Morgunblaðið - 12.09.1995, Blaðsíða 9

MORGUNBLAÐIÐ
ÞRIÐJUDAGUR 12. SEPTEMBER 1995 B 9
KNATTSPYRNA
Vialli og Baggio sýndu
hvers þeir eru megnugir
Miðheijamir Gianluca Vialli og
Roberto Baggio voru í sviðs-
ljósinu í liðinni viku vegna óánægju
þeirra en um helgina sýndu þeir
hvers þeir eru megnugir með því
að tryggja liðum sínum sigra í ít-
ölsku deildinni.
Vialli tilkynnti fyrir helgi að
hann léki ekki framar með landslið-
inu vegna framkomu landsliðs-
þjáifarans í sinn garð og fylgdi
orðum sínum eftir með tveimur
mörkum í 4:0 sigri Juventus gegn
Piacenza. Þessi krúnurakaði mið-
heiji kom liði sínu á bragðið og
innsiglaði síðan öruggan sigur en
hann var maður leiksins. „Þetta var
svar sannkallaðs meistara," sagði
Marcello Lippi, þjálfari Juve.
Fabrizjo Ravanelli, sem gerði eina
mark Ítalíu gegn Slóveníu, fagnaði
þriðja marki sínu í deildinni að
þessu sinni.
Baggio
bjargvættur
Baggio bjargaði iiði sínu frá nið-
urlægingu með því að gera sigur-
markið á 85. mínútu í leik AC
Milan gegn nýliðum Udinese en
hann skoraði með skalla. Silvio
Berlusconi, eigandi AC Milan og
fyrrverandi forsætisráðherra Italíu,
var ekki ánægður. „Þetta er ekki
Milanliðið sem við stuðningsmenn-
irnir 'viljum sjá. Við viljum öruggan
sigur en þess í stað erum við á
nálum til síðustu mínútu."
Baggio var ekki í byijunarliði
Ítalíu í vikunni sem leið og var allt
annað en kátur með það en tók
gleði sína á ný eftir sigur AC Milan.
„Það er eðlilegt að maður reyni að
leggja meira á'sig en venjulega
eftir svo mikið umtal sem raun ber
vitni,“ sagði Baggio. „Markið til-
einka ég þeim sem hafa staðið vel
við bakið á mér að undanförnu."
Deilur Parma við Faustino Asp-
rilla virtust hafa áhrif á leik liðsins
en því tókst að vinna Inter 2:1 -
fyrsti sigur liðsins á tímabilinu.
Gianfranco Zola og Dino Baggio
skoruðu en Asprilla var hvergi sjá-
anlegur.
Leikmenn Cremonese og Sampd-
oria vöktu athygli í upphituninni
en þá mótmæltu þeir kjarnorku-
sprengingum með því að klæðast
árituðum bolum þess efnis.
Lazio er með sex stig eins og
Juventus og AC Milan en Giuseppe
Signore tryggði liðinu 1:0 sigur
Keuter
ARGENTÍIMUMAÐURINN Nestor Sensini hjá Parma með knöttinn í leiknum gegn Inter. Pað er
Massimo Paganin sem sækir að honum en enski landsliðsmaðurinn Paul Ince er í baksýn.
gegn Cagliari. Signore var vara-
maður hjá Ítalíu gegn Slóveníu en
gerði síðan sigurmark rétt eins og
Baggio. Þar með hefur Giovanni
Trapattoni ekki enn fengið stig sem
þjálfari Cagliari.
Glæsilegt mark
Tyrkneski landsliðsmaðurinn
Hakan Sukur opnaði markareikn-
ing sinn í deildinni og tryggði Tor-
ínó lTO sigur gegn Bari með glæsi-
legu skallamarki. „Ég hef alltaf
sagt að Hakan væri góður og hann
þyrfti aðeins að fá tilfinningu fyrir
því að vera heima,“ sagði Nedo
Sonetti, þjálfari Torínó, eftir fyrsta
sigur liðsins á tímabilinu.
Vicenza vann Fiorentina 1:0 og
var það fyrsti sigur liðsins á heima-
velli í efstu deild í 16 ár en það
vann sér sæti á ný á meðal þeirra
bestu sl. vor.
París SG komið með
fimm stiga forystu
PARÍS St. Germain er með fimm stiga forystu í frönsku deild-
inni þegar átta umferðum er lokið. PSG vann Mónakó 2:1 í hörð-
um leik i París um helgina og gerði Dely Valdes fimmta mark sitt
í síðustu fimm leikjum PSG.
Mónakó sýndi að liðið á eftir að veita PSG harða keppni í
baráttunni um titilinn. Valdes skoraði um miðjan fyrri hálfleik
en eftir það réð Mónakó ferðinni. Brasilíumaðurinn Sonny Ander-
son jafnaði fjórum mínútum síðar en þrátt fyrir þunga sókn var
það PSG sem skoraði gegn gangi leiksins. Laurent Fournier var
þar að verki á 41. mínútu eftir gagnsókn.
Meisturum Nantes hefur ekki gengið eins vel en þeir töpuðu
4:1 fyrir Bastia. Króatinn Anton Drobnjak gerði tvö mörk fyrir
heimamenn.
Real
Madrid
skellt
heima
BILBAO skaust óvænt á toppinn
í spænsku deildinni með 2:1 sigri
gegn Real Madrid á Santiago
Bernabeu leikvanginum um helg-
ina en eina huggun heimamanna
var að Barcelona náði aðeins 2:2
jafntefli heima gegn nýliðum
Merida. Þetta var fyrsta tap Real
á heimavelli í tvö ár og 79.000
áhorfendur áttu ekki von á því
en liðið var óheppið. Heimamenn
áttu leikinn, sköpuðu sér mörg
góð marktækifæri, að því er virt-
ist augljós vítaspyrna var tekin
af þeim og fjórum sinnum bjarg-
aði markramminn gestunum.
Ivan Zamorano frá Chile var
eini erlendi leikmaðurinn af
fimm i liði Real og hann skallaði
boltann í stöng undir lok tilþrifa-
lítils fyrri hálfleiks. Yfirburðir
heimamanna báru árangur fljót-
lega eftir hlé þegar hinn 18 ára
Raul Gonzalez skoraði með
skalla og Zamorano og Fernando
Hierro fengu tækifæri til að inn-
sigla sigur en sláin bjargaði gest-
unum eftir að fyrrnefndir leik-
menn höfðu skallað að marki.
Þegar 11 mínútur voru til leiks-
loka jafnaði Bilbao gegn gangi
leiksins og var Joseba Etxeberr-
ia, sem er 18 ára og dýrasti
spænski leikmaðurinn, þar að
verki. Undir lokin skaut vara-
maðurinn Juan Esnaider í slá hjá
Bilbao sem sneri vörn í sókn og
varamaðurinn Jose Ziganda
skoraði í hitt markið.
Atletico Madrid vann Racing
Santander 4:0 og er í efsta sæti
með betri markatölu en Bilbao,
Espanol og Compostela. Búlgar-
inn Lyuboslav Penev gerði fyrsta
markið úr vítaspyrnu skömmu
eftir hlé og spænski landsliðs-
maðurinn Jose Caminero bætti
öðru marki við tveimur mínútum
síðar. Argentíski leiksljórnand-
inn Diego Simeone skoraði fimm
mínútum fyrir leikslok og Penev
gerði fjórða mark sitt á tímabil-
inu þegar mínúta var eftir af
leiknum. Tveir leikmenn Racing
fengu að sjá rauða spjaldið.
Compostela kom á óvart og
vann Deportivo Coruna 4:0. Bras-
ilíumaðurinn Fabiano skoraði í
hvorum hálfleik en Jose Ramon
og Ohen lögðu einnig sitt af
mörkum.
Portoá
sigurbraut
Meistarar Porto héldu áfram á
sigurbraut í portúgölsku
deildinni og unnu Chaves 2:0 um
helgina. Pólski miðheijinn Grzegorz
Mielcarski lék fyrsta leik sinn í
deildinni og skoraði með skalla fyr-
ir Porto á 29. mínútu eftir fyrirgjöf
frá Russel Latapi frá Trinidad.
Miðjumaðurinn Latapi innsiglaði
síðan sigurinn á 72. mínútu eftir
að Brasilíumaðurinn Edmilson Pim-
enta hafði skotið í slá.
Benfica gerði markalaust jafn-
tefli við Salgueiros sl. miðvikudag
og aftur varð liðið að sætta sig við
skiptan hlut á heimavelli þegar það
tók á móti Guimaraes. Nader Hass-
an skoraði fyrir heimamenn um
miðjan seinni hálfleik en varamað-
urinn Edinho Neto jafnaði á síðustu
stundu og var púað á leikmenn
Benfica í leikslok.
í framhaldi af þessari byijun
Benfica í deildinni sagði þjálfarinn,
Artur Jorge, upp starfi sínu í gær.
Enn einn hæfileikamaðurinn sem kemst ekki í enska landsliðið
Vil bara spila fyrir England
MATTHEW Le Tissier var mað-
ur leiksins í 1:0 sigri Southamp-
ton gegn Newcastle í ensku úr-
valsdeildinni á laugardag og eft-
ir leikinn sagðist hann ekki hafa
áhuga á að leika með öðru
landsliði en Englands. „Eg vil
bara spila fyrir England,“ sagði
hann, „og hef hvorki áhuga á
að leika fyrir Skotland, Wales
né annað landslið."
Terry Venables, landsliðs-
þjálfari Englands, virðist ekki
vera með Le Tissier í huga varð-
andi landsliðið en Bobby Gould,
þjálfari Wales, vill fá miðju-
manninn í sínar raðir. Le Tissi-
er, sem fæddist á Guernsey, hef-
ur leikið sex æfingalandsleiki
með Englandi en samkvæmt
reglum Alþjóða knattspyrnu-
sambandsins, FIFA, hefur það
ekki áhrif á rétt hans til að leika
með landsliði Wales, Skotlands
eða írlands. „Ég er Englending-
ur og ætla ekki að fara ein-
hverja auðvelda leið,“ sagði Le
Tissier. „Ég leik eðlilega eins
og ég hef gert í níu ár. Það er
það eina sem ég kann og mér
hefur ekki gengið svo illa til
þessa. Ég þarf ekki að sanna
neitt fyrir neinum — hef verið
markakóngur hér fimm sinnum
á síðustu sex árum.“
Venables sagði í liðinni viku
að hann hefði ekkert á móti því
að Le Tissier léki með Wales.
Ummæli hans rifjuðu upp deilur
á undanförnum áratugum þar
sem leikmenn sem hafa vakið
athygli fyrir einstaklingsfram-
tak og fjölbreytileika hafa orðið
að láta í minnijpokann fyrir bar-
áttumönnum. I því sambandi
hefur verið minnst á Glenn
Hoddle, Alan Hudson, Charlie
George, Rodney Marsli, Stan
Matthew Le Tissler
Bowles, Tony Currie, og Jackie
Milburn, sem voru allir hæfi-
leikaríkir knattspyrnumenn en
léku færri landsleiki en þeir áttu
skilið, að margra inati. Jafnvel
Stanley Matthews lék aðeins 54
landsleiki og var oft úti í kuldan-
uin þegar hann var á hátindi
ferils síns. Sagt var að einstakl-
ingsframtak hans riðlaði skipu-
lagi heildarinnar en síðar var
hann aðlaður fyrir frammistöðu
sina.
Kevin Keegan, Newcastle,
sagðist ráðleggja Venables að
velja Le Tissier. „Eg kann vel
að meta Le Tissier og trúi því
að pláss sé fyrir slíka léikmenn.
Ráðlegging mín til Venables er
að láta hann spila svo enginn
annar geti valið hann. Ég tæki
ekki hættuna á að missa hann
til Wales eða Skotlands því hann
er allt of góður til þess.“