leiðtogi
Punjab
drepinn
Chandigarh. Reuter.
ÞRETTÁN manns
biðu bana, þeirra
á meðal Beant
Singh, aðalráð-
herra Punjab-ríkis
á Indlandi, þegar
öflug bílsprengja
sprakk við opin-
bera byggingu í
Chandigarh, höf-
uðstað ríkisins. Beant Singh var
sikhi og hafði verið aðalráðherra
Punjab frá árinu 1992.
Ekki var vitað í gær hverjir
stóðu fyrir sprengjutilræðinu í
gær. Talið er að sprengjunni hafi
verið komið fyrir í bíl Singhs. Auk
ráðherrans létu tveir aðstoðarmenn
hans lífið og fimm hermenn sem
fylgdu honum. 30 manns særðust
í tilræðinu.
Beant Singh
Reuter
GERRY Adams, leiðtogi Sinn Fein, á útifundi í Belfast í tilefni þess að ár er liðið frá
því Irski lýðveldisherinn lýsti yfir vopnahléi.
Þrengingar í Irak
Teppi fyrir mat
Lundúnum. Reuter.
VIÐSKIPTABANN Sameinuðu
þjóðanna á írak er farið að koma
harkalega niður á millistéttar-
fólki og fjölskyldum sem áður
töldust ríkar.
„Hér má sjá fjölmörg dæmi
um annað og meira en efna-
hagsþrengingar — eins og við
sáum í þessu uppboðshúsi, ríkir
jafnt sem fátækir eru að selja
eigur sínar til að eiga fyrir
mat,“ sagði fréttamaður breska
sjónvarpsins Channel Four í
Bagdad.
„Við höfum séð hér millistétt-
arfólk selja teppi til að eignast
peninga fyrir eggjum," bætti
hann við. „Fjölskylduauðurinn
er seldur sölumönnum fyrir
reiðufé."
Fréttamaðurinn hafði enn-
fremur eftir talsmanni Barna-
hjálpar Sameinuðu þjóðanna að
vannæring væri orðin mjög al-
geng í Irak og vaxandi vanda-
mál. Ekki væri auðvelt að meta
hversu mörg börn væru van-
nærð, þar sem fólk hefði ekki
ráð á því að senda þau í sjúkra-
hús.
Saddam hylltur
Þrátt fyrir þetta ástand nýtur
Saddam ennþá fylgis hjá a.m.k.
hluta þjóðarinnar. íraska sjón-
varpið sýndi í gær myndir af
mannsöfnuði í bæ í N-Irak, þar
sem leiðtoginn var hylltur,
Bandaríkjunum bölvað og svik-
urum óskað dauða.
Samningaumleitanir um Norður-Irland
Reynt að binda
enda á þráteflið
London. Reuter.
BRETAR og írar minntust þess í gær
að ár er liðið frá því írski Iýðveldis-
herinn (IRA) lýsti yfir vopnahléi og
þeir sögðust vera að íhuga að stofna
alþjóðlega nefnd til að fylgjast með
afvopnun IRA í því skyni að binda
enda á þráteflið í tilraunum til að
koma á friði á Norður-írlandi. For-
ystumenn Sinn Fein, stjómmálaarms
IRA, tóku þeirri hugmynd fálega.
Irski lýðveldisherinn hefur neitað
að láta vopn sín af hendi nema Sinn
Fein verði boðið til viðræðna um fram-
tíð Norður-lrlands. Breska stjórnin
hefur hins vegar neitað að bjóða
flokknum til viðræðnanna nema IRA
afvopnist. Deilan hefur orðið til þess
að hvorki hefur gengið né rekið í
friðarumleitununum í hálft ár.
John Bruton, forsætisráðherra ír-
lands, og Sir Patrick Mayhew, sem
fer með málefni Norður-írlands í
bresku stjórninni, sögðust vongóðir
um að samkomulag næðist um
nefndina á fundi Brutons og Johns
Majors, forsætisráðherra Bretlands,
á miðvikudag.
Gerry Adams, leiðtogi Sinn Fein,
sagði hins vegar á blaðamannafundi
í Belfast að breska stjórnin hefði
þegar eyðilagt þá hugmynd með
ummælum sem hann teldi sýna að
„breska stjórnin liti á alþjóðlegu
nefndina sem leið til að knýja fram
uppgjöf IRA“. Hann sagði að Sinn
Fein væri andvígt einhliða afvopnun
Irska lýðveldishersins.
Tíu farast
í sprengju-
tilræði
BÍLSPRENGJA sprakk í Als-
írborg í gær, sem banaði 10
manns og særði 15, sam-
kvæmt upplýsingum alsírska
ríkisútvarpsins. Enginn lýsti
tilræðinu á hendur sér, en
íslamskir bókstafstrúarmenn
hafa framið mörg svipuð til-
ræði á undanförnum vikum.
Þeir hafa að sögn með því
verið að mótmæla forseta-
kosningum, sem eiga að fara
fram í landinu í nóvember nk.
Nazarbayev
vinnur stórt
NURSULTAN Nazarbayev,
forseti Kazakhstans, vann
mikinn sigur í þjóðarat-
kvæðagreiðslu, þar sem kosið
var um stjórnarskrárbreyt-
ingar, sem veita forsetanum
verulega aukin völd og gera
eiga honum kleift að koma
umbótááætlunum sínum í
framkvæmd. Samkvæmt
bráðabirgðaniðurstöðum,
sem birtar voru í gær, gáfu
89% Kazakhstanbúa stjórnar-
skrárbreytingunum sam-
þykki sitt. Kjörsókn var um
90%.
Leeson
yfirheyrður
YFIRHEYRSLUR brezkra
rannsakenda gjaldþrots Bar-
ings-banka yfir Nick Leeson,
hinum fyrrverandi starfs-
manni bankans í Singapore
sem kom honum á hausinn
með spákaupmennsku sinni,
standa nú yfir. Yfirheyrslun-
um átti að ljúka í dag, föstu-
dag, en að sögn lögfræðings
Leesons munu þær að líkind-
um standa fram eftir næstu
viku.
*
Israelar reið-
ir Egyptum
ÍSRAEL brást ókvæða við
fréttum í egypsku dagblaði
þess efnis, að sendiherra ísra-
els í Egyptalandi hefði morð
á egypskum stríðsföngum úr
liðnum stríðum landanna á
samvizkunni. Fréttin er síð-
asta viðbótin við milliríkja-
deilu ísraels og Egyptalands
vegna meintra morða á
stríðsföngum beggja aðila í
stríðunum við botn Miðjarð-
arhafs 1956, 1967 og 1973.
Carcia lézt úr
hjartaslagi
SAMKVÆMT krufnings-
skýrslu, sem birt var á mið-
vikudag, var dánarorsök
rokkgoðsins Jerry Garcia
hjartaáfall en ekki of stór
skammtur af heróíni, eins og
getum var leitt að í fyrstu.
Mannskætt
námuslys
ELLEFU námumenn fórust í
gærmorgun þegar sprenging
varð í kolanámu nærri Mieres
á N-Spáni. Einum verka-
manni var bjargað.