Morgunblaðið - 08.09.1995, Blaðsíða 19
MORGUNBLAÐIÐ
FÖSTUDAGUR 8. SEPTEMBER 1995 19
ERLEMT
Herinn setur mark sitt á
kosningabaráttuna í Rússlandi
Hershöfðingi
í flokk með
þj óðernissinnum
VINSÆLASTI hershöfðingi Rúss-
lands, Alexander Lebed, skildi her-
búninginn eftir heima og klæddist
jakkafötum með bindi þegar hann
tilkynnti á mánudag að hann hefði
gengið til liðs við þjóðernissinna sem
stefna að sigri í þingkosningunum í
desember.
Lebed er hálffimmtugur og róm-
dimmur mælskumaður, með andlit
sem þykir líkjast bolabít, hundakyni
sem er orðlagt fyrir kjark og seiglu.
Hann er þekktasti frambjóðandinn í
flokki Júrís Skokovs, Ráðstefnu rúss-
neskra samfélaga. Skokov var einn
af ráðgjöfum Borís Jeltsíns þar til
úfar risu með þeim árið 1993. Hann
er nú einn af höfuðandstæðingum
forsetans og nýtur öflugs stuðnings
nokkurra stórfyrirtækja.
Fréttaskýrendur telja að lýðhylli
Lebeds og tengsl Skokovs við stór-
fyrirtækin geti tryggt flokknum mik-
ið fylgi meðal Rússa sem minnast
þess með ljúfsárum söknuði þegar
Rússland var óvefengjanlega stór-
veldi.
Hermt er að rithöfundurinn og
nóbelsverðlaunahafínn Alexander
Solzhenítsyn hafí gerst ráðgjafi
flokksins.
„Útþenslustefna“ NATO
gagnrýnd
Forystumenn flokksins efndu til
blaðamannafundar á mánudag og
gagnrýndu hreyfingu Viktors
Tsjemomyrdíns forsætisráðherra.
Þeir sökuðu stjórn hans um að stuðla
að spillingu í þjóðfélaginu, sóun auð-
linda Rússlands, auðmýkingu Rússa
í öðrum löndum Sovétríkjanna sálugu
og blóðsúthellingunum í Tsjetsjníju.
Lebed var þó enn þyngri á brún
þegar talið barst að Atlantshafs-
bandalaginu (NATO) og loftárásun-
um á Bosníu-Serba.
„Nú þegar Sovétríkin eru ekki
lengur til steytir NATO hnefann
framan í Rússá, vegna þess að annar
óvinur er ekki fyrir
hendi,“ sagði
hann. „Sú ástríða
NATO að þenjast
út og einoka ör-
yggismál alls
heimsins getur að-
eins leitt til eins -
að Rússar taki sig
til, einhvern tíma
þegar fram líða stundir, og rifti öllum
fyrri samningum og taki upp þá
stefnu að halda NATO í skefjum."
Lofsamaði
Pinochet
Lebed tók þátt í stríðinu í Afgan-
istan og varð landsþekktur þegar
hann stjórnaði hersveitum Rússa í
Moldovu árið 1992. Hann fór ekki
dult með skoðanir sínar á málefnum
Rússlands og olli uppnámi innan
hersins þegar hann lofsamaði Aug-
usto Pinochet, fyrrverandi einræðis-
herra Chile, fyrir að „þagga niður í
hávaðaseggjum" og koma á lögum
og reglu í landinu.
Lebed var vinsæll meðal hermanna
sinna og óragur við að gagnrýna
yfirstjóm hersins og Jeltsín forseta,
einkum vegna hernaðaraðgerðanna
í Tsjetsjníju. Hann sagði af sér í vor
þegar herinn ákVað að skerða völd
hans.
Nánast allir flokkar Rússlands
státa nú af hershöfðingjum en enginn
þeirra er jafn þekktur og Lebed.
Talið er að hann bjóði sig fram í
forsetakosningunum á næsta ári og
samkvæmt nýlegum könnunum er
hann vinsælli en aðrir líklegir fram-
bjóðendur. Þegar fólk var spurt í
einni könnuninni um helstu kosti
Lebeds var viðkvæðið: „Hann getur
komið reglu á hlutina."
Lebed hefur hins vegar litla
reynslu af stjórnmálum og mörgum
Rússum hrýs hugur við karl-
mennskudýrkun hans og hermann-
legri framgöngu.
HLUTHAFAFUNDUR
í HLUTABRÉFASJÓÐI VÍB HF.
Hluthafafundur verður haldinn í Hlutabréfasjóði VÍB hf.
þriðjudaginn 10. október nk. og hefst hann kl. 16:00.
Fundarstaður: Hótel Saga, Ársalur, 2. hæð.
Dagskrá:
l.Tillaga um samruna félagsins við Hlutabréfasjóðinn hf.
Samrunaáætlun ásamt þeim gögnum sem um getur í 5. mgr. 124 gr. hlutafélagalaganna liggja
frammi á skrifstofu félagsins að Ármúla 13a, Reykjavík.
Stjómin
VlB
VFRÐBRÉFAMARKAÐUR ÍSLANDSBANKA HF.
• Aðili að Verðbréfaþingi íslands •
Ártnúla I ia, 155 Reykjavik. Simi: 560-8900. Mytidsendir: 560-8910.
HLUTHAFAFUNDUR
í HLUTABRÉFASJÓÐNUM HF.
Hluthafafundur verður haldinn í Hlutabréfasjóðnum hf.
þriðjudaginn 10. október nk. og hefst hann kl. 17:00.
Fundarstaður: Hótel Saga, Ársalur, 2. hæð.
Dagskrá:
1. Tillaga um samruna Hlutabréfasjóðs VIB hf. og félagsins.
2. Tillögur til breytinga á samþykktum félagsins.
3. Kosning nýrrar stjórnar.
Samrunaáœtlun ásamt þeim gögnum sem um getur í 5. mgr. 124 gr. hlutafélagalaganna og tillögur
til breytinga á samþykktum félagsins liggja frammi á skrifstofu félagsins að Skólavörðustig 12,
Reykjavík. Lagt er til að ákvœði samþykkta félagsins um heimilisfang þess breytist og að upp i
samþykktir verði tekin ákvæði um kosningu 2ja varamanna i stjóm félagsins.
Stjómin
Hlutabréfasjóðurinn hf.
Skólavörðustíg 12, 101 Reykjavík. Sími: 552-1677. Myndsendir: 552-1033.
Ber sakir á
Alsírsher
Brussel. Reuter.
KUNNUR, franskur lögfræðingur,
Jacques Verges, sakaði í gær herinn
í Alsír um að standa að baki
sprengjutilræðunum í Frakklandi
að undanförnu. Verges er einn af
veijendum alsírsks öfgatrúar-
manns, sem nú er fyrir rétti í Belg-
íu.
„Ég tel, að sérsveitir alsírska
hersins eigi'sök á sprengjutilræð-
unum,“ sagði Verges þegar hann
talaði máli skjólstæðings síns,
Ahmeds Zaouis, en hann er sakaður
um að hafa sprengiefni í fórum sín-
um.
Zaoui er einn af 13 sakborning-
um, sem allir eru taldir félagar í
GIA, samtökum bókstafstrúar-
manna í Alsír. Berjast þau blóugri
baráttu gegn stjórnvöldum í landinu
og eru grunuð um að bera ábyrgð
á hermdárverkunum í Frakklandi
að undanförnu.
■
wHsr
fimmtud. -sunnud.
TÁÁHuirieistari:
Borðapantaninr í síma 568 9686
Snyrtilegur klæðnaður.
vwvvvwv v v y y
yyyyyyyyyy
yyyyyy