Morgunblaðið - 10.09.1995, Blaðsíða 24

24 SUNNUDAGUR 10. SEPTEMBER 1995
MORGUNBLAÐIÐ
KVIKMYNDIR/Laugarásbíó er fyrst kvikmyndahúsa í heiminum til að frumsýna banda-
rísku ævintýramyndina Víkingasögu, sem tekin var hér á landi í fyrravor. Fjölmargir
íslenskir leikarar koma við sögu í myndinni. Leikstjóri er kvikmyndatökumaðurinn heims-
kunni Michael Chapman en í aðalhlutverkum eru Ralph Moeller, Sven-Ole Thorsen,
Ingibjörg Stefánsdóttir, Hinrik Olafsson og Rúrik Haraldsson.
Kjartan og Guðrún
í Hollywood
ANDSTÆÐINGAR Kjartans kemba ekki hærurnar.
GUÐRÚN og Kjartan eiga innilegar stundir í óspilltri ís-
lenskri náttúru. Ef að er gáð sést að Ralph Moeller gætir sið-
semi í klæðaburði fyrir framan kvikmyndavélarnar.
HINIR bandarísku framleið-
endur Víkingasögu segja í
kynningum að myndin sé byggð
á íslendingasögunum. Myndin
gerist á íslandi og nöfn söguhetj-
anna láta kunnuglega í eyrum.
Þær heita Kjartan, Guðrún og
Bolli; Ketill, og Hrútur. Þar eru
líka Mörður og Valgarður, Aust-
maður sem heitir Gunnar og lög-
sögumaður sem heitir Magnús.
En það er ljóst að íslendingasög-
umar hafa ekki hrokkið til að
svala þeim metnaði kvikmynda-
gerðarmannanna að segja
rómantíska og spennandi sögu
um ástir, örlög og blóðhefndir.
Þess vegna hafa þeir sjálfir bætt
um betur - eða þannig. Útkoman
verður eins konar sýnishornasafn
úr íslendingasögunum (The Best
of the Sagas!). Handrit myndar-
innar hefur Paul R. Gurian skrif-
að eftir frumsamdri sögu leik-
stjórans Michael Chapmans.
Sagan gerist á íslandi árið 900
og hefst þegar Kjartan, allra
manna vænstur og fríðastur,
(Ralph Moeller) hlúir að særðum
föður sínum, Valgarði, alvaldi
íslands. Valgarður hefur orðið
að lúta í lægra haldi fyrir Katli
(Hinrik Ólafsson) sem hefur
handtekið feðgana og undirbýr
nú aftöku þeirra. Valgarður fær
ekki umflúið örlög sín en Kjartan
nær að bjarga sér með því að
renna sér fótskriðu og stökkva í
skjól á þann hátt að Kári og
Skarphéðinn hefðu verið full-
sæmdir af. Hann hefur með sér
á flóttanum sverð Valgarðs,
annálað vopn og kynngimagnað.
Kjartan sver þess dýran eið að
hefna föður síns. Jafnframt skal
að þvi stefnt að frelsa þjóðina
undan erlendu valdi sem á hana
hetjar.
Eftir miklar hrakningar á sjó
er Kjartan nær dauða en lífí þeg-
ar hann rekur á fjörur Magnúsar
lagabætis (Rúrik Haraldsson).
Magnús fer með piltinn heim til
sín og hlúir þar að honum. Þar
vaknar Kjartan til lífsins á ný
og sér fyrsta allra Guðrúnu (Ingi-
björg Stefánsdóttir), 18 ára dótt-
ur Magnúsar. Guðrún var kvenna
vænst er upp óxu á íslandi en
Ketill hefur nú látið þau feðgin
sæta afarkostum og þess vegna
er Guðrún nauðug í þann veginn
að ganga að eiga Mörð, frænda
Ketils.
Kjartan sækir brúðkaupið á
laun og skorar brúðgumann á
hólm. Hörðum bardaga virðist í
þann veginn að Ijúka með ósigri
Kjartans þegar hinn mikli kappi
Gunnar Austmaður er kynntur
til sögunnar. Hann birtist eins
og þjófur á nóttu og bjargar lífí
Kjartans. Mörður liggur dauður
eftir en Kjartan og Gunnar leggja
á flótta. Uppgjörið við Ketil er
óumflýjanlegt en Kjartan og
Guðrún fella hugi saman og taka
upp samband á laun.
Aðstandendur Víkingasögu
eru margreyndir kvikmynda-
gerðarmenn úr Hollywood en
myndin verður þó seint talin í
flokki stórmynda á þeim bæ þótt
hún sé dýrust kvikmynda sem
teknar hafa verið upp hér á landi.
Hins vegar er ekki ólíklegt að
hún öðlist orðspor í þeim vaxandi
hópi sem er áhugasamur um
gjörvallt litróf kvikmyndaheims-
ins, allt frá Ed Wood til Martin
Scorsese.
Leikstjórinn Michael Chapman
hefur áður leikstýrt myndunum
All the Right Moves með Tom
Cruise og The Clan of the Cave
Bear með Darryl Hannah í aðal-
hlutverki. Hann er hins vegar í
essinu sínu sem frábær kvik-
myndatökumaður og þrautreynd-
ur og eftirsóttur samstarfsmaður
leikstjóra á borð Martin Scorsese.
Chapman stýrði myndatökum
í Taxi Driver og Raging Bull.
Fyrir þátt sinn í þeirri síðar-
nefndu var hann tilnefndur til
óskarsverðlauna og einnig í hitt-
eðfyrra fyrir myndatökuna í The
Fugitive, þar sem Harrison Ford
og Tommy Lee Jones voru í aðal-
hlutverkum.
Chapman komst að sögn í
kynni við íslendingasögurnar á
unga aldri og hefur víst lengi
gengið með þann draum að búa
til kvikmynd sem byggi á þeim.
Hann var alitaf þeirrar skoðunar
að í íslendingasögunum byggi
frábært efni í spennandi þasar-
mynd sem væri trú anda íslend-
ingasagna án þess að vera bund-
in á klafa reikuls söguþráðar
þeirra, eins og listamaðurinn hef-
ur sjálfur komist að orði.
Ghapman er höfundur hins
frumsamda söguþráðar í Vík-
ingasögu en Paul R. Gurian, sem
jafnframt er framleiðandi mynd-
arinnar er skráður höfundur
handritsins. Gurian mun vera
höfundur sögunnar sem mynd
Francis Ford Coppolas, Peggy
Sué Got Married, var gerð eftir.
íslenskar kvikmyndastjömur
eru eins og fyrr sagði í mörgum
stærstu hlutverkum myndarinn-
ar. Ingibjörg Stefánsdóttir fer
með þriðja stærsta hlutverkið í
myndinni og leikur Guðrúnu.
Hinrik Ólafsson leikur Ketil. Rú-
rik Haraldsson leikur Magnús,
föður Guðrúnar. Meðal annarra
íslendinga sem fara með hlutverk
í myndinni má nefna Egil Ólafs-
son, Magnús Ólafsson, Gunnar,
Eyjólfsson, Magnús Jónsson og
Margréti Helgu Jóhannsdóttur.
Kunnastur leikara myndarinn-
ar utan íslands er Sven-Ole
Thorsen, danskur vaxtarræktar-
meistari, kraftlyftingamaður
með svarta beltið í karate. Á ferli
sínum hefur hann ellefu sinnum
fallið fyrir hendi Arnold
Schwarzenegger í kvikmyndum
á borð við Conan the Barbarian
og Red Heat. Að auki hefur hann
leikið smáhlutverk í Lethal We-
apon, The Hunt for Red October
og fleiri myndum. Hlutverk
Gunnars Austmanns í Víkinga-
sögu er líklega stærsta kvik-
myndahlutverk Danans til þessa.
í aðalhlutverkinu er annað
vöðvafjall, Þjóðveijinn Ralph
Moeller, tvöfaldur heimsmeistari
í vaxtarrækt og fyrrverandi hr.
alheimur. Hann lék m.a. smáhlut-
verk í mynd Jean Claude Van
Damme, Universal Soldier. Aðal-
hlutverkið í Víkingasögu er lang-
stærsta hlutverk Moellers til
þessa.
Kvikmyndatökur fóru fram í
fyrravor og fyrrasumar og stóðu
m.a. í einar átta vikur yfír hér á
landi, bæði í Reykjavík og í
grennd við Vík í Mýrdal þar sem
hópurinn bjó. Þess vegna eru það
ekki aðeins íslenskir leikarar og
„endurbættar“ íslendingasögur
sem gegna stóru hlutverki í Vík-
ingasögu heldur ekki síður óspillt
íslenskt landslag og veðurfar.
„Best of“ Islend-
ingasagnanna
VÍKINGASAGA, ný víkinga-
mynd í leikstjórn Micha-
els Chapmans sem tekin var við
Vík í Mýrdal, var frumsýnd í
Laugarásbíói síðastliðinn föstu-
dag. Hinrik Ólafsson leikur
stórt hlutverk í myndinni.
Blaðamaður Morgunblaðsins
sló á þráðinn til hans og forvitn-
aðist um hlut hans í þessari
bandarísku mynd.
Hvernig kom það til að þú
fékkst hlutverk í Víkingasögu?
„Ég var kallaður í prufu og
átti að visu að leika lítið hlut-
verk, en þeir buðu mér stærra
hlutverk, sem ég að sjálfsögðu
þáði. Ég leik Ketil, semmá
segja að sé vondi maðurinn I
myndinni," segir Hinrik.
Hinrik segir það hafa verið
gífurlega lífsreynslu að leika í
myndinni þar sem aðstæðurnar
og umbúnaðurinn hafí ekki ver-
ið líkt því sem íslenskir leikarar
eigi að venjast. Það hafí verið
tvær til þijár myndavélar á
tökustað. Þetta séu aðstæður
sem alla leikara dreymi um að
vinna við. „Svo er líka stórkost-
legt að vinna með þessum frá-
bæru mönnum, eins og Chap-
man. Hann hefur unnið með
öllum helstu kvikmyndamógúl-
um heimsins og er nyög fær,“
segir Hinrik. Leikarar myndar-
innar eru frá öllum heimshorn-
um og „margt nyög fært fólk“.
„Munurinn á að leika í þess-
ari mynd og islenskum mynd-
um er gríðarlega mikill. Þetta
er annars vegar eins og að
vinna í verksmiðju og hins veg-
ar í litlu fyrirtæki. Þetta er
KETILL (Hinrik Ólafsson) kemur aftan að Kjartani (Richard
Moeller) með sverðið brugðið.
miklu meiri iðnaður þarna úti
og maður finnur fyrir því.“
Er myndinni dreift víða? „Ég
veit að Japanir hafa mikinn
áhuga á henni, enda er þetta
svona harakiri-mynd. Einnig
veit ég að henni verður dreift
um Þýskaland, auk þess sem
hún fer væntanlega á mynd-
bandamarkaðinn í Bandaríkj-
unum.“
Egill bróðir þinn leikur í
myndinni. Eruð þið eitthvað í
sömu atriðunum? „Nei. Hann
leikur lika skúrk. Við erum í
bandalagi. Ég leik eiganda
helmings íslands sem á í valda-
baráttu við góða manninn í
myndinni. Egill leikur útsend-
ara sem sendur er út til að
njósna um góða manninn. Hann
hlýtur vond ðrlög þegar hann
kemur að góða manninum í
samförum við unga stúlku.
Hann fær exi í hausinn að göml-
um víkingasið."
Er myndin sambærileg vík-
ingamyndum íslenskra leik-
stjóra á borð við Hrafn Gunn-
laugsson? „Nei, þetta er meira
á ameríska vegu. Ég held að
íslendingar komi til með að
hlæja á hádramatískum augna-
blikum í myndinni. Það má eig-
inlega segja að þetta sé vestri
í nýjum búningi, eins konar
„best of“ íslendingasagnanna.
Sérhannað fyrir Ameríkana
sem nenna ekki að lesa allar
sögurnar.
En það er merkilegt með
Michael Chapman að hann hef-
ur kynnt sér íslendingasögurn-
ar mjög vel og eflaust betur
en flestir aðrir Bandarikja-
menn. Hann sótti fyrirlestra um
íslendingasögurnar til margra
ára í háskóla f Kaliforníu. Það
hefur alla tíð vcrið draumur
hans að gera mynd upp úr
þeim,“ segir Hinrik, sem ekki
hafði íslendingasögu i endan-
legri mynd þegar viðtalið var
tekið síðastliðinn fimmtudag.