Morgunblaðið - 10.09.1995, Blaðsíða 39

MORGUNBLAÐIÐ
SUNNUDAGUR 3. SEPTEMBER 1995 39
BRÉF TIL BLAÐSIIMS
Stöðuveiting yfirlög-
regluþjóns á Akureyri
Frá Bjarna Bjarnasyni:
HVENÆR rennur sú stund upp á
lífsleiðinni að maður getur ekki með
nokkru móti sætt sig við orðinn hlut,
en verður að koma hugsunum sínum
á framfæri? Það hlýtur að vera stund
mikillar geðshræringar, gleði eða
sorgar. Fyrir mig sem verið hefur
einn eindregnasti stuðnings- og
styrktaraðili Sjálfstæðisflokksins í
áratugi, var 31. ágúst sl. mikill sorg-
ardagur. Kannski ekki fyrir mig per-
sónulega, heldur frekar fyrir flokkinn
minn og okkur öll flokkssystkinin hér
á Akureyri. Hvernig má það vera að
eitt okkar sem valist hefur í háa
ábyrgðarstöðu skuli geta lagst eins
lágt og raun ber vitni við veitingu í
stöðu yfirlögregluþjóns á Akureyri?
Hér á ég að sjálfsögðu við Þorstein
Pálsson dómsmálaráðherra, sem
gekk gegn vilja umsagnaraðila og
framhjá að flestra mati hæfasta
umsækjandanum um stöðuna, Olafi
Ásgeirssyni settum yfirlögregluþjóni.
Afstaða sýslumanns
Ekki rennur mig í grun hveijar
röksemdafærslur ráðherra eru fyrir
stöðuveitingunni, en hann veitti stöð-
una Daníel Guðjónssyni lögregluvarð-
stjóra á Húsavík, sem starfað hefur
sem lögregluþjónn í 16 ár. Auk náms
í lögregluskólanum hefur Daníel
stúdentspróf auk tveggja vetra náms
í viðskiptafræði. Sá umsækjenda sem
umsagnaraðilinn, sýslumaðurinn á
Akureyri, mælti með í starfið var
Ólafur Ásgeirsson settur yfirlög-
regluþjónn. Ólafur hóf starfsferil sinn
innan lögreglunnar 1964, þá 18 ára
að aldri. Auk náms við iögregluskól-
ann hefur Ólafur sótt fjölda nám-
skeiða vegna starfans hér heima og
erlendis. Um áramótin 1980/81 var
Ólafur skipaður aðstoðaryfirlögreglu-
þjónn og starfi yfírlögregluþjóns hef-
ur hann gegnt frá því Erlingur
Pálmason lét af því starfi, þar til nú.
Flestir bæjarbúar þekkja vel til Ólafs
Ásgeirssonar vegna starfa hans í lög-
reglunni, auk starfa hans að skáta-
og íþróttamálum, en hann er sönn
fyrirmynd ungu fólki, reglumaður í
alla staði.
Sýslumaðurinn á Akureyri, sem
mælti með því að Ólafi yrði veitt
staðan, hafði starfað með honum
innan lögreglunnar í 15 ár, og átti
því að vera fyllilega dómbær á hæfni
hans til starfans, en samanlagður
starfsferill Ólafs sem lögreglumanns
er 31 ár. Þá er mér ekki kunnugt
um annað en að Ólafur naut stuðn-
ings og trausts allra sinna sam-
starfsmanna til starfans.
Það fer ekki hjá því að maður
spyiji, „njóta menn ekki sannmælis
nema vera samflokksmenn ráð-
herra“, eða lágu einhveijar aðrar
ástæður að baki því að gengið var
fram hjá Ólafi?
Vitjunartími
Stundum freistast maður til að
halda að stjórnmálamenn skilji ekki
sinn vitjunartíma nema rétt fyrir
kosningar. Þess utan telja þeir sig
geta hagað sér að vild og komist upp
með hvaða heimskupör sem er, at-
hugasemdalaust. Þannig er að sjá
sem Þorsteinn Pálsson hafi lítið lært
af þeim hremmingum sem hann hef-
ur gengið í gegnum á sínum pólitíska
ferli, þeim síðustu í sínu eigin kjör-
dæmi, þar sem flokkurinn klofnaði
fyrir hans tilstilli að sagt er. Hvað
kemur honum til að efna til óvina-
fagnaðar noi'ður á Akureyri? Varla
er umrædd ákvörðun að undirlagi
þingmanna okkar eða bæjarfulltrúa,
eða leitaði hann kannski ekki eftir
áliti þeirra eða annarra trúnaðar-
manna flokksins í bænum?
Eitt er það í þessu máli sem kem-
ur mjög undarlega fyrir sjónir, en
það er sá langi tími sem ráðherrann
gaf sér til að skipa í stöðuna. Um-
sóknarfresturinn rann út um miðjan
júlímánuð, en ráðherrann veitir stöð-
una 31. ágúst sl., deginum áður en
viðkomandi átti að hefja störf. Það
leitar óneitanlega á menn sá grunur
að ráðherrann hafi undir niðri vitað
að hann væri að gera rangt, en ver-
ið ákveðinn í að framkvæma rang-
læti hvað sem tautaði og raulaði
undir slagorði stjórnmálanna; „sið-
laust en löglegt".
Misbeiting
Á undanförnum dögum á ferðum
mínum um bæinn hefí ég rætt um-
rædda stöðuveitingu við fjöldann
allan af vinum mínum og kunningj-
um, auk flokkssystkina. Engan hefí
ég hitt sem varið hefur ákvörðun
ráðherra, flestir raunar undrandi og
reiðir vegna slíkrar misbeitingar á
valdi. Heyrt hefi ég þó utan af mér,
að þingmaður okkar og ráðherra,
Halldór Blöndal, sé eitthvað að rétt-
læta gerðir samráðherra síns. Ekki
veit ég hvað satt er í því, en undar-
legt þykir mér að Halldór svarar
ekki kalli mínu um að hafa samband
við mig þó ég hafi komið þeim boð-
um örugglega til hans. Kannski vill
hann ekki ræða þessi mál við gaml-
an kunningja og stuðningsmann
vegna skoðanaágreinings. Best að
sigla lygnan sjó, Dóri minn.
Misboðið
í framangreindu máli er réttlæt-
iskennd minni svo misboðið, að ég
á erfitt með að halda vöku minni
sem sjálfstæðismaður. Þó svo ég
hafi ekki alltaf verið uppnæmur fyr-
ir víxlsporum samflokksmanna
minna, er þessi embættisveiting með
því versta sem ég hefí séð, og er
þó ýmsu misjöfnu til að jafna sam-
an. Hafi hún haldið vöku fyrir ráð-
herra frá miðjum júlí til ágústloka
er það vel, þó ég óski honum ekki
að vera andvaka allt sitt líf eins og
Hræreki í Kálfsskinni.
Af minni hálfu er máli þessu ekki
lokið. Hvert framhaldið verður ræðst
af ýmsu, þ. á m. svari ráðherra, sem
ég kref um skriflegan rökstuðning
fyrir umræddri stöðuveitingu og
höfnun á Ólafi Ásgeirssyni sem
mælt var með í stöðuna eins og fram
hefur komið. Ég vænti þess að þau
blöð, sem taka grein þessa til birting-
ar, gefi ráðherra rúm fyrir svargrein.
BJARNIBJARNASON,
Lerkilundi 1, Akureyri.
WoWcEss
Model námskeið
CLUB DANS
Ný spennandi námskeið sem efla þig á líkama og sál í skóla eða starfí.
6-9, 10-12, 13-15, 16-20 ára.
Club dans
Ganga
Pósur
Sjaltsvorn
Snyrting
Förðun
Hár
Líkamsrækt
Kvikmynda-
leiklist
Framsögn
Sjálfstyrking
Markmið: Að þátttakendur komi af námskeiðinu
sem sterkir og sjálfstæðir einstaklingar.
Fagfólk:
BOURJOIS
FAU THERMALE
Avéne
Fydís Eyjólfsd, modelkennari - hárgreiðsla.
Dísa Jónsdóttir, danskennari - líkamsrækt.
Gréta Hoða förðunarineistari.
Eva Lísa Ward, kvikmyndagerðarmaður - ljósmyndari.
Jón Einars. Gústafsson, lcikstjóri.
SEBASIIAM
Jóhann Ingi Gunnarsson, sálfræðingur. Innritun liafin í símum 553 5000, 553 0000.