Morgunblaðið - 10.09.1995, Blaðsíða 38
38 SUNNUDAGUR 3. SEPTEMBER 1995
MORGUNBLAÐIÐ
jRis>y@iB©Ma&i!ö
BRÉF
TIL BLAÐSINS
Dýraglens
Kringlan 1103 Reykjavík • Sími 5691100 • Símbréf 569 1329
Bætum framtíð
Perthes-sjúklinga
Frá Halldóru Björk Óskarsdóttur:
SÚ ÞÖGN sem verið hefur varð-
andi Perthes-sjúkdóminn og af-
leiðingar hans varð til þess að
ákveðið hefur verið að stofna sam-
tök áhugafólks um sjúkdóminn.
Vitað er að í flestum tilfellum
þarf að grípa til skurðaðgerða, ef
ekki á barns aldri
sjúklinganna þá á
efri árum. Sjúk-
dómurinn er
langvinnur og
getur haft víðtæk
áhrif á getu ein-
staklingsins til að
fóta sig í samfé-
laginu.
Hér skal tekið
eitt dæmi: „Hann
er sjö ára gamall
þegar hann kvartar um verk í
vinstra hné. Útkoman úr læknis-
skoðun er sú að þetta séu vaxtar-
verkir, en þeir fara versnandi.
Þegar hann er 19 ára leitar hann
til annars læknis sem skoðar hnéð
og sendir hann áfram til þess
þriðja sem rannsakar hnéð. Sá
kemst að þeirri niðurstöðu að fjar-
lægja þurfi bijósk úr hnénu og
þá muni þetta lagast. Aðgerðin
ber engan árangur, nema síður sé.
Halldóra B.
Óskarsdóttir
Greining
22 ára er hann sendur í aðra
myndatöku á hnénu. Fyrir tilviljun
hittir hann lækni sem spyr hvort
ekki sé búið að taka mynd af
mjöðminni, en svo var ekki.
Læknirinn sér til þess að hún er
tekin og þá kemur í ljós að hann
er með Perthes-sjúkdóm. Grein-
ingin tók 15 ár og þá fyrst kemst
hann til sérfræðings í bæklunar-
lækningum sem útskýrir fyrir hon-
um að blóðsteymi til mjaðmarliðar-
ins hafí stöðvast á árum áður.
Þegar blóðsteymið hafí komist aft-
ur á hafi liðurinn verið orðinn af-
lagaður. Hann hefur mikla verki
og ekki er um annað að ræða en
en að setja gervilið í mjöðmina.
Hann er þó talinn of ungur fyrir
þá aðgerð og því er ákveðið að
bíða með hana, en hann er undir
stöðugu eftirliti. Þegar hann er
þrítugur er hann orðinn mjög
slæmur og ákveðið er að gera til-
raun með að saga sundur lærlegg-
inn og snúa liðnum þannig að
annar slitflötur myndist. Ári síðar
eru skrúfur og vinkill fjarlægð úr
leggnum. Þegar hann er um fer-
tugt eru kvalirnar orðnar óbæri-
legar og ákveðið er að setja gervil-
ið í vinstri mjöðm. Ári seinna er
sama aðgerð gerð á hægri mjöðm.
Líðan hans er þokkaleg nú, sex
árum síðar.“
Stórt átak
Út frá samtölum mínum við
foreldra Perthes-veikra barna og
Perthes-einstaklinga á fullorðinsá-
rum merki ég litlar breytingar til
batnaðar. Þá tek ég mið af reynslu
minni varðandi son minn sem
greindur var með sjúkdóminn fyrir
rúmlega tíu árum. Sem betur fer
eigum við þó góða og færa
bæklunarsérfræðinga og sumir
Perthes-sjúklingar hafa verið svo
lánsamir að komast strax í þeirra
umsjá.
Það þarf stórt átak og samstillt-;
an sterkan hóp til að bæta fram-
tíð þessara einstaklinga. Eg hvet
alla þá sem þetta mál varðar, svo
og einnig þá sem áhuga hafa á
að aðstoða okkur í átaki til betri
framtíðar fyrir Perthesrsjúklinga,
að fjölmenna á stofnfund samtak-
anna 25. september næstkomandi.
Fundurinn verður nánar auglýstur
siðar. Einnig minni ég á símanúm-
er samtakanna, 588-5220, eftir
klukkan 20.
HALLDÓRA B. ÓSKARSDÓTTIR,
móðir pilts með Perthes-sjúkdóm.
Ferdinand
líg heyrði sléttuúlfa góla aftur Það var óhugnanlegt. Hvað með hundinn þinn? Eg var undir sæng-
í gærkvöldi, Kalli Bjarna... AJdrei heyrði ég neitt... inni...
Allt efni sem birtist í Morgunblaðinu og Lesbók verður framvegis varðveitt i
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.
Skylmingafélag Reykjavíkun ^
I Áskorun tii þín
Komdu til liðs við
I okkur hjá Skylminga-
félagi Reykjavíkur.
Lið félagsins er nú efst í
stigakeppni Norður- og
Eystrasaltslanda.
p Námskeið í skylmingum fyrir
alla aldurshópa hefjast
— þriðjudaginn 12. september
kl. 19.00 í íþróttahúsinu
Túngötu 29. Reykjavik.
I Leiðbeinandi; Nikolay Mateev.
Æfingar á þriðjudögum og
fimmtudögum kl. 19.00.
Upplýsingar gefa:
Guðríður Ásgeirsdóttir, hs. 562-4849
vs. 566-6300
Ragnar Ingi Sigurðsson, hs. 562-9327
vs. 551-2012
Haukur Ingason, hs. 554-4247