Morgunblaðið - 10.09.1995, Blaðsíða 4

4 C SUNNUDAGUR 10. SEPTEMBER 1995
MORGUNBLAÐIÐ
Röskur og snúningalipur
Volkswagen Passat
NÝLEGA sýndi Volkswagen
umboðið, Hekla hf., fram-
boðið á nýju bílunum frá
Volkswagen og þar gat að
líta nýjan-gamlan kunningja
- Passat. Hann hefur ekki
verið mikið á ferðinni hér-
lendis undanfarið þar sem
verðið hefur ekki þótt hæfa
íslenskum markaði en nú
hafa forráðamenn umboðs-
ins og verksmiðjanna náð
saman og í boði eru stallbak-
ur og langbakur á rúma 1,8 og -
1,9 milljónir króna, bílar með
tveggja lítra röskri vél og allmikl-
um búnaði. Passat er meðalstór,
fimm manna, framdrifínn og rúm-
góður fjölskyldubíll og verður
langbaksútgáfan tekin til skoðun-
ar hér í dag en hún kostar kr.
1.948.000.
Passat er nokkuð laglega hann-
aður, með fremur voldugum fram-
enda þar sem aðalluktir og luktir
í stuðara leika aðalhlutverkið en
grillið með áberandi Volkswagen
merki er fremur lítið. Framendan-
um hallar niður á við og gerir það
bílinn talsvért rennilegan. Hlið-
arnar eru sléttar og felldar með
nokkuð breiðum hliðarlista og að
aftan eru einnig allstórar luktir
og verklegur stuðari. Allar rúður
eru stórar. Afturhlerinn opnast
uppávið og nær vel niður á stuð-
ara og er allur umgangur með
vaming þar auðveldur.
HÆGT er að draga mottu
yfir farangursrýmið og er
það í aðra röndina fremur
hvimleiður búnaður en getur
vissulega verið hagnýtur.
Röskur
Rúmgóður
Lipur
Verðið
INNRI frágangur er bæði vandaður og smekklegur. Vel er
búið að ökumanni og farþegum og rými feikinóg.
LUKTIRNAR leika aðalhlutverkið í framendanum.
Traustur og rúmgóður
Að innan er allt með traustlegu
yfírbragði og frágangur með
ágætum. Framsætin eru góð,
styðja vel við á hliðum og er
hægt að breyta halla og hæð öku-
mannssætis auk hinna venju-
bundnu stillinga. Mælaborð er
stórt og voldugt, nokkuð hefð-
bundin uppsetning á hraða- og
snúningshraðamælum og þriðja
hringlaga mælaskífan er vatns-
hita- og bensínmælar og klukkan
neðst í henni. Þarna eru líka nauð-
sýnleg aðvömunarljós. Ljósarofí
er vinstra megin við stýri, þurrku-
rofí í armi hægra megin og þeim
megin em einnig hringlaga mið-
stöðvarrofamir, rofar fyrir raf-
magnsrúður og hita á afturrúðu,
útvarpsstæðið og fleira. Nóg er
af litlum hólfum í hurðum og
milli framsæta auk ágætlega stórs
hanskahólfs.
Eins og fyrr segir er allur þessi
frágangur traustvekjandi og öku-
maður finnur til öryggis- og þæg-
indatilfínningar strax og hann
sest undir stýri og er því fljótur
að ná áttum. Hann getur komið
sér fyrir við stýrið eins og honum
best fellur og rými er nóg til allra
átta og á það reyndar við um öll
sætin því Passat er með eindæm-
um rúmgóður á alla vegu. Þá er
hann búinn þessum venjulegu
þægindum sem em nánast staðal-
búnaður í bílum af meðalstærð,
svo sem samlæsingum, rafstilltum
rúðum og speglum og síðan hefð-
bundnum öryggisbúnaði svo sem
öryggisbeltum með strekkkjuram
pg styrktarbitum í hliðarhurðum.
í útgáfunni sem hingað kemur er
hann þó ekki með hemlalæsivöm
eða líknarbelg enda færi verðið
þá vel upp fýrir tvær milljónimar.
Hörku vlðbragð
Vélin er tveggja lítra, fjögurra
strokka og 115 hestöfl, sæmilega
hljóðlát en geysi snörp. Rífur hún
bílirm hörkuvel af stað í viðbragði
og vinnur feikn vel í öllum gírum.
Er snerpan næstum því með ólík-
indum og næsta auðvelt að spóla
á malbikinu nánast án þess að
menn ætli sér. Er þessi röska vél
tvímælalaust aðal kostur bílsins
og gefur honum mjög verðmæta
eiginleika í akstri á þjóðvegi, ekki
síst ef hann er vel hlaðinn farþeg-
um og varningi. Er vandræðalaust
að knýja bílinn úr sporunum upp
Kambana án þess að skipta um
of og án þess að verið sé að pína
hann. Þá er bíllinn líka mjög snún-
ingalipur og þægilegur viðskiptis
í þéttbýlinu og auðvelt að snúa
honum og skaka eins og þörf kref-
ur þegar þrengsli em annars veg-
ar. Auk snerpunnar er þessi sér-
staka lipurð annað aðalsmerki
þessa bíls sem er samt þetta stór.
Fjöðrun er ágætlega mjúk og
skilar bílnum án hliðarskriks jafn-
vel á allgrófum og holóttum veg-
um og má hiklaust telja Passat í
flokki rásfastari bíla. Það sem
helst tmflar í langkeyrslu er vél-
Volkswagen
Passatí
hnotskurn
Vél: 2,0 lítrar, 4 strokkar, 115
hestöfl.
Framdrifínn.
Fimm gfra handskipting.
Fimm manna.
Vökvastýri - veitistýri.
Lengd: 4,95 m.
Breidd: 1,72 m.
Hæð: 1,44 m.
Hjólhaf: 2,62 m.
Þyngd: 1.260 kg.
Beygjuþvermál: 10,7 m.
Stærð farangursrýmis: 465
1 og 1.5001 þegar sæti em
lögð niður.
Hámarkshraði: 190 km/klst.
Hröðun úr kyrrstöðu í 100 km
tekur 12 sekúndur.
Bensíneyðsla: 11 líþéttbýli,
6,31 á jöfnum 90 km hraða.
Rafdrifnar rúðurvindur.
Rafstilling hliðarspegla.
Samlæsing.
Þurrka og sprauta á aftur-
rúðu.
Útvarp með segulbandi.
Staðgreiðsluverð kr.:
1.948.000.
Umboð: Hekla hf., Reykjavík.
arhljóðið ef bílnum er lengi ekið
á talsverðum snúningi en góð ein-
angmn útilokar vegarhljóð ágæt-
lega.
Spurnlng um verð?
Verðið sjálfsagt erfiðasti hjall-
inn: 1.828 þúsund krónur fyrir
x stallbakinn og kr. 1.948.000 fýrir
langbakinn sem var prófaður. Það
má ekki meira vera og er eini
galli bílsins því þrátt fýrir að
Heklumenn hafí náð því niður
fyrir tvær milljónir er það í hæsta
lagi ennþá. Og ef menn kjósa
sjálfskiptingu hækkar það um 158
þúsund krónur. Hafa verður líka
í huga að ekki er mjög langt í
að Passat verði boðinn í nýrri
útgáfu - hann er með öðmm orð-
um að eldast - en hann eldist þó
vel og sýnir engin þreytumerki.
Og víst er að Passat á sína aðdá-
endur hérlendis og þeim og fleir-
um er öllu óhætt því hér er á ferð-
inni vandaður bíll, sérlega rúm-
góður og viðbragðsfljótur og á
allan hátt hinn skemmtilegasti
vagn. Með honum fá menn þvi
mikið fyrir fjárfestinguna og
ánægju við aksturinn í kaupbæti.
■
Jóhannes Tómasson
Morgunblaðið/Ámi Sæbcrg
VOLKSWAGEN Passat er allstór og sterklegur bíll, búinn kraftmikilli vél og ýmsum þægindum.